أين يقام العرس

[مشكلتي]

السلام عليكم

مار ايكم في شخص ما اهله يسكنون في تلمسان و يعمل في منطقة بعيدة جدا العاصمة و مستقر فيها بسكنه لوحده اراد الزواج بفتاة من العاصمة لو كنتو في مكانه تقيموا الحفل في العاصمة ام تلمسان علما ان الفتاة مصرة تعمله في العاصمة لان تلمسان بعيدة جدا و السفر بالنسبة للعروس سيكون متعب جدا ارجو منكم ان تعطونو رايكم في الموضوع لا تقولو لي اساليه انا جيت هنا باش تعطوني رايكم نتوما

[aissam .3820]

عرس الراجل وسط اهلو وصحابو...
...

ليلة لعائلتها وليلة لعائلتك...

..

ومن بعد استقل في دارك..

..

..

[الفرحة معكم]

من المفروض العرس يكون في تلمسان وجيبك بالطبع و الشان

[ناصرالدين الجزائري]

السلام عليكم
...............علما ان الفتاة مصرة تعمله في العاصمة لان تلمسان بعيدة جدا و السفر بالنسبة للعروس سيكون متعب جدا ...............

رأيي بسيط جدا
العروسة فكرت في نفسها و مشقة تنقلها من العاصمة الى تلمسان و لم تفكر في مشقة تنقل كل عائلة العريس علما أن الشيوخ و العجائز و من يملك أطفال كثيرون قد لا يحظرون العرس ...
الحل
تضرب وحدة رادبول تنسيها في مشقة الطريق خاصة أن اليوم هناك الطريق السيار شرق غرب و في ثلاث ساعات تكون في عين المكان .. لكن عائلة العريس لا يمكن أن نوفر لهم سيارة تليق بالرحلة و منهم من لا يملك حتى سيارة .

شخصيا لو كنت مكانه و سمعت مثل هذا الكلام فوالله ما أتممت هذه الزيجة .. فالبنت تفكر في مصلحتها الضيقة و ماذا ستفعل حين يطلب منها زوجها أخذها لزيارة أهله في تلمسان .. هل ستقول له اذهب وحدك اني ها هنا قاعدة أم ستقول له ادعوا أهلك ليزورونا بدل التنقل إليهم ...

اذا كانت البنت أحد اقارب فمن المستعجل نصحها بأن تفكر بوعي .. و اذا كان العريس هو الاقرب فيجب نصحه بأن يفكر بجدية في هذه الزيجة .. فهي لا تبشر بخير

هذا رايي الشخصي و الله تعالى أعلم

[فتـ حييةـاة]

في تلمســــــــــــــــــــــــــان

[abdel02]

نورمالمون....انت الراجل إدا مانيش غالط.
الا نجحت في إقامة العرس في العاصمة فابشر
بأيام سوداء معها
مانقلكش خالف من اجل المعارضة
ولكنها تصر ...كاين بزاف اللي خير منها
وربي معاك.

[أم احمد3]

الاحسن انت تجبها وليس هي تديك
فيما بعد السكن تشبع العاصمة

[imene12]

تفاهمو و ديرو نهار في تلمسان و نهار في العاصمة و عااااادي في بلااااااادي

[الواثق]

الامر بسيط حاول ان توفر سكنا لاهل العروس قبل شهر او اقل في تلمسان وتقيم عرسا في تلمسان وكانك تزوجت من تلمسان والزوجة تكون مرتاحة وانتهى الامر

[الجواهر]

في سكيكدة العروس تحتفل بعرسها مع اهلها في بيتها و العريس يحتفل بعرسه مع اهله
ديرو كيما السكيكدية تحتفل العروس بعرسها مع اهلها و ثاني يوم او بعد اسبوع كما تتفاهمان تنتقل معك الى تلمسان و احتفل بعرسك هناك
و اسمحلي نقولك المراة الي تدي راجل و الا الراجل الي يدي المراة؟
وهذه المراة التي لا تحتمل السفر الى بيت اهلك كيف ستعيش معك هل ستقاطع اهلك ؟؟
اذا كانت لا تحب السفر لم قبلت بك ؟؟

