مــصافحة المرأة للرجل !!

[عميروش الحر]

السلام عليكم خاوتي وخياتي ...

اليوم تفكرت حاجة في بالي ...( مصافحة الرجال للنساء )
تصرالنا توجور .. واحد يجو عندهم الضياف بالاك بنت خالتو .. بالاك بنت عمتو ولا اي وحدة من فاميلتو ماشي محرم.. يصافحها والعكس بالنسبة للبنات .. خاصة فالعيد .
ماشي غير فالعائلة حتى فالجامعة ولا مكان العمل واحد لما يدخل مرات للمؤسسة يصافح زميلاتو ...
بصح هي فالاساس هاد الشي حرام .. ونبهنا ونهانا عليه الرسول .
ولكن رغم ذلك ر غم معرفتنا نديروها .. وانا واحد من الناس نديرها .. كاين نساء مالفاميلية كبار عليا فالاعياد ولا كي نزورهم نصافحهم ...
و كاين ناس حتى يسلمو فالوجه وهاذ الشي ما شفتوش فقط عند الفاميلية ولكن حتى فالجامعة تجي وحدة وتبقى تسلم فالوجه على واحد وكأن شيء لم يحدث ...

http://a3.sphotos.ak.fbcdn.net/hphotos-ak-ash4/376783_402165819842925_1512654041_n.jpg

يعني تعرفو العقلية و تخيلو وحدة من العائلة ما شفتهاش عندك مدة و لما تجي مرة ما تصافحهاش ... (في بعض المرات يمدو وجههم ههههه شحال من مرة صراتلي ومالاحراج نسلم مكره ) راح تاخذ منك موقف وتقول هادك هاكدا وهاداك هاكدا ويبدى الحديث .........
كيفاش نعالجو هاد المشكل اعرف ان الجميع صرالو نفس الشيء
ونسيت حاجة تاني عدم مصافحة النساء في مجتمعنا معروفين بها الناس المتدينين (السلفيين او الملتحين ) وانا اصلا اول مرة شفتها كان عن طريق ابن خالي (ملتحي) ...
وهذا ما يخلق صورة في بال الناس ان فقط الملتحين لي ما يصافحوش اما الاخرون عادي ..
فهل انت تصافح ؟


شكرا
ارجو التفاعل مع الموضوع

[حكيـ الجَزآئِرِي ــم]

يا سي عميروش راه واعر الحال بزاف

المجتمع نتاعنا ما داها لا دين ولا دنيا

- أنا مرة فالعيد رحت عند خالي او ما سلمتش على بنتو

دارلي حالة : قالي علاه ما تسلمش عليها او تبالو بلي راني حاقرها

من هذاك النهار مزدتش روحت عندو حتى تزوجت هذيك الطفلة

- بنت عمتي ثاني ما سلمتش عليها نهار العيد ما زدتش هدرت معايا

مرت عمي قلتلها بلي التسلام على الوجه حرام

دارتلي درس فالأخلاق - في رأيها - أوقاتلي أنا لي ربيتك وانا ,,,,

المهم بزاف مواقف

ربي يهدينا هذا مكان

[MIWAKE]

عندما كنت في الثانوية كونت اصافح البنات لكن في الجامعة ولفت روحي ان لا اصافح البنات بل اقول صباخ الخير اختي او مساء الخير اختى..

[biti]

انا منصافحش في الثانوية لكن في الوسط العائلي مشكل كبير هذا كبير كي عمك وكى خالك و قس على ذالك

[تائبة الى ربها]

