مشاكل المنافسة

[Mimizan]

السلام عليكم ورحمة الله تعالى و بركاته
بداية اهنئكم بمناسبة عيد الفطر المبارك
و احمد الله تعالى ان جعلني انتمي الى اسرة تربوية رائعة
لقد اقتربت السنة الدراسية ولم تبقى سوى ايام قلائل وانا جد متحمسة
ولكن اعاني من مشكل في المدرسة ولم اخبر اي احد عنه لكن اليوم قررت ان اشاطره معكم لنتناقش فيه
هل تتطلب المنافسة صراع و القاء نظرة على كل ما تفعله من قبل الزملاء يعني بالدارجة واش راك تقرا و اوانا صفحة و واش من كتاب جبت من المكتبة .............. و هل يحاول زملاؤكم ان يسقط.........وا من قيمتكم امام الاساتذة او ان يضحكوا علكم تلانيذ القسم هذا ما اعاني منه وهذا ما يفعله بي الزملاء و الزميلات
وهل تتطلب الدراسة او المنافسة اخفاء ما تدرسه
هذه مجموعة من المشاكل التي اعاني منها وانا متاكدة انني لست الوحيدة
انتظر الردوووود من الاخوة و الاخوات

[gauche]

السلام عليكم ورحمة الله تعالى و بركاته
بداية اهنئكم بمناسبة عيد الفطر المبارك
و احمد الله تعالى ان جعلني انتمي الى اسرة تربوية رائعة
لقد اقتربت السنة الدراسية ولم تبقى سوى ايام قلائل وانا جد متحمسة
ولكن اعاني من مشكل في المدرسة ولم اخبر اي احد عنه لكن اليوم قررت ان اشاطره معكم لنتناقش فيه
هل تتطلب المنافسة صراع و القاء نظرة على كل ما تفعله من قبل الزملاء يعني بالدارجة واش راك تقرا و اوانا صفحة و واش من كتاب جبت من المكتبة .............. و هل يحاول زملاؤكم ان يسقط.........وا من قيمتكم امام الاساتذة او ان يضحكوا علكم تلانيذ القسم هذا ما اعاني منه وهذا ما يفعله بي الزملاء و الزميلات
وهل تتطلب الدراسة او المنافسة اخفاء ما تدرسه
هذه مجموعة من المشاكل التي اعاني منها وانا متاكدة انني لست الوحيدة
انتظر الردوووود من الاخوة و الاخوات

وعليكم السلام ورحمة لله
اهنئك على هذه الجراة على لاطرح يااختي الفاضلة ..وسنكون عون لك باذن لله
اولا احمدي ربك انك لست انتي من يظلم الاخرين ..فهذه نعمة حرم منها الحمقى ...

المهم كلنا نتعرض لمشاكل في المدرسة وهذا شيئ عادي اختي ....المهم ان لا تؤثر على انتااجك ...بقي لك سنتين ثم يذهب كل في مستقبله وهنااااا يضحك لاناجح ويبكي الفاشل
وبلنسبة لهذه الاشياء حااولي السنة لقادمة ن لا تضهري طيبتك التي انعمها لله عليك حتى لا يستغلها الذئاب ووبقي غامضة لانا هذا يبعد عنك هذه المشاكل

المهم انا لم افهم ماتقصدين جيداا لاكن اطمئني فربك معاك ونحن معاك ....

[Mimizan]

بارك الله فيكم

[صوت المستقبل]

لا تهتمي لامرهم فهم من الغيرة يفعلون هكذا بل على العكس ابذلي كل مجهوداتك ولا تعبريهم حتى
انا ايضا اعاني من هذا المشكل كثيرا و من اقرب الناس

[Mimizan]

Merci ncp ma soeur
ca me fait mal vraiment

[ROMAISSA95]

