العنووسة

[مشكلتي]

عمري 29سنة ومشكلتي الزواج راهي غايضتني روحي نشوف

في البنات كامل تزوجو وأنا عمري كامل وأنا نقرا مكنتش مقلقة

وكيم بديت نخدم الناس كامل يقولولي مزلت متزوجتيش وقتاش

تتزوجي ياك الراجل لي يقولولو هاك ماشي المرأة خاطر هوما

ليخطبوها كرهولي حياتي مفهمتش واش ندير المجتمع ميرحمش

وزيد يقولولي الرجال عماو ومشافوكش الزين هدا راح خسارة

واحدة آخرى تقولي ديري الرقية وشبيك وشراكي تستناي ياناس

نروح نرمي روحي على الرجال وشبيكم واش ندير راهم دخلولي

الحكاية في راسي وخفت من كلمة بــــــايرة راهي صعيبة وراني

خايفة نقبل بالأول لي يطبطب فالباب بالرغم من أني نكره هذي

العقلية بصح المجتمع لايرحم

[العسكري]

عمري 29سنة ومشكلتي الزواج راهي غايضتني روحي نشوف

في البنات كامل تزوجو وأنا عمري كامل وأنا نقرا مكنتش مقلقة

وكيم بديت نخدم الناس كامل يقولولي مزلت متزوجتيش وقتاش

تتزوجي ياك الراجل لي يقولولو هاك ماشي المرأة خاطر هوما

ليخطبوها كرهولي حياتي مفهمتش واش ندير المجتمع ميرحمش

وزيد يقولولي الرجال عماو ومشافوكش الزين هدا راح خسارة

واحدة آخرى تقولي ديري الرقية وشبيك وشراكي تستناي ياناس

نروح نرمي روحي على الرجال وشبيكم واش ندير راهم دخلولي

الحكاية في راسي وخفت من كلمة بــــــايرة راهي صعيبة وراني

خايفة نقبل بالأول لي يطبطب فالباب بالرغم من أني نكره هذي

العقلية بصح المجتمع لايرحم

ممكن أختى ان أعرف ما هو عملك

[**الفارسة الملثمة **]

نقولك حاجة ان كنت لاباس عليا بديت نحس غير من المنتدى هنا
فكرهم عقدني صح و شككني في روحي
كيما قلتي خايفة تجي لجظة نضعف قدام هاذ الفكرة بعدما كنت
حاطة مباديء
معليش حنونة الحاجة الوحيدة اللي محصرتني صح هي انو هاذ الامر
لا دخل لك فيه يعني كل حاجة كان عندي دخل فيها الحمد لله حققتها
و نشوف في لبنات كيفاش راهم يطيحوا برواحهم و زيد توصي نساء
دلالات و المصيبة تزوجوا و فتحوا ديار و المجتمع ما يفهمش يفهم
راكي متزوجة صراحة ما نقدرش نتخيل روحي ندير كيفهم يا رب استر برك
المهم راني واسيتك باش ما تحسيش روحك وحدك اوكي

[imene12]

نووووووووورمال انا تاني كملت قرايتي و راني نخدم و مازال ماجاش مكتوبي و قريبة لسنك و كثيرااااااااا جداااااا ما أسمع هذه الأسطوانة من الناس لكن صدقيني نسكتهم بكلمتين مع ابتسامة " الزواج مكتوب"
قوي إيمانك أختي و ربي يرزقك الزوج الصالح يااااااااارب

[aissam .3820]

ربي يرزقك زوج صالح......

....


وخير من نتاعهم كامل...


..