[قطر الندى48]

العرس في تلمسان نورمالمون

عند اهل الراجل و ناسو

و ممبعد يرجع للعاصمة لخدمتو و دارو

كيفاش انتي ماتقدريش تروحي؟

و هو يجيب اهله ليك؟ هنا ماكانش مشقة؟ولا باغية يحضر واحد و 10 لا

فكري بعقلك و اتقي ربي

و شوية لوجيك اختي

بلبركة عليكم

و ربي يهنيكم

[mazola.]

فتلمسان هدي ما فيها حتى نقاش العرس دايما يندار في دار الراجل و العروس تروح لدار اهلو سير و مبعد يديها لدارو فالعاصمة

[saadi-2008]

تضرب وحدة رادبول

اضرار مشروب الطاقه ريد بول

http://www.youtube.com/watch?v=Y-8y3i6KlB8

[سوسو الطموحة]

علاه راكم تكبرو في الحالة ....صرات بزاف يديرو على مرتين مرة يجو اهل الزوج surtout كي يلقاو دار وين ينحو تعب الطريق مثلا يوصلو الصباح يتغدوا ومن بعد لعشية يديروا الخاتم وغدوة يروحو ....وعلى الاسبوع الثاني تكون لعروسة وجدت حوايجها نحاو التعب تاع العرس في دارهم تتفرز وتتنظم من بعد يدو بنتهم ...ويلاقيوهم بيت الزوج في اقرب مكان يكملو معاهم الطريق ويجيبوها ....هكذا مايغضب حتى واحد
المهم يروحوا الاقربون فقط 4او5 فقط من جهتكم او من جهتهم

[ليلى الأمل]

السلام عليكم

مار ايكم في شخص ما اهله يسكنون في تلمسان و يعمل في منطقة بعيدة جدا العاصمة و مستقر فيها بسكنه لوحده اراد الزواج بفتاة من العاصمة لو كنتو في مكانه تقيموا الحفل في العاصمة ام تلمسان علما ان الفتاة مصرة تعمله في العاصمة لان تلمسان بعيدة جدا و السفر بالنسبة للعروس سيكون متعب جدا ارجو منكم ان تعطونو رايكم في الموضوع لا تقولو لي اساليه انا جيت هنا باش تعطوني رايكم نتوما



عجبا

كان تلمسان في اخر الكون

والعاصمة في قارة اخرى

الناس دير تلمسان العاصمة دهاب اياب في نفس اليوم

يااخي عرسك مع اهلك وناسك

[nasser26]

تقلبت الحكاية تاني؟؟؟؟؟

[أم عبد النور]

تلمسان مشي بعيدة بزااااااااااف على العاصمة

وبزاااااااااف عاصميات تزوجوا في تلمسان وأقاموا

العرس في دار الراجل عاااااااادي طلبي ربي يكمل

بخير وتكوني زوجة صالحة ان شاء الله

[**الفارسة الملثمة **]

حاجة باينة حنونة في تلمساااااااااان .... تديري عرس يوم ليك في العاصمة بعدها تسافري ليهم

مكان حتى عاقل راح يقولك في العاصمة هو اللي تزوجك مش أنتِ

[Golden Princess]

العرس نورمالمون بين الاهل و الاقارب يعني من المفروض يكون في تلمسان

ربي يسهل

[amiramira2012]

الف مبروك أولا

دير العرس بين اهلك تفرح والديك و اقاربك

العروس هي التي تتنقل و ليس العكس

تلمسان ليست في اخر الدنيا هناك نساء تنقلن من اقصى الشرق الى اقصى الغرب


ربي يوفقك و يرزقك بالذرية الصالحة

[soso sirin]

