ماذا تنصحوني ؟ بمن اتزوج ؟

[مشكلتي]

انا شاب عمري 25 سنة ا كملت دراستي هذا العام طبيب و سوف اجتاز امتحان الاختصاص في اكتوبر و سوف انجح لاني حضرت نفسي جيدا و انا متفوق في دراستي

منذ 7 سنوات تعرفت على فتاة تدرس معي، تحبني و تفعل كل شيء لاسعادي، رفضت كل من تقدم لخطبتها من اجلي، وهي جميلة و ذكية و متربية و نحن نتفاهم في كل شيء حتى في التفاصيل الصغيرة

منذ ايام جارتي عرضت على امي ابنتها للزواج مني، في الحقيقة جيراني هادو ما عندي ما نقول فيهم تربية و قاع قاريين و عاقلين ،، و كذلك الفتاة عندها الجنسية المزدوجة فرنسية جزائرية وهي الان في فرنسا

و الان راني في حيرة كبيرة لدرجة اني مانيش نرقد

هذه فرصة لا تعوض لترك هذا البلد الذي لا يوجد فيه الا الظلم و الذهاب للعيش في اوروبا ،، و قد ذهبت عدة مرات من قبل و اعجبني العيش هناك و كلما ارجع نكره حياتي في الجزائر

ومن جهة افكر في عملي فشهادة الطب عير معترف بها في فرنسا و اعرف اصدقاء راهم بطالين منذ سنتين هناك ،، و انا حلم حياتي العمل طبيب و الذي اقتربت كثيرا من تحقيقة

و كذلك افكر في الفتاة التي احبها،، فهي الوحيدة التي اظنها تستطيع اسعادي

ماذا تنصحوني ؟

[aissam .3820]

7 سنين وهي تستنى فيك..لازم تكون راجل خوو....

....


نقولك حاجة خلط شوية فالفايس ولا السكايروك...الخ وشوف كيفاه عايشين الزماغرا....O__o

...

ياو تلقى حاجة اخرى....وعلى حاجة تافهة تقولك انا اللي طلعتك...

..
الا من رحم ربي وتلقا 1%..

..

[*أمة الله*]

أنصحك بالفتاة التي تحبك فهي بإنتضارك و هي الأولى و لتبقي في بلدك لتنميته يا أخي و لا تنسى الإستخارة و أسأل الله أن يختر لك و لا يخيرك فهو أحسن من يختار و ربي يوفقك و تكون أكبر طبيب في العالم و نفتخرو بيك سلام عليكم

[jirardo]

7 سنين وأنت معاها...؟ وتخمم شكون لي تدي

[maymay]

سبع سنين وهيا تحبك،ورافضة قداه من خاطب على جالك،و نتا تاني تحبها..وعلاه راك شاك يا أخي؟؟

نصيحتي ما تشوفش للماديات،في رايك،الطفلة هاديك جارتكم تقدر تعيش معاها حياتك كامل؟؟؟نتا راك راح تديها على جال فرنسا،وماخممتش بلي راح تعيش معاها كامل حياتك،صدقني،كون ما يكونش كاين الهنا مال الدنيا كامل مايكونلوش طعم..

ادي بنت بلادك خويا،ونتا تبارك الله تقدر تنجح في امتحان التخصص،و كي تولي سبيسياليست راك تسلك مليح خو،وتقدر تعيش تري بيان..ولاكان على الخارج،تقدر تجري وحدك باش تروح و ربما تدي معاك زوجتك لي تحبها و تحبك...