السلام عليكم ورحمة الله تعالى و بركاته
بداية اهنئكم بمناسبة عيد الفطر المبارك
و احمد الله تعالى ان جعلني انتمي الى اسرة تربوية رائعة
لقد اقتربت السنة الدراسية ولم تبقى سوى ايام قلائل وانا جد متحمسة
ولكن اعاني من مشكل في المدرسة ولم اخبر اي احد عنه لكن اليوم قررت ان اشاطره معكم لنتناقش فيه
هل تتطلب المنافسة صراع و القاء نظرة على كل ما تفعله من قبل الزملاء يعني بالدارجة واش راك تقرا و اوانا صفحة و واش من كتاب جبت من المكتبة .............. و هل يحاول زملاؤكم ان يسقط.........وا من قيمتكم امام الاساتذة او ان يضحكوا علكم تلانيذ القسم هذا ما اعاني منه وهذا ما يفعله بي الزملاء و الزميلات
وهل تتطلب الدراسة او المنافسة اخفاء ما تدرسه
هذه مجموعة من المشاكل التي اعاني منها وانا متاكدة انني لست الوحيدة
انتظر الردوووود من الاخوة و الاخوات

أختي فهمت الآن لماذا عندما سألتك ذات يوم أحد الأعضاء عن إسمك لم تريدي أن تقولي إسمك وأجبتها لا أريد أن أقول لأن لديا زميلات هنا ولا أريد أن يعريفوني مازلت أذكرهههههههه ذاكرتي قوية والحمد لله
ولكني لم أعرف السبب ولكن الآن عرفته
إن كان لديك هذا النوع من الزملاء فإخفي ماتدرسينه حتى نتائجك عنهم هذا ما سأفعله لو كنت في مكانك
ولا تهتمي برأيهم نهائي لأن يوم نجاحك فستكوني أنت هي صاحبة النجاح وتجنبيهم قدر المستطاع وإياك أن يأثر عليك ضحكهم هذا (فهم في الحقيقة يضحكون على أنفسهم ) وتقولي لن أشارك ولن أناقش الأستاذ لأن هذا سيأثر على نقاطك أنت فقط
وعليك أن تبرهني لهم أنك أفضل منهم وذلك ببذل مجهود في تحصيل نقاط أحسن منهم (هذا هو دواءهم الذي سيشفيهم من الذي هم فيه) وبما أنك متحمسة فحافظي على هذا الحماس ولا يهمك رأيهم لأنه في الحقيقة ليس رأي وإنما غيره وبما أنهم غيارين معناه راهم يقولولك بطريقة غير مباشرة بأنك أفضل منا :19::19::19::19::19::19::19:

[عبادة الله سبب وجودي]

السلام عليكم ورحمة الله وبركاته
عيـــــــــ سعــــــــ وكـــــــــ عـــــ و أنتم بخير ـــــــام ــــل ـــــــيد ـــــــــد
يقال: كثرة حسادك...دليل على نجاحك
المشكل الذي تعانين منه بديهي يسببه ذوي القلوب المريضة
أنا من وجهت نظري المتواضعة...لايهم التفوق على زملائك بل التفوق على نفسك والله انا أعز اخت لي (أختي وليست فقط صديقتي) كانت ديما تجيب معدل قريب كيما معدلي والله أنا نشجعها ونعاونها باش تجيب معدل أكثر لأنو شيء عادي ما رايحا تنقصلي والو بالعكس أنا أمنيتي لوكان كامل صحاباتي يجيبو كيما أنا وأكتر لأن العلم مينقصش إذا أخذوه أشخاص أكثر ومبعد القراية تخلاص و يبقى غي العيب..
وبالنسبة للمشكل تاعك فأنا أيضا نعاني منه...للأسف كاين بعض الزميلات في قسمي....لاداعي للمتابعة...راكي علابالك........ولكن أنا لا أعيرهم أي إهتمام:rolleyes:...المهم عندي نتبع مع الأساتذة ونراجع باش نجيب نقاط ممتازة..ومنهتمش بيهم نهائيا حتى نقاطهم منسقسيهمش عليها...
لذلك أنصحك بالأبتعاد عنهم...يعني بالدارجة...."ما داصريهم ما تخلطيهم خليهم في بلاصتهم"...خصوصا في القسم..وإذا طلبوا مساعدتك ساعديهم كوني خير منهم..ومديريش عليهم....إهتمي فقط بقرايتك.:19::19::19:....

