احتاجكم في حكايتي

[مشكلتي]

تعرفت على شاب يكبرني ب 12 سنة
لم ابه بذلك
استمرت علاقتي به 3 سنوات
لحد الان
العام الماضي طلبت منه ان يتقدم لخطبتي لاننا اتفقنا في كل شيى
في التفكير في الحب في كل شي
لكنه تهرب و اعطاني الف سبب حتى اننا تفارقنا لمدة شهران بسبب هذا الموضوع اذ طلب مني الرجوع له و ان اعطيه فرصة ليرتب اموره و هذا كله العام الماضي و بالفعل رجعت له
كان يعاملني بارقى المعاملات و ليشهد الله انه لم يتركني لا في السراء ولا في الضراء
مع العلم اننا كنا نتكلم في الهاتف طوال اليوم اذ اصبحت اعتبره كل شيء في حياتي
ذات يوم قال لي انه لديه عمل فلن يستطيع التحدث معي لايام
و هذا الامر اقلقني لانه لا يستطيع ان يصبر على مكالمتي حتى في الليل كان عندما ينام كان لا يفارقني ابدا
فذهبت لاسال عنه في مكان عمله واذا بي اسمع خبرا اسقطني ارضا كاد ان يتسبب بمقتلي
سمعت انه تزوج
ولكن كيف ان استطاع ان يفعل ذلك كيف استطاع خداعي 3 سنوات
اتى لي بعد اسبوع من عرسه راكعا يبكي قال ان امه اجبرته على الزواج
مع العلم انها مريضة جدا
اصبح ينام في مكان عمله فقط لكي يتحدث معي واقسم انه لم يلمسها و لم يتقرب منها
اعرف انه يحبني وانا كذلك
ولكن ماذا عسايا ان افعل و انا ظميري يؤنبني على زوجته
ولكن في نفس الوقت احبه

[مراد1234]

سأقول لك

أولا :

ربي يهديك ............

أرتكبت خطأ وأن تصرين على خطأ آخر .

[صالح القسنطيني]

السلام عليك

هو قد تزوج و مما لا نشك فيه و لست بالقاذف لك ان لذته و شهوته قد وجدها عندك و إلا ما كان يقدر على عدم لمس زوجته و كلنا نعرف غرائزنا و طباعنا

و لكن كوني متأكدة يقينا لا شك فيه أنه قد اقترب منها و كان له منها ما يكون للزوج من زوجته

و إني و الله ربي العظيم ثلاثا قسما لا حنث فيه إني اعرف ما هو شبيه بهذا الرجل فقد كان الذي اعرفه يقسم للتي في قلبه أنه لا يقرب زوجته و إني أعلم ان له ولد و بنت منها

ثم ما انت عليه معصية لخالقك و تحطيم لحياتك فالرجل قد تزوج و أنت بين امرين إما تركه و ذلك خير لك و لأسرته و إما بقاؤك معه و بهذا تكونين معول هدم لأساس أسرة و تفريق

فاختاري الذي فيه صلاح لك في دينك و دنياك و ذلك بين ظاهر و لا يحتاج لأن نقوله لك

[♥' سندس الفردوس ♥"]

الله يهديك
لازم من تزوج تنسيه نهائياااا لان زوجته ليس لديها اي دخل و هدا المكتوووب ربي راه كتبلك آخر
عسى ان تكرهو شيئا و هو خير لكم

[اسعى لرضى الله]

تاخذي رايي اخطاك والله

[asouma 95]

اعلمي يا عزيزتي انه من ترك شيئا من اجل لله عوضه خيرا منه
وقوله تعالى ....عسا ان تكرهو شي وهو خيرا لكم وعسا ان تحبو شيئا وهو شر لكم....
انصحكي اختي ان تتوقفي من الحديث معه واملئي قلبك بحب الله وطاعته وتاكدي ان الله معك

[biti]

حطي روحك مكان زوجته

[أكوام الورد]

أختي هاد الشخص غلط معاك نتي و زوجته ماكان مادخلها
علابالك راكي ماشية تهدمي أسرة راها تنبنا
أسرة نبناة على سنة الله و رسوله ماشي مجرد علاقة ماعندها حتى تفسير في حكم الشرع
خافي ربي هو حقا غلط معاك و ستغل سذاجتك لمدة 3 سنوات ماشي هادا هو الحل
ماشي الحل هو أنك تخليه معلق و تعاونيه باش يخون زوجته وضيعي روحك و ربما تورطي روحك في مشاكل ماراكيش قادرة عليها
وعمرك ماغادي تعيشي مهنية
أختي هادي نصيحة من أخت لأختها قطعي علاقتك معا هاد الإنسان و أستغفري ربي ودعيه باش يعاونك باش تنساي و يعوضك بإنسان ماخير منه
وخليه هو بينه بين اللي خلقه على اللي ضحك عليك
وربي يوفقك

