أكره زوجي [الأرشيف] - منتديات الجلفة لكل الجزائريين و العرب

مشاهدة النسخة كاملة : أكره زوجي

مشكلتي

2012-08-30, 13:43

السلام عليكم

انا متزوجة منذ عاميين تزوجت زواج جد تقليدي

لم اكن ارغب في الحب فكان لدي اعتقاد انه سيأتي مع العشرة لكني انتظرت و انتظرت,,,,,,,,,,,

صدقوني فأنا لا احتمله و لا استطيع التعامل معه

حاولت و مثلت على نفسي لكن بدون فائدة

هو صحيح ليس رومنسيا و له طبع قاسي

و لنا مشاكل كثيرة
بالاضافة الى اني مغتربة

الى انه مهما يكن له خصالا يحمد عليها
و احيانا احسه يسعى لارضائي

بصح نحس حياتنا ولات فيها جفاء كبير و هذا الامر زاد الطين بلة

معرفتش واش ندير

و خاصة ذرك مهوش خدام و يضال قاعد في الدار

ولييت منحملوووووووووووووش

ذرك راه عندي معاه ولد هو الامر لرانا نحكو عليه برك

و الى معندنا حتى رابط بيناتنا

ماتقولوليش حاولي حاولت بزاف

و مثلت و مزالت نمثل و دايما نقولو راني نحبك بصح ساعات نلقى الرد قاسي نولي نكره

قولولي واش نديييير

راني كرهت معيشتي

عاشق تراب بلادي

2012-08-30, 20:29

يا اختي هداكي الله كيف تقولين اكره زوجي و هو سندكي في هده الحياة
اولا وقبل ان تطرحي هده المشكلة اسئلي نفسكي لمدا اصبحت الحياة بينكما هكدا لمادا كل هدا الجفاء و البرودة هل هو تقصير منكي او منه
ادا كان تقصير منكي حاولي تتقربي منه اعرف مفتاح قلبه لان لكل رجل مفتاح ان عرفتيه ملكتيه حاولي تفتحي معاه مواضيع و ناقشيها معاه بدلي الروتين او حاولي تغيري من شكلك حتى تلفتي انتباهه يا اختي هناك عدة طرق و كل شيء بيدكي انتي وحدك
و اغلب الرجال صفتهم الجد و القسوة فقط انتي حاولي تتقربي منه و متكونيش بعيدة عليه
و مدام هو مراهش يخدم علاه متروحوش مع ابنكم تخرجو تحوسو و تغيرو الجو
يا اختي متخليش حياتك هكدا باردة رجعي الحرارة و الدفء لدارك و حاولي تشوفي الجانب الحسن من زوجك اكيد عندو صفات حسنة
متشوفيش للجانب السيء فقط
و هدا راجلك تاج راسك لازم عليك تحبيه و تحتارميه و تحطيه فوق راسك
ربما زوجك الان بحاجة ليكي و نتي الان قاعدة تتكلمي عليه هكدا

ملاحظة
انا تتحدث اليكي بصفتكي انتي المقصرة و انا لا اعلم حالة الطرف الاخر

ريمة14

2012-08-30, 20:34

ربي يفرج عليك ختي

**الفارسة الملثمة **

2012-08-30, 20:40

قبل كان زوجك الآن زوجك ووالد ابنك
يقول المثل اذا لم تجد المفقود احب الموجود
ليس كل اثنين متزوجين يربطهم الحب
الآن زوجك اصبح واقع و يجب التعامل معه
انظري الى ايجابيات زوجك و لا تنظري الى السلبيات
حاولي ان تبحثي معه على عمل فلربما عطله عن العمل
سبب هذا الجفاء لانه دائما معك
لا تنكري النعمة و احمدي الله عليها

أم معاذ أم معاذ

2012-08-30, 20:41

أولا لازم يسعى للعمل
ثانيا حلك ما تتفرجيش على المسلسلات و الأفلام
فهي بعيدة عن الواقع و ستؤثر على علاقتك بزوجك سلبا
استعيذي من الشيطان الرجيم

ما دام زوجك ليس به عيب عليك بالدعاء أن يجعلك زوجة صالحة له و أن يجعله زوجا صالحا لك

بتول8

2012-08-30, 20:45

الله غالب هادوهوما الجزايريين سي غاغ وين تلقاي الرومنس بعد الزواج
ادعي ربي و خلاص و وش حديري
و يا نسا ماكالاه كل خطرة نفس الهدرة لانو تكررت بزاف تاع اهتمي بروحك و ديري و و و
المراة دايرة الموحال عا الراجل حاولو تقنعو بلي هادو الجزايريين صح قلوبهم بيضا كالحليب بصح الاحاسيس الرقيقة رانا بعااااااااد بزاااااااااااف بزاف صدقوني

♥' سندس الفردوس ♥"

2012-08-30, 20:45

الله يهنيك اختي تمسكي بزوجك و عسى ان تكرهو شيئا و هو خيرا لكم

mayayasmine

2012-08-30, 21:06

ربي يهديك ويصلح حالك وكيما قالولك حوسي على الشيء لي خلاك ماتحمليش اب ولدك ايد اكيد كاينة حاجة خلاتك ما تشوفيش فيه وما تحمليهش صلي واطلبي ربي يصلح ما بناتكم ويبعد الشيطان عليكم ويسترها معاكم ومع الطفل لي بناتكم وترجعوا كيما الناس كامل لي هنيين طبعا
ربي يهنيك اختي وما تزيديش تقولي نكره راجلي على خاطر هدى كلمة واعرة وما تقدريش على معناها وربي يسامحك اختي الفاضلة واتمنى لكي ومن جميع لعندها مشكل في حياتها انها تحلو بالعقل ماشي بالكلام لي ماش باهي .