صح "مشكل عويص" كيما يقولو
أنا في المجتمع نتاعي ما نخالطش بزاف الذكور علابيها الحمد لله ما عنديش بزاف هذا المشكل, يعني كي كنت فالثانوية يعرفوني كامل ما نصافحش حتى كي يجو وين راني قاعدة يقولو صباح الخير عليكم من بعد يدورو ليا يقولو السلام عليكم كي الولاد كي البنات ههه كي شغل مانيش كيفهم بصح هاكداك خير
بصح كي يجي واحد جديد ما يعرفنيش يمد يدو, أحيانا كاش وحدة تقول لو هادي ما تصافحش و تمد لو يدها في بلاصتي وننفذ منها, و أحيانا كي نكونو بزاف مجموعين باش ما نخجلوش قدام كامل البنات كي حتى وحدة ما تهدر , نمدلو يدي ونقول لو هادي آخر مرة باش ما يعاودهاش و هو يدبر راسو
ودوكا راح ندخل للجامعة ,يعني مجتمع واحد آخر , راح يصعب عليا شوية نوالفهم بهاذ الشي,بصح راح ندخل و ما نهدر معا حتا واحد حتى يعرفوني كامل
المشكل الكبير راو فالعايلة, بابا انسان كبير شوية,لوكان يشوفني نرد يد تاع كاش واحد يخبطني فالحيط ,كي يجو عندنا , كي يكون انسان كبير فالعمر قدام بابا نمد لو يدي و هاكداك و يعيط و يقول " ما تحشميش قد جدك و ما تسلميش عليه" كي شغل يحسبها قلة احترام , علابيها وليت ما نخرجش ليهم كامل....نقعد فالدار من دون حجاب و كي يجو نقوللهم ستناوني نلبس الخمار نتاعي,نقعد ساعة ولا ساعتين و نخرج ليهم, ينساو كامل بلي ما سلمتش عليهم , و ما نسلمش لا على الرجال ولا على النسا هاكداك باش ننفذ منها
بصح أنا شايفتهم ما يفهموش كامل , نشوف بنات يمدو يديهم حتى للملتحيين و الولاد للبنات بالجلباب و يردوهم و هاكداك ويعاودو نورمال
الله يهدينا برك

[نرجس44]

السلام عليكم
صراحة هذا مشكل بل و مرض يصعب علاجه نحن البنات ايضا لا نحب ان يسلم علينا الشباب خاصة في الوجه و الله اكرهها و امقتها حتى من اقربهم في العائلة

[مسلم سني]

السلام عليكم
الصراحة أنا لا أصافح وفي بعض الأحيان أجد نفسي في مواقف محرجة لكن أحاول تجنب ذلك
قدر المستطاع
أما ما نراه في الجامعات من تصافح وأشياء أخرى
فأنا أرفضه بشدة لانه منافي لتعاليم ديننا
وهناك من يراه من باب الأخوة والزمالة
لهذا يسمح لنفسه بهاته التجاوزات
هذا رأيي
شكرا لك
احترماتي

[ahmed.zako]

نرجو من الاخوة فهم جيدا معنى الحديث الشريف لو رجعنا الى القران الكريم في عدة ايات وجدنا اللنمس بمعنى الجماع فمثلا عندما جاء جبريل الى مريم عليها السلام قالت كيف يكون لي غلام ولم يمسسني بشر وفي اية اخرى بمعنى الاية اذا جاء احدكم من الغائط اولمستم النساء فغتسلوا..... اذن هذه الايات جاء تحمل كلمة اللمس بمعنى الجماع وليس لمس بمعنى المصافحة والله اعلم

[sarl02]

والله كنت مهمل لهذا الجانب وقت فات بداعي ما فيها والو ونولامال الخ..لكن الان الحمد لله لا مصافحة ولا يحزنون سواء مع بنات الفاميليا او غيرهم ..السلام او صباح الخير من البعيد تكفي وزيادة.

[biti]

انا في الوسط الغير عائلي ميهمنيش ما نسلم ما نصافح بصح في العائلة و الله غير مشكل

[البرعم الندي]

هذه الضاهرة شفتها اول مرة في الجامعة وزيد ليس فقط المصافحة يسلمو تاني ويقولو هذا تسلام القدر كل صباح .

مي انا اكرة هدا الموقف

وهو بالنسبة الي تطياح القدر


بالنسبة الي الحمد معنديش مشكل لاني منخالطش الذكور

[hyoucef32]

نرجو من الاخوة فهم جيدا معنى الحديث الشريف لو رجعنا الى القران الكريم في عدة ايات وجدنا اللنمس بمعنى الجماع فمثلا عندما جاء جبريل الى مريم عليها السلام قالت كيف يكون لي غلام ولم يمسسني بشر وفي اية اخرى بمعنى الاية اذا جاء احدكم من الغائط اولمستم النساء فغتسلوا..... اذن هذه الايات جاء تحمل كلمة اللمس بمعنى الجماع وليس لمس بمعنى المصافحة والله اعلم

با اخي ليس في هذا الكون من هو اطهر قلبا من النبي صلى الله عليه وسلم وكان لا يصافح النساء

