مدرسة إطارات المشاة سيدي بلعباس

[kurai]

السلام عليكم
لقد تلقيت أمر إستدعاء كضابط إحتياط بهذه المدرسة وطبعا لا أعرف أي شيء عنها عدى موقعها
هل من الممكن بعض المعلومات عنها كظروف التدريب والمراحل التي نمر بها في الست أشهر وكذلك كم مرة نتلقى permission وهل الهاتف المحمول مسموح
وشكرا مسبقا

[luky]

يا اخي انا نعرف باللي المشاة هي الا ختصاص الصعب في الجيش (لان اغلب مهامهم مكافحة ...) والله اعلم وربي يوفقك

[kurai]

لا أعتقد أن هناك مهام بفترة 6 أشهر الأولى وأنا أبحث عن المعلومات بخصوص هذه الفترة

[luky]

6 اشهر الاولى مخصصة للتدريبا ت عاى النظام العسكري وبعد الستاج يرسلوك لثكنة اخرى

[luky]

تنوض عل 4 تاع صباح تفطر او تدرب تبدا تقرى في 1اكتوبر من8تاع صباح حتى12 او لعشية من 1 حتى 4 منبعد كيما تكمل 45 يوم تروح برميسيون من بعد تبدا تقرا التخصص وخلال 6 اشهر تاع الستاج تخدم الكرفي و الحراسة راهي تفوت مليحة غير متقلقش راهي لمبيونس خاصة في العقوبة الجماعية وربي يوفق اخي.......

[luky]

البرنامج ليومي :
الإستيقاظ على 4:00 تاع صباح
تنوضو ديرو سبور تاع صباح ومباعد ترجعو حولي 4:30 ديرو لكرفي في الشمبرة تاعك يعني تنظفها وتعدلها ومباعد فطور الصباح حولي 5:30 ومباعد يخرجوكم للساحة تنظفوها ومباعد ديرو صف في الساحة ومباعد ديرو صف في الريستو لتناول وجبة فطور الصباح ومباعد الصف في الساحة تحية العلم ومباعد يحسبوكم بالمناداة ثم تدريب وومباعد حولي 11 يخلوكم تروحو لفوايي - النادي -- لي يحب يشري ومباعد ديرو صف لتناول وجبة الغداء ومباعد تدريب ومباعد لعشية يخلوكم تريحو حولي 30د ومباعد ديرو صف في الساحة يحسبوكم بالمناداة كيما الصباح باش واحد مايهرب من الخدمة
ومباعد فليل ديرو صف لتناول وجبة العشاء ومباعد الرقاد حولي 10 و 30د ويبقا يمشي لبروقرام كل يوم
ملاحظة : هادا لبروقرام حوالي 2 شهر يسمى تدريب عام عسكري يعني 2 شهر متروحش وكي تروح وترجع يتبدل يعني تولو تقراو ورقة و ستيلو مدة 4 شهر ومباعد الميتاسيون
هذا اغلب ما يحدث في بداية الخدمة وما تتقلقش اخي الكريم لانك راح تكون ضابط احتياطي..تعيش الميزيرية في الايام 45 الاولى ثم ياتي الفرج

[salem1985]

انا راني كنت في لالاط في بلعباس والله خويا ربي يصبرك الا راك موش موالف بالغربة تما توالفها والله الي عمروا ما توحش اميمتو تما يتوحشها النواض على 4 والجريا والميزيرية والقاعدة في بلاصة كيما هديك ربي يستر الحركة بالجرية والقعاد مكانش انا قلت واعلاش هادي الميزيرية من بعد عرفة علاه الميتطاسيو جاب الخبر جبل منقرنو المدية والله تقول الرحمة ياتدريب يستقبلوك بالسكاضو والسلاح والبرا والله البرواقية عرفتها قرية قرية والله نسيت لافيل 40كيلو فوق الظهر و20كيلو مشية في النهار في الجبال المطر الثلج العطش والله غير تولي ترقد واقف في الماء على رجل وحدة المهم نقول ليك ربي ينجيك من الميطاسيو انتاع المديو وعين الدفلة وتيبازة وربي يرجعك لوالديك حافض على روحك وعرف كيفاش تمش راهي لبومب بزاف في سكتور لمدية وعين الدفلة

[salah_2]

انا تاني في نفس الثكنة يوم 15/09/2012 ربي يقدر الخير
ممكن تتصل بي على السكا ي ب nadhir210

[smoh28]

انا ثاني عيطولي ف 22 سبتمبر ، معلومة اخرى مكانش الفائض ، الاعفاء الطبي ممنوع تعقب برجل واحدة المهم ربي يستر