عاجل للأخوات عاونوني

[safioo]

السلام عليكم أخواتي

اليوم مشيت نسيي القريوش وما صلحتليش الوصفة
1 كلغ فرينة - 500 غ دهان لابال - 5 بيض ( 3 صفار و2 كاملين ) - 2 ملاعق أكل خل - 1 ملعقة أكل خميرة العجين - 2 خميرة كيميائية - زعفران شويا - شويا ماء الورد

لا عندكم أخواتي طريقة كيش نسلكها باسكوا ما حبتش تتلايملي وثاني كي نحطها كي الماشية تتفتتلي وما حبتش كامل تتعدل
ولا عندكم وصفة قاطوا اخر بهاذ المقادير باه ما نضيعش العجينة


رمضان مبارك وعيد سعيد

[safioo]

أين أنتي أحتي؟؟؟؟

[salima14]

الزبدة درتي بزاف والبيض مع1كغ فرينة القريوش مش هكا
زيدي ماء زهر ولمي مليح وجربي بالحبة ماتخسريش الزيت

[safioo]

شكرا على المرور أختي
بارك الله فيكي

[الجواهر]

هذه ليست وصفة القريوش لو كنت مكانك اعمل حبة بيض نضربها مليح و اضيف لها كاس سكر و نخلط ثم اضيف العجينة الي درتيها و نخلط مليح و نحطها في بلاثو كبير و نطيبها مليح نخليها تحمار شوية كي تبرد نرحيها في الميكسور و نعمل بيها قاطو بارد اي " مايطيبش " بحلوة الترك
و ربما يفيدوك لبنات

[sarah022]

كترتي الزبدة بزاف

[لينا11]

اعملي واش قلت لك ورديلي الخبر

[lofi]

هذه ليست وصفة القريوش و- 500 غ دهان لابال ياسر
دريها في بلاة
وطيبيها كي تارت من بعد ارحيها وخدمي قاطو بارد باضاثى شوية كوكاو جلجلان محمص ولمي بالعسل أو معجون
والله أعلم

[القلم الجارف]

السلام عليكم
أسمحيلي يا اختي مي راكي كامل غالطة في لاغوسات ديال القريوش
كيما قالوا البنات هادي زيديها شوية بيض و لميها و ديريها خبرزة وحدة و ارحيها و شطلي منها قاطو بارد
مع زبدة+معجون+مكسرات +حلوة الترك و رمديها في نواد كوكو و إلا ديريلها طلية بالشكولا بعد ما تشكليها كيما تحبي
و دوك نعطيك وصفة لقريوش أنا نديرها دايما وتجيني شابة و بنينة

[القلم الجارف]

1 كلغ فرينة+250غ مارغارين راني نقول مارغارين سيدتي هههه بالاكي تنساي و ديري حاجة أخرى ههه
قرصة ملح+مغرف كبيرة سكر عادي+ مغرف كبيرة خل+ بيضة+ شوية زعفران و من الأحسن ديريه في الماء أثناء التخليط
تخلطي كل شيء مع ببعش و من بعد لتسخني الماء مليح هكذا باش العجينة ما ديرلكش حبيبات غير مرغوب فيها (السخانة تذوب الزبدة)
تعجنيها مليح حتى ترجع طرية ، تقسميها كويرات و تغطيها بفيلم أليموناغ (سيلوفان) و تخليها في الثلاجة مدة تقريبا نص ساعة و ما تحيريش كلما ارتاحت كلما كانت لعجينة مليحة، تحليها بالمشينة أو الرولو و تشكليها على ذوقك لأنو فيها بزاف أنواع، كي تكملي كامل تقليها و من بعد تعسليها و ترشي عليها الجلجلان
نسيت ما قلتلكش يلزمها كيس خمارة.
جربيها و رجعيلي بالخبر

[red rose 13]

واش حنونة راني عطيتك الوصفة انا سيتها خرجلي يهبل