[اناناسة]

السلام عليكم ، ليس هناك اي مستقبل بينكما يا عزيزتي حيث ان الامور بدات بطريقة خاطئة و انتهت كما الكثير من القصص لا تنتظري منه شيء و اتركيه و شانه فلم يعد هناك مجال لك في حياته ، لا تستمعي لما يقول و إقطعي علاقتكما و توبي الى الله ربي يعوضك أحسن منه ان شاء الله لا تحزني و اتركي همك لرب العالمين اسأل الله ان يغفرلكي و يرزقك زوجا صالحا ترضى به نفسك

[ايمان نور الجزائر]

السلام عليكم
مما لا شك فيه ان هذا الرجل يعيش حياته ولاباس بيه
ومتهني مع زوجته...لكن وجدكي انتي قدامو والفك والف يتكلم معاك
ولات عندو حاجة حب التملك يعني يخليك غير ليه وعايشة على جالو
وفي نفس الوقت كاين الزوجة نتاعو لي تلبي كل احتياجاتو
انتي فقط تعذبين نفسكي بالتفكير به والتكلم معه
نصيحة مني غيري رقمكي...استغفري الله وتوبي اليه واطلبي ان يرزقكي الزوج
الذي يتمنى لكي الخير ولا يتلاعب بكي
************************************************** ************************
وهاذ حكاية امو غير كذب ...لي باغيك وناويك للحلال ماشي حتى تطلبي نتي
راه يلقى الف حل وما يفرط فيك ولا يزعفك

[مبروكة الصحراء]

واش بيك ختي فيقي لروحك و نسيه هذا تزوووووووووووووووووووووووووووووج خلااااااااااااااااااااااص
اليوم و لا غدوة يقولك جبت ولد باه نسكت الناس برك و زيد و زيد...............
فوتيه و شوفي حياتك
و ربي يهدينا أجمعين

[sarl02]

اقسم انه لم يلمسها ؟؟؟والله غير مليحة هذه ..وابات فالخدمة باش يحكي معايا ؟هذه فور بزاف وزعمة انت راه عاجبك الحال هكذا ؟...يكفي انه استبدلك بحضن امراة اخرى في الحلال وعلى سنة الله ورسوله وانت الان في حكم الملعوب والمتسلى بها وصفتك الدقيقة ان صح القول عشيقته وصاحبته يعني هذا الانسان ذرك راه عندو زوجة وعشيقة وعلى حساب ماني انشوف راكي راضية بالموقع تاعك هذا واش اتحبي الناس تنصحك ذرك.

[**الفارسة الملثمة **]

نصيحة لوجه الله من أخت ليك ... هذا ارميه في الزبلة اساسا ما تعبرهيش

اذا كنت حرة بنت حرة احفظي كرامتك لوجه الله

اذا رفض تكوني ليه في لحلال عمرو ما يحبك و لا حبك اساسا هذاك البكاء اللي بكاه ليك

المفروض يبكيه لأمو

لازم هنا نكونوا قاسيين جدا معاك من اجل مصلحتك

[عميروش الحر]

اولا 3 سنوات ماذا يمكنني ان افعل فيها يا ترى ؟؟؟؟؟؟
... اتزوج وانجب ولدين وكل ذلك بالحلال وبرضى الله والوالدين وامام اعين الناس و بظمير مرتاح .... (حسنا دعينا من هذا) والملامات ...الح)

سأتعرض الى النتيجة ... الا وهي زواجه من اخرى غيرك ...
هذا يا اختي شيء عادي بما انه لا يربطكي به شيء رسمي فمن الطبيعي ان يتزوج ... ثم ان علاقة 3 سنوات مدة طويلة جدا ... يعني 3 سنوات من عمر الشخص تذهب هباءا وفي الحرام ... لا ادري كيف احتملتي ذلك ولم ينبهك عقلك ...
انت اخبرتنا انكي عرضت عليه ان يأتي لخطبتك ثم طلب بعض الوقت ليهيئ نفيه ... ولكن ظهرلي انه كان جاهزا من قبل والدليل انه تزوج بسرعة ... بمذا تفسرين ذلك ؟؟؟؟؟

لا اريد الخوض في الموضوع وحتى لا تزيدي الطين بلة اقطعي علاقتك بهذا الرحل وانسيه تماما وتوبي الى الله واطلبي منه ان يعيش حياته مع زوجته ...
واقطعي جميع اتصالاتك به .
هذا ما لدي لأقوله وربي يغفرلك

[djeriou]

أختي اسمحيلي أن أكون شديد اللهجة معك.