بالتوفيق
تحياتي:o:o:o

[piérre de lumiére]

نظن انو الاعضاء كفوا ووفوا خليهم في هواهم صح هي تقيس بزااف وانتي متستسلميش وخصوصا طالعة ثانية ثانوي دك يتبدلو التلاميد تع العام الي فات

[الدكتور شهاب الدين]

يحدف ردي أفضل :1:

[salah salilou]

السلام عليكم رحمة الله عيدك مبارك أختي

لا يوجد شيئ كهذا بيننا و الحمد لله أما رأيي فالواضح أنك فتاة متميزة و متفوقة لذلك فالمنافسة لا تقتضي اقتناء نفس المراجع و مراجعة

نفس الدروس،فلتكن لك طريقتك الخاصة في المراجعة و في حل التمارين و نظمي وقتك ،وفقنا الله لما يحبه و يرضاه

[safaagirl]

salamo alikom^^

ellahu el musta3an okhtiii
ana elhmdulillah ma3a hatha elmochkil sah yhawssy 3la ni9ati min baba el munafassa li annu shabati ay jma3ti hiya betthatt li tnafassni ay makanch li ydirli 3fayass mais ana ma3andich mochkil fi el kotob ila sa9sawni w manhawsch chadaru wela ch3all daw psq yhamni el mestawa nta3ii win rah wassel
elmuhim ,nti matdirich 3lihom w rabbi yehdiho w lhay fi 9raytek hadik howa slahek (the gunn-pistolé)

[gauche]

أنا من وجهت نظري المتواضعة...لايهم التفوق على زملائك بل التفوق على نفسك والله انا أعز اخت لي (أختي وليست فقط صديقتي) كانت ديما تجيب معدل قريب كيما معدلي والله أنا نشجعها ونعاونها باش تجيب معدل أكثر لأنو شيء عادي ما رايحا تنقصلي والو بالعكس أنا أمنيتي لوكان كامل صحاباتي يجيبو كيما أنا وأكتر لأن العلم مينقصش إذا أخذوه أشخاص
تحياتي:o:o:o

كلااااام جميل
بارك لله ففييك

[حيآتي أسمَى]

المنـــــــافسة شيء جميل وحماسي لكن في حدود معقولة .


اقول لك اعتمدي على نفسك واقري لروحك ،، وحاولي تثبتي نفسك وقدراتك وامكانياتك ... وتوكلي على ربي
بالتوفيق

[Mimizan]

[QUOTE=ROMAISSA95;11271257][size="4"][font="century gothic"]أختي فهمت الآن لماذا عندما سألتك ذات يوم أحد الأعضاء عن إسمك لم تريدي أن تقولي إسمك وأجبتها لا أريد أن أقول لأن لديا زميلات هنا ولا أريد أن يعريفوني مازلت أذكرهههههههه ذاكرتي قوية والحمد لله

ههه ذكية الله يبارك
مشكووورة اختي بارك الله فيك








بارك الله فيكم اخوتي و الله غير عاونتوني ساكون صبورة كوني ادرس بين ذئاب
المهم ربي ينجحنا و ربي يوفقنا للي نبغيوه
ممكن سؤال
قداش راكم معولين تجيبو هاد العام ان شاء الله

[عبادة الله سبب وجودي]

كلااااام جميل
بارك لله ففييك

وفيك البركة أخي :)

[Mimizan]

Merci bcp pour le conseil
c super hhh

[نعمة القدوس]

السسلـام عليكم

أختي

أنا درستُ العام الفارط بقسم به منافسة قويّة جدا

قريت مع قــأإأريين يعشقو القراية بزاافففْ


والحمد لله، أنا لم أخالط الكثير منهم
وكنت مهتمة بدراستي وحدي
إلـّا ثلـاثة منهم >> بنات

كنت أتبادل معهن التمارين والدروس والأفكار، وكنا نتناصح
ونتبادل الكتب الخارجية
وغيرها من الأمور

وحتى أنني كنت أخبرهن أين كنت أتلقى دروسي الخصوصية
وهن أخبرنني كذلك .. وإذا وجدت أحد التمارين الصعبة، فكنت أشاركهن به

وكثيييــر


بينما كان هناك من هم مثل ما وصفتهم أنت
ولكن لم ألتقِ بمثلهم السنة الفائتة

بل كنت أدرس معهم لنحو أربع سنوات
ولكنني لم أكن أهتم بهم، وما كنتش مدايرتلهم قصة خلـاص
لـأن العدو تاعك إذا ماعطيتيهش قيمة، رايح يحس بالضعف تاعو
وعدم أهميتو


