الإفتراء على مدير التربية بالواد [الأرشيف] - منتديات الجلفة لكل الجزائريين و العرب

مشاهدة النسخة كاملة : الإفتراء على مدير التربية بالواد

alnajda

2012-08-31, 11:02

محدة عكاشة

2012-08-31, 11:13

حسب المنشور من جريدة الرسمية

خارج الولاية لا يحق له دفع الملف ما بالك النجاح

يوم الأحد سيكون مصيريا للوادي سيتم الزحف بالألف لتطهير المديرية من المرتشين و الأوباش

أما الوادي فهي لا تستفيد من السكن في الوادي فأكبر بناء تم في 2005 يقدر ب 2000 وحدة سكنية فقط

لم تنتهي الى الآن

ويقدر سكان الوادي بــــــــ 800 ألف نسمة عدد السكان

أما سطيف التي تقدر ب 2 مليون نسمة توزع عليها 10000 وحدة سكنية سنويا

يكفي تهميش السكن مكانش و زيد البطالة بركات

alnajda

2012-08-31, 11:16

عيا القذافي اعيط للزحف المقدس مجاشي حتى واحد

fatma1977

2012-08-31, 11:51

واش هو المشكل الى ما بينك وبين السوافة حتى تحقد عليهم كيما هكة

shakip39

2012-08-31, 11:58

سكان ولاية الواد فيها قريب ملبون نسمة كشما شوفتهم يريكلاموا على السكن نحن منحبوش الحقرة وبالأخص كي يولي براني

Brahim-dz

2012-08-31, 12:25

وش بيك تاكل في روحك ...ولا كش ما كلاولك السوافى....ياخي حامزين....انا نعرفهم فحول عليكم

حزن بحر

2012-08-31, 12:33

سوافة غدرو بي انا شخصيا
ربي يهدي ماخلق

salouh47

2012-08-31, 12:41

إلى عكاشة السلام عليكم جمعة مباركة في المنشور قالو الاولوية لأهل المنطقة ولكن غير حيث كل الناس جابو بطاقة الاقامة ولكن بعد ما نجحو المديرية شرطت عليهم شهادة الاقامة وليس بطاقة الاقامة بمعنى الامر أصبح صعب في توفير شهادة الاقامة لان الشهادة لازم تكون مقيم أكثر من 6 أشهر وهذا يصعب على المترشح البراني باش يوفرها لهذا مجرد رأيي كل واحد يلتزم ولايته وتحل المشكل شكرا والسلام عليكم رب يتقبل منا ومنكم جمعة مباركة

Brahim-dz

2012-08-31, 14:18

احكموا ولاياتكم و اخطيونا
اعطيك الصحه salouh47

safo@

2012-08-31, 14:59

رب يهدينا رانا بلاد وحدة القلقة نتاع المسابقة ما تقلبوهاش على بعض

amer46

2012-08-31, 15:15

يا خي جايح هذا نص منصبك بديت تدير كيما هكا لوكان الماركة نتاعك يعطوك رئيس جمهورية بالاك تصفي الشعب كل يا خي مريض ا,,,انا مانيش سوفي بصح انا نشجع كل من يحتج على حقو ويجيب حقو والى السوافة وجميع الجزائريين بمختلف الجهات بمختلف العادات والتقاليد ما تسمحش في حقك و لازم توقفو كل الى جانب بعضاكم و جيبو حقكم باه من المرة الجاية يحسبو الف الحساب للشباب الجزائري في كل شيء,,,,و ماتسمعوش كلام الناس المرضى هذ الغاية الوحيدة التقليل و تثبيط عزيمتكم ,,,,,فسر لي خويا نتا لي راك فايق للدنيا وجايب خبار كل شيء مدير يضرب واحد يحتج على حقو يكسرو وتقلي رمى روحو وضف الى ذالك ما يستقبلش المحتجين

مفيدة

2012-08-31, 15:26

malgito 7atta mawdou3 mohim fi denya ghir inkom tsebbo swafa yakhir marda yakhi

jemes16000

2012-08-31, 15:32

انا متأكد أن مدير التربية فرعون وصحيح داس المحتج وعليه اطلب من زملائه الوقوف معه ومعاقبة المتسببين