أنت عمياء لا ترين، على بصرك غشاوة كبيــــــــــــــــــــــــــــــرة، أفطني أخت قبل فوات الأوان، أفطني...

لا تتوقعي أن يتزوج بك، 3 سنوات ضاعت من حياتك، ألحقي الباقي قبل ما تروح حياتك كامل سدى و الله المستعان

[algerienne 21]

اختي مساء الخير... اولا اختي احمدي الله واشكريه فعسى ان تكرهو شيا وهو خيرا لكم ... لا تجعلي هده القصة تؤثر على حياتك بل بالعكس ... فيه صديقة كانت على علاقة مع شخص لمدة تلات سنوات و بالاخر طلع متزوج وعنده 03 اطفال هوا مزوج وحكى حتى مع امها ايا قولي كيفاه رايحة تشكي فيه ؟؟
شوفي لبنات كوارث من ناحية هدي ويمكن يخليك تفكري وتقولي بلاك يطلقها مع انه قاعد يخطط باه يجيب اطفال و كي يولي عندو اطفال يقولك انا من الحزن عليك رحت شربت لخمر ورجعت باليل وضعفت وراحت حملت مني ....فتوقعي منو كل شي اختي
الان انتي ربما تفكري انك تنتقمي منو ... او تعملي المستحيل باه ترجعيه .. اختي لي راح بطريقة هدي ميزيدش يرجع لهدا خليني ننصحك اختي الكريمة

اولا غيري رقم هاتفك

ادا لقيتي روحك قاعدة تتعدبي وتبكي .. عادي ابكي لانو البكاء يخفف عليك لاكن بشرط روحي صلي ركعتين في صلاتك وادعي ربي ينسيكة فيه راح ترتاحي..

ادا عندك فراغ في الوقت حاولي تعمريه ادا كنتي ماكثة بالبيت تعلمي لخياطة وادا كنتي متعلمة حاولي تبحثي عن عمل ... كي تقلقي روحي نوظي اعملي الكاطو في الدار .. عيطي لصاحاباتك في الهاتف احكي معاها


نوظي في الثلث الاخير منه اليل وادعي ربي انو يعوضك
بانسان اححسن منو ... صدقيني اختي في هدا الوقت ربي ما راحش يخيبك المهم ادعي من قلبك مش مرة ولا زوج وزيدي اكثري الاستغفار لانه احد اسباب الرزق

اون شاء الله اختي المرة جاية نلقاوك تكتبي موضوع اخر بنفسية احسن من هدي

[minamichan]

الله يهديك
لازم من تزوج تنسيه نهائياااا لان زوجته ليس لديها اي دخل و هدا المكتوووب ربي راه كتبلك آخر
عسى ان تكرهو شيئا و هو خير لكم

انا اوافقك بكل
شيئ

[ترنيمة الأمل]

أختي يليقلك ملامة كبييييييييرة على واش راكي تديري



يا أختي قبل كل شي 3 سنوات ديتيهم في معصية ..

أعلم أنا مانيش ملائكة باش نلومك .. لكن يا أختي راكي تديري في خطأ فضيييييع جدا


اذا كانت علاقتك معاه خطأ قبل ما يتزوج ... فهي بعد زواجه إثم كبييييييييييييييير وكبير جدا جدا



والله ما لقيت واش نقولك



غير أني ندعيلك ربي بالهداية


وأنو يوسع خاطرك وتنساي بنادم كيف هذا


وزيد لو كان يحبك صح ما يتزوجش واذا تزوج يتزوج بيك انت


والا انت واش ناقصك ... ؟؟؟



يماه سيفت عليه يتزوج أوك ... فهمناها هاذي


مي لو كان دايرك في بالوووو لو كان قال ليماه .. غير هاذي الي نتزوج بيها والا ما نتزوجش ..


يعني يتزوج بيك يتزوج بيك


مي هو كان حاطك في العين العورة


وكان دايرك غير نتاه حكي نتاع تيليفووووون ونتاع ونتاع ...