الشيء اللـي ننصحك بيه
هو ما قاله لك الـأخ gauche وهي نفس النصيحة التي كان ـأبي ولـازال يرددها على مسامعي

لـا تتكلمي مع من وآلــى
وكوني غامضة

لأنه إذا ضحكتي معاهم وحكيتي معاهم
رايحين يعرفوا نقاط ضعفك
ويستعملوها ضدك

بالنسبة للذين يسألونك على علاماتك
قوليها ولا تكذبي عليهم حتى وإن كانت متدنية >> أنا دايما نقول علاماتي إذا سالوني
ولكنني أنصحك بعدم سؤالهم على علاماتهم مهما حصل
إلـا إذا كانوا هم من أخبروك

هكدا باه ما تعطيهمش الفرصة خلـاص

واقراي وماتشوفي مع حتى واحد
لـأنك كيما قالت أسمآء[2014] تقراي لعمرك ماشي ليهم


وكل شيء رايح يتحل بإذن الله
وإذا حاول شخص يضرّك، ابتسمي في وجهو ودرك لتم يحس بتفاهتو

ماتخالطيييش بزاف
لـأنو يقولك : ماتخالط روحك فالنُّخّالة، ما ينقبك الجاج


وبالتوفيق

نظن هذا كل شيء

[نَازِكْ]

اه كم عانيت من هذا المشكل لكن تصدقين ان من بين صديقاتي المقربات منافستي نحن لانتكلم ابدا عن الدراسة في مجالسنا نتبادل اوراق العلامات نضحك ان اخفقنا نقوي معا نقتط ضعفنا والحمد لله

[عَتْمَـہとか]

السلام عليكم ورحمة الله تعالى و بركاته
بداية اهنئكم بمناسبة عيد الفطر المبارك
و احمد الله تعالى ان جعلني انتمي الى اسرة تربوية رائعة
لقد اقتربت السنة الدراسية ولم تبقى سوى ايام قلائل وانا جد متحمسة
ولكن اعاني من مشكل في المدرسة ولم اخبر اي احد عنه لكن اليوم قررت ان اشاطره معكم لنتناقش فيه
هل تتطلب المنافسة صراع و القاء نظرة على كل ما تفعله من قبل الزملاء يعني بالدارجة واش راك تقرا و اوانا صفحة و واش من كتاب جبت من المكتبة .............. و هل يحاول زملاؤكم ان يسقط.........وا من قيمتكم امام الاساتذة او ان يضحكوا علكم تلانيذ القسم هذا ما اعاني منه وهذا ما يفعله بي الزملاء و الزميلات
وهل تتطلب الدراسة او المنافسة اخفاء ما تدرسه
هذه مجموعة من المشاكل التي اعاني منها وانا متاكدة انني لست الوحيدة
انتظر الردوووود من الاخوة و الاخوات



نــعم هنـآك من يفعل هذآ

كل شيء ممكن في الجزائر

لكن ليسوا كلهم لكن صدقيني يوجد البعض تتمنين لو تغيرين القسم من أجلهم

بالمقابل يوجد من الزميلات مـاشاء الله « يتمناولك غير الخير

السبب والتفسير الوحيد هو الغيرة


فلا تدعي هذا يؤثر عليك

[Mimizan]

بااااااااااااااارك الله فيييكن وجعله في ميزان حسناتكم

[ريان 7]

تصرفاتهم ما هي الا دليل على تميزك و على غيرتهم الشديدة و لكي تتخلصي من انتقاداتهم اللاذعة قوي شخصيتك و لا تكوني خائفة و مترددة فهم في النهاية بشر و ما عندهم ما يديرو . اما بالنسبة للحوايج لخرى اعتمدي على روحك و ما تسقسي حتى واحد الا اذا اضطررت و ليس عليك اخفاء أسرار النجاح لانها تعد بخلا بالعلم و ما ينجح غير لي قادر على شقاه و حلي عينك تبخلي بالمعرفة .
نتمنى نكون افدتك
ربي يعاونك

[hamza X genuis]

