قلبي لم يعد يحتمل مشاكلي

[مشكلتي]

السلام عليكم ورحمة الله تعالى وبركاته والله احترت كثيرا قبل ان اكتب لكن ماباليد حيلة لعلي اجد بينكم مايريحني في حياتي مر بي الكثير اهمها ان لااحد يفهمني من اسرتي ودائما يقولون لي انني المخطئ والاهم حتى لو تصرفت كيما الناس يقولون اننا لسنا كالجميع وعيشي كيما حنا واسكتي مالزمش تخرجي على حياتهم هوما زيد الي قاهرني اكثر دايما منسية ولا يغلطو فيا ويا ريت يعتذرو لالا لانو قلبي بيض خلاص دوس وفوت واخير الامر انو ولا مرة خلاوني خيرت واش نحب ندير في حياتي لازم هوما يفصلو وانا نلبس ممكن قرراتهم تخرج عليا لكن خرجو انسانة حابينها هما ماعشتش انا واش حابا هكذا انا ننتقم منهم بطريقة غير مباشرة بتصرفات في خفاء اغلبها ضرتني انا وضرت نفسيتي وانا عييت منين رايحة نكبر وحابة نعيش كيما نحب انا وكرهت اني دايما طايعتهم الناس على برا كامل تعجبهم افكاري قراراتي ويشاوروني الا في دارنا انا عندهم مانسوا والو حتى اخر موضوع صرا اهم شيء في حياتي الي هو الزواج وحابين يزوجوني برايهم وهنا تاني ماعنديش الحق ندي الي خيرت وماعنديش الحق نرض الي خيروهلي .... ممكن كاين الي يستحمل هكذا لكن انا راني عيت وكرهت ومع كل هذا دايما ينتاقدوني ومانيش عاجبتهم ...راني نفكر في حاجة وحدة ظوكا هي الموت وخلاص هذا واش يهنيني منهم لاني كرهتهم ومش قادرة نعيش معاهم ... وحتى كون نتزوج رايحة نتزوج كيما هوما حابين مش كيما حابة انا لذلك قعدتلي غير الاخرة الي نلقى حريتي فيها ادعولي ربي يرفعني ليه ونتهنى من هاد العباد ربي شاهد بلي راني مسامحتهم بصح راهو عارف بلي مانيش قادرة نستحمل اكثر سلام عليكم

[الحياة فرصة]

لا حول ولا قوة الا بالله ... الله يصبرك ويكون في عونك والله يهدي الاهالينا اجمعين يا رب

[imi02i]

لاحول ولاقوة إلا بالله العظيم ...
والله يا أختي شحال من عرفت وحدة كما حالتك أنتي ، لدرجة أن الإنتحار ولا عندهم حاجة طبيعية كي يخموا فيه
وكاينة اللي شربت البنزين ، ونعرفها مليح ... وكل وحدة كفاش تدير
لكن والله اليوم اللي نصحتهم الناس وصاوهم باش يهتموا بالجانب الديني تاعهم أكثر فأكثروا من الصلاو وقراءة القرآن وزكاو أنفسهم مليح
منقلكش تحلوا مشاكلهم ، وإنما أصبحت عندهم طاقة صبر كبـيرة بزاف
واستصغروا المشاكل مهما كان حجمها
ربي يفرج عليك أخيتي ويكون في عونك

[محمد جديدي التبسي]

تقربي من الله أكثر بكثرة الأذكار وداومي على أذكار الصباح والمساء وقراءة ورد يومي من القرآن الكريم
وستشعرين أن حياتك في تحسن بإذن الله ولا تنسي الدعاء والصبر فالحياة كلها ابتلاءات ولن تستقيم لأحد
وتفائلي وانظري للحياة بإيجابية وانظري إلى نعم الله عليك وأدّي جزء من شكرها على الأقل وسترين الفرق
ربي يوفقك لكل خير

[عذراء الجبل18]

لا حول ولا قوة الا بالله العلي العظيم , راني حاسة بيك يا اختي وحاسة بمعاناتك بصح مش لهاذي الدرجة تتمناي الموت انتي افرضي رايك اذا كان صحيح ويرضي ربك , لا تخافي من الخلق اذا كنتي ترضي الخالق عليكي بكثرة الاستغفار فهي تقوي القلب
ربي يهنيك

[مبروكة الصحراء]

