الى نادية القالمية

[بوعنينبة]

اولا صح عيدك انت وكل العائلة نتمنى تكوني بخير حبيت نشكرك على موديلاتك الجميلة الي افدتينا بيها بصح للاسف مافهمتش علاش حذفتيهم في حين كنا ننتظرو جديدك وسخاءك فلا تبخلي علينا واجرك على الله
مع تحياتي القلبية ام شهد

[nadia guelma]

كل عام وانت بالف خير يا ام شهد انا حذفتهم صح لاني تلقيت بعض من الرسائل سيئة نتمنى يكونو عجبوكم لي مودال تاعي تعبت عليهم صح لانو التصميم من عندي وفي الاخير نتلقا رسائل كما هادو عليها حذفتهم انا نعرف انو ماشي كامل كيف كيف نشكر كل لي دعالي وربي يهدي من نخلق واشكرك انت يا ام شهد

[biba04]

انا تاني حطيت موديلات عادية باه تشوفوهم كتبولي ردود تفشل تخلي الواحد ميبغيش يشارك علابالي درك تقولولي هدا راي
انانقولكم نتوما احرار في رايكم لكن متجرحوش الاعضاء بردود السخيفة وتخلي الاعضاء مايشاركوش اذا كلمة شكر تكفي واذا
واعرة عليكم ننصحكم متكتبو والو يكون احسن نتمني الاحسن لي الجميع

[nadia guelma]

oui 3andek l7a9 biba04

[loulou88]

السلام عليكم
يا خاوتي انتم هك راكم تفشلو في رواحكم
كل واحد و الذوق تاعمو هن احرار
لازم تكون عندكم ثقة
اللي خاف من الطيحات عمرو ميركب ولا لا؟؟
مالا انصحكم بغلق المنتدى احسن؟؟؟؟
سلام

[حمدا لله كثير]

انا نحط قنادري والي عجبوها اه والا ماعجبوهاش نورمال نتقبل جمبع الاراء

بصح دون تجريه و باحترام


جزاكم الله خيرا علي اعمالكم

[kadikirou]

chkoun hadou li ba3toulak hadra machi mliha rabi yahdiham bal 3aks raki na3atilham khadma ma yalgawha ila 3and al guelmiat wala fakhr ana wahda ma nes saksitak win takhdmi majawabtinich makasartach rasi dartlak 3odr w fret ana nanshak khalik manhom w wasli ibda3ak

[بوعنينبة]

واش نقولك ما يهمكش في الردود الي ما تعجبش اذا حبيتي اديري الخير لوجه ربي ماش ليهم مع احتراماتي لاني نحب ناس قالمة بزاف قريت تم وما شفت منهم غير الخير تصبحي على خير واحلام سعيدة

[أم أصيل]

انا تاني نحط الحاجة اللي خدمتها وتعبت عليها حتى نستفادوا الكل مع العلم اني لست خياطة متمكنة بل مبتدئة و ماالت احاول التعلم أكثر لهذا لست ابالي ان لم تكون الردود كما اتمني يهمني راي واحد فقط مشجع و كلمة شكر تكفيني

[ام رونق]

اذا كانت القنادر اللي حطيتيهم ما عجبوهمش فهذا لانهم ماعندهمش ذوق ما صدقت لقيت خياطة شاطرة كيفك الله يبارك في صحتك ونظن اللي عجبوهم اكثر من اللي ما عجبوهمش يعني ما تديش براي الاقلية ما تحرميناش لجهل البعض وجزاءك على الله نتمنى ترجعي على قرارك وتزيدينا من ابداعك والف شكر مسبقا

[بوعنينبة]

يلاه نزيدو نشجعو ةالاخت نادية كاشمايحن قلبها راني نضحك برك

[loubna79]

صحى عيدك اختي وانقولك مايهمكش انا وحدة من الناس الي ماشافوش ليمودال تاوعك وكنت راح نهبل كي ماشفتهمش للاسف وابعثتلك باش تعاودي تحطيهم .
المهم ربي يهدي ماخلق وراني مازلت نستنى باش تعاودي تحطيهم وبارك الله فيك

[safroucha]

السلام عليكم الخواتي اذا فكرنا كل ما نحط حاجة رايح كل الناس يشكرونا مكانش منها ولكن لازم نفكرو في الاخرين لانني انا ايضا حبيت نشوف هاذو القنادر مشكككككككككككككككككككككككككككككككككككككككرة

[نسيبة2012]

يا جماعة راكم شوقتونا نشوفو هاد لقنادر .انا شخصي نحب الابداع وتعجبني المراة الجريءة .
وديري حاجة في بالك
(لا ينتقد الا الناجح))).......اذا ممكن رجعيهم باش نشوفو الجديد .
وعلاش قنادر المجلات ياخي دارتهم غير مرا كيفنا .....ولا دارتهم جنية؟....:1:

[nadia guelma]

مشكوووووووووووووووووورين يا اخوات على اهتمامكم بالموضوع انا مانيش رح نخجلكم ورح نحطلكم باذن الله مودالات جدد غير يوجدو وهادا غير على وجوهكم برك

[ندى قدور]

رانا نستناو اختي العزيزة ما تبطايش علينا

[*عائشة*]

بالعكس اختي نادية انا شفت لي مودالل تاوعك قصديالقندورة الزرقاة هايلة والبنات كامل عجبتهم .ماكانش لي ردت عليها بتعليق موش مليح لانها صح تهبل .انا تبانلي كاين سبب اخر خلاك تحذفيها خاطر خذفتي الزرقاء فراااات ........... احنا في هاد المنتدى نفيدو و نستفيدو . خممي فيها ملييح

[loubna2]

اختي متزعفيش من البعض وتعاقبي البعض الاخر لتصرفات ليسوا مسؤولين عنها اخنا نخبوا الابداع والجديد وخسارة نتحرموا من خياطتكم الصراحة انا شفت واحد فقط لانو الاخريتن تحدفوا والصراحة لقيتك فعلا فور بزاف وجوهرة خسارة نتحرموا منها الا مكانش اعطينا س ك ا ي ديالك نتعارفوا كامل في الخاص اكتبيه س ك ا ي ب بحروف متباعدة لكي لا يحدف والبسيدو بالفرنسية رانا نفهموه قبل الحدف
شكرا على المجهود ونحن في انتظارك يا جوهرة

[ام شرفو]

كل عام وانت بالف خير يا ام شهد انا حذفتهم صح لاني تلقيت بعض من الرسائل سيئة نتمنى يكونو عجبوكم لي مودال تاعي تعبت عليهم صح لانو التصميم من عندي وفي الاخير نتلقا رسائل كما هادو عليها حذفتهم انا نعرف انو ماشي كامل كيف كيف نشكر كل لي دعالي وربي يهدي من نخلق واشكرك انت يا ام شهد

قنادرك هايلين شاء من شاء وكره من كره
لماذا تفرحي الحاقدين و تحرمينا من انتاجك
يقول المثل

من ليس له حاقد فهو انسان فاشل

[loubna79]

اختي راني عودت نكتبلك ونقولك ياريت تعاودي تجمعي ليمودال تاوعك في موضوع واحد باش انشوفوهم بارك الله فيك

[louna05]

الدليل على انو قنادرك عجبونا كامل : رانا كامل هنا نطلبو منك المزيد...فلا تبخلي علينا جزاكي الله الف خير