استفسار حول الإعلام الآلي

[ibrahim hano]

السلام عليكم و رحمة الله و بركاته
أنا ناجح في البكالوريا العام القادم إن شاء الله و حبيت نعرف ما هو الفرق الذي بين دراسة الإعلام الآلي في المدرسة العليا للأساتذة و بين دراسته في شعبة الرياضيات و الإعلام الآلي و هل هما متماثلين في التدريس و ما هو الأحسن لشخص يعشق الإعلام الآلي و يرغب يصبح في خبير في هذا الجهاز
و ياريت نصيب الإجابة الصحيحة رجاء أفيدوني جزاكم الله كل الخير

[diamant mb]

في المدرسة العليا للاساتدة تخرج تقري برك و يبانلي ما يعتمدوش على البراتيك بزاف السنة الاولى تقريبا يقراو نفس المواد بصح باه توصل للرغبة تاعك دير رياضيات واعلام الي ومبعد تفرع اعلام الي خير ويلاكان شاطر جيب معدل مليح ودخل فالمدرسة العليا للاعلام الي خير وخير خطراش ثما كلش مضمون وحاجة فور
ربي يوفقك

[diamant mb]

نسيت نقولك بلي فالمدرسة تاع الاساتدة تخرج طول ببلاصتك تقري هذي باينة

[ibrahim hano]

شكرا عضو جديد على المعلومة و لكن و اش قصدك بكلش مضمون و هل في المدرسةالعليا للإعلام آلي فرصة عمل مضمونة كيما في المدرسة العليا للأساتذة
منتظر ردك العطر ...

[diamant mb]

اللي يتخرج من ثما مستحيل يبقا بلا خدما عندهوم لي شونس في كلش حتى اكمال الدراسة في الخارج
مالا ثشجع وقرا مليح

[ibrahim hano]

في الحقيقة سمعت أن الدراسة في M.I أشبه بالـ Mission Impossibleلذا حبيت نشوف في صحة هذه الإشاعة و ما مدى صعوبتها فهل من مرشد ينور دربي
كما أنني راغب في دراسة الهندسة المعمارية و العمران و هذا لأن صعوبتها أقل من الرياضيات و الإعلام الآلي و لأن فيها الكثير من برامج التصميم و فرص العمل فيها متوفرة حسب علمي
و أيضا حسب علمي المدرسة العلي للأساتذة و غيرها لم تكن من نصيب المتوسطين في معدل البكالوريا في هذه السنة و لا شيء يضمن لي ذلك غير إرادتي و حبي للإعلام الآلي
فرجاء رأي سديد يبين لي الصواب
في انتظار ردودكم...

[diamant mb]

يكدب عليك قريت mi والحمد لله حتي حاجة ما صعيبة و معدلاتي كانت كثر من 15

[ibrahim hano]

شكرا لتشجيعك لي و رايح أكون من الداعين لك بظهر غيب إن أطلعتني عن ملخص ما يدرس فيmi و ربي يوفقك عضو جديد

[diamant mb]

,mecanique;electricite,,analyse ,algebre, informatique( algo ,pascal) ,français ,anglais ,stat ,stricture machine ,technologie web
histoire des science,,calcul formel
bien sur باه تنجح صح في قرايتك لازم تقرا كل يوم وماتراطيش حتي درس خطراش الناس الي يقولو صعيبة هوما الي يصعبوها علا روحهم خطراش ما يهتموش بالتفاصيل و ما يقراوش من قلوبهم حط في بالك بلي ربي عمرو ما يضيعلك تعبك و الحاجة اللي تحبها سور راح تنجح فيها شويا صبر وكوراج هذا ماكان
bonne chance

[you92cef]

ليكن في علمك انها ليست سهلة كما يشاع
اذا عملت وعملت وعملت تتحصل على 11

هناك بعض المواد اعلى نقطة فيها هي 12.5

[أَبُو رَُئَيـــــــــــــــــــــــْمْ]

ليكن في علمك انها ليست سهلة كما يشاع
اذا عملت وعملت وعملت تتحصل على 11

هناك بعض المواد اعلى نقطة فيها هي 12.5
السلام عليكم
هي صحيح تتطلب مجهود كبير وانوا الدراسة لازم كل يوم
خاصة انوا فيها لاشارج بزاف حيث عندنا كنا دائما نخرجوا على الحامسة
تلحق على الستة للدار ومن بعد تصيب روحك تعبان
لكن تذكر فقط اذا اردت فانك تستطيع

[ibrahim hano]

شكرا لتشجيعك لي و رايح أكون من الداعين لك بظهر غيب إن أطلعتني عن ملخص ما يدرس فيmi و ربي يوفقك عضو جديد

شكرا على المعلومات القيمة التي مددتموها لي الرياضيات و الإعلام الآلي أو أستاذ إعلام آلي هما من أشد رغباتي و يا ليت تنصحوني أيهما أفضل من ناحية صعوبات الدراسة فرجاء أجيبوني يا من درسها أو يملك معلومات عنها و إن شاء الله يسعد حالكم
و أيضا هل كل من يتخرج من المدرسة العليا للأساتذة يحصل على وظيفة أستاذ في ولايته و فور إنهاء دراسته أم أنها مجرد إشاعة فهلا تكرمت أيها القارئ العزيز لموضعي بمنحي بعضا من وقتك لتكتب شيء مما تعرف و جزاك الله أحسن الخير