لايوجد شيء افضل من الــــــــــــصراحة....فالصراحة راحة ..ياختي
فيما يخص المنافسة ..رايت الردود ..تقول لاتتهتمي لهم ...الخ ...فهذا خظطاء بالعكـــــــس اظهري اهتمامكي انك تحبين منافستهم ..وقولي لهم مثلا ساكون انا الاولى في هذا الفصل...باه تشعل النار وتقوا المنافسة اكثر....وما تخجليش من الامر...ومثلا فالنقاط كون يديو خير عليكي ..ابدي واش فقلبك .ادا فرحانة افرحي .واذا حزانانة احزني ..عادي
خلاصة الامر عو انو المشاعر انتاعك دايمن خرجيها لبرا .تتنفس .ومتخليش الحقد لدخل فقلبك .وكن ادت اخير عليك وحدة قوليلها مثلا ..معجبنيسش الحال كي ديتي خير عليا..المهم ماتخلي والو في قلبك ..الشي اللي تحسيه .خرجية باي ثمن
اخوكي حمزة

[hanna25]

والله أختي الأعضاء وفوا وكفوا
يعنوا نصحوك مليه وأنا الأولى استفدت من نصائحهم
تتصوري أنا هذا حالي منذ الابتدائي وكنت دائما أتجاهلهم ولا أهتم
ولكن هذا العام كنت لاباس بي مع القسم كل غير طفلة وحدة هبلتني كرهتلي حياتي نتي المنافسة هدي عندها هي اسمها الحرب مش منافسة تقلنا لازم نخرج أنا الأولى وياربي نجيب 0 المهم أنا الأولى وزيد تقعد قبلي أنا معا الأول كنت نية نعطيها كلش ومنبعد تديه وتدي تماريني واجباتي وتقول للاساتذة بلي هي لدارتهم تتصوري عقلية الصغار في الامتحانات تكبي علي وتزيد تجاوب معندها بح تدي خير علي
والأمر من هذا المعريفة تاعها كل الاساتذة يقودولها وانا نقتل روحي واحد ميدير علي
نهار كنت لازم نخرج الأولى فتها بالفاصلة لان دائما الاساتذة يزيدولها وميخليو حتى واحد يعديها المهم كي فتها بالفاصلة قبل ميمدونا المعدلاآآت طلعت أمها للمدير تبدل المعدل وولات هي الأولى الغاشي كل حار قالولي راكي نتي خدمت خير بصح واش ديري
والله هذا العام كرهتلي حياتي لوكان نحكي قد مانحكي متتصوريش راني ندعي برك منطيحش معاها العام الجاي ربي يستر
وزيد علابالك البحوث نديرهم أنا ومتعاوني في والوا ومنبعد تقول للاساتذة انا لدرتهم وتسرقوا من يدي وتديه
وتسقسيني لوكان قريتي في الدار أنا نجاوب بصراحة يعني لوكان قريت نقول قريت مقريتش مقريتش بصح هي تكذبني وتقولي راكي ظلي تقراي قلتلهم منديرش ليكور قالتلي تكذبي يعني والله متتصوري وهي لدل تكذب علابالك مهووسة ومهبولة
المهم اني كترت دخلت ننصح وليتت مشكي
آسفة
وربي يصبرك ويصبرني

[koka star]

السلام عليكم أختي
اللي رايحة نقولهولك قالوه الاعضاء وكفو ووفوا بارك الله فيهم
أختي وفقك الله لما يحبه ويرضاه
تمنياتي لك كل التوفيق والنجاح
تقبلي مروري أخية
سلااااااااااااااااااااااااااااااااااااااااااااااام

[{ توبة }]

و الله يا اختي كامل رانا معمرين من هذو الحوايج
و خاصة التلاميذ النجباء
و انا من الابتدائي و انا نعاني من هذو الناس المهم صرا فيا الباطل
بصح العام اللي فات { الاولى ثانوي } الحمد لله مطحتش مع هذوك الناس
كل واحد لاتي غير بروحو و شكرآ على صراحتك

[Mimizan]

بوركتم على المرور العطر
و شكرا على التفاعل

[كاترينا كين]

المنافسة في الدراسة هي افضل شيء و لكن كما قالت احد الزميلات التفوق هو أن تتفوق على نفسك قب ان تتفوق على الآخرين

[كاترينا كين]

هنااك سؤال بما أني جديدة في المنتدى كيف يمكنني كتابة مشاركات جديدة

[khawla-b]

