حكيولى على تجربتكم مع الكروشي [الأرشيف] - منتديات الجلفة لكل الجزائريين و العرب

مشاهدة النسخة كاملة : حكيولى على تجربتكم مع الكروشي

أسومة المتفائلة

2012-08-18, 19:15

سلام البنات صح عيدكم
كل وحدة تجكينا كيفاه بدات مع الكروشي
انا حابة نتعلم مي ملقيتش شكون يعلمنى
قولولى ادا ممكن نتعلم وحدي من النت
نسنا فى ردكم متبخلوش عليا
ادا عندكم نصائح باش نتعلم فيسع

بسمةbb

2012-08-21, 01:30

احسن هواية عندي هي الكروشي حبيت نتعلمو والفضل يغود لماما ليعلمتهولي كان في عمري 12 سنة و درك راني ف 22 والله يبارك راني شاطرة فيه راني نخيط و نتفرج في التلفاز لانو مشا في يدي c bon راني نحكي صح مش نتمسخر انشاء الله راني غيرتك و من غدوة تبداي انشاء الله و كاشما تحتاجي اني هنا بسمة bb

ويناروز

2012-08-21, 15:16

صح عيدك وكل عام وانت بخير اسماء

حكايتي مع الكروشي فضول لانه اختي تخدموا حبيت نتعلموا بشوي بشوي عدت اتقنه وعملت بزاف التلايق والنبروات باه تمشي يدي

واصبح هو والخياطة هوايتي المفضلة والنصيحة التي اقدمها لك هو كثرة التطبيق وهناك كتيبات صغيرة خاصة بالكروشي تقدر تفيدك

واستفيدي من النت بانتضار الاخوات ممكن يقدرو يعاونوك

تقبلي مروري

mamia

2012-08-21, 17:32

سلام
انا كنت ديما نشوف الحوايج تاع الكروشي ويعجبوني ........... وليت درت القلب وقلت لازم نتعلموا ونخدم وحدي

تعلمت من الانترنيت من الفيديوهات في يوتوب وهي رائعة ............ والله تعلكته في يومين فقط وبدات في صنع النبرونات ثم انتقلت الى الصدور والعلاقات والملابس وكل شيء

هو فعلا فن رائع ويستاهل نتعلموه

ربي يوفقك

la belle fleur

2012-08-23, 13:55

انا عن نفسي تعلمت الكروشي من مجلة باللغة الفرنسية وبعدها بديت بتطبيق المفارش والحواف وكي دخلت النت للدار شفت العجب من اعمال الكروشي وطورت الهواية حتى وليت نخدم ألأجمل الفساتين لبنتي تقدري اختي تتعلمي من النت وكاين منتديات كثيرة متخصصة في هذا الفن
بالتوفيق ان شاء الله

حلاوة_87

2012-08-23, 16:10

كان في عمري 9 سنوات...امي كانت تخدم ""التريكو"" وعلمتني ومرة في المدرسة حصة اشغال يدوية المعلم قال لينا المساء اشغالححرة اخدمو وش حبيتو جبت المغازل نتاوع امي وحابة نزوخ باللي نعرف نخدم ولقيت انا الوحيدة فالقسم اللي نخدم التريكو وصديقة ليا هي الوحيدة اللي جابت الكروشي وقعدت تخدم....بعد الحصة تفاهمت انا وهي نعلمها تريكو وتعلمني الكروشي...وبدينا انا وهي هكذا واليوم في عمري 25 سنة نتقن الكروشي والتريكو...
اختي اذا حابة تتعلمي..لازم تحكمي كروشيه وخيط وتجربي اما اذا مجربتيش مرحش تتعلمي..

أسومة المتفائلة

2012-09-03, 14:35

شكرا لمرووركم الحلو
اسمحولى النت مكانتش عندي
يعني عادي نتكل على ربي ونبدا نتعلم ونتوما راح تعاونونى

samsouma_05

2012-09-15, 18:36

inchallah bn courage ma belle

أسومة المتفائلة

2012-09-16, 19:04

شكرا لمروررك سمسومة

أمّ عبد الله

2012-09-17, 17:16

شكرا لمرووركم الحلو
اسمحولى النت مكانتش عندي
يعني عادي نتكل على ربي ونبدا نتعلم ونتوما راح تعاونونى
ان شاا الله اختي .........الحاجة لي ماعرفتيهاش قولينا ...........و ما نبخلوش عليك ادا كنا نعرفوها
ربي يعاونك
سلام
اللهم صل و سلم علي نبينا محمد

ahlam2060

2012-09-18, 23:22

انا بديت لما كنت نقرا السنة الخامسة مع زميلاتي قبل ما ندخلو للمدرسة نجيبو كروشي و خيط و نحاولو نخدمو وردات صغار كانت منافسة بيننا وهكذا بديت بحوايج صغار كنت كل عطلة صيفية نخدم 2 حويجات وكل مرة نتعلم حاجة جديدة و الحمد لله اختي ننصحك ابداي بحوايج صغار وكثري من التجارب لان كلما جربتي الكروشي حتى و ان غلطي راح تتعلمي حوايج جدد و الله الموفق

أسومة المتفائلة

2012-09-20, 16:10

ان شاا الله اختي .........الحاجة لي ماعرفتيهاش قولينا ...........و ما نبخلوش عليك ادا كنا نعرفوها
ربي يعاونك
سلام
اللهم صل و سلم علي نبينا محمد
اوكي شكرا على تشجيعكم حمستونى

أسومة المتفائلة

2012-09-20, 16:12