[فيروز الجلفة]

ربي يفرج عليك اخيتي خلي ايمانك بربي كبير ومش راح يخيبك

[djamel.k2011]

ربي يرزقك بزوج الصالح ان شاء الله

[maya_phy]

معليش اختي مراكش وحدك تعاني من هذا المشكل انا تاني عندي 26 و نخدم و ايضا نكمل في الدكتوراه و مسلكتش من هذي الهداير و زيد يقولولك اديك اصغر منك راهي دايرا الدار المشكل لا يكمن فينا بل في تفكير المجتمع و كيما قالت الاخت الزواج راهو مكتوب

[haloma02]

شوفي ياختي ما تتقلقي ما والو والزواج راه مكتوب عند ربي يجي يجي بلاك مالقالكش الزوج الصالح الي يستهلك ويصونك
انا راني اكبر منك و مريت بهذا الموقف بصح مادام كاين ربي قادر على كل شيء والله منسمع لكلام حتى واحد والي حب يهدر يهدر
المهم نحوسوا على رضا الله ماشي العبد
ان شاء الله يرزقنا وجميع المسلمين الزوج الصالح عاجلا غير اجل

[دكتورة بإذن الله]

إذا سمعتي لكلام الناس رايحا تدي نفسك للتهلكة
لانهم لم يتركو اي فتاة بخير يعني لازم يهدرو و الفحلة هي لي ما تسمعلهمش تشوف واش يخرجها من جهة ربي و خلاص
اضربيهم بالبارد و الثقيل و لي يهدروها ابقاي اضحكي عليهم في قلبك لانهم فارغين شغل لاهين بالناس
و كلامهم لي قالوه يديه الريح و خليها على ربي سبحانو لانه هو الرزاق و الفتاح و العليم
فأنت لست رجل كي تخطبي الفتياة بل فتاة يدق بابها حين يقدر الله لها
اياكي ثم اياكي ثم اياكي أن ترمي نفسي هكذا من اجل شهادة زواج
فكري في العاقبة يا اختي و ماتهربيش من شبح العنوسة و تسقطين في حفرة المطلقات فاحذري من التسرع
فلا تسمعي لكلامهمم واضربيه في الصفر ..
وادعي ربي يرزقك بالزوج الصالح
و من خاب من قال يارب

[knives55]

في العجلة الندامة يعني انت حابة تزوج به ناس مايقلولكش بايرة اذ حياة ملك لناس

هل ناس هما ليصرفوا عليك هما قراوك .................................................. ...........

ياختي اصبري اصبري اصبري خلي ناس تهدر الله لا يدرلهم طريق

كبري قلبك اضحكي خلي دنيا تمشي ضورك كل يجي وحدوا

صح مجتمع ما يرحمش اذن عسي روح من اي راجل قربلك ولا يحاول يستغل هذ نقطة لانك انت لان اضعف من اي وقت

وربي يرزق زوج صالح


خايفة نقبل بالأول لي يطبطب فالباب
هذي منيش معاك فيها يلزم تعرفي عليه كل ولا حياة راح تولي اسوء

انا نصحتي لكي
-هي لا تتسرعي
-لا تقبلي بين كان بدون معرفة من هو و جميع تفاصيل
-وخلي كلام ناس تحت رجلك

وربي يجب الخير
أعلمنا بكل شيئ حتي نعرف كيف نساعدك

[aamoula]

راكى حطيتى يدك على الجرح

انا تانى رانى كيفك بقالى شهرين ونكمل 26 سنة

ماراكيش وحدك رانى معاك انا تانى والمشكل كامل صحاباتى تزوجو وكاين الى قريب عرسها بقيت غير انا واختى تان تكبرنى بعام مازالها تعانى من الامرين لانها درست طب وهدا العام تكمل

وغير كى تسمعى اللبنات الى اصغر منك راهم يتزوجو وش نديرو هدا مكتوب ربى وماشى شرط تقبلى باي واحد ان شاء الله يجيك واحد مسقم وانا تان و اختى

وزيد انا قررت عندى يومين منزيدش كامل نزعف على حتى واحد ومعلابالى بحتى وحدة ادا تخطبت ولا لا لا

هدا قرار درتو لخاطر ربى الى وزع الارزاق وهى كتبلها بلى تتزوج وانا نستنى ماعليش منعترضش على حكم ربى

