نصيحة بخصوص الراغبين في الزواج من السوريات

[alger1]

اعتقد ان من غير المعقول التسرع بالتفكير في الزواج من سورية بمجرد انها دخلت الى ارض الوطن كلاجئة من الحرب فبنات الجزائر كثيرات وبحاجة ماسة لمن يسترهن

[djeriou]

كأنهن في منافسة مع بنات الجزائر، الذي يريد سورية راها قباله و الذي يأخذ بنت بلاده خيـــــر ليه، الزواج رباط مقدس و ليس فيه تسرع، لكننا نؤمن انه كلش بالمكتــــــــــــوب

[ghali_dz]

السلام عليكم
مجـرد رأي:
الزواج شيء مقدس و مشروع حياة و مشروع بهذا الحجم لمن يعرف قيمته لا يتسرع ، لا يركب هذه الموجة ولا يسير وراء الزوابع الصيفية. صحيح للسوريات و الشاميات عموما بصمة جمال خاصة (و للجزائريات بصمتهم و نكهتهم الخاصة أيضا) لكن هذا لا يكفي لمشروع عمر. بعض الشباب متأثر بالدراما السورية التلفزيونية فجأة وجد دراما سورية حقيقية جاءت إليه للبلد فنرى البعض يغتنم الفرص من أجل نزوة عابرة و made in 2012 لا أكثر و لا أقل. و الدليل النسبة الكبيرة تريده زواجا عرفيا. هؤلاء إخوتنا ضاقت بهم منهم من إختار الجزائر و منهم من ذهب لبلد آخر.. فلا نزيد من معاناتهم بمثل هكذا تصرفات. و من كانت نيته لستر بنت سورية لوجه الله فتزوجها رسميا و يتحمل كل النتائج لوجه الله. و لا ينسى البنت الجزائرية لأنها هي الأصل.
شكرا للجميع.

[السي محمد]

ولكن الجزائريات يرفضن الزواج

وحدة حابة تخدم ووحدة حابة تكمل قرايتها ووحدة حابة تسكن وحدها و وحدة تحوس عليه غني ووسيم

واللي حابة تتزوج يشرطو فيها 30 مليون مهر و الذهب وووو


يعني تقدري تقولي بلي مش حابين الزواج

إلا من رحم ربي

و الشباب مسكين مش قادر على 30مليون مهر

السورية فرصة لا تُعوض بما انها مُسلمة

[abdou27300]

شكرا على الموضوع

انا نديها جزائرية، لكن الله غالب ما لقيناش

+ لو كان عندي، حتى ولو طلبوا مني 100 ميلون كمهر نعطيهالم

لانو حضرت زواج اقارب وشفت كم يتطلب تحضير العروص من تكاليف،

حتى انهم يزيدو من عندهم

واصلا هاذي غادي تكون مرتك، يعني الشيء اللي مديتو يرجعلك

لكن الله غالب، نقدر على 20 مليون ماكسيمووووووووم

[abdou27300]

+ للأسف انتشرت مودة التزايد والتباهي في المهور

واحدة تشوف في بنت عمها، و وحدة في بنت خالها، ووحدة بنت جارها وووو

+ لوكان تتزوج بمهر اقل كثيرا من مثيلاتها، راهم عندهم ما يهدرو فيها وفي العائلة كامل

وحتى الزوج بروحو ربما يدخلو الشك

الله غالب هذه العقلية تاعنا والعادات والتقاليد

ما نطيقوش نبدلوها بين ليلة وضحاها،

ربما إن شاء الله يجو أجيال من ورانا ويولو يمشو على الكتاب والسنة

[مرشد الحيران]

قال صلى الله عليه وسلم اعظم النساء بركة ايسرهن مؤونة

[harague]

المراة الجزائرية باه تتزوجها لازم 100 مليون على الاقل هذا جنون

المهر 10 ملاين على لاقل

الذهب 30 مليون على الاقل

الفراش 20 مليون على الاقل

العرس 20 مليون

السكن تكري 30 مليون في العام

يعني من المستحيلات حتى لوكان نخدم في سوناطراك ونخلص 20 مليون في الشهر

المهم الجزائرية هذا اليوم ليست اجمل نساء العالم وليست ذات دين واخلاق عالية

اقعدو في دياركم ربما يجيو رجال من الترك يخطبوكم ههههههههههههههههههههههه

[مراد44]

المهر كثييير بزاف منقدروش الله غالب

[مرشد الحيران]

الدين والخلق ولا يهم بعد دلك من المشرق اوالمغرب
قال جلَّ وعلا: {يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ}

[symsem22]

والله يااخوتي راني تعجبت من شباب الجزائر الذي يتهافت علئ السوريات راهم كيم الجزائريات ولا الجزائريات خير مع احتراماتي لكل السوريات.والله لي يسمع ايقول بلي بنات الجزائر ماوش ملاح .عيب عليكم ياشباب..من لم يتزوج جزائرية يبقى اعزب طوال حياته

[alger1]

تحسبوا فيهم كيما المسلسلات لانهم ايفوتوا على مصنع من التزيين والماكياج زد على ذلك هناك الكثير من الجزائريات في مناطق مختلفة من الوطن يرضين ان يتزوجن بمصحف واقل المهور زدعلى ذلك تقدر تسقسي عليها وتعرف اصلها وفصلها وكاين بزاف المتخلقات.........