انانيس

2012-08-30, 21:09

يااختاه صبري واش رايحة تديري رايحة تخربي دارك وزيد راه عندك ولد من الافضل تصبري قالك ان مع الصبر فرج دعي ربي يفرج كربتك ويطيب بيناتكم ربي قادر على كلش وكيما قال ولا قال تاخت من قبل الرومنسية تقل بعد زواج ومانصيبوهاش عند جميع الناس كل واحد واش رزقو ربي نحمدوه على كلش ونصيحة شوفي للجانب الايجابي فزوجك ر بي يسهلك اختاه ويجمع على خير بيناتكم

ali rida

2012-08-30, 21:17

sarl02

2012-08-30, 21:20

خصك الهراوة باش ترجعي للطريق انت....بزوجك وابنك الله ابارك واش حبيتي كثر؟.

Alpa

2012-08-30, 21:33

!!rabi ikowen elkhir

loubna79

2012-08-30, 21:50

خصك الهراوة باش ترجعي للطريق انت....بزوجك وابنك الله ابارك واش حبيتي كثر؟.

الله يهديك على هذا الرد كاش مابقى هراوة :mad::mad:؟؟؟؟؟؟؟؟
وزيد كلمة طيبة تهدي بيها النفوس صدقة .ولا كعاد راجل كيم انت لازم تحكي هكذا؟؟؟؟؟؟؟؟الله يهديك مالقيت مانقول:confused::confused::confused:

alger1

2012-08-30, 21:54

السلام عليكم هناك الكثير اللواتي يعانين اكثر

السي محمد

2012-08-30, 21:57

خصك الهراوة باش ترجعي للطريق انت....بزوجك وابنك الله ابارك واش حبيتي كثر؟.

ممكن راها غايرة من العازبات الضايعات

تليفون بعد منتصف الليل و عمري و حبيبتي وكيفاش و توحشتك و نتلاقاو ووو

ممكن مشتاقة للسهرات الغرامية و الخرجات مثل نور و مُهند

و الغدا في البيتزيريا و القعدات في قاعات الشاي ووو

و ممكن ايضا يكون حنين للعزوبية و الله يعلم

========

الرجل الجزائري في غالب الاحيان لا يُصرح بحُبه

لكن يُعبر عنه بطُرق اُخرى

ابحثي في طباعه ستجدين تصرُف بيُظهر حُبه لك

said7026

2012-08-30, 22:01

نصيحتي هي تحملي في خاطر وليدك وحاولي ولا تيأسي عسى الله أن يأتى بالفرج

aweb

2012-08-30, 22:24

استعيذي من الشيطان الرجيم

abdel02

2012-08-30, 22:44

اصبري ولكي الجنة.

ibta

2012-08-30, 23:06

اختي انصحك تمسكي بزوجك راكي غالطة بزاف بزاف

sarl02

2012-08-30, 23:57

الله يهديك على هذا الرد كاش مابقى هراوة :mad::mad:؟؟؟؟؟؟؟؟
وزيد كلمة طيبة تهدي بيها النفوس صدقة .ولا كعاد راجل كيم انت لازم تحكي هكذا؟؟؟؟؟؟؟؟الله يهديك مالقيت مانقول:confused::confused::confused:

قراي ما بين السطور تفهمي كلامي مليح ...

sarl02

2012-08-31, 00:01

ممكن راها غايرة من العازبات الضايعات

تليفون بعد منتصف الليل و عمري و حبيبتي وكيفاش و توحشتك و نتلاقاو ووو

ممكن مشتاقة للسهرات الغرامية و الخرجات مثل نور و مُهند

و الغدا في البيتزيريا و القعدات في قاعات الشاي ووو

و ممكن ايضا يكون حنين للعزوبية و الله يعلم

========

الرجل الجزائري في غالب الاحيان لا يُصرح بحُبه

لكن يُعبر عنه بطُرق اُخرى

ابحثي في طباعه ستجدين تصرُف بيُظهر حُبه لك

والله راهم يخرجو وحد الخرجات الراس يحبس ...ديجا راك اتشوف بدارها وراجلها واوليدها واتقولك نكره زوجي ماشي تبهليل هذا ..والله الكرة الارضية راهي اتخلص من نساء كيما هذو.

YARMORACEN

2012-08-31, 00:15

المشاعر و الأحاسيس ليست بيدنا ، ما يمكنش واحد يقولك حب واحد تحبه أو تكره واحد تكرهه ، الله غالب
على كل حال ماركيش وحد في هد المشكل ، كاين بزاف لي متزوجين و عايشين كيفيك
يا إما تواصلي التمثيل ، يا إما تصارحي زوجك بواش قلتي بلاك قلبه يلين ، و من يدري ممكن ترجعي تحبيه ، يا إما أبغض الحلال .