مشكلتي مع خطيبي

[مشكلتي]

انا فتاة مخطوبة وساتزوج قريبا وزواجي تقليدي وخطيبي مقيم بفرنسا ولا يتحدث معي ولا اعرف عنه الكثير ولا يوجد اي اتصال بيننا فقط عندما يزور اهله ياتي لزيارتي لبضع دقائق انا احس اني ضائعة ساعدوني

[ibta]

ادا كنت قبلتي بيه وسقساو عليه خاوتك وناس ملاح يعني مدين ويخاف ربي لا ارى في الامر غرابة الف مبروك وربي يكمل بخير

[amura8]

ختي راكي هانية هاكاك غير اخطيك من لحكاية بزاف في التليفون يجيب المشاكل
كل وحدة وكيفاه مي هدا ماشي سبب باش تتقلقي المهم راه ناويك صح خطبك وقريب تتزوجي ان شاء الله والا راكي تتوحشيه ولا منعرف اسيو تحكوا شويا بالنت بلاك تتوالفوا ولا مين يجي لبلاد قوليله يكثر الزيارات باش توافيع وتعرفيه مليح

[aihemsara]

مادامك قبلتي بيه من الاول يعني علابالك لي راح تكون حالتك هكا يعني ما تهدروش و بعاد
رغم انو في امكانية تهدرو يا لوكان في ال س ك ا ي ب ,,,
الا عاقل و ناس ملاح و يخاف ربي كوني مطمنة,, يخي ناس بكري تزوجز ها و راهم ما شاء الله متهنيين
ربي يوفقك و يهنيكي

[~~ أغيلاس ~~]

عادي جدا جدا .

ليس مثل الآخرين ليسوا متزوجين و مخطوبين برك و خلطوا الدنيا و عندهم سبعين ألف مشكلة .

الحب و الألفة الحقيقية يكونان بعد الزواج .

[مبروكة الصحراء]

كاين لي يكون حشام و متربي ما يحبش يديرونجي بنات الناس و عايلاتهم مشي معناها ما يحبكش و خلي الحب هذا حتى بعد الزواج صدقيني يكون أحلى و مدام راكم قراب تتزوجو معناها راكم مسقسيين عليه و راه ناس ملاح
ما تقلقيش روحك ان شاء الله خير

[ريتاج78]

والله احسن الحب ياتي بعد الزواج

خير ملي يحكيلك حكاية وكي تتزوجي متلقاي والو

[محمد جديدي التبسي]

تفائلي وما يكون غير الخير
ربي يوفقك ويرزقك السعادة والفرح

[الفتآة]

السلام عليكم ورحمة الله وبركاته
أختي الكريمة، أصل الهاتف مشاكل
فلم تتعبين نفسك بالتفكير في هذا الجانب
أن لاتتكلمي معه بالهاتف أحسن لك من أن تكلميه ويأخذك إلى أحلام وردية يصفعك بعدها الواقع
وفكري في مامضى قبل سنوات فالهاتف لم يكن يوما شرطا من شروط المفاهمة بين الزوجين
لان الحب والمودة بينكما تكون لقاء العمر

[redonne]

راكي bien غي مكان لاه تقلقي روحك

[imene12]

وين راهي المشكلة اختي؟؟ هل اصبحت الأصول مشكلة

[Floona]

متخافيش درك يدير ربي بيناتكم المودة والرحمة التيليفون بزاف ماشي مليح

[djamila80]

اتكلي على الله

[rimana]

شوفي اختي هنا مايدخل ني خوك ني باباك هوما مهمتهم يسقسو عليه وعرفو بلي ناس ملاح خلاص مهمتهم اما الباقي يرجع ليك .كي تحكي معاه قوليلو حابة نحكي معاك في تفاصيل كيفاش نديرو في دار زعما واش يخص ومن جيها تفهمي عقليتو انا في راي ادا عقدين عقد شرعي مكاش مشكل ومن حقك تعرفي شخص هدا باش تكوني الاز اكثر

[مختار الامين]

توكلي على الله فهو حسبك
تفائلي خيرا
الحب والوفاء وكل الامور الاخرى ستجدينها بعد الزواج

[عميروش الحر]

عادي جدا جدا .

ليس مثل الآخرين ليسوا متزوجين و مخطوبين برك و خلطوا الدنيا و عندهم سبعين ألف مشكلة .

الحب و الألفة الحقيقية يكونان بعد الزواج .

لن ازيد عن كلامك ولا حرف بارك الله فيك ...

[سارة التلمسانية]

ختي نصييييييييييييييييييييييييييييييييييييحة خطيييييييييييييك منه سال لمجرب و متسالش الطبيب و الله نورمالمو يحكي معاك وحدة نعرفها كانت مخطوبة هاكدا راها دروك في الطلاق

[Ghechame]

انا مانشجعش زواج كيما هذا..................هو غادي يتزوج بيك ويحليك مع الام تاعه ويروح لفرنسا يخدم وبالاك يكون متزوج وانت الخسرانة.................... وسقسيه من بعد لكان تروحي معاه لفرنسا ولا لا..........لخاطرش لكان خلاك هنا مع الام تاعه غي قعدي عندك بوك في داركم هانية وماخاصك والو.............ماتنغريش بكلمة خدام في فرنسا

[mouna lmd]

سلام......
يا اختي والله غير هناك ربي من التيليفون...... الهدرة تجيب المشاكل وتنحي القدر.......
مابقاش وتدخلي .... وتضالي قدامو........
ربي يهنيك وما تتوسوسيش.....

[عاكف]

ربي يوفقك ان شاء الله و يكملك على خير

[ملاك/92]

السلام عليكم و رحمة الله تعالى و بركاته
اختي هذا زواج مهوش لعبة و لازم تخمي فيه امليح وحاولي انك تتكلمي معاه باش تعرفي عقليتو

[salma staifia]

ماشي لازم تحكي معاه في التيلفون
انا عندي خالي خاطب جامي حكا مع مرتو في التيلفون
و يقول يخرجها على الطريق
متحيريش روحك شريكتي
حاجة نورمال