تسجيل الدخول

مشاهدة النسخة كاملة : شهادة الإقامة

حلم زنبقة
2012-08-25, 05:08
السلام عليكم

ماهي الوثائق اللازمة لاستخراج شهادة الإقامة المطلوبة في ملف مديرية التربية
(الشهادة وليست البطاقة)

شكرا مققدما

جزيتم خيرا
العلمي جلال
2012-08-25, 05:28
بطاقة التعريف الوطنية + ورقة الغار ولا التريسيتي و لايزم يكاشيها المير شخصيا
حلم زنبقة
2012-08-25, 10:27
ربي يحفظك الاخ ويجزيك الخير
salouh47
2012-08-25, 12:31
السلام عليكم الأخت زنبقة شهادة الإقامة تستخرج من البلدية الكبيرة وليس من ملحقات البلديات وفيها الدفتر العائلي وفاتورة الكهرباء أما بطاقة الإقامة كلنا نعرفها وفيها بطاقة الناخب أو فاتورة الكهرباء أو الماء المهم أختي أمس كنت مع رئيس البدية شخصيا وسألته وقال لي هذا ا الكلام وما أطلبه منك أن تدعي لي لأنني من العشرة الأولى في القائمة الإحتياطية أدعيلي رب يسهل لي حتى نتحصل على منصب جزاك الله خير شكرا والسلام عليكم
SOUFIANE 10
2012-08-25, 12:36
ربي يوفقك اخي ويفتح عليك

انا اتساءل هل يحق لنا الاحتجاج على الناس اللي مزورين بطاقات الاقامة ؟
salouh47
2012-08-25, 12:45
والله يا أخي ما نعرف هذا حنا نطلبو ربي ان شاء الله لي راه مزور بطاقة الاقامة يتكشف بشهادة الاقامة لاأن المير قالي الشهادة ما يمكنش تتزور لأن الدفتر العائلي خير دليل والله أعلم أنا هذا الشيء لي راه باعث فيا الأمل باش نفوت لأنني من العشرة الاولى في الاحتياط وربي يوفقنا ويوفقكم ان شاء الله ادعولي ربي ييبارك فيكم
حلم زنبقة
2012-08-25, 12:51
salouh47

ربي يحفظك الاخ وينجحك ويسمعك الخبر اللي تتمناه في هاد ليامات مش حتى يجي يخلاص العام ويكلمولك o.O

معليش نزيد نسولك بما انك احتياطي ثاني،
عندي حاجات ياسر نحوس نعرفهم
لقيت فاتورة التلفون (ثابت طبعا) برك تصلح للشهادة؟

بما اننا نفس الولاية، انت رحت للاكاديمي والا لا؟
واش حكاولكم،
كاين منها حنا ثاني لازم نحطو المف دركا؟ على خاطر انا لدرك ماعرفتش واش فيه
+ سمعت هاد الخبر في النهار الاول ومن بعد قريت في جريدةالنهار الكذابة (تع امس والا اول امس) باللي كاين منها اللي خارج الولاية ماكاش بأمر من الوالي..؟

احتياط في اي مستوى وتخصص انت؟

اسئلة بالجملة
جاوبتني وحصلتك :D
اسمحلي واذا فيها اي ازعاج مسامح الاخ ماتردش :)

ومرة اخرى ربي يعطيك اكثر مما تتمنى..
salouh47
2012-08-25, 13:18
ما كانش مشكل أختي شوفي المير معرفتي خاصة به وقالي هذه الشهادة دارتها المديرية تاع التربية باش يخلو غير الناس الأصليين في الولاية والخبر تاع الوالي كاين منه لأن بوخطة تاع الموارد البشرية جاء للمديرية وقال لمدير التربية الأولوية لناس غرداية لأن من شروط المسابقة الاولوية لاصحاب الولاية وهذا قانون وطني في الجلفة والاغواط قامو إحتجاج كبير في هذا الشأن ومن تم خلاو كل غير أصحاب البلاد المهم غدوا روحي للبلدية الفوق مرفقة بالدفتر العائلي والفاتورة تاع الكهرباء هذا كلام رسمي من عند السيد الرئيس مش من عند الناس والله أعلم
salouh47
2012-08-25, 13:22
بلانسبة للتيليفون والله ما علابالي نسولك ان شاء الله شوفي اختي الملف لازم توجديه وتدفعي معاه شهادة الاقامة في مدة اقصاها 10 ايام هذا الكلام راه مكتوب في لاكاديمي معلق مع النتائج اذا فاتت 10 ايام وما لتحقتيش وما جبتيش الملف يعوضوك بواحد احتياطيابدي تحسبي 10من تاريخ ظهور الاعلان
حلم زنبقة
2012-08-25, 13:28
يكثر خيرك خويا
وربي ينحجك
انا مارحتش للاكاديمي مازال وماشفت حتى حاجة
قلت حتى نكمل الدوسيي ونروح مرة وحدة