ربي يهنيك دكتور..و يوفقك في امتحانك

[knives55]

اختر صديقتك لانك تعرفها وتتفاهم معها لقد رفضت الكثير من اجل فرفض انت كذالك من اجلها واذ كنت تحبها فذهب وخطبها حالا

[arc en ciel]

انت اختار يا تكون راجل يا تكون والو في فرنسا

زميلتك احسن صدقني ماتخدعكش الجنسية المزدوجة و العيشة تماك

انت راك تشوف فيها وسيلة باه تروح لفرنسا ؟؟؟

بلادك اولى بيك

سال مجرب

[amine9mm]

اودي عطيها صاحبي ماديرش على الغاشي هادو يحشولك روح لفرنسا واخدم واخطيك مل جزاريات انا جيت في بلاصتك نروح ونتهنى مل هذي لبلاد
خويا كان كيما نتا نصحه الامام اللي عندنا قالوا روح مل هذي لبالاد ولدي ما يفيدك الحب يفيدك الراس والتخمام

[زرابة]

اخي روح دي لتعرفها راه عشرة فرنسا مافيها والو رحت ورجعت نبكي راهم النسا تما يحكمو في رجلاتهم كيما يقولو جديد حبو والقديم لاتفرط فيه

[صفية الاوراس]

ايااك يا اخ ان تغدر بتلك الفتاة وتنخدعها وهي التي وضعت كل ثقتها فيك 7 سنوات وهي تنتظر متى تتقدم اليها وتتركها من اجل حلم فرنسا واوروبا يا خويا بلادك وبنت بلادك اولى بيك
ما عندكش الحق راك ظلمتها بتفكيرك هذا الله يسامحك

[نجمة ساطعة]

فعلا ليس لكم أمان و غبية من تثق في رجل ...........

[lilou f lilou a]

كوووووووووووون راجل يا حبيبي

[الدكتور سام]

انا شاب عمري 25 سنة ا كملت دراستي هذا العام طبيب و سوف اجتاز امتحان الاختصاص في اكتوبر و سوف انجح لاني حضرت نفسي جيدا و انا متفوق في دراستي


منذ 7 سنوات تعرفت على فتاة تدرس معي، تحبني و تفعل كل شيء لاسعادي، رفضت كل من تقدم لخطبتها من اجلي، وهي جميلة و ذكية و متربية و نحن نتفاهم في كل شيء حتى في التفاصيل الصغيرة

منذ ايام جارتي عرضت على امي ابنتها للزواج مني، في الحقيقة جيراني هادو ما عندي ما نقول فيهم تربية و قاع قاريين و عاقلين ،، و كذلك الفتاة عندها الجنسية المزدوجة فرنسية جزائرية وهي الان في فرنسا

و الان راني في حيرة كبيرة لدرجة اني مانيش نرقد

هذه فرصة لا تعوض لترك هذا البلد الذي لا يوجد فيه الا الظلم و الذهاب للعيش في اوروبا ،، و قد ذهبت عدة مرات من قبل و اعجبني العيش هناك و كلما ارجع نكره حياتي في الجزائر

ومن جهة افكر في عملي فشهادة الطب عير معترف بها في فرنسا و اعرف اصدقاء راهم بطالين منذ سنتين هناك ،، و انا حلم حياتي العمل طبيب و الذي اقتربت كثيرا من تحقيقة

و كذلك افكر في الفتاة التي احبها،، فهي الوحيدة التي اظنها تستطيع اسعادي

ماذا تنصحوني ؟


فقط اردت ان ادكرك انك لم تقل بعد قولك سوف انجح......ان شاء الله.التحضير الجيد ليس مقياس للنجاح و انما التوفيق من الله
انا نصيحتي اكمل دراستك في وطنك.فوالله لن تجد احسن من بلدك.و تزوج بالفتاة التي احببت

[نجمة ساطعة]

فقط اردت ان ادكرك انك لم تقل بعد قولك سوف انجح......ان شاء الله.التحضير الجيد ليس مقياس للنجاح و انما التوفيق من الله
انا نصيحتي اكمل دراستك في وطنك.فوالله لن تجد احسن من بلدك.و تزوج بالفتاة التي احببت

والله نحيتها من في حتى انا استغربت لم يقل ان شاء الله

[حسام الاسلام]

السلام عليكم ورحمة الله وبركاته

قال صلى الله عليه وسلم:"لا أرى في المتحابين إلا الزواج" .. اذا كنت إنسان مادي فاختر فرنسا والعيش الكريم والزهيد فيها
وهذه المتعة قد تكون مؤقته لأنك ستعيش حياة تأنيب الضمير بتخليك عن من كانت وفية لك ولم تكن أنت على استعداد
للتضحية من أجلها كما فعلت هِيَ .. فهل جزاء الإحسان ألا إحسان .. ؟!!

