مشاهدة النسخة كاملة : رنا حنموتو ادخلووووووووووو انصحونا
نبيلة المهبولة
2012-08-15, 23:36
:dj_17:سلام كيفكم انا مرانيش مليحة انا وعائلتي مشكلتي صعيبة خويا في عمرو20 يعني سن لمراهقة وراهم دراري يكلخولو وحنايا عندنا دراهم وخويا حاجة مراهي خاصاتو ياكل عندو طنوبيل وزيد بزيادة بابا قالو متخدمش كول وارقد وهادو دراري راهم يشربولو لمخدرات ورنا خايفنين عليه بزااااااف كيما درنا مهداهش ربي اريد منكم نصيحة ودعاء بلهدايا في صلاتكم انشالله متنساونيش ادعولو ربي يهديه:dj_17:
نبيلة المهبولة
2012-08-15, 23:37
انا بنت حساسة ديما نبكي صباح وحشية راني قاتلا صحتي رمضان كومبلي جامي كليت كيما ناس
❀ بَسْمَةْ أَمَلْ ❀
2012-08-15, 23:49
ربي يهديه ان شاء الله
هذى اخرة رفقاء السوء وين يوصلوا حاولوا اهدرو معاه بالعقل وفهموه بلي هاذ الشي حرام ومامنو حتى فايدة غير يهلك صحتو ويخسر دراهمو وثاني متعطولوش دراهم بزاف باش ميلقاش كيفاش يشرى
ربي يكون معاكم ويفرج عليكم
أم محمد و آيه
2012-08-15, 23:59
السلام عليكم
شوفي حبيبتي ..نهدرلك الصراحة اقري مليح ومتزعفيش ...
اولا باباك هو المسؤول على كلشي الدراهم هوما اللي فسدوه و الصحبة و التخلاط داولو عقلو ...
خوك راه يتهلك وانتوما راكم موراه خايفين عليه.....
.........
علابالي متقدروش تدوه لبسيكولوغ ولا دار الاسعاف للإدمان والمخدرات ....
اللي يسمعلو باباك في البيت ويهز كلامو ...يحكي معاه بلي وليدو راه خطا الطريق ولازملو علاج
وينحيلو الدراهم ....ويبعد عليه اصحاب السوء ....
و لا انتم عايلة تقدر الطبيب النفساني وتعطيه قيمتو أدوه لمصحة علاج المدمنين راهي كل ولاية فيها هاد السونتغ ......
تماك كاين وقاية وعلاج وفيه كذلك مقابلات تثقيفية وتوعيه لهاد الشباب ....
وتأهيل كبير من طرف االنفسانيين و الاطباء ويدوم هاد العلاج على الأكثر 6 أشهر ...
وانت متقلقيش روحك باسكو المفتاح راه في بابك هو المسؤول درك لأنو خوك مراهش في وعيو ...
الخلطة تدي للتهلكة ....
ربي يفرج عليكم ويهنيكم
وتعيدو بالصحة ان شاء الله وغادي ندعيلك معايا حبيبتي ....
لا اله الا الله
نبيلة المهبولة
2012-08-16, 00:06
حنا درنالو كلشي بابا هدر معه بلهديا وبلعقل قالو كشما خصك راني هنا حنا منمدولوش دراهم صحابو يشرولو ويحوسو يدخلوههه للحبس وهادي عين دارتلو هكدا افيدوني ديجا دركا رانا نبكو وشكرا لكم
رشــــ81ــــا
2012-08-16, 00:18
حنا درنالو كلشي بابا هدر معه بلهديا وبلعقل قالو كشما خصك راني هنا حنا منمدولوش دراهم صحابو يشرولو ويحوسو يدخلوههه للحبس وهادي عين دارتلو هكدا افيدوني ديجا دركا رانا نبكو وشكرا لكم
أنا نقولك حاجة قولي باباك يسجلو يجو يهزوه للعسكر هذا افضل حل خلوه يعيش شوي مزيرية كاش مايفيق
أم محمد و آيه
2012-08-16, 00:23
الله ينصرو .....صح العين حق ....
لكن اختي لازم باباك يفرض روحو ....
وادا انت راكي تقولي راهم باغيينو يدخلوه للحبس شوفي واش ديرو ...