[حكيـ الجَزآئِرِي ــم]

نرجو من الاخوة فهم جيدا معنى الحديث الشريف لو رجعنا الى القران الكريم في عدة ايات وجدنا اللنمس بمعنى الجماع فمثلا عندما جاء جبريل الى مريم عليها السلام قالت كيف يكون لي غلام ولم يمسسني بشر وفي اية اخرى بمعنى الاية اذا جاء احدكم من الغائط اولمستم النساء فغتسلوا..... اذن هذه الايات جاء تحمل كلمة اللمس بمعنى الجماع وليس لمس بمعنى المصافحة والله اعلم


. عن أميمة بنت رقيقة أنها قالت : اتيت رسول الله صلى الله عليه و سلم في نسوة نبايعه على الإسلام ...... فقلن : الله ورسوله أرحم بنا من أنفسنا هلم نبايعك يا رسول الله ! فقال رسول الله صلى الله عليه و سلم : ( إني لا أصافح النساء ؛ إنما قولي لمائة امرأة كقولي لامرأة واحدة ) . ( صحيح )
- وفي رواية زاد في آخره : قالت : ولم يصافح رسول الله صلى الله عليه و سلم منا امرأة ( حسن )
لم يصح عنه صلى الله عليه و سلم أنه صافح امرأة قط حتى ولا في المبايعة فضلا عن المصافحة عند الملاقات

[عميروش الحر]

يا سي عميروش راه واعر الحال بزاف

المجتمع نتاعنا ما داها لا دين ولا دنيا

- أنا مرة فالعيد رحت عند خالي او ما سلمتش على بنتو

دارلي حالة : قالي علاه ما تسلمش عليها او تبالو بلي راني حاقرها

من هذاك النهار مزدتش روحت عندو حتى تزوجت هذيك الطفلة

- بنت عمتي ثاني ما سلمتش عليها نهار العيد ما زدتش هدرت معايا

مرت عمي قلتلها بلي التسلام على الوجه حرام

دارتلي درس فالأخلاق - في رأيها - أوقاتلي أنا لي ربيتك وانا ,,,,

المهم بزاف مواقف

ربي يهدينا هذا مكان






والله نفس الشيء .. شحال من مرة ما نحبش نصافح النساء لي كبار عليا بصح لما يمدو يديهم تبقى حاير كيفاش تدير .
الواحد لازم يدير اللحية ويلبس قميص باش ما يصافحش وخلاص (هكذا يفهموك)
والمشكل فالمجتمع تاعنا حاب الدين وحاب الدنيا بصح قالك" لي بغاهم قاع خلاهم قاع "
شكرا على المرور اخي

[عميروش الحر]

عندما كنت في الثانوية كونت اصافح البنات لكن في الجامعة ولفت روحي ان لا اصافح البنات بل اقول صباخ الخير اختي او مساء الخير اختى..


المشكل تاني راهو فالعائلة يعني بنت عمك ولا بنت خالتك ولا زوجة خالك ...الخ
يعني البحر من أمامكم والعدو من ورائكم أين المفر ؟ هههههههه
شكرا على المرور اخي

[عميروش الحر]

انا منصافحش في الثانوية لكن في الوسط العائلي مشكل كبير هذا كبير كي عمك وكى خالك و قس على ذالك

العم والخال عادي تصافحيهم حسب علمي لأنهم بمثابة الاب فقط ابنائهم وما الى ذلك ...
شكرا على المرور اختي

[عميروش الحر]

