حلوياتي ... واول مشاركة لي معكم ...

[الملهمة]

:dj_17:هاذي هي اول مشاركة ليا معاكم في قسم الحلويات ... ان شا الله يعجبوكم قبل كلشي صح عيدكم كل عام وانتم بالف خير

[ويناروز]

وانا اول من ترد اقولك صح عيدك وكل عام وانت بخير

يعطيك الصحة روعة ......تسلمي

[lamia89]

ممكن تحطي الوصفات وشكرا لك

[الملهمة]

الله يسلمك وانت تاني صح عيدك

[مبروكة الصحراء]

شابين بزاف راكي شاطرة الله يبارك و صح عيدك

[ninafret]

جميلة جدا يعطيك الصحة

[fatma81]

حلويات جميلة بارك الله فيك
صح عيدك

[souska]

صحااا عيدك

الله يعطيك الصحة

[انا حبة سكر]

صح عيدك وحلويات امممممممممممممممم مشاء الله

[الأمنيات]

http://www.djelfa.info/vb/attachment.php?attachmentid=43256&d=1345633290

عجبتني هاذي ممكن الوصفة تاعها
جاك هايل وشكرا صح عيدك

[الملهمة]

والله ردودكم شجعتني شكرا جزيلا ليكم

[الملهمة]

الامنيات هذاك قاطو ك مايطيبش بالقارص ونواط كوكو تحبي الوصفة ظوكا نحطهالك

[ام ساجد]

يعطيك الصحة جاوك ملاح صح عيدك

[ام سامي15]

ممتاز


ما شاء الله


يعطيك الصحة

[الملهمة]

الله يهنيكم خواتاتي وشكرا على التشجيع الي قدمتوهلي اما اختي امنيات ظوكا نعطيك الوصفة : 4 كيلات نواط كوكو كيلة سكر قلاصي كيلة لحظة و1 كيلو قارص عصير وقشور وملون وردي وخلطي الجميع واذا جاك حامض بزاف زيدي شوية نواط كوكو .... الكيلة ديريها بلباطة تاع عجينة اللوز او تاع مارغرين 500غ من بعد شكليه فوق نيلو وحليه باه مايلصقلكش في الطابلة وجيك الحدمة ساهلة شكليه كيما في الشكل ومن فوق ديري حربوش بعجينة اللوز ومن داحل عمريه بسوبر كرام

[=نور اليقين=]

يعطيك الصحة وشكرااااااا على الوصفة

[الملهمة]

العفو اختي

[وداد100]

يهبلوا ماشاء الله يعطيك الصحة

[MIMI 2010]

الله يعطيك الف عافية

[الحياة فرصة]

الله يبارك اختي ماشاء الله يعطيك الصحة ممكن تعطينا الوصفات ممكن نجربوهم بعد مانستراحو من تعب قاطو العيد

[remadna]

الله يبارك
يعطيك الصحة

[زينة سلمة]

ممكن تحطي الوصفات وشكرا لك

[nournour59]

رائعة اختي

[الملهمة]

شكرا جزيلا على مروركن اخواتي

[الملهمة]

السلام عليكم هذه ثانبي وصفة نحطها : قاطوصابلي " 500غ زبدة او مارغرين +500غ كوكاو مدشدش+300غ كاكابيشو +فرينة الحشو:حلقوم القلاصاج شيكولا ،وعجينة اللوز اخدمي الزبدة اومبوماد من بعد اضيفي الكوكاو ثم اضيفي الكاكابيشو ثم الفرينة حتى تولي عجينة طرية خليها فيا الثلاجة لمدة 3ساعات من بعد ذلك شكليها واحشيها بنصف حبة حلقوم وخدميها على طاولة في شكل نصف قرص -هذي لعجينة ماتتغيرش بعد الطياب لانو مافيها بيض مافيها خميرة - من بعد طيبيها بعدها ديريلها الشكولة ةصنعي وردات بعجينة اللوز وضعيها فوق الحبة بعد ذلك ضعي في وسط كل وردة حبيبات شكولا ذوقها رائع وصدقيني رايحين يشكروك عليها

[lamiak1]

merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiii

[remadna]

الله يبارك
يعطيك الصحة
http://www.djelfa.info/vb/attachment.php?attachmentid=43252&d=1345633224
http://www.djelfa.info/vb/attachment.php?attachmentid=43253&d=1345633253
http://www.djelfa.info/vb/attachment.php?attachmentid=43254&d=1345633271
http://www.djelfa.info/vb/attachment.php?attachmentid=43255&d=1345633283
http://www.djelfa.info/vb/attachment.php?attachmentid=43256&d=1345633290

[الملهمة]

السلام عليكم : ابداي ب500غ زبدة واخدميها بيديك مليح ضيفيلها 200غ سكر قلاصي ثم حبة بيض وشوية فاني من بعد نصف كاس حلييب ومن بعد الفرينة ومغرفة خميرة تاع قاطو وطميها وخليها ترتاح بعد ذلك ابسطي العجينة وحطي الحشو : نواط كوكو وكاكاو ومن بعد لفي العجينة حتى تتحصلي على رولو قطعي كيما الموضح وحطيها طيب كي تخرجيها خليها تبرد وادهنيه بكرام شونتي ومرمديه في نواط كوكو ابيض ..... بصحتكم

[الملهمة]

قاطو بنين بزاف : العجينة :250غ مرغرين اخدميها بايدك من بعد نصف كاس سكر قلاصي و2صفار بيض وضيفي قرعة عطر فراولة وشوية ملح وواحد خميرة والفرينة حتى تتحصلي على عجينة طرية .... الحشو : رطل كونفتور مشمش قرعة عطر فراولة ملون احمر 4 مغارف كبار ماءالزهر مغرفة كبيرة عصير الليمون واضيفي 2مغارف كبار نشا خلطيهم وحطيهم على نار هادئة حتى تعقد
1_حلي لعجينة وفرشيها في المول تاع قنيدلات واثقبيها وحطيها طيب ؟؟؟ اذا جاتك تتفرتت بزاف زيدي شوية فرينة للعجينة
2_ بعد ماطيبي الحشو ضعيه في القاطو الي طيبتيه
3_ حلي عجينة اللوز ودير دائرة واثقبيها في النوص بمول صغير :19:بصحتكم

[الملهمة]

مقروط النقاش :2كيلات دقيق احرش + كيلة( نصف فرينة +نصف دقيق احرش) +كيلة سمن المدينة زيديلها كاس اتاي زيت وخلطيهم ديريهم كيما كرام + شوية سكر (مغرفة صغيرة)+ ملح خلطيهم حكي الزبدة مليح مع دقيق قيس ساعتين هكذاك وخليه يركح من جهة اخدمي الغرس نقيه ارحيه وزيديلو الطيب والجلجلانية المقلية والقرفة وديريه حربوش من بعد ابداي اخدمي الحبات باضافة اماء وماء الزهر وديري لعجينة وفي النص الحربوش تاع الغرس وقطعي مقروطات وانقشيهم كيما تحبي ..... المقروط هذا ناجح مائة بالمائة ويجي يذوب في الفم :)بصحتكم