المساعد الشخصي الرقمي

مشاهدة النسخة كاملة : حصريا للجلفة .....قصيدتي الهزلية....معليش حنا نموتوا باه تعيش الحكومة

أبو مارية الجزائري
2012-08-29, 00:27
معليش حنا نموتوا باه تعيش الحكومة
معليش نمرضوا وندخلوا للكومة
معليش نسكتوا كي تطلع السومة
معليش نعيشوا فالظلام كالبومة
احنا ناكلوا الروينة وكولوا الدانون
نعيشوا بالسباقيطي والماقارون
معليش ولادنا يلهاو بالقرنون
وولادكم يصرفوا على الماروخا مليون
احنا نزرعوا ونفلحوا الغلة
ونتوما تاكلوا وتسبوا الملة
احنا نصيدوا الكروفات ومانذوقهاش
ونتوما اديسروا بيها وماحمدتوهاش
كي نحبوا نداووا ماروحوش للسبيطار
مانعيوش الطبة انموتوا فالدار
خلينالكم الطيارات باه تشوفوا الامارات
نركبوا فالكيران الطواكس والقطارات
مانسكنوش خليناكم تبنوا القصور
احنا نخمموا في حساب القبور
ما نقراوش خلوا ولادكم يقراو
ولادنا يعقبوا العامين راهم رضاو
نقسموا معاكم الشهرية بالدينار
وتورثوا معانا اللي خلاها عومار
نعطوكم دمنا زيدوه في دمكم
ادوا الكلاوي والكبدة راها تخصكم
اضربونا باه تنحوا القلقة
اتكالماو باه تفكروا فالسرقة
ديرونا مشاوير امسحو بيها دموعكم
ديرونا مشينة تكمد ضلوعكم
تحياوا انتوما اللي قدمتونا
كنا جاهلين راكم فهمتونا
معليش نموتوا باه تعيش الحكومة
مشي كلامي كلامهم هوما.
نعيمة المشاغبة
2012-08-29, 10:56
قصيدة رائعة شكرا لك أخي
hind 306
2012-12-07, 19:52
hhhhhhhhhhhhhhhh merci
louiza94
2012-12-07, 19:59
hhhhhhhhhhhhhhhhhhhhhhh
ronaldo imad
2012-12-07, 20:10
mrcccccccccccccccccccc
~كِبْريَاء أمِيرَة~
2012-12-07, 23:49
http://www.djelfa.info/vb/images/icons/icon16.gif
شكرااااااااااااا
chiraz18
2012-12-25, 13:37
hhhhhhhhhhhhhhhh merci
سماح 2
2012-12-25, 15:17
merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiii bcp
hhhhhh
روووووعه خلااااااااااااااه هااادي
بنت سعيدة
2012-12-25, 15:53
رووووووووووووووووعة
kakachi16
2012-12-25, 16:03
مؤكد مؤكد مهنتك هي شاعر هههههههههههههههههههههههههههههههههههههههههه


شكرا شكرااااااااااااااااااااااااااااااااااااااااااااااا ااا
تاجر حر
2012-12-25, 16:43
قصيده رائعه بارك الله فيك