واذا كنت انسان تملك قلبا فاختر التي تحبها وتحبك والجميل فيها أنها ترفض كل من يتقدم لها لأنها تنتظرك ومخلصة لك فقط
وستعيشان حياة سعيدة ان شاء الله لأن الرابط بينكما هو رابط الحب والوفاء وليس رابط المصلحة والهجرة ..


عليك بصلاة الاستخارة .. أراحك الله ووفقك لما يحبه ويرضاه وأعانك على ذكره وعبادته .

[rihanna27]

hya rafdat ga3 li khatbouha 3la jalak wanta tkhaliha 3la jal fransa ?

[شخصية نرجسية]

أنت خاين صح سنين بلكل و تفرك فيها عيب عليك سؤال لا يسأل الفتاة المسكينة رفضت الخطاب من أجلك و أنت تفكر في الهجرة ؟؟؟؟؟ربي يهديك و يقلل من أمثالك

[وجدان الخواطر~]

7 سنين و راك تسقسي؟؟؟ وزيد هذي الطفلة تعرفها و تعرف عقلينها و تعرف أخلاقها مش كيما جارتكم

و زيد هادو أصحاب الجنسية المزدوجة راهم متكبرين و حتى ولادك مايجوش متربيين على الدين والاخلاق

و شهادتك هادي عندك 7سنين و نتا شاقي عليها ومنباعد تروح و تتبهدل و تعود كي الكافي عندهم

وزيد دير استخارة

[malak annaba]

انا ننصحك والنصيحة لوجه الله بطلة الي قرات معاك انت تحبها وهيا تحبك ننصحك بيها واذا حاب تخلي لبلاد انت طبيب وهيا طبيبا تقدر تعيش حتي في امريكا مش غير في فرنسا هاذا ادا حاب تتغرب مع انها الغربة صعيبة بزااااااااااااااااااااااااف والله اني نقلك غير احكم الي قعدت تستنا فيك راهي ضيعت حيتها علي جالك هاذي نصيحتي

[redonne]

7wellah bezzaaaaaaaaf 3ayb 3lik y'la madithach normalement meme pas ma t'khamemech

[economica]

اخي اذكرك بحديث الرسول عليه الصلاة والسلام ... من تزوج امراة لنسبها زاده الله ذلا ومن تزوجها لمالها زاده الله فقرا...ادي لتحبك اخي وهذي استناتك،بالاضافة متفاهم معاها،انا عندي تجربة مثل لراك فيها والحمد لله ديت لتحبي وراني الحمد لله هاني بزاف،بعد الزواج تولي طالب الهنا برك،وهذو الزماقرا للاسف مهمش تع الهناء الا من رحم ربي،بالاضافة قلت الشهادة مش معترف بيها تم،وعليه رح تزيد تصعب الحالة على روحك و السنوات تع الدراسة يروحو هك باطل،متخممش بالمصلحة اخي.

[اناناسة]

سبحان الله كيف ان الزمان هذا غدار فتاة غيرت رايك في زوج دقائق بسبب جنسيتها و تلك التي انتظرت و ضيعت فرص كثيرة ...في بالك هي لم تعرض عليها فرص أحسن منك ؟ لكنها رفضتها و فضلتك اما انت ففي حيرة !!! سامحني اخي انت أناني و لا تستحقها و برايي تزوج صاحبة الجنسية لأنك لم تحب الاولى اصلا و لو أحببتها لما خطر ببالك الثانية اصلا
سامحني على صراحتي

[vivaldi]

هل هانت عليك 7 سنوات أمام المزدوجة الجنسية ؟
و أسفـــــــــــــــــــــــــــــــــــــــــــــــ ــــــــاه

[دكتورة بإذن الله]