[abdou27300]

فكرتيني فلحديث تع المهر

هاكم اقرؤوه:

*******

حدثنا علي بن عبد الله (http://www.islamweb.net/newlibrary/showalam.php?ids=16604)حدثنا سفيان (http://www.islamweb.net/newlibrary/showalam.php?ids=16008)سمعت أبا حازم (http://www.islamweb.net/newlibrary/showalam.php?ids=11974)يقول سمعت سهل بن سعد الساعدي (http://www.islamweb.net/newlibrary/showalam.php?ids=31)يقول إني لفي القوم عند رسول الله صلى الله عليه وسلم إذ قامت امرأة فقالت يا رسول الله إنها قد وهبت نفسها لك فر فيها رأيك فلم يجبها شيئا ثم قامت فقالت يا رسول الله إنها قد وهبت نفسها لك فر فيها رأيك فلم يجبها شيئا ثم قامت الثالثة فقالت إنها قد وهبت نفسها لك فر فيها رأيك فقام رجل فقال يا رسول الله أنكحنيها قال هل عندك من شيء قال لا قال اذهب فاطلب ولو خاتما من حديد فذهب فطلب ثم جاء فقال ما وجدت شيئا ولا خاتما من حديد فقال هل معك من القرآن شيء قال معي سورة كذا وسورة كذا قال اذهب فقد أنكحتكها بما معك من القرآن

*****
للأسف رانا بعاد بزززززززززززاف على الدين

انا لوكان نلقى واحدة تطلب مصلحف كمهر لها، نديرها فوق راسي

ليس في مسألة الثمن لا لا لا، المسألة ف جاست بروحها

انا اصلا الثمن اللي نكون داير في بالي ندفعوا كمهر،

نعطيولها من بعد الزواج، على شكل ذهب أو أشياء أخرى

****

على فكرة، قالولي القبايل يسهلو بزاف في هذه الأمور

كاين منها ؟؟؟

[مرشد الحيران]

ماهذا التحذير من الزواج بالمسلمات من سوريا
ولما كان الشباب الجزائري يتزوج المشركات في اسبانيا وايطاليا وفرنسا بل بالعجائز منهن لم يقدم احدا نصيحة للشباب
واليوم يحذرون من المسلمات العفيفات الذين ارادوا حل مشكلة غلاء المهور على الشباب الجزائري
واعتقد ان من حسنت نيته ياجره الله على ذلك
والله الموفق والسلام عليكم

[قَاسِمٌ.قَاسِم]

حذاري ...........قد تكون إحداهن شبيحة

[ghali_dz]

+ للأسف انتشرت مودة التزايد والتباهي في المهور

واحدة تشوف في بنت عمها، و وحدة في بنت خالها، ووحدة بنت جارها وووو

+ لوكان تتزوج بمهر اقل كثيرا من مثيلاتها، راهم عندهم ما يهدرو فيها وفي العائلة كامل

وحتى الزوج بروحو ربما يدخلو الشك

الله غالب هذه العقلية تاعنا والعادات والتقاليد

ما نطيقوش نبدلوها بين ليلة وضحاها،

ربما إن شاء الله يجو أجيال من ورانا ويولو يمشو على الكتاب والسنة

للأسف الشديد هذه التصرفات موجودة. لكن التقاليد و العادات ليست وحي منزل من السموات أو قرآن لا يمكن تغييره الآسف كل الآسف أن نجد شابة أو شاب يعتبر نفسه مثقف و واعي لكنه عاجز أمام هذه التقاليد و العرف البالي الهدام الذي زعزع استقرار المجتمع. يجب على كل واحد أن يثور ضد ك عاد و عرف سلبي لا معنى له. هل تعلمون و حسب بعض الاحصائيات يوجد أكثر من 10 ملايين بنت عانس في الجزائر بسبب غلاء المهور و عزوف الشباب على الزواج.
الذي يتزوج بمهر أقل يتكلموا فيه و...و..... دعهم يتكلمون من يكون هؤلاء مادمت أقوم بشيء حلال لا يغضب خالقي فليذهب الناس للجحيم بمنطقهم الأعرج هذا.
و إليكم هذه القصة الحقيقية و اعتبروا يا أولي الألباب. لي صديق من غرب البلاد يشتغل بسلك التعليم من عائلة بسيطة جدا. لم يستطع الزواج لغلاء المهور بمنطقته. مكتوب الله عرف بنت قبائليةجامعية مثقفةمن ضواحي بومرداس بدون إطالة تقدم لطلب يدها من أهلها. صدقوا أو لاتصدقوا زوجت بمهر رمزي 1000دج مهر و قال له والدها كل ما استطعت توفيره فهو لكما معا و كل ما لم تستطع لكما معا. و الله بعد زواجهما تحسنت أحوالهما المادية كثيرا و هما يعيشان في سعادة كبيرة الله يبارك و يزيد و كأن زواجهما بهذه الطريقة به بركة. و دع الناس يقولون ما يقولون...