باينة تلمسان و هاذي مافيهاش نقاش الا اذا كانت الطفلة كارهة مالين الطفل و زيد المسافة ماشي بعيدة بيناتهم و هي نهار قبلت عارفة ماليه وين يسكنو و كيما قالو الي قبلي و غدوة هاذي ماشي معولة تروح لتلمسان و لا راهي معولة دير مقاطعة لمالين الراجل و زيد الناس راهم يتزوجو في الصحرا و ماهمش يهدرو على البعد

[ترنيمة الأمل]

في سكيكدة العروس تحتفل بعرسها مع اهلها في بيتها و العريس يحتفل بعرسه مع اهله
ديرو كيما السكيكدية تحتفل العروس بعرسها مع اهلها و ثاني يوم او بعد اسبوع كما تتفاهمان تنتقل معك الى تلمسان و احتفل بعرسك هناك



ايه

حنا تان نديرو هك



من رأيي تحتفل هي وأهلها في حنتها بالعاصمة


وبعدها بسمانة أو أيام يديرو العرس بتلمسان


ومن رأيي البنت خممت بشوية أنانية لكن مش معناها يحبس الزواج أو شي هك


لكن يفهمها بالعقل وربي ما فيه إلا الخير

[karimblida]

و يزف الفتى ‘لى بيت عروسه............................................. .......ياخي حالة

[biologie2001]

يا اخي (تي) هدي حاجة باينة يدير العرس في تلمسان وسط اهلو و احبابو. و لو كنت انا في بلاصتو و الله العظيم نحبس العرس ادا كانت العروس مصرة باه تديرو في العاصمة

احنا جارنا يعمل ومستقر في العاصمة و تزوج يوم الاثنين 27 اوث لكن العرس دارو في جيجل وسط عائلته و احبابه و جيرانه..... و اخر تزوج العام الماضي و جاب العروسة من مغنية (تلمسان)و دار العرس في جيجل و جات العروسة

[pomaria_aindefla]

ناس الجزائر العاصمة عندهم تخمام باحدو حيث أنه ربما قالتلوا هكدا باش يديرو عرس مشترك أي مثلا يكريلها لاصال و يديره تم في العاصمة و الدراهم باش هو يدير عرسوا يروحوا بهم فواياج و لكن أنا نقولك عائلتك سوف لا تحضر وزيد عراس تلمسان و العاصمة مختلقين من الأحسن هي دير عرسها و أنت دير عرسك في تلمسان

[khadouj_1985]

نظن المسألة محسومة من المفروض المرأة تتبع الزوج ما تفرضش رائها عليه و السفر حاجة مليحة وزيد اهلوا و ماليه و ين رح يتعرفوا بيها كفانا انانية

[amina-alaa]

رأيي بسيط جدا
العروسة فكرت في نفسها و مشقة تنقلها من العاصمة الى تلمسان و لم تفكر في مشقة تنقل كل عائلة العريس علما أن الشيوخ و العجائز و من يملك أطفال كثيرون قد لا يحظرون العرس ...
الحل
تضرب وحدة رادبول تنسيها في مشقة الطريق خاصة أن اليوم هناك الطريق السيار شرق غرب و في ثلاث ساعات تكون في عين المكان .. لكن عائلة العريس لا يمكن أن نوفر لهم سيارة تليق بالرحلة و منهم من لا يملك حتى سيارة .

شخصيا لو كنت مكانه و سمعت مثل هذا الكلام فوالله ما أتممت هذه الزيجة .. فالبنت تفكر في مصلحتها الضيقة و ماذا ستفعل حين يطلب منها زوجها أخذها لزيارة أهله في تلمسان .. هل ستقول له اذهب وحدك اني ها هنا قاعدة أم ستقول له ادعوا أهلك ليزورونا بدل التنقل إليهم ...