نحى الفكرة من بالك وخليها على ربى لخاطر كى تصرى على حاجة بزاف متجيش مى كيمديريهاش فى بالك تجى وحدها


متتقلقيش كامل ومتحسبى حتى واحد ومادامك خدامه خليك من هم متقبمى حتى واحد


و ربى يسهلنا جميعا و نفرحو ان شاء الله

[أكوام الورد]

أختي رحمة ربي واسعة كبري قلبك و وسعي خاطرك و خلي إيمانك قوي و صبري ان شاء الله ربي يجازيك على صبرك بإنسان يعوضلك قاع اللي فات
و ماتعمريش راسك بهدرة الناس اللي ماتدي ما ترد
عمر ربي ما يضيع عبده ولا ينساه هادي كوني متأكدة منها و هو اللي عارف الحاجة اللي فيها خير ليك
أنتي أدعي ربي بنية صافية و داومي الدعاء أكيد يستاجبلك
و عندك تغلطي تقبلي غير اللي جا اللهم تبقاي في داركم معزة مكرمة و لا تعيشي حياة تندمي فيها على النهار اللي زوجتي فيه
كيما يقولو ماشي شحال و أنتي صايمة باش تفطري على بصلة
ربي يوفيلك ماراكي متمنية ليك ولينا قاع و يفرحك ويهنيك

[محمد...عبد النور]

الزواج رزق و مكتوب و اللي هدر ما باغي يضرك و لي سكت ما ينفعك
ما ديريش على كلام الناس راه كلام مستهلك و ينوضوا بيه و يرقدوا بيه
توكلي و اصبري و استعيني بالدعلء فالعاقبة للمتقين
و تيقني ان رزقك لن يأخذه أحد و أن الله رحيم جواد كريم لا ينس عباده
أسأل الله أن يرزقك بزوج تقي نقي تقر به عينك و تفرحين به
و لا تستعجلي بقبول اول من يطرق الباب فتريثي و اختاري التقي خير من من ندمن و صرن مطلقات
نسأل الله العافية
بارك الله فيك و جزيتي الجنة
ســـــــــــــــــــــــــــــــلام

[الواثق]

أختي رحمة ربي واسعة كبري قلبك و وسعي خاطرك و خلي إيمانك قوي و صبري ان شاء الله ربي يجازيك على صبرك بإنسان يعوضلك قاع اللي فات
و ماتعمريش راسك بهدرة الناس اللي ماتدي ما ترد
عمر ربي ما يضيع عبده ولا ينساه هادي كوني متأكدة منها و هو اللي عارف الحاجة اللي فيها خير ليك
أنتي أدعي ربي بنية صافية و داومي الدعاء أكيد يستاجبلك
و عندك تغلطي تقبلي غير اللي جا اللهم تبقاي في داركم معزة مكرمة و لا تعيشي حياة تندمي فيها على النهار اللي زوجتي فيه
كيما يقولو ماشي شحال و أنتي صايمة باش تفطري على بصلة
ربي يوفيلك ماراكي متمنية ليك ولينا قاع و يفرحك ويهنيك

الكلمة التي سطرتها ولونتها بالاحمر ارجو ان تراجعيها سواء في اللفظ او الكتابة

بالنسبة لصاحبة المشكلة نكثر الكثير من التأويلات والقصص وخلاصة كلامنا ان ندعو لكي بالزوج الصالح عاجلا غير اجل

وتذكري ان الله هو المستعان

[fayza0908]

رانا كل كيف كيف انا راني 27 سنة و نخدم في التعليم و الناس راهم مهبليني كل يوم وقتاه تتزوجي اصبري برك و ما ديريش على هدرة الناس الزواج من عند الله راه رزق

[**د لا ل**]

ربي يرزقك اختي ويرزق كل بنات المسلمين يالازواج الصالحين والذريات الصالحة

اصبري فقط واحتسبي الاجر عند الله وحافظي على نفسكِ جيدا وربي باذن الله سيجازيكي كل خير

