التحديات الجديدة لاستراتجية محو الامية بالجزائر

[yakoubiano]

بما انني من مفتشي محو الأمية أدركت جليا مدى الارتباط بين الادارة والمفتش والمؤطر و الدارسون في هدا المنوال . وعليه رأيت فتح النقاش لمعرفة تلك الاشكالات التي اصبحت تواجه كل أطراف المنظومة والعمل على الخروج بتصورات لها . والموضوع مفتوح للنقاش الجاد الهادف

[مرشد الحيران]

http://im24.gulfup.com/2012-08-18/1345313116402.jpg (http://www.gulfup.com/show/X2clt69sznls0k)

[megoud27]

السلام عليكم ..رأيي المتواضع أن هناك عدم اهتمام حقيقي بمحوالامية ..خاصة من قبل المسؤولين ..

[ليلى المغامرة]

محو الامية من احلى واروع مايمكن للمعلم ان يقدمه للدارس وفي اطار هذا المنوال انا معلمة في اطار محو الامية ادرس قسمين المستوى الاول والثاني احب كثيرا التعامل مع الدارسين كما اجد صعوبة في تلقين الدروس

لذا اطالب كل المعلمين ان يجدو ويجتهدو في تعليم هذه الفئة الجليلة من الشعب خاصة الكبار لانه كما يقال من علمني حرفا صرت له عبدا والمعلم كاد ان يكون رسولا فاجتهدو وجدو في مهنتكم ايها المعلمون خاصة تجاه هذه الفئة من الناس

[amouna_nas]

السلامعليكم
شكرا على طرحك لهذا الموضوع
لكن قبل كل شيء عندي استفسار حول محو الأمية
هل محو الأمية تابعة لوزارة التربية والتعليم ؟؟؟؟؟؟؟؟؟؟؟؟
ولما كل مدير ملحقة عبر كل ولاية هو الذي يحدد عدد المتمدرسين مرة 20
ومرة أربعين ومرة 50
والأمور مبهمة فنحن مثلا في بسكرة
لا يجدد ولا يقبل أي ملف إذا لم ندفع 4200.00 دج
هل هذا يحدث عندكم؟؟؟؟؟؟؟؟؟؟؟؟؟؟؟؟؟؟؟؟؟؟
إلى من نشتكي هذا التعسف في إستخدام السلطة ؟؟؟؟؟؟؟؟؟

ثم إن المتمدرس يدرس سنتين فقط
في السنة الثانية ينتقل جبريا نعم يجبروننا على إنتقاله بعد خضوعه لإمتحان إنتقالي للسنة الثالثة
وفي نهاية السنة يجب أن يكون ضمن قائمة المتمدرسين الذين يجتازون إمتحان التحرر من الأمية
هل هدا يحدث عندكم ؟؟؟؟؟؟؟؟؟؟؟؟؟
وإذا كان كذلك كيف من المعقول إنسان أمي 100 /100
يستطيع التخلص من اميته في هذه الفترة البسيطة؟؟؟؟؟؟؟؟؟؟؟
كما أن كتاب السنة الثانية في اللغة العربية والرياضيات لا يمكن أن يدرس للأمي صاحب 50 أو 60 أو70 سنة
هناك تفاوت فليس الأمي صاحب 20 سنة مثل الأمي صاحب 70 سنة هناك حتما تفاوت في المستوى التخحصيلي
وعلى مستوى الإهتمامات لا توفرها تلك الكتب؟؟؟؟؟

[ام تسنيم]

السلام عليكم ..رأيي المتواضع أن هناك عدم اهتمام حقيقي بمحوالامية ..خاصة من قبل المسؤولين ..
نعم اخي هناك عدم اهتمام حقيقي وصريح بداءا بالمدرس وصولا للدارس نعطي مثلا مدرسي محو الامية لا ينالون رواتبهم بصورة عادية وشهريا وانما ننتظر مثل الحلم رواتبنا ولما تصلنا تروح كلها دين ثم نرجع بدون رواتب ويتعاود نفس المسلسل وصراحة نعيب المسؤولين والعيب فينا ،، الا نستطيع ان نقوم بوقفة احتجاجية على هذا الوضع ارجو ان نفتح صفحة نناقش فيها هذا المشكل الله يخليكم