اختي حكايتك هي نفس حكايتي انا تاني نحب المنافسة و نحب نكون خير منهم و نجيب نقاط مليحة وانا تاني عندي صحاباتي غيارين ياسر مني و يبخلو عليا في كلش و مايحبوش يفيدوني فوالو حتى كي نكون محتاجتهم المهم انا نقتلهم بالبارد ونقوليهم نهار العلامات و المعدلات الصح يبان انت ديري الكوراج وما تبينيش قامهم بلي هديك مقلقاتك بالعكس متقيميهمش و حطيهم ما كانش في حساباتك على خاطر انا نديرلهم كيف هك نقتلهم بالبارد و نتمنى ليك التوفيق وانا تاني نقرا 2 ثانوي حكايتنا كيما بعضانا انا نقرا شعبة رياضيات وكاش مكاين مغامرات جديدة ضرك نقولك و ما تنسايش المنافسة تقويك واللي يقولك اللي يقرا يقرا لروحو صح مي مكانش كيما واحد يدخل في حرب مع منافسيه وفي الاخر يكون هو الرابح وااااااااااااااااااااااااااااااااااااااو
وقوليلي وش من شعبة تقراي فيها.باي

[بن زرام]

شيئ عادي لانه يوجد اشخاص تافهين ينتضرون فرصة للضحك

اما بالنسبة لكيفية الدراسة مناقشة الزملاء و الزميلات فهذا افضل وخاصة النجباء

[sara96]

و الله انا ماعرفت واش نقول
كنت علابالي غير انا نعاني من هدي لبروبلام ظهرو الناس كامل كيفي
المهم اختي ديري الكوراج
ومتخليهمش يأثرو عليك
ههههههه
تفكرت حاجه
كاين طفلة انا ديما ندي اكثر منها العام اللي فات هي ادت 17.35 و انا 16.94
لتو متفكرة معدل تاعها
المهم بسبب ظروف عندي طحت في المعدل و هي صدقت عمرها
بعد ماطلعو المعدلات في الفصل الاول و صايي و بدينا في الفصل الثاني
كنا نتناقشو حنا التلاميذ بيناتنا على وحد التمرين في الرياضيات
قتلها نا لالا متجيش هكا و صح انا كان عندي الحق
قتلي علاه انت واش تفهمي
انا غاضتني روحي و قلتلها اشفاي على كلمتك و خليتلها القسم و خرجت
بصح لكلمة هدي دارتلي الكوراج و سلكتهالها في الفصلين 2 و 3 و طلعت انا الاولى
---------------------------------
راح تقولي وش دخلني انا تحكيلي في قصتك
انا اللي قصدتو منها انك ما تتاثريش بكلامهم مي اوكونتغاغ ديري في قلبك و كملي طريقك و ما تدوريش الوراء
و ربي يوفقك و يوقنا

[Mimizan]

Merci bcp ma belle

[Mimizan]

اختي حكايتك هي نفس حكايتي انا تاني نحب المنافسة و نحب نكون خير منهم و نجيب نقاط مليحة وانا تاني عندي صحاباتي غيارين ياسر مني و يبخلو عليا في كلش و مايحبوش يفيدوني فوالو حتى كي نكون محتاجتهم المهم انا نقتلهم بالبارد ونقوليهم نهار العلامات و المعدلات الصح يبان انت ديري الكوراج وما تبينيش قامهم بلي هديك مقلقاتك بالعكس متقيميهمش و حطيهم ما كانش في حساباتك على خاطر انا نديرلهم كيف هك نقتلهم بالبارد و نتمنى ليك التوفيق وانا تاني نقرا 2 ثانوي حكايتنا كيما بعضانا انا نقرا شعبة رياضيات وكاش مكاين مغامرات جديدة ضرك نقولك و ما تنسايش المنافسة تقويك واللي يقولك اللي يقرا يقرا لروحو صح مي مكانش كيما واحد يدخل في حرب مع منافسيه وفي الاخر يكون هو الرابح وااااااااااااااااااااااااااااااااااااااو
وقوليلي وش من شعبة تقراي فيها.باي


سلام مشكورة على المرور اختى
انا نقرا علوم تجريبية مي لي بروف ما همش قاويين
نقراو في الزهر
بالتوفيق ليك