ورانا بنات ونفهمووو بعضااانا مليح مليح



ايمالا أحتي بركاي ما تحشي لعمرك وفيقي قبل ما تطيح الفاس في الرأس


ويجي نهار تولي تندمي على روحك وما ينفعك لا هو لا آخر





احتسبي لربي هذا واش نقولك


واذا كثرت عليك اللوم سامحيني ولكن والله وضعيتك مقلقة

[mazola.]

هذا يسموه زواج مش لعب هذي تع تزوج مرا و مهيش مرتو مستحيل بويسك هي مترضاهاش اون بليس اي كاينة حاجة يسموها كيمياء الا معلابالكش

نحيها من بالك الايدي هدي وش حبيتيني نقولك راك غير ضحيى مراهقة متأخرة
انا حبيت تسقسي روحك سؤال واحد برك متزوج على سنة الله و رسوله و يحكي معاك فالتيليفون هذا كون تخربيلو دارو و يطلق تقدري ديري فيه كونفيونس
كيما دار مع اللولة يدير مع الثانية
الباب اللي جيك منو الريح يدو و استريح اخطيك

[abdel02]

كلخهالك ومازالك تدوري بيه
كبير عليك ب 12 سنه يعنياكبر من 30
ومع دلك ماهوش عارف رجليه من راسو
لو كنت مكانك نشوف لروحي انسان طاهر عفيف
ونخطي راسي من مكالمات وخرجات ودخلات
مع انسان عندو مرتو في الدار
صلحي غلطتك بالانسحاب لان الامور بينكما ستتعقد
والضحية دائما نساء انت وزوجته وامه
وهو بارد قلب يرفد روحو ويعاود الزواج.

[imene12]

انا نشوف بلي راكي محتاجة صدمة أخرى أقوى من الأولى لعل و عسى تفيقي لروحك... الراجل تزوج و حلاتلو اللعبة ..
لوكان جا عندو 0.00000001 في المئة من الصدق و النية الطيبة كان خبرك بالفيلم نتاعو قبل ما يخلاص كل شئ و نضمنلك حاجة أخرى لوكان ما روحتيش للخدمة و اكتشفتي زواجو ما كانش راح يخبرك...
فيقي مع روحك اختي العمر يجري

[قطر الندى48]

كيفاه مازال مفطنتيش

و مازلتي تبعي في قلبك؟

و هدا مينو راجل علاه مايصارحكش من قبل؟

و علاه تقلق على العرس دروك؟ على الاقل كون صبر و اقنع امو بلي باغيك انتي

و راكي مازلتي مصدقاتو

واحد يبغي وحدة و باغيها لدارو يدير لمحال عليه

نعرف واحد هدد اهلو يخرج و يهجر دارهم و اهله باه جابوهالو

و هدا استسلم ...و زاد كذب عليك...كارثة و الله
....
حاسة بيك يا اختي
ربي يكون في عونك

اقطعي اتصال بيه

و قوليلو يرجع لمرتو

و صلي و ادعي ربي يعوضك باللي يستاهلك

[faty05]

اتركيه
اتركيه
اتركيه
الرجل بالفعايل مش بالهداير
و هذا راه مشبعك هدرة و نتي غير أتبعي
راكي غالطة
اذا كملتي معاه راح تكوني الخاسر الاكبر
ربي يهديك و يهديه

[نبض قلبك]

تاخذي رايي خطيك اللي يحبك يضحي بكلش على جاك وزيد ماكانش يجرحك كان من الاول يصارحك بلي مايقدرش يكمل حياتو معاك وكي ماتلمسش مرتو علاه تزوج واش هاذ التمسخير
الله يهدينا

[redonne]

ربي يهديك هذا شانقولك

[Golden Princess]

لو كان يحبك لاقام الدنيا لاجلك

يا اختي اخطيك منو و فيقي لعمرك و خمي مليح غدوة انتي تاني تتزوجي يعني تقبلي راجلك يحكي مع واحدوخرا؟؟ يك ماتنسايش كما تدين تدان ........ اخطيك منو و ششوفي حياتك

[gomplayer]

حرام عليك يا مخلوقة

[أم عبد النور]

كان يتلاعب بيك أختي ومزال حاب يتلاعب بيك أكثر

كان عليه مصارحتك بأن أمه ترغمه على الزواج زعما

صدقتيه نقولك هو من اختارها حطي عقلك في راسك

ونسيه نهائيا لأنه خدعك وعليك بالصبر والصلاة والدعاء

أتمنى أن تعملي بكل نصائح المقدمة من الأخوة الأعضاء