[الباجيرو]

bourikta allah ysalmek akh.t

[كوندور الهضاب]

بما انني من مفتشي محو الأمية أدركت جليا مدى الارتباط بين الادارة والمفتش والمؤطر و الدارسون في هدا المنوال . وعليه رأيت فتح النقاش لمعرفة تلك الاشكالات التي اصبحت تواجه كل أطراف المنظومة والعمل على الخروج بتصورات لها . والموضوع مفتوح للنقاش الجاد الهادف

مشكور يا الشيخ على هاذ المبادرة الجميلة، بصح أنا راني مؤطر بمحو الأمية وراني انشوف بلي هاذ المشروع راه كذبة كبيرة وكيما يقولو بقرة تحلب والجماعة القماقم راهم يشربو منها والزوالية كيما احنا أتصحلنا قطرات منها، شوف الغرض من مشروع محو الأمية على حساب ما فهمت هو انك تعلم الناس وتمحو أميتهم، كيفاش يا عاجابة يقولولك هات 40 ملف متمدرس باش يقبلوك وتعلم الناس، قلي يرحم والديك وين رايح تلقى 40 إنسان حاب يقرى واش من إنسان كبير في العمر؟؟؟ وزيد نفرضو بلي راك إلقيت 10 أشخاص واعطاوك ملفاتهم -وهذا بشق الأنفس- يعني ما يقبلوكش وطلبك مرفوض هاذ الناس واش ذنبهم ما يتعلموش، وزيد كيفاش تطلب من إنسان يعلم الناس وهو ما يخلصش حتى بعد 10 أشهر، من وين ياكل وإذا كان متزوج راها طامة كبيرة، وراه كاين ملحقات يطلبو حتى أكثر من 40 ملف متمدرس، وكيما راك تعرف بلي أغلب المتمدرسين نساء وين راك رايح تلقى 40 إمرأة تسجلها، كاين معلمات وصلت بيهم الحاجة أنهم راحو يطبطبو في الديار باش يجمعو العدد المطلوب وبعد جهد وعناء كبير قدمو 40 ملف وسجلو وفي نفس الملحقة كاين إلي سجلت 9 ولا عشرة ودرست وخلصت كيما الأخرى مولات 40 والإدارة أتقول من تحت 40 ما يمضيش الكونطرا، ........ وللحديث بقية

[كوندور الهضاب]

نعم اخي هناك عدم اهتمام حقيقي وصريح بداءا بالمدرس وصولا للدارس نعطي مثلا مدرسي محو الامية لا ينالون رواتبهم بصورة عادية وشهريا وانما ننتظر مثل الحلم رواتبنا ولما تصلنا تروح كلها دين ثم نرجع بدون رواتب ويتعاود نفس المسلسل وصراحة نعيب المسؤولين والعيب فينا ،، الا نستطيع ان نقوم بوقفة احتجاجية على هذا الوضع ارجو ان نفتح صفحة نناقش فيها هذا المشكل الله يخليكم

ما تقدريش أديري وقفة إحتجاجية لأنه ببساطة راه القانون ما يحميكش وإذا درتي أنت وحدك إلي أتخلصي الفاتورة كل الغاشي راه خايف على خبزتو

[زهرة نور]