اذا كانت البنت أحد اقارب فمن المستعجل نصحها بأن تفكر بوعي .. و اذا كان العريس هو الاقرب فيجب نصحه بأن يفكر بجدية في هذه الزيجة .. فهي لا تبشر بخير

هذا رايي الشخصي و الله تعالى أعلم

انت محق
لكن لنعدر الفتاة التوتر له دوره
تلمسان 5ساعات ونصف
الفتيات ماوالفوش السفر
اختي ادهبي الى تلمسان وسط اهلك الجدد
باش يفرحو بيك

[amina-alaa]

و يزف الفتى ‘لى بيت عروسه............................................. .......ياخي حالة
hehehee
لا تفرطو في حقكم يا رجالة

[السي محمد]

بما انه تلمساني

الافضل انه يترك تلك العاصمية

التي تريد ان تفرض رايها عليه من الآن

و يشوف وحدة تلمسانية بنت بلاده تعرف تقاليده و عاداته

يدير العرس في تلمسان

كيما تقول التقاليد التلمسانية بالحصان و البرنوس وووو

ثم ياحذ زوجته للعاصمة وين مقر عمله




و البنت العاصمية

تتزوج بواحد عاصمي

و تدير عرس بمراد جعفري و فرقة الزرنة


و ربي يهنيهم جميعا
وانتهى .

[رُوح طِــஐـــفلة]

يعني هي في تخمامها متروحش خلاص لداركم في تلمسان
ماشي هكذا الاصول
لازم تروح وتفوت يامات تتعرف على افراد العائلة ويفرحو بيها ومبعد ترجعو لآلجي عادي
المهم لازم تتفاهمو مش كل واحد يديسيدي وحدو
وربي يهنيكم ويرزقكم الذرية الصالحة ان شاء الله

[homme libre 05]

ديروه فالنص في مستغانم مثلا هه ( نقصر صاحبي )
-
امم تبالي الانسان لي ما يفرحش خصوصا في عرسو مع اهلو وحبابو وجيرانو ماعندو معا من يفرح قنعها وديرو في تلمسان وتبالي ضرك ما بقاش السفر شاق كيما بكري تلمسان والعاصمة بالاك على الاكثر 4 او 5 ساعات نتوما روحو حواسين وفوتو وقات ملاح تربحوها تحويسة وتفريو المشكل

[انانيس]

homme libre 05
عرفتك من اسلوبك
انا من نفس راي كثير من الاعضاء لي قبلي مي مانهولوش الامور بزاف بخصوص بعض الردود حول العروسة حتى واحد ماعرف الظروف تاعها نقولو للعريس ديالنا يسيي يهدر معاهابشوية وخلاص وحتى هي ايلا ماكان حتى سبب من الاحين العرس يكون بين اهل الزوج مافيها والو وانا نظن من قبل كي خيرت واحد بعيد لازم تكون تعرف هاد الشي ربي هنيكم ببعض ويرزقكم الدرية الصالحة ولعقوبة للناس لي مازلت

[هديل29]

العرس لازم يكون بين أهلك واحبابك في تلمسان و بعد العرس هز مرتك وأمشي للعاصمة وزيد راك تقول السفر متعب للعروس ما خممتش ادا كان راح يكون متعب لاهلك ولالا ......

[loubna2]

تلمسان
الفتاة تعمل عرس واحتفال مثال يوم الخميس وترتاحا عروسة لكي لا تتعب من الاحتفال +السفر
هو يجيب كورثاج صغير يديها ويعمل العرس
او يديها وحدوا تبات مثال عند عائلة بعيدة شوية عن منزلو او يكريلها في نزل او شقة يرتاحو في 2 من السفر ثاني يوم يعمل العرس ويديها من تلمسان
احنا عندنا واحد من عائلتي كانت العروس بعيدة اهلها جاو في السيارات هي جات في الطائرة ثاني يوم اللي عملت فيه الاحتفال عند اهلها واخدها هو لمنزل صديقو يبعد عن اهلو 30كيلو جاتها الحلاقة وعملت التسريحة ولبست الفستان وجاء الكورثاج اخدها وخلاص تحل المشكل
اختي لكات انتي العروسة لازم تعملي العرس عند اهلوا احسن لك من جميع النواحي واضمن لك الا ادا كنتي متكبرة على اهلوا