[abdou27300]

مرشد الحيران (http://www.djelfa.info/vb/member.php?u=89171)

قالك يا خويا، الأولى هم الجزائريات، وراهم يقولو بلي هاذ السوريات اللي راهم يدورو، من الغجر وماشي دوريجين، وفيهم شحال من ملة معادية للسنة، كالشيعة الروافض…الخ، وقالك يا خويا ماشي جايا تستغل الضرف تحت الحرب باشي تدي امراة من عندهم، وهوما هاربين من الحرب ونتا تجبدلهم على الزواج، + قالك يلا كان كيما هاك، نخطارو غير النساء اللي قد الزواج، والأهالي نتاعهم نعاودو ارجعوهم، يعني قالك يلا دير الخير، دير فلجميع، + كاينا وحد الهدرا راهي دور تع 500 ميل، وثاني قالك كاين وحدين راهم يتزجوا غير زواج عرفي ولا متعة ولا مارانيش عارف.
أنا مثلا كانت نيتي صافية، بصح خصروهالي، ودخلولي شك


هذا علا حساب ما فهمت، والله أعلم

[مرشد الحيران]

ربي يهديكم

[abdou27300]

ghali_dz (http://www.djelfa.info/vb/member.php?u=93927)

مشكور على المشاركة يا أستاذ

يلا قبالك كاش وحدة قبايلية وريهانا يا شيخ

لكن قولها إنسان محطم زوالي، ما عندو والو

الحمد لله

[abdou27300]

مرشد الحيران (http://www.djelfa.info/vb/member.php?u=89171)

أمين، الله يهدي الجميع يا أستاذ

[symsem22]

ماهذا التحذير من الزواج بالمسلمات من سوريا
ولما كان الشباب الجزائري يتزوج المشركات في اسبانيا وايطاليا وفرنسا بل بالعجائز منهن لم يقدم احدا نصيحة للشباب
واليوم يحذرون من المسلمات العفيفات الذين ارادوا حل مشكلة غلاء المهور على الشباب الجزائري
واعتقد ان من حسنت نيته ياجره الله على ذلك
والله الموفق والسلام عليكم
ردللاخ الكريم
هذا ليس تحذير ياأخي الكريم لكن ان تهان المراةالجزائرية على حساب الاجنبيات فهذا الذي لا نقبله.البعض ايقول علينا ماديات والبعض ايقول كلهم عاملات والخدمة نتاعهم شدوها بطرق ملتوية .تغيص هاذي ولا ماتغيضش وكأنو السوريات ملائكة والجزائريات........ خافو ربي ياابناء بلدي اذا نتوما تقولو علينا كيم هكذا امالا البراني واش ايقول ..وانا لا ارصى الا بجزائري حر ولا يهمني لاتركي ولا سوري ولا مصري
......... وتحيا الجزائر وابناء الجزائر الاحرار

[aminerag]

في الجزائر هناك مئات الآلاف من شباب متزوجين من اوروبيات وامركيات

ومن جاو السوريات المسلمات حسدتوهم

الله يحفظ ويستر حسد وغيرة

[saadi-2008]

http://www.djelfa.info/vb/showthread.php?t=1075892

[مرشد الحيران]

الجزائرية تصعب الزواج ماديا
والسورية سهلته لاقصى درجة ممكنة
فكانت محل طلب من الشباب الذي يريد العفاف
فاذا بهن يتلقين هجوم قويا من بنات الجزائر كانهن ينافسنهن على الزواج. للاسف

[lilou f lilou a]

ربي يكون الخير

[بتول8]

خيركم خيركم لاهله و انا خيركم لاهلي
لي مافيه خير فاهلو مافيه خير فالناس
كفاش تفتحو مكتب تزويج للسوريات و ماخممتوش تفتحوه لاخواتكم و بنات جيرانكم و بنات الجزايريين لي تعرفوهم و لي ماتعرفوهمش
و هادي السورية سقسيت عليها فبلادها و فحيها و لا غير شفتها لابسة برقع تسما صالحة للزواج يقولو المصريين لي تعرفو احسن ملي ماتعرفوش