زواج اختي

[وفاء سعاد]

اختي مقبلة علي الزواج وحائرة ومترددة واحيانا اخري تريد ان تترك الامر برمته فنحن نسكن في وسط المدينة واختي كان متوفر لها كل شئ وزوجها يقطن في ولاية سكيكدة وبالضبظ عين قشرة واهل زوجها لديهم عادات مختلفة عنا تماما وزوجها افهمنا بانها لن تقطن هناك وسياخدها معه مكان عمله وعند انتهاء مدة عمله 6سنوات سيكون لها بيت خاص ولكن عند اقتراب العرس بدل عقليتو واخبرها ان ضروف عمله لاتسمح له باخدها معه وسوف تبقي في بيت اهله وسياتي لزيارتها كل شهرين مدة عام وهي الان حائرة مادا تفعل رغم انها تحبه ولكن عائلته واخوته البنات كبيرات وهي اصغر منهن كتيرا وتخاف من المشاكل ارجوكم الرد سريعا

[Lydia istanboul]

سبحان الله الرجال ولات ماعندهمش كلمة....قلها تفكر مليح....و ربي يقدملها الخير يارب

[ترنيمة الأمل]

مداموووو بدل هدرته ..

معناها واحد خربله في عقله ..


قولها تعاود تناقشوو في هاذ القضية وتحاول تقنعه باش يديها معاه لوين يروح ..

وتفكروو بواش قاللها في الأول


أنا بالنسبة لي الرجل الي يمد كلمة وما يوفيش بيها مش رااااااااااجل .. واسمحيلي على كل حال


لو أنا مكانها نتأنى قدر الإمكان .. هاذا راهو زواج نتاع حياة كاملة ومش نتاع ليلة والا زوج



وربي يسهل لأختك الخير

[cila09]

لا تستشيري العباد فهم لا يعلمون الغيب و لا الظروف قولي لاختك ان تكثر من صلاة الاستخارة وما تاتي به الايام هو خير الامور لها مهما كانت النتيجة
اما بالنسبة لموضوع اخوته البنات فهو ليس بسبب فربما اختك ترفض وهم يتزوجوا و اختك تقعد بلا زواج او هذا الزواج يكون باب خير عليهم ويتزوجوا
اقول لها احسن الضن بالله فقط وربي يكون معها)صفي نيتك(و ربي يكملك في الخير ان شاء الله
وهو مجرد راي

[dotZero]

سبحان الله الرجال ولات ماعندهمش كلمة....قلها تفكر مليح....و ربي يقدملها الخير يارب


كي مراكمش تشوفو فيه راجل علاه التعب و التخمام
مشروع للإلغاء و فورا
ربي يرزقو وحدة تقدر الظروف المتغيرة في العمل

[biti]

صلاة الاستخارة

[aminahassiba]

واش عمبالكم النسا كامل راهم مهنيييين لا زم تصبر او توسع خاطرها او بالها او تعاونوا

[lidouch]

و الله صعيبه بزااااااااااااااااااااااااااااااااف

[ام سليمان]

ربي يهديه ويجيب الخير

[aihemsara]

و الله غير حرام عليكم,, ولاو الردود يشوكيوني اكتر من المشكل في حد ذاتو
واش بيكم يــــــــــــــــــــا نــــــــــــــــــــاس !!
شوفي اختي نتي جيتي تطلبي النصيحة ماش الدبارة الخاسرة لي تهدم البيوت
اي واحد يخدم بعيد يقدر يصرالو كيما راجل اختك,,
و غير ربي لي يعلم الغيب و عالم واش في قلبو مالا ماكلاه تظنو بيه حاجة عيانة
يعني راجلها قادر صح ظروفو ماسمحتلو يديها و بانولو عوائق و غير ربي لي عالم بيها هادي
و زيد اختك قلتي تحب السيد,, مالا علاه ما تشوفش حل اوسط؟
عندي اختي راجلها جوندارم,,
كي كان في الغرب,, لقا دار و داها معاه,, بصح درك راهو في الصحراء و الله ما لقا دار باش يديها
امالا تفاهمو على حل اوسط,,
انو كي يجي هو عادي يقعدو في دار والديه,,
من بعد هو يرجع لخدمتو,,
تزيد تبقى هي وحدها مع والديه يامات (اسبوعين او ثلاثة)
من بعد تروح لدار باباها و تقعد تما حتى يزيد يجي راجلها,,
هكا مابيد لقا دار ولا بدلوه الى بلاصة اخرى
و اختك تاني تقدر تتفاهم مع راجلها من درك على هادد الشي,, يضهرني احسن من انهم يحبسو !!
و ربي يجيب لي فيه الخير ان شاء الله

[salam algeria]