ناس بكري يقولو: زين النية يتسقملك السعد
(و العكس صحيح )
يا اخي الكريم ..زواج المصلحة ينتهي بانتهاء المصلحة يعني عنده تاريخ انتهاء الصلاحية
هي عندها الجنسية و انت زعما طبيب
لو كنت لا تدرس الطب فلن تنظر لك و انت نفس الشيئ لو لم تكن لديها الجنسية فلن تنظر لها
و انت الان امام اختبار كي يظهر معدنك و يظهر مدي وفائك و صدق نيتك مع الفتاة الاولى
لذلك اخي الزواج حين تصدق فيه النية تكون العاقبة امليحة ليك و لوليداتك ...
و حين تخسر النية و تدخلها في المصلحة صدقني ستخسر الكثير و الكثير + دعاوي الشر
التي تتبعك من الفتاة الاولى ..فاحذر من الوقوع في الفخ
و الشخص الواعي و العاقل و الذي يخاف الله في بنات الناس اصلا لن يطرح سؤال مثل هذا و يخجل حتى من نفسه حين يطرحه
و لن يدخله حتى في اذنيه ..!!
نسأل الله ان ينير بصيرتك ..

[aamoula]

انا نقولك حاجة
لعاد الواحد اول ما يكبر يكبر على الناس الى يحبوه مايملى عينيه غير التراب

نت اصلا كنت شاد الطفلة 7 سنين باه ترضى غرورك بلى زعما نتا تسوى مى نتا ماتسوى والو يملاو عينيك غير التراب
وادا راك حاس الطب الى قريتو حاجة راهم الاف يتخرجو وخير منك
و الرجلة ماشى هكا
كون كانت عندك نية صافية من الاول تخرج راجل ماشى تخرج نذل على جال باه تروح من هادى البلاد
ولا هي ضيعت 7 سنين من حياتها على جالك ومن بعد تقابلها هكا اسمحلى ماصبت وش نقولك

وراك تحكى فيها بلا حشمة



و كون كنت اصلا تحبها متخممش و لخاطر راك داير فى بالك بلى هي الى تديها مى نتا متحبهاش
نقولك ادى مزدوجة الجنسية لخاطر الجزائرية تستهل واحد ماخير منك


روح ربى يهديك

[اريج06]

متكونش اناني تخمم غير في نفسك وفاللي يخرج عليك تزوج بالطبيبة ولا مزدوجة الجنسية.مخممتش علي ريحت عمرها وهي تستنى فيك اذا خليتها وظلمتها راك تندم من بعد واتقي دعوة المظلوم

[بحجابي أنا نجمة في السماء]

عيب عليك يا خويا وش بيك هكا؟؟
7سنين وهي تستنى فيك وماقبلت حتى واحد علجالك

وتجي انت في دقيقة تقول فرنسا
لالالالا هذي تسمى خيانة غير مديرهاش وتندم عليها

تزوج الي تحبك وتحبها الي بقات سنوات وهي تستنى

[ولد حمد الباتني]

وسوف انجح
---
هاد الكلمة ماعجبتنيش

[amran6688]

السلام عليكم

حكم العلماء في الهجرة للخارج

انه لايجوز شرعا العيش في ديار الغرب الا في حالتين وكلاهما لايتوفر فيك

اولا ان يكون الشخص يعيش فقرا شديدا ولم يجد عملا في بلده

ثانيا ان يكون خرج لطلب علم لايوجد التخصص فيه في بلده

انت طبيب لست بطالا

انت انهيت الدراسة اوكدت تنهيها

فكيف تترك فرصة العمل في الطب في بلدك وتذهب هناك لتعيش بطالا

وهل ترضى ان يكون ابناؤك لا يتقنون الا لغة الغرب الا تخاف على سلوكهم مستقبلا الا تخاف على دينهم المهم جمع المال والعيش في لهو وترف الغرب

وهل بامكانك ان تعيد اسرتك وخاصة اولادك اذا كبروا

الله اعلم ولك الحكم

[saadi-2008]

منذ 7 سنوات ..... رفضت كل من تقدم لخطبتها من اجلي

وأنت خطبت مرة فبعتها

أسال الله عز وجل أن يعوضها بخير منك

علامةُ المنافقِ ثلاثٌ إذا حدَّث كذَب وإذا عاهد غدَر وإذا ائتُمِن خان