ربي يفرحك في القريب
salouh47
2012-08-25, 13:51
يا أختي أبداي بشهادة الاقامة هي الصح ومن بعد الجنسية والحساب الريدي انتاعك /شاك باري/ أي مشطوب واربع صور شمسية والسوابق وقيلا المهم والله ما أدريت واش فيه بالضبط
lilou f lilou a
2012-08-25, 13:54
ربي يوفقك اخي ويفتح عليك
salouh47
2012-08-25, 13:54
10أيا راه مابقاش الوقت أسرعي لو تتأخري يبدلوك بيا أنا راني في الاحتياط هههههههههههههههه ربي يوفق ويسهلك ان شاء الله
حلم زنبقة
2012-08-25, 17:46
10أيا راه مابقاش الوقت أسرعي لو تتأخري يبدلوك بيا أنا راني في الاحتياط هههههههههههههههه ربي يوفق ويسهلك ان شاء الله

:d :d :d

بالبركة عليك من دركا اذا صار
كل واحد يدي رزقه

ربي يسمعنا اخبار الخير
حلم زنبقة
2012-08-26, 22:34
lilou f lilou a

اسمحلي الاخ هدا وين شفت الرد تاعك
شكرا
ربي يسترك
حلم زنبقة
2012-08-26, 22:36
salouh47

يا الاخ راني نقولك باش تقطع لياس
والله غير رحت اليوم ماطلبو مني والو لا انا لا حد اخر
خرجوهالي ببطاقة التعريف وحدها
الحالة كيف كيف ماتبدل والو غير من بطاقة ولينا في شهادة وهداك الكاين
ربي يصلح الحال
salouh47
2012-08-26, 23:44
يا زنبقة ما تغلطيش روحك بطاقة التعريف ياك يكتبولك فيها وين زايدة وبالتالي تكشف صاحبها بمعنى لو يكون واحد زايد في الجزائر مثلا ويروح للبلدية تاع غرداية يطلب شهادة الاقامة ما يخرجوهالوش لأن مكان الازدياد في الجزائر يقولولو روح للبدية الاصلية انتاعك تاع بلادك مش كما بطاقة الاقامة يستطيع يخرجها أنا خرجتها بالدفتر والفاتورة تاع الكهرباء المهم رب سبحانو راه كاتب لكل واحد فينا رزقه مش غير في التعليم باش تكوني في الصورة أنا عامل حر والتعليم جربت الشهادة نتاعي فيه أوكي وهدفي أسمى من ذلك الله سبحانه وتعالة عندما أراد ان ينفخ الروح في الانسان ظمن له اربعة أشياء رزقه و-أجله -وشقي -أو سعيد ولكن حنا للاسف رزقنا ضامن وحنا نجرو وراه مسكين الانسان والله أعلم
حلم زنبقة
2012-08-26, 23:54
صحيت الاخ
انا اذا عل التعليم جربت وما نكذبش مش المهنة المفضلة عندي لكن كل واحد عندو ظروفو والحدود تاعو
وكي هدرت انا عل بطاقة التعريف، شهادة الاقامة قالك مقيم عل الاقل ست شهور في المنطقة هاديك
معنها واحد مازادش هنا وعاش عمرو كامل هنا مايصحلوش بطاقة اقامة؟
اذا لا كارت تاعك خارجة من خارج غرداية في خمس سنين وانت سكنت في غرداية من 3 ما يصحلكش؟
انا هذاك واش حيرني
واحد ما شفتو جاب حاجة بلا لاكرت رغم اللي ناس مش حتى تهدر باش تعرفها ماش من هنا
اما كلامك عل الرزق يا اخي انا هاديك والله من خرجت النتائج وولات الناس مداوسة وهادا زايدة 90 وهدا براني وهدا راني نقول كل واحد يدي ما كتبله ربي وحتى واحد ما يموت ناقص وتقدر ترجع لكلامي مازال هنا
انا اللي حيرني المير تاعكم يقول هاك ومش عارفة في اي بلدية واحنا شهادة الاقامة تخدم كيف كيف كما البطاقة
كل القصد نقولك ما تبدل والو في طريقة الاستخراج

ربي يوفقك
وشكرا ليك على كل حال
حلم زنبقة
2012-08-26, 23:57
وبالمناسبة
انا وحدة معايا اليوم مولودة في نفس البلدية وين نسكن لكن عايشة في بلدية اخرى
حطت للموظفة تع البلدية بطاقة التعريف باش تخرج قاتلها لا خرجيها من وين تسكني = التناقض
salouh47
2012-08-26, 23:59
شكرا رب يبارك فيك مشكورة على كل حال