جريمة قتل في حينا !!

[Floona]

;;;





معرفتش مين نبدا الحكاية

بإختصار جيراننا تعاركو وعندهم مشاكل بيناتهم تلمو كامل ضد شاب وحاصروه في دارو قالولو كانك راجل أخرج

محبش هو يخرج راحو كسرولو الطوموبيل تاعو خرج يشوف وكانو متخبيين كيم خرج دارو بيه

هرب هو جاليه خوه صغير 14 سنة وآخر 22 سنة قالولو متهربش وحرشوه رجعلهم

راحو جبدو السيوف تاعهم وقتلوه وهو معندوش سلاح والمشكلة وين؟ ؟

الشرطة راهي على بعد أمتار منهم راح خوه قالهم راهم يكسرولو فالطوموبيل

قالك حتى طيح رقبة باش نتدخلو وحتى مات الشاب25سنة إتدخلو

والآن راهم محاصرين المنطقة لكن بعد خراب مالطا

والله العظيم راسي حبس اليوم دفنوه

وخاوتو شربولهم المخدرات باش مينتقموش راهم دايخين


وأمهم رايحة تهبل والجيران قالو لازم الثأر


المهم ربي يستر والدولة مبقاتش دولة وتبقى حكاية وكل واحد وش يحكي







;;;;

[السي محمد]

ربي يرحمو و يصبّر والديه و اهله

======
العِبرة هي انه لا توجد عندنا دولة و امن و عدالة

[soso sirin]

ربي يستر هذا الجديد تاع لابوليس لازم نموتو باه يدخلو والله سياسة هايلة ضروك يحلوها اذا يقدرو و زيد والله يا اختي كل واحد واش يحكي و يقوى القيل و القال ربي يخرج المشكل على خير و ان شاء الله مايكونوش ضحايا وخدخرين برك

[aihemsara]

الله يرحم و يوسع عليه و يصبر اهلو
واش من بلاصة بالتحديد صرات هادي؟ يخي مش تاع سيدهم عمار؟

[**د لا ل**]

لا حولو لا قوة الا بالله

ربي يرحمه ويغفرله ويصبر اهله

ان لله وان اليه راجعون

[Floona]

الله يرحم و يوسع عليه و يصبر اهلو
واش من بلاصة بالتحديد صرات هادي؟ يخي مش تاع سيدهم عمار؟
أهلا بك وش راكي

لا هذا اليوم دفنوه

راهي في لوليروز فالعمارة الكبيرة خلاص علابالك عنابة راحت فيها كل مرة نسمع حكاية

[Floona]

ربي يرحمو و يصبّر والديه و اهله

======
العِبرة هي انه لا توجد عندنا دولة و امن و عدالة



هذه هي المشكلة الأمن
وأصلا الحي فيه غير المشاكل بلاك الشرطة كرهت

[mohamed160]

ربى يرحموا .........................

[لؤلؤة الفردوس]

لا حول ولا قوة الا بالله
ان لله و ان اليه راجعون

[Floona]

ربي يستر هذا الجديد تاع لابوليس لازم نموتو باه يدخلو والله سياسة هايلة ضروك يحلوها اذا يقدرو و زيد والله يا اختي كل واحد واش يحكي و يقوى القيل و القال ربي يخرج المشكل على خير و ان شاء الله مايكونوش ضحايا وخدخرين برك



قتلك الجيران مصممين على الثأر وإخوة الضحية شربولهم مخدرات باه يغيبو على الوعي

وأكيد رايحين يخممو فالثأر كيم ينتهي كلش ربي يستر

[aihemsara]

أهلا بك وش راكي

لا هذا اليوم دفنوه

راهي في لوليروز فالعمارة الكبيرة خلاص علابالك عنابة راحت فيها كل مرة نسمع حكاية
و الله العظيم غير ولينا نخافو نمشيو في عنابة غير من الحكايات هادو,,, كل يوم قتيلة كل يوم مشاكل كل يوم ظلم
الله يهدي برك,,, زيد لابوليس راهم نفسي نفسي

[الجواهر]

قريب نرجعو دولة الغاب كيما الحيوانات
عدنا خايفين و راح الامان
لازم الدولة تتحرك قبل فوات الاوان

[Floona]

و الله العظيم غير ولينا نخافو نمشيو في عنابة غير من الحكايات هادو,,, كل يوم قتيلة كل يوم مشاكل كل يوم ظلم
الله يهدي برك,,, زيد لابوليس راهم نفسي نفسي


أنا تاني وليت نخاف نمشي فالطريق ربي يسترنا وخلاص

[مباركة 1961]

هذه المشاكل فى كل المدن ميش غير فى عنابة غير الناس ماتكتبش

انا نسكن امام سكنات للشرطة والسلك القضائى.......ونقري فى اولادهم
وساعات لما نقصر معاهم تجدينهم ناس طيبين ولا حول لهم ولا قوة وجات خبزتهم مرة
يقولو باللى مايقدروش يدخلو فى هذه المناوشات لانها كثيرة فسيبنون لنا سجون بدل العمارات اضمن
ماتلوميهمش راهم عمال مساكن كى حنا
لومى القوانين نتاعنا وطرق تعاملها مع هؤلاء الناس الاشرار اللى راهم يتكاثرو كالفطريات

[dotZero]

إن كان في هذا عزاء

http://islamqa.info/ar/ref/129214

لذلك لا تخافوهم
هم الباب إلى الجنة و هم وقود النار

[المحبُّ لأهل السُّنة]

السلام عليكم ورحمة الله وبركاته
الله المستعان ولا حول ولا قوة إلا بالله تعالى

أصبح قتل النّفس المحرّمة المعصومة أهون علينا من شربة الماء

فقط بالأمس شاهدت حارس المسجد يضع ضمادة على رقبته
تعرض لاعتداء من طرف أربعة أشخاص ليسرقوا سيارته
وعندما واجههم مباشرة ضربوه بالسكين على رقبته
ولولا ستر الله ورحمته لكان من عداد الموتى..

فالله حسبنا ونعم الوكيل
ونسأل الله تعالى أن يعافينا والمؤمنين من شرّ كلّ ذي شرّ
وأن يسترنا في الدّنيا والآخرة آمين..

[fawzi18018]

الله يرحمو .سلام

[عميروش الحر]

عندنا في وهران ... كل يوم نسمعو جرائم مختلفة الانواع ... يعني اذا مر يوم ولم تسمع عن اي حادثة فاعلم ان يوجد مشكل
لاغم انها ثاني اكبر ولاية في الجزائر يعني نورمالمون يكون الامن فيها اكثر ولكن الله غالب لا حياة لمن تنادي
راح الارهاب و جانا هاد النوع من المافيا

[الأمنيات]

الله يسترنا ويعفو علينا ربي لطف بيه

[حضنية28]

انا لله وانا اليه راجعون فعلا النفس ولات رخيصة حنا في مسيلة معندهاش وحد شهر حدثت جريمة راح ضحيتها شاب عمره 18 سنة مسكين جاب البك مرتين مفرحش بيه ودارهم ناس عاقلين بزاف معروفين بتربيتهم الجيدة السبب انو جيرانهم شبابهم كامل نتاع مخدرات وهو راح ضحية مسكين

[dotZero]

للسؤال فقط...هل الجريمة المذكورة في هذا المقال هي نفس الجريمة؟

http://www.echoroukonline.com/ara/articles/140028.html

[Floona]

للسؤال فقط...هل الجريمة المذكورة في هذا المقال هي نفس الجريمة؟

http://www.echoroukonline.com/ara/articles/140028.html



نعم هي نفسها