[FELLA BIO]

طبعا في تلمسان بيت الرجل والامر لا نقاش فية

[سرب النحل]

كيفاه هي خممت في التعاب انتاع اهلها وانت ما خممتش في تعاب انتاع اهلك وصحابك
-العرس بلا اهل واصدقاء ماشي عرس ثاني لو كان دير عرس في العاصمة راح تكري لاصال يا المغبون نقولك هذا الزواج راح يتعبك غير شوف من جهة اخرى

[السي محمد]

كيفاه هي خممت في التعاب انتاع اهلها وانت ما خممتش في تعاب انتاع اهلك وصحابك
-العرس بلا اهل واصدقاء ماشي عرس ثاني لو كان دير عرس في العاصمة راح تكري لاصال يا المغبون نقولك هذا الزواج راح يتعبك غير شوف من جهة اخرى


:19::19::19::19::19:

تعجبني الحلول الاستئصالية

التي تستأصل المُشكل من جذوره و اصله

[دكتورة بإذن الله]

السلام عليكم و رحمة الله و بركاته
ايها السائل مهما كنت العروس او العريس او شخص حيادي يريد الصواب
راي الشخصي هو لابد من الاحترام و اجتناب المشاكل التي تنبعث شرارتها في الدقائق الاخيرة الي تحدث
في اغلب الاعراس الجزائرية نتيجة سبب تافه و نتيجة عمل ابليس الملعون كي يفرق بينهم ..
و لربما الشرارة تفجر قنبلة من جراء الاصرار على شيئ يخالف العرف و لا اقول التقاليد
والزواج ليس بين رجل و امراة فقط بل هو بين عائلتين و لابد ان نتحلى بالاحترام و المودة بين العائلتين
خصوصا في مثل هاته المواضع كي لا يحدث لاحقا ما يسمى بحرب البسوس ان تم العرس على الموافقة
على شيئ يزعج عائلة الرجل و تدفع الفتاة الفاتورة و تصبح مهمشة و برانية طول حياتها و هو يفقد دفئ
العائلة و الاخوة و الاخوات و يصبح مقطوع من شجرة ...
لذلك راي الشخصي الفتاة دير عرسها و تكمل صوالحها الحنة و كلشي و ترتاح اسبوع او 15 يوم و من باعد
يجو يدوها و كي يدوها نتمناولهم طريق السلامة ان شاء الله و كي يوصلو يرتاحو ساعة او كيما يحبو
و من باعد يديرو العرس و عرس خفيف و عند انتهاء كل مجريات العرس بعد ايام يجو للعاصمة و يستقرو
فيها و مبروك عليكم مسبقا وربي يحفظكم و يستركم خلونا من المشاكل تاع اخر اللحظات و هاذيك
الخرجات و الطراطق تاع لعراس سواءا الرجل او المراة من جراء سماعهم للاحاديث الجانيبة
اقول فقط شيئ هام و هو اي عروس مهما كانت بعيدة او قريبة تكون متعبة نفسيا و جسديا نتيجة
التحضيرات و الذهاب للحلاقة والتصديرة و اعداد الملابس ووووغيرها و كذلك العريس نفس الشيئ يتعب لكن ليس كالفتاة
لذلك لابد لهم ان يتجنبو المشاكل مهما كان و يخلو كلشي يفوت بخير و على خير و لازمهم يكونو
متفاهمين و يحتو اي وضع و يتفهممو بعضهم بعض و الفتاة تفهم زوجها بلعقل و تشرحلو الوضع
و هو ثاني و يشوفو ما يخرجج عليهم و ما يغضبوش اهلهم و الفتاة مالازمش تحط راجلها في موقف
محرج قدام اهلو و تصر على شيئ غير معقول لانه اي اهانه ليه راهي ليها بالدرجة الاولى
و لازم تحافظ على هيبة راجلها ....
وبالتوفيق ان شاء الله