**انما يوفى الصابرون اجرهم بغير حساب **

[symsem22]

والله يااختي ما تهمك هدرة الناس لانها ماتخالاصش. اذا جابلك ربي مكتوب مليح تزوجي على بركة الله .ولكن ترمي روحك من اجل الناس فلا و1000لا يا اختي العزيزة

[رفيق الروح]

لا تياسي ياختي فكل شيى بيد الله وشوفي هذا الفديو ينفعك مليح لعالم نفس http://www.youtube.com/watch?v=WMK_ZUKhvfY&feature=related

[faty05]

الناس تتكلم و تحب تتكلم في الفاضي
جهلوا و نساؤه بلي هذه الامور مكاتييب
شوفي اختي ما تعمريش راسك بالعباد انتي صلي صلاتك و صومي صيامك و اقراي القران و أرقي نفسك بنفسك و ادعي بزااااااااف
و ما تقنطيش من رحمة الله
ربي يسعد أيامك و يرزقك بالزوج الصالح لي يخاف ربي فيك الي يعرف قيمتك

[biologie2001]

ما بك يا اختي لا تقنطي من رحمة الله ... هدا مكتوب ربي و مكتوبك مازال باه يجي.... انا راني اكبر منك ب 03 سنوات و الحمد لله على كل حال

ندعي ربي يرزقني و اياك و كل بنات المسلمين الزوج الصالح الدي اصونه و يصونني

[مبروكة الصحراء]

المجتمع ما يرحمش و لكن للصابرين رب رحييييييييييييييييييييييم
اصبري و ادعي ربي كل يوم يرزقك بالزوج الصالح
و غن شاء الله فرجك قرييييييييييييييييييييييييييييييييييييييييييب
يا ربي ارزق اختي عاااااااااااااااااااااااجلا زوجا صالحا يا رحمان يا قادر يا عظيم
راني ندعيلك اختي المهم حطي راسك و كوني ثقيلة فهمتيني؟؟؟؟؟ في الخدمة في الشارع عند الناس...... ربي يفرج

[lilou f lilou a]

ربي يرزقك زوج صالح......

[zalamite]

ربي يجيب الخير..... روحي اخطبي لروحك خاصة ادا كنتى شويا ميسورة الحال شوفي كاش واحد عاونيه ماديا لانه اغلب مشاكل الشباب هي ماديا بالدرجة الاولى ورانا في وقت النساء يخدموا او يعرفوا يخبو والرجال حابسين...
(اخطبي ماشي محسوب انت تروحي طيحي بروحك ..عن طريق واسطة باينا )

[الدر المكنون]

اصبري اختي اللي عند ربي خير ليك ان شاء الله عزبة في دار باباك خير من مطلقة راهم ازوجو على 20سنة وراهم على ابواب الطلاق علاه لاختر اسرعو المهم يزوجو ويلبسو لا روب بلونش وخلاص ونساو بلي الزواج مسؤولية لازم تخيري اللي يساعدك ويعينك على طاعة ربي وعلى مصائب الدنيا ماشي اللي يزيد عليك

تحري ساعات استجابة الدعاء واادعي ريبي يرزقك من حيث لا تحتسبين

[the black perl]

ربي يفرج عليك اختي الغالية ويرزقك الزوج الصالح

[da3dou3]

