موضوع للنقاش انقذوني حياتي في جحيم

[samsoma.asma]

انا الان مخطوبة وانا وخطيبي بيناتنا قصة حب كبيرة وطاهرة
بصح المشكل من الاول قبل مانكون خطيبتو هبلوني الخطابة واحد ورا واحد و والديا يحوسو غير على المظاهر والمال وخاصة امي .....المهم تخطبت للشخص اللي طول عمري ماتخيلتش روحي ندي واحد من غيرو وهو ثاني يفديني بعمرو.........دار كلشي علاجالي ..
خطيبي الحقيقية ماخصو والو من ناحية المال والخدمة والدار والصمعة الحسنة متدين والحمد لله المشكل انو ماما كرهتلي حياتي نهار كامل وهي قوليلو يشريلك هكا وهكا وهكا ولازم الذهب هكا وهكا ماحمدتش ربي انها مدت بنتها لراجل صح همها الوحيد الناس واش يقولو جابلها هكا و هكا.....
صدقوني راح دمرلي حياتي بالطمع نتاعها علابالي هي بغاتني نكون في احسن حال بصح والله بزاف حتى خطيبي عاد يشوف ماما طماعة ويزيد حتى هو يفرغ فيا الدمار.
مالقيتش كيفاش ندير من كثر المشاكل من اللي تخطبت وانا في نفس المشكل نتاع الدراهم.
الله يفرج عليكم دنيا واخرة ساعدنوني قصدتكم ماتردونيش

[djfr]

سبحان الله
ربي يفرج عليك
و ربي يبعد عليك المشاكل
ان شاء الله

[أحمد الجمل]

أنتِ الخاسرة في نهاية الأمر وليست أمك
إن ظل الحال على ما هو عليه
فخطيبك حتى لو كان مليارديرا وشعر أنكم تستغلونه مع توفر الإمكانيات لديه لتلبية طلباتكم كلها ، إلا أنه سيسيئ الظن بكم وسيتأكد له أنكم لم تقبلوا به إلا من أجل ماله
وبالتالي سيبدأ الشك يدخل إلى قلبه في أنك لم تقبلي به إلا لنفس السبب وأن قبولك لم يكم من دافع حبك له
والحب الحقيقي يا أختي لا يأتي إلا مرة واحدة
ولو ضاع فصدقيني ستندمين أشد الندم
وستظلين طوال حياتك تبحثين عن مثله مرة أخرى دون جدوى
ثم يتساوى عندك كل شيئ وتصبح الدنيا كلها لا طعم لها ولا لون ولا رائحة
فأحسني التصرف وابحثي عن من يستطيع إيقاف أمك عن هذه التصرفات التي تدفع بك إلى خسارة كل شيئ
ونتمنى لك التوفيق

[عآشقة غزه]

ربي يهدي يماك حاولي معاها وفهميها يماك اكيدتحبك وهو لازم يفهمك

[تَــــــيْمَـــــآءْ ,]

قسم مشكلتي (http://djelfa.info/vb/forumdisplay.php?f=315)
رَبِي يفرجْ عليكْ وربِّي يهنِيكْ

[سآجدْ للهْ]

الله يفرج
آمين

[مصطفى قاسمي]

شوفي انا انقلك مدام امك طماعة

غير تكملوا العرس ان شاء الله بالبركة عليكم


اطلبوا اللجوء السياسي

على بالي ميش رايحة تخليكم تتهناوا

الف مبروك مسبقا

وبالرفاه والبنين

[تَــــــيْمَـــــآءْ ,]

اطلبوا اللجوء السياسي




وَكَيْــفَ يكُونُ هَــذآ ؟

[مصطفى قاسمي]

وَكَيْــفَ يكُونُ هَــذآ ؟



رايحين يلقاوا نفس المشاكل عند ام الزوج

لهذا اقترحت عليهم

يبحثوا على سكن بعيد

ممكن تخطيهم هذه المشاكل

[ميمنة الجزائر]

اختي انصحك حاجة اولا ما تحكيش كلش لراجلك يعني مهما كان هذي يماك صح ماشي مليح بزااف الطمع بصح نتي تاني

ما تحكيش كلش يعني سكنيهما كل مرة قولها نعم ماما ومن بعد كي تتزوجو خلاص لمي على راجلك ويماك لربما تقصد غير السهم لانو لازم

السهم تاع العيد بعني ما راهيش غالطة هنا يعني يجيب الي قدر عليه وخلاص والتفاهم ياخي لازم من الاول بين الرجال والي جود بيه راجلك لا عيب

فيه ما تقدريش انتي تطيحي بروحك وتقوليلو جيبلي هذي راهي ترخس بيك قبل ما تدخلي يعني مديتي يدك من الاول اعلمي بلي راح من بعد يدخس عليك

يعني فهمي يماك بانو. لازم ليميت بينك وبينو حتى وتعرفيه من قبل يعني بعد الزواج تعاشريه باه تعرفيه

وأخيرا ربي يفرج عليك وتتهناي في بيتك وخير البر عاجله يعني الزواج عجلولو باه ما تكثروش المشاكل وربي يهنيكم

[سهم14]

اطلبي من أمك أن تقرأ آراءنا على هذه الصفحة -إذا كان ممكنا-، يمكنك أن تقولي لها: (ما رأيك في عرض الأمر على أعضاء أحد مواقع الإنترنت؟).

وتستطيعين عرض الأمر على أقرب الناس إليك بعد أمك، واسألي الله -تعالى- أن يفرج كربك.

[معاذ1]

بالنسلة لي كرجل اقول لك الحذر ثم الحذر ان يشك خطيبك انكم تستغلون ما لديه من مال

وان كان من أمك وليس منك ,,, لهذا ينبغي ان يكون لك موقفا حازما في هذا الأمر ومع امك

فالرجل غالبا ما يمل من المرأة التي تكثر عليه الطلبات المتعلقة بالمال بالأخص الكمليات وليس

الضروريات ,,, فالحل راحع لك بالدرجة الأولى

[nourbeg03]

ربي يهدي النفوس ويهدي أمك
المال يفنى والرجال تدوم