صح "مشكل عويص" كيما يقولو
أنا في المجتمع نتاعي ما نخالطش بزاف الذكور علابيها الحمد لله ما عنديش بزاف هذا المشكل, يعني كي كنت فالثانوية يعرفوني كامل ما نصافحش حتى كي يجو وين راني قاعدة يقولو صباح الخير عليكم من بعد يدورو ليا يقولو السلام عليكم كي الولاد كي البنات ههه كي شغل مانيش كيفهم بصح هاكداك خير
بصح كي يجي واحد جديد ما يعرفنيش يمد يدو, أحيانا كاش وحدة تقول لو هادي ما تصافحش و تمد لو يدها في بلاصتي وننفذ منها, و أحيانا كي نكونو بزاف مجموعين باش ما نخجلوش قدام كامل البنات كي حتى وحدة ما تهدر , نمدلو يدي ونقول لو هادي آخر مرة باش ما يعاودهاش و هو يدبر راسو
ودوكا راح ندخل للجامعة ,يعني مجتمع واحد آخر , راح يصعب عليا شوية نوالفهم بهاذ الشي,بصح راح ندخل و ما نهدر معا حتا واحد حتى يعرفوني كامل
المشكل الكبير راو فالعايلة, بابا انسان كبير شوية,لوكان يشوفني نرد يد تاع كاش واحد يخبطني فالحيط ,كي يجو عندنا , كي يكون انسان كبير فالعمر قدام بابا نمد لو يدي و هاكداك و يعيط و يقول " ما تحشميش قد جدك و ما تسلميش عليه" كي شغل يحسبها قلة احترام , علابيها وليت ما نخرجش ليهم كامل....نقعد فالدار من دون حجاب و كي يجو نقوللهم ستناوني نلبس الخمار نتاعي,نقعد ساعة ولا ساعتين و نخرج ليهم, ينساو كامل بلي ما سلمتش عليهم , و ما نسلمش لا على الرجال ولا على النسا هاكداك باش ننفذ منها
بصح أنا شايفتهم ما يفهموش كامل , نشوف بنات يمدو يديهم حتى للملتحيين و الولاد للبنات بالجلباب و يردوهم و هاكداك ويعاودو نورمال
الله يهدينا برك

الله يـــبارك اختي ...
فالثانوية والجامعة الامر عادي جدا كي ما تصافحيش واحد ما يسالك ,المهم نتي ترضي في ربي ...
المشكل فالعائلة يجي واحد كبر عليك .. مثلا زوج عمتك او... وما تصافحيش يأخذ نظرة سلبية ويقول هاذي ما تحتارمش
وتفكرت مرة شفت في احدى ليالي القدر فتاة ملتزمة حافظة للقرأن راح يكرمها بوتفليقة .. والله ما حبت تمدلو يدها مع انو هو لي مد يدو الاول ولكن خلاتو هاكذا الى ان طلب منها احد الشيوخ الحاضرين تما انها تصافو وصافحاتو مكرهة ...
المهم ربي يهدينا .. وخلاص
شكرا على المرور العطر

[عميروش الحر]

السلام عليكم
صراحة هذا مشكل بل و مرض يصعب علاجه نحن البنات ايضا لا نحب ان يسلم علينا الشباب خاصة في الوجه و الله اكرهها و امقتها حتى من اقربهم في العائلة

التسلام في الوجه شيء مفروغ منو .. ولا احب ابدا كي تجي وحدة مالعائلة وتمدلي وجهها باش نسلم حتى لو كانت كبيرة عليا بأعواااااام .. بيناتنا خالتي فالعيد وما نسلمش عليها نغافرها غير بالمصافحة .. فما بالك بمن هي قرينتي في العمر
ربي يهدينا ان شاء الله
شكرا على المرور اختي

[عميروش الحر]

السلام عليكم
الصراحة أنا لا أصافح وفي بعض الأحيان أجد نفسي في مواقف محرجة لكن أحاول تجنب ذلك
قدر المستطاع
أما ما نراه في الجامعات من تصافح وأشياء أخرى
فأنا أرفضه بشدة لانه منافي لتعاليم ديننا
وهناك من يراه من باب الأخوة والزمالة
لهذا يسمح لنفسه بهاته التجاوزات
هذا رأيي
شكرا لك
احترماتي



الواحد لازم تكون عندو جرأة كبيرة ...
يعني واحد يمدلك يديه وانتا تحرقو صعبة شوية ... ولكن بمرور الوقت راح يتعود ذاك الشخص
شكرا على المرور

[عميروش الحر]

والله كنت مهمل لهذا الجانب وقت فات بداعي ما فيها والو ونولامال الخ..لكن الان الحمد لله لا مصافحة ولا يحزنون سواء مع بنات الفاميليا او غيرهم ..السلام او صباح الخير من البعيد تكفي وزيادة.

الله يبارك اخي وان شاء الله راح ندير كيفك
نولي لا مصافحة ولا هم يحزنون
ولي حب يزعف يزعف
شكرا على المرور اخي

[عميروش الحر]

انا في الوسط الغير عائلي ميهمنيش ما نسلم ما نصافح بصح في العائلة و الله غير مشكل

هذا هو ما كنت اقوله شوية صعيبة ولكن .. كل شيء على الشخص لازم تفهميهم وكي والفو ما يزيدوش يمدو يدهم ..
شكرا على المشاركة اختي

[عميروش الحر]

هذه الضاهرة شفتها اول مرة في الجامعة وزيد ليس فقط المصافحة يسلمو تاني ويقولو هذا تسلام القدر كل صباح .