ياو المشكل مشي فيك المشكل فالرجال مبقاوش يخموا في الزواج انا واحد منهم منيش نخمم في الزواج خلاه و صح واش قلتي بنات ياسر راهم يتزوجوا بصح بنات ياسر راهم يطلقوا . سبحان الله عدت غير نسمع كلمة الزواج نقلق لواحد قريب يعود يعاف يشوف امرأة غير من المشاكل تعهم لي نقراوهم في الجرائد ولا لحكيات لي نسمعوهم برة تع نساء متزوجات و لا لبنات لي نشوفهم برا منجمش نتخيل وحدة لابسة سروال جينز و داير طالون و دايرة طبة فوق راسها ( منجمش نسميه حجاب ) انها تتحمل مسؤولية. صح لبنات كل ماشي كيفكيف بصح درك الفازد غلب على لمليح هذا حتى شي يعني مكلاه نزيدوا نحكيوا على واش يصرا للمرأة العاملة من تحرشات في العمل و زيد تلقاها تجري ورا العمل و دير على جالوا المحال باه تعمل و منحكيوش على البطالة لي تقتل فالشباب امور ياسر راهي داخلة في بعضاها و حنا نحبوا نغطيوا الشمس بالغربال و باه نختصروا الطريق نقول بلي مكانش زهر و لا راني مسحور .......... الخ من الاشياء لي نكذبوا باها على روحنا. المهم ربي يهدينا و يفرج علينا كل.

[salimsalm]

ربي يفرج عليك اختي

[Golden Princess]

ربي يرزقك الزوج الصالح اختي

و ما ديري والو في بالك غير كلشي بالمكتوب

و الي فيها الخير يجيبها ربي ان شاء الله

[loulou02]

أكثري من الإستغفار و صلاة الحاجة في التلت الأخير من الليل .

[AMOLAS45]

**انما يوفى الصابرون اجرهم بغير حسااب ** هذا احسن رد وجدته يعنى من توكل على الله فهو حسبه الدعاء اختى و الاستغفار وكل شئء فى اوانه انا اكبر منك بسنتين و الحمد لله دايرة الثقة فى الله سبحانه المهم الواحد يكون صافى مع خالقه و ربى يرزقنا على حساب نيتنا قولى اميييييييييييييييييين

[سينو91]

والله حيرة أنا نعرف واحد راهو حفا وهو يحوّس على بنت الفاميليا وما لقاش
واش نقلولك يا أختي ربي يفرج عليك وعلى الكل

[1954مريم]

السلام عليكم ورحمة الله تعالى وبركاته

اختي الله يهديك وربي يرزقك الزوج الصالح وكل بنات المسلمين

شوفي اختي الفاضلة اذا عما خفت واحمدي ربك انك عاملة عندك مضروف مدخول .

فيه الاف وصلنا لسن الاربعين لاعمل لا مدخول ؟

ثانيا نعطيك نصيحة من اخت اكب منك وعمري 34 سنة لست متزوجة واعمل في التعليم والحمد لله قبل ما نتقلق على الزواج
نشوف انه رزق من رب العباد وليس بشطارة لعباد ولا زين ولا قفازة
مكتوب وكل ما اختاره الله فيه خير .

انا كل بنتات العائلة من الطرفين تزوجوا و اقلهم جماعة 95 ا96 راهم يتخطبوا وجماعة 93 امهات .

والله نروح للعراسهم عادي ونسول عليهم عادي ويعجبك تلمذاتي تزوجوا ويخطبوا ويحكيوا لي وننصحهك حبيت نوصلك معلومة متكونيش حساسة .

ثالثا اذا قالولك وقتاه وكيفاه قولي لهم الحمد لله رزقي في يد رب لن ينسى عبده واعطاني من النعم التي يحسدوني غيري عليها .

انا كل ما كنت في عرس لافامي وانا نكون في المطبخ للغاشي كامل تقولي ربة بيت كي تعجبهم الماكلة يجيوا يقولك ربي يفتح عليك ؟
نقولهم الحمد لله راه اعطاني نعم غيري معندوش ؟
الحمد لله ياربي .

زيدي لا تقتلي نفسك في الهم خذوها مني نصيحة عيشي حياتط بالطول بالعرض في طاعة الله وحلاله

لا تبخلي على نفسك في تدليلها خلي عندك غرفة خاصة ديريفيها كل ما تتمني وتشتهي نفسك دللي نفسك ؟

ما تقوليش ما نستهلش ولا حتى نتزوج لا انت اولا
البسي واش في بالك واش يعجبك كلي كل ما تتمني وتشتهي بالعربي لا تتركي نفسك محتاجة شئ .