من رؤساء المصالح والمكاتب كنت اتابع من العام الماضي وكل عمال التربية بالوادي شكون مديرهم وحاشيته

buffy 23

2012-09-01, 09:52

انا سوفية...............ايا يزونا من العقن .......ارضو بالمكتوب تاعكم وشوفو واش ديرو وشمن احتجاج هدا ربي........كل واحد وش كتبلو ربي ....فيقو شوي ....والمدير لاباس عليه وصح هو اللي رمى روحو على السيارة تاعو.......

lilou f lilou a

2012-09-01, 11:39

خباز الدار ياكلو البراني
والفاهم يفهم

bilel07

2012-09-01, 11:56

والله عيب يرمي نفسوا على سيارة المدير من أجل إلغاء النتائج

أول من دار العنصرية في الجزائر جماعة الواد

منقبلوشي البرانية فيريفو الإقامة
أمننساوش في الجزائر وين نروحوا نلقاو سوفي يستفادوا من ديار في عنابة وفي الجزائر بالترافيك

إحوسوا كلشي حلال عليهم وحرام على الناس

أنا من أكثر الناس الي يعرفوا الواد

أراني نحلف والله والله غير كن نجحوا في واد سوف بجاوية وقستنطينية وباتنية ووهرانية

والله والله والله ميريكلاميو

الحسد في الدين إجيك غير من القريب منك

هذه الحقيقة وأنا الكلام الي في قلبي نقولوا

واش نقولك اخي اعرف من هم من الواد فتوا المسابقة هذا العام في تمنراست و رفضت ملفاتهم بسبب الاقامة بعدما كانوا متعاقدين لعدة اوعام هناك و السبب هو ان ولد بلادوا يحتج من ولايته على الاقامة يخي الدنيا سبب الذي ادى بالمسؤولين لوضع شهادة الاقامة هو احتجاج جراثيم الولاية التي تاتي بعد ولاية الجلفة في الرقم لا اريد حتى ذكرها عام 2011

عبدالعالي احمدا

2012-09-01, 12:05

المدير تاع الواد طاغية ولازم عقابه لأنه اعتداء على كل سكان الوادي بتصرفه هذا
يا أخي رانا في 2012 محتج سلميا لازمك تحترمه حتى لو لم يصبه فهي محاولة وألا حابين تقولوا ضربه كان كي يقتله
أما من يقولون ارضى بالمكتوب كي منجحتش والله لو كان جات بالقرعة وما خرجتش والله نقبلها لكن يقولوللك ها هو سلم التنقيط وما يعملوش بيه هذه مصيبة
أنا ماستر أدب عربي شاركت في الثانوي ولا أثر لإسمي
شاركت في الابتدائي كيف كيف والله لو كان بعطوني في الشفاهي -3بالناقص غير نخرج قبل أكثر من 20 واحد نعرفهم شخصيا تخرجوا هذا العام
الفائدة من الاحتجاج ليس حذف واحد من القائمة ولكن لايصال كلمتنا ولأجيال المسابقات القادمة
المرة هذه صراحة المسابقة كانت أكثر نزاهة من السنوات الماضية 60 بالمئة كانت نزيهة أردنا من هذا الاحتجاج باش المسابقة الجاية تكون أحسن منها على الأقل تكون 70 أو 15 بالمئة من غير معريفة لأن المعريفة ما راحش تتنح بهذه السهولة
بحول الله وقدرته بعد 5 أو 6 سنوات تتنح المعريفة إذا واصلنا هكذا

FIGHOULI

2012-09-01, 15:13

راك مريض .موسوس يا alnajda .شكون انت باش تصدر احكام على منطقة باكملها . انت ماتصلحش استاذ مستحيل .

vandam

2012-09-01, 16:19

لكل الناجحين في مسابقة الاساتذة بالوادي تعطي محاضر التعيين يوم 02/09/2012

fouzi0707

2012-09-01, 23:39

yak nous sommes tous des algerien pk li ja man wilaya okhra mahoch jazairi ?? yakhi fhama!!!