طلب مساعده

[عيون الماس]

السلام اخوتى واخواتى
ارجوا مساعدتى فيى طريقه القلاساج التى وضعتموها في المنتدى
اريد معرفه احسن طريقه وتكون ناجحه:dj_17:

[مليكة01]

و عليكم السلام

انا ما جربتوش مازال

لو كنت نجربو لازم السكر الرطب تحطيه في السيار رقيق و لازم تخدمي بيدك هذه معلومة اعطاتهالي وحدة خبيرة

القلاصاج يتخدم باليد و تحطي السكر بكميات قليلة حتى تكملي

[*أم ثازيري*]

نعطيك طريقتي و مضمونة ١٠٠ ٪
في وعاء حطي ٢ بياض بيض ضربيهم بيدك شوية باه تتنحالهم اللزوجة لمدة ١٠ ثواني . أضيفي الفاني و خلطي بيدك ثم أضيفي السكر قلاصي من الأحسن يكون المرجان،و خلطي و بقاي تضيفي حتي تتحصلي على عجينة تقدري تعجنيها كي الكسرة. اعجنيها مليح و كل ما تعجني كتر يجيك القلاصاج رطب لماع و يذوب.من بعد ضيفي مقدار كاس تاي نتاع قارص و حركي.رايح تتحلحل العجينة و تبدا تولي سائلة ،تقدري تضيفي ماء الزهر اذا جاك ثقيل و في الاخير زيدي ملعقة كبيرة زيت . والله ملي تعلمت هاذ الطريقة عمرو لا فسدلي القلاصاج
اذا حبيتي تستعملي ملون حليه في شوية ماء زهر و من بعد ضيفيه