ثم اعملي مشاريع خيرية انظمي للجمعيات تحفيظ او قدمي محاضرات للنساء او البنات .

طوري ذات تقفي نفسك تعلمي كل شئ طبخ حلويات خياطة

فنون التعامل مع الزوج نربية الابناء كل شئ في هذه الحياة تعلميه واتقنيه
خلي نفسك نجمة الكل يحتاجك في كل شئ وكوني حكيمة حليمة وساعدي غيرك ولا تحقدي على احد

اللي تزوج ربي يهنيه واللي تكلم ربي يغفر ليه

والله تعيشي سعيدة الناس تحسدك عليها

اعلمي انه ليس كل متزوجة سعيدة وليس كل من تاخر زوجها تعيسة

عن نفسي والله والله العظيم الحمد لله ومرات نحمد ربي اني لم اتزوج على الشئ اللي راني نشوف فيه من الرجال ولا نساء

تجدي نساء حملة مفيدن متعرفهاش ؟
زوجها يطلب الجيراو يطبخوا ليه وهي تتبجح انا متزوجة ؟

ومن ارادات ان تطاول عليك اعرفي كيفاه تربيها بكلام موزون وواثقة من نفسك

نعطيك مثال ؟ اذا رحتي لوليمة او مناسبة اهتمي بنفسك جيددا لبس ومكياج اخر طراز لا تبخلي على نفسك؟

واذا قالو ليك ربي يفتح عليك ؟ قولي بالفم المليان بضحكة ساخرة الحمد لله ربي رزاقني بنعم غيري ما يحلمن بها .

لا تخجلي اذا سالوك عن عمرك عادي لا تخافي من احد خليك واثقة من نفسك ولا تكوني ملهوفة عن الزواج ؟

اما الوقحات التي يدعين انهن سعيدات بالزواج وتدخل في كل شئ ونحب تحشر نفسها ؟
اعطيها اجابات تخليها تعيد حسابتها ؟

مثلا ما تخليها تعلب عليك ؟
اذا راحت تمدح الزواج وانها سعيدة ووياويل من لم تتزوج
لانه فيه بعض الو قحات اللواتي يدعين اشياء غير موجودة او اذا شفوك سعيدة يحبوا ينغصوا سعادتك .
قولي لها بحرف واحد واش استفدتي بالزواج ؟ واش حققتي ؟ واش غيرتي ؟
واش الفرق بيني وبيتك كلنا اناث ؟

ولا الفرق هو اني انا مازال عندي امل بزوج اختاروا وانت راحت عليك تغبنتي ؟
وخليها ما تكثري معهن كلام .

مع العلم الحمد لله لم يحصل لي مثلب هذه المواقف لاني لا احب الذهاب للاعراس ولا احب ان اختلط مع نت هب ودب ؟

اعطني نفسك قيمة الكل قيمك ويحترمك وظهري انك احسن منهم بكل شئ .
طبخ تنظيف اعتنالء بنفسك
اسلوب الكلام هادئ طيبة حبوبة خليهم هما يستغربوا في انفسهم لبش ما تزوجتي .

كذلك الرقية ليس عيب عادي لانسان يرقي ولا يتعلق بها لان الشفاء بيد الله.

ربي يرزقكم ازواج صالحين والله انا نتمنى نفتح موضوع او ملف للمتاخرات على الزواج لرفع معنوياتكن
لا تبكي على رجل والحياة لا تنتهي عند رجل
والسلام عليكم

[zineb.alg.ziani]

ربي يرزقك الزوج الصالح

[loulou88]

البنات تقريبا كل عندهم مشكل الزواج
كل بالمكتوب اختي كيما قلتيها وديما قوليها