مي انا اكرة هدا الموقف

وهو بالنسبة الي تطياح القدر


بالنسبة الي الحمد معنديش مشكل لاني منخالطش الذكور

فالجامعة نشوف العجب كيفاش يسلمو فالوجه وما يحشمو ما والو اخخخخخخخ
والله غير نيشان تطياح قدر راجل بشلاغمو يسلم على مراة فالوجه ماجاياش قاع ...
شكرا على المرور

[مسلم سني]

الواحد لازم تكون عندو جرأة كبيرة ...
يعني واحد يمدلك يديه وانتا تحرقو صعبة شوية ... ولكن بمرور الوقت راح يتعود ذاك الشخص
شكرا على المرور
السلام عليكم
صح باه تحرقو والله ي صعيبة
لكن الأدهى في الأمر أنك تجد أحيانا
الفتاة هي من تتقدم بغية مصافحتك
في حين تكون أنت المتهرب
الله يهدينا وثبتنا على الهداية يارب

[ايمان نور الجزائر]

لما كنت ادرس الحمد لله لما يجي اي واحد يمو يدو من الزملاء والاساتذة اعتذر
باني لا اصافح ومايهمنيش اذا زعفوا او لا ...
لكن في العائلة احيانااا يصبح هذا مشكل ف عندي عائلة والدي مثلا الشباب
تتلاقاهم من اولاد عم وعمة يصافحو وكاين حتى لي يسلم ...يعيووووووو
احيانا اظطر لمصافحتهم لانو مرات اعتذر لكنهم يكرروا نفس الشيء يمدو يدهم
لكن بعكس عائلة امي شباب العائلة وحتى ازواج خالاتي ناس ملتزمين والحمد لله
يكتفون بالقاء التحية والسؤال عن الحال وما يديرولناش احراج

[سفير الأيام]

الحمد لله مع الزملاء في العمل او الوسط الخارجي بصفة عامة انا حازم في هدااا الأمر ارفض رفضا قاطعا مصافحة المرأة


بالرغم من عدم تقبلها للكثيرين


لكن مشكلتي في العائلة خالاتي وبنات أعمامي والأهل ككل


لم اقدر على فعل شيء لأن الكلام الزائد قد يصيبك بالجنون

[biti]

العم والخال عادي تصافحيهم حسب علمي لأنهم بمثابة الاب فقط ابنائهم وما الى ذلك ...
شكرا على المرور اختي
لا اقصد العم و الخال وانما كبار العائلة بمثابة العم و الخال

[7anine 87]

مشكل كبير فى التانوية دارهالى واحد وخليت يدوا شايحة غاضنى بصح الدنيا كون تتنازل مرة تبقى تتنازل ديما بصح مرة اخرى تحتمت على وماقدرت ندير والوا فى الجامعة ما خلطتش الرجال يعنى مكانش مشكل اما المشكل الاكبر هو العايلة مرة تلقيت مع ولد عمى وعمبالى بلى سلفى صح ماهوش ملتحى ولكنو متدين فقلب روحى كى ما نسلمش اكيد يفهم جانى ودارلى محاضرة فى الاخلاق يعنى ما لقيت وش ندير ربي يهدينا

[خولة لبابة]

شكرا أخي على الموضوع............و لله هذه هي مشكلتي التي تقلقني كثيرا.......فأنا مثلا في الأعياد .....ابناء العم و ابناء الخال....أصافحهم جميعا باليد و هكذا يغضبون عليّ فما بالك بعدم مصافحتهم أبدا......باليد يغضبون فما بالك بالعدم......و لله تشاجرت يوم العيد مع ابن عمي لانني صافحته فقط باليد.....و آخر يقول لي يا فلال انا ابن خالكي يعني خالكي.......و لله مشكلة حيرتني.....كثيرا امام الاقارب.....أما في الثانوية لا اصصافح الزملاء فهم يقدرون حجابي و التزامي اما الاقرباء مشكلة......كان الله معنا جميعا.....