و الله غير حرام عليكم,, ولاو الردود يشوكيوني اكتر من المشكل في حد ذاتو
واش بيكم يــــــــــــــــــــا نــــــــــــــــــــاس !!
شوفي اختي نتي جيتي تطلبي النصيحة ماش الدبارة الخاسرة لي تهدم البيوت
اي واحد يخدم بعيد يقدر يصرالو كيما راجل اختك,,
و غير ربي لي يعلم الغيب و عالم واش في قلبو مالا ماكلاه تظنو بيه حاجة عيانة
يعني راجلها قادر صح ظروفو ماسمحتلو يديها و بانولو عوائق و غير ربي لي عالم بيها هادي
و زيد اختك قلتي تحب السيد,, مالا علاه ما تشوفش حل اوسط؟
عندي اختي راجلها جوندارم,,
كي كان في الغرب,, لقا دار و داها معاه,, بصح درك راهو في الصحراء و الله ما لقا دار باش يديها
امالا تفاهمو على حل اوسط,,
انو كي يجي هو عادي يقعدو في دار والديه,,
من بعد هو يرجع لخدمتو,,
تزيد تبقى هي وحدها مع والديه يامات (اسبوعين او ثلاثة)
من بعد تروح لدار باباها و تقعد تما حتى يزيد يجي راجلها,,
هكا مابيد لقا دار ولا بدلوه الى بلاصة اخرى
و اختك تاني تقدر تتفاهم مع راجلها من درك على هادد الشي,, يضهرني احسن من انهم يحبسو !!
و ربي يجيب لي فيه الخير ان شاء الله
عندك الحق اختي جزاك الله خيرا
و الى صاحبة الموضوع راجل اختك ربما تغيرت ظروفه لهذاغير رايو قوليلها تصلي صلاة الاستخارة و ان شاء الله يجعل لها مخرجا

[Lydia istanboul]

كي مراكمش تشوفو فيه راجل علاه التعب و التخمام
مشروع للإلغاء و فورا
ربي يرزقو وحدة تقدر الظروف المتغيرة في العمل

اخي مالك تهاجم؟؟؟؟؟ هل تحجر على رأي لكي ترضى مثلا؟؟؟؟ من قال اني ضد هذا الزواج او انني اخبرتها بان تلغيه و لا تقدر ظروف هذا الرجل؟؟؟؟ لكن ما استهجنه و الاحظه بكثرة هو تغير ملام الخطيب لما يقرب العرس و خاصة مسألة السكن لهذا طلبت منها التفكير جيدا....ان كانت حقا ظروف فهي لوحدها ستقتنع بكلامه و الا فالواضح واضح...ثم انا قلت ربي يقدملها الخير ايا كان حتى. بزواجها بهذا الشخص...لا تتكلم بمنطقًذكوري فالبنت هي من طلبت النصيحة و نحن اهل كرم سندعو لها ثم للخطيب....السائل اولى .السلام عليكم

[اسعى لرضى الله]

انا الراجل اللي يبدل كلمتو صراحة في رايي انو مش راجل

كما قالو ناس بكري الراجل من كلمتو كي يفوت ينطقها صاييييييي

[aldorrah]

مع احترامي لك لكن اختك هي من يججب ان تسأل انت اعطها رأيك الخاص لا اراء اصحاب المنتدى الا اذا كانت هي من كتب بحسابك

[اناناسة]

السلام عليكم، يا اختى علاش تستبقون الامور ربما ناسها رايحين يكونو ملاح علاش ما تدخلش بنيتها ربما ربي يجيب لها أحسن من ما كانت تتوقع ربما ربي يجازيها خير لانها عرفت بلي ممكن يصراو مشاكل و قبلت و تاني زوجها هذا تزيد تكبر في عينو لانها قبلت بتغير ضروفو . انا نقول تتكل على الله فالله الطف علينا من أمهاتنا شكون لطيف علينا قد أمهاتنا و ربي ما يجيب غير الخير و الله حتى المعاناة ربي مراده بها الخير و لو علمنا كيف يسير الله أمورنا لما قلقنا لذا قوليلها تتكل على الله و تنوي الخير فالناس .

[safou safaa]

bffff 3iyana hadi b3ida 3la rajalha
rah ykounou surment les problem m3a rajlek ou matasalkich
méé loukane tesbar m3ah yak ghir 1 année ou tathanna

[رُوح طِــஐـــفلة]

نشوف فالجماعة كامل داخلينها مش راجل ومنعرف واش ياسيدي نتوما لي رجالة
علاه عليكم هكذا السيد متعرفوه متعرفو ظروفو, تشوفو للامور كيما تحبو نتوما
للاخت نقولك مدامها تحبو تقبل مافيها والو تدخل بالنية برك وربي معاها
وعام مش حاجة كبيرة نعرفهم ولادهم شابو وهوما مزال عايشين مع الشيخ والعجوز ولاباس عليهم
ربي يهنيها ويفرحها