شوفي أختي كل واحد واش كاتبلو ربي في هاذ الدنيا يعني حتى واحد ماراه سالك من الهم كاين لي ربي بلاه بالفقر و كاين لي ربي بلاه بالمرض و كاين لي بالناس السيئين أو الصحاب السيئين أو العاااااااااااااااائلة السيئة أو الزوج السيئ قاع الناس عندم حاجة يشكو منها لكن الفرق وين راه كاين لي يعيش بالرغم من هاذ المشاكل و بالرغم من هذه الامتحانات الصعبة لي يديرهالنا ربي في حياتنا لااااااااااااااااااااااااااااازم نصبروا و بالعكس نخرجوا ناس ملاح بالرغم من المشاكل يعني رد الفعل نتاعنا يكون ايجابي و ليس سلبي لي يضرنا غير حنا ما يضر حتى واحد معانا ربي عطاك حيز في هاذ الدنيا تعيشي فيه لازم تعيشيه ماتخليهش للناس و تروحي ربي كتبلك الحياة مشي باش تقوليلو موتني؟؟؟؟ استغفري هو أدرى بنا كي يحب يموتك يموتك مشي كي تحبي انتي؟؟؟؟
بغيت نقولك حاجة اختي هاذ الخطأ يرتكبوه بزااااااااااااااااااااف عائلات مع فرد أو 2 من أولادهم و غالبا يكون فتاة أنا نحس بكلامك مليح مليح ربما نقولك عشت حاجة مشابهة و لكن صبرت و قريت و بغيت نثبت العكس للناس نثبت بلي "العود اللي تحقره يعميك" (بالخير طبعا) درك راني وصلت الحمد لله لمستوى علمي و لا واحد في العايلة وصلوا و كامل هادوك الناس يتمناو لوكان هوما جاو في بلاستي بصح ربي رحيم و يعوض كل واحد على خسارتو
أنتي واش ديري؟؟؟؟؟ إذا راكي تقراي حاولي تنجحي في قرايتك و إذا خدامة كذلك انجحي في خدمتك و حتى هاذ الزواج لي بغاو يزوجوك بسيف شوفي بلاك حاجة مليحة ليك و ولد ناس يعوضك على دارهم و كتبلك ربي معاه عيشة هانية و ذرية صالحة تغير الناس صلي الاستخارة و طلبي ربي و ديري حاجة في بالك إذا غلباتك الدنيا لااااااااااااااااااااااااازم تصبري و تدعي ربي حتى إذا ماعوضكش في الدنيا كي تروحي للآخرة تلقي التعويض مضاعف

[تهاليل]

اأختي استغفري مولاك والعني شيطان راهم يوسوسلك جربي معاهم وزيد ربي قال لي يستغفرني نجعل له من كل ضيق مخرج اكثري من استغفار في كل نفس عند اكل عند نوم عند اي خطوة بسيطة يعني كي الاوكسجين استغفري كثير وراح تشوفي العجب صدقيني بصح الموت كامل نقولو نموتو نتهناو بصح واش ضمنا يلا خدمنا لربي ولا غير كلمة موت جاتك ساهلة راها جاية الموت وكل واحد ربي راه كاتبلو وقت محدد لايقدم ولايؤخر العني شيطان اختي والتزمي بعبادة ربي هو راح يخرجك من لي راكي فيه وربي معاك اختي

[محمد...عبد النور]

أسأل الله الذي لا اله الا هو أن يفرج عنك همك و يرزقك رزقا حسنا و يرضيك به
و يصرف عنك الهم و الحزن
لا أعرف ما أقول لك غير الصبر و كثرة الدعاء ، فمرات كثيرة نرغم على امور لسنا مقتنعين بها لكن الله يقضي الخير و يرضينا من عنده
أسأل الله أن يخفف عنك و يرزقك الرضا و يعوضك و يشرح صدرك فهو الله الكريم
جزاك الله كل خير و جزيتي الجنة
ســــــــــــــــــــــــــــــــلام

[lilou f lilou a]

اسمحيلي اختي داركم جهلاء خلاص

[احلام طموحة]

الله المستعان

اختي لن تموتي الا باجل مسمى فاستعيذي بالله من الشيطان الرجيم

عليك بالدعاء الدعاء

اسال الله ان يفرج همك و يزيل غمك و يسعدك دنيا واخرة

[asma1807]

أختااااااااااااااااااااااااااااااه الصبر مفتاح الفرج
ومن يتق الله يجعل له مخرجا
أدعي ربي أختاه في كل وقت كامل عندنا مشاكل

[Golden Princess]

اختاه استغفري و دعكي من هذه الافكار السلبية

هناك اناس من كثر ما عندهم مشاكل اكبر مما لديك يتمنون لو كانوا مكانك

اخيتي قد يكون بلاء من الله ليختبر صبرك ..... فاصبري لانه مفتاح الفرج ...

كما انصحك بالمواضبة على صلاة الفجر و الاكثار من الادعية و الاستغفار .....و الله معكــ

[mouloudbida]

دَعِ الأَيَّـامَ تَـفْعَل مَا تَشَاءُ وطب نفساً إذا حكمَ القضاءُ

وَلا تَـجْـزَعْ لِحَادِثة الليالي فـمـا لـحوادثِ الدنيا بقاءُ

وكنْ رجلاً على الأهوالِ جلداً وشـيمتكَ السماحة ُ والوفاءُ

وإنْ كثرتْ عيوبكَ في البرايا وسَـركَ أَنْ يَـكُونَ لَها غِطَاءُ

تَـسَـتَّرْ بِالسَّخَاء فَكُلُّ عَيْب يـغـطـيه كما قيلَ السَّخاءُ

ولا تـرجُ السماحة ََ من بخيلٍ فَـمـا فِي النَّارِ لِلظْمآنِ مَاءُ

وَرِزْقُـكَ لَيْسَ يُنْقِصُهُ التَأَنِّي ولـيسَ يزيدُ في الرزقِ العناءُ

وَلا حُـزْنٌ يَـدُومُ وَلا سُرورٌ ولا بـؤسٌ عـليكَ ولا رخاءُ

وَمَـنْ نَـزَلَتْ بِسَاحَتِهِ الْمَنَايَا فـلا أرضٌ تـقـيهِ ولا سماءُ

وأرضُ الله واسـعـة ً ولكن إذا نـزلَ القضا ضاقَ الفضاءُ

دَعِ الأَيَّـامَ تَـغْدِرُ كُلَّ حِينٍ فـمـا يغني عن الموت الدواءُ


الامام الشافعي