السلام عليكم أنا مدرسة في محو الأمية منذ8 سنوات كنت متطوعة ثم أصبحت متعاقدة مع الديوان الوطني لمحو الأمية حضرت عدة تكوينات و ملتقيات لمحو الأمية فوجدتها مجرد حبر على الورق فالعلاقة بين المدرس و الديوان شبه مقطوعة ، فالكتب المعتمدة في التدريس ليس لها أي معنى فأصبحت أعلمهم باجتهادي الخاص و قضية 40 دارس في القسم مسألة مستحيلة ، وفي الاخير اقول ان الرجوع الى عمل التطوع ارحم من هذه اللخبطة

[كوندور الهضاب]

السلام عليكم أنا مدرسة في محو الأمية منذ8 سنوات كنت متطوعة ثم أصبحت متعاقدة مع الديوان الوطني لمحو الأمية حضرت عدة تكوينات و ملتقيات لمحو الأمية فوجدتها مجرد حبر على الورق فالعلاقة بين المدرس و الديوان شبه مقطوعة ، فالكتب المعتمدة في التدريس ليس لها أي معنى فأصبحت أعلمهم باجتهادي الخاص و قضية 40 دارس في القسم مسألة مستحيلة ، وفي الاخير اقول ان الرجوع الى عمل التطوع ارحم من هذه اللخبطة

والله غير عندك الحق، أنا عندي 04 سنوات وراني أستنتجت بلي مشروع محو الأمية راه أكبر كذبة كذبها مسؤولو التربية وراهم صدقوها، يقولو بلي محو الأمية مشروع من طرف UNICEF اللي قتالهم أمحو أمية شعبكم وباش يبرهنو بلي راهم قايمين بالواجب يطلبو منا 40 ملف لكل معلم واحسبي أشحال كاين من معلم في الجزائر كلها وأربي العدد في 40 تلقاي مئات الآلاف وهكذا يكون راهم قايمين بالواجب وأكثر كما ويستاهلو التكريمات والتشريفات، بصح في الحقيقة كلش كذب في كذب، الكتب ماهيش متوازنة مع عقلية الأمي، إنسان ما يعرفش الألف من الواو وتعطيه نص وتقولو استخرج حرف الألف، وزيد كيفاش يا عاجبة يطلبو 40 ملف من معلم ونفرضو بلي ما قدرش يجمع العدد وجمع فقط 05 ملفات يعني هاذ الخمسة وا يتعلموش بسبب معلمهم ما جمعش 40 العدد المطلوب، وزيد أتروح للمدرسة إلي يتعلمو فيها كيفاه يا عاجابة العساس يعودلك هو المدير الأمر الناهي، يتحكم في كيما يحب ويشتي يحب يفتح الباب ولا ما يفتحش، واحد ما يكلمو يربيلك قرون، وروح للمعلم المسكين 10 أشهر وهو يدرس ما يعطوهش سنتيم، من يعيش هاذ الإنسان منين ياكل والكارثة أكبر إذا كان متزوج من وين يصرف على دارو.....
واش أنقولك ربي يكون الخير وربي يهدي مسؤولينا إلى الطريق القويم وربي يعاون معلمي محو الأمية ويعطيهم الصبر على الشهرية،:cool:

[mokhtar24]

السلام عليكم

لم اجد ماأعبر به لان كل الذي قيل في اعلى درجة الصحة والله المستعان

[ام كريمة]

لم اجد ما اعبر فكل كلامهم صحيح و الله المستعان و ربي يتقبل منا اعمالنا و يجعلها في ميزان الحسنات امين يا رب العالمين

[رحيق الزهراء]

ربي يعين والله يفرج علينا وعليكم

[ابن القيم ج]

عدم وجود تحفيزات للمدرّسين

[Ahmed zizo]

أنا راكم خلعتوني راني غير كيما سجلت ورايح نبدا الأسبوع الجاي ومانيش عارف كيفاش ندير خاصة مع تحضير كراس كشف الحضور اليومي ربي يجيبها زينة وخلاص

[mohamed chaabane]

السلام عليكم

في ظني والله أعلم أن سبب هذه المشكلة هم الأفراد الذين يحطون بهذه الفئة من المجتمع.