ادوه عند الطبيب العام يدير سرتافيكا جنيرال ...ويزيد عند الطبيب النفسي ....ولازملو تأهيل في المصحة ..هاد المصحة ماشي تاع الامراض
لالا حبيبة هاد سوى سونتغ يعالجو فيه المدمينن على الكحول و المخدرات ....تماك يعطوهم وحد الورقة بلي راه يعالح في نفسو ...
من كل هاد الوثائق تقدرو تدفعوهم في مركز الشرطة ولا مركز الدرك ...ويكتبو فيه محضر على أساس أنو راه في تهديد من طرف ا
معنيين وانتوما تعرفو شكون هوما ....وتقلولهم بلي راهم حابين يضيعلو حياتو ويحطوه في جريمة هو في غنى عنها ...
لأنو راه في تهديد مستمر ......
راكي بعيدة عليا بزاااف كون راكي في الغرب و الله غير نوقف معاك ونديك حتا لهاد السونغ ...
مي حوسو عليه تماك هاد السونتغ ودخلوه يعالج ...
وماتبكيش يا اختي راهي زلة و خطأ كلنا خطأنا وربي هدانا .......
ربي يفرج وانت الى تقدري وقفي معا خوك لانو المدمن ميحوس غير على داك المرض .....ومايعرف واش راه يدير .....
ربي يهنيكم وانا راني نعاون فيك من بعيد الى قدرت على حاجة ان شاء الله .راني هنا
نبيلة المهبولة
2012-08-16, 00:23
شكرا اختي نتاع لارمي جاو داوه وبابا كيحنين عليه صنعلو لورقة باش ميروحش قلتلكم حاجة ميخصاتو ادعولو بلهدايا ربي يهديه انشالله
ربي يهديه اختي ويبعد عليه اولاد الحرام
مريم الصابرة
2012-08-16, 01:00
السلام عليكم اختي إسمحيلي نقولك والد كخسرو وشنو ياكل ويرقد وكل شي يوصلو هذي ما راهيش تربية وحنى رفقاء السوء فسدوه لكن لالا التربيو خلاتو هكذاك والآن وصل لما وصل ليه تخافي الامر يطور لازم باباك يكون شديد معاه ويحبس عليه الدراهم وينحيلو الطونوبيل ممكن يحالو يتمرد لكن صحابو لما يشوفوه بلا دراهم ما يدوروش بيه وهو يلقاها قارصة يولي راكع قدام باباك ويطلب فالسماح لازم والدك يساهم بشكل كبير ويردو للطريق
ربي يهديه اختي رانا ندعوو وندعولك اصبري اختي ربي راه معاك ومعاه موفقون
نبيلة المهبولة
2012-08-16, 01:01
امييييييييييييييييييييييييييييييييييييييين يارب العالمين راني نستنى في دعاء ارجوكم الدعاء فصلاة
نبيلة المهبولة
2012-08-16, 01:04
شكرا ياخواتي راني صبتكم في وقت شدة شكراااااااااااااااا
هذه هي اخطاء بعض الاولياء الميسوري الحال في تربية اولادهم وهذا لجهلهم بالدرجة الاولى ...باختصار باباك هو الي فسد هذا الطفل 20 سنة لا قراية لا خدمة وازيد اديرلو طوموبيل ..واش حبو ادير مالا سينورمال ينحرف هذا شيء اكيد ....الاب الشاطر كي كون ميسور الحال يصرف على اوليدو باش يقرا مليح وينجح ...ولولم ينجح في قرايتو اديرلو مشروع ويوقف معاه باش يتعلم حرفة في حياته باش يتكون وينضج من جميع النواحي ..ماشي الطفل ذري وزيد فاشل وازيد اقلش فيه وديري في بالك لوكان ما تلحقوهش فالوقت المناسب راه مزالو سنوات من الانحراف والامبالاة راح ازيد اعيشها.
aihemsara
2012-08-16, 11:03
اختي العزيزة الرخف بزاف و الله ما مليح تاني!!
راكي تقولي خوكي 20 سنة و ماكلة و رقاد !!
انا نشفى على بابا غير حبس خويا القراية اداه خدمو غير باش ما يلقاش وقت للفساد
نالا اول نصيحة ,, افكرو خدمة لخوكي ,, خدمة تقتلو وقتو
حاجة كون قريبة من الدار و قدام عينيكم
و صجابو ساهلة ماهلة يخي كاين لابوليس ولا لالا ؟
بوزيو بيهم بلانت و لا يروح باباك و خاوتك او رجال من اهلك يهدرو معاهم
و ربي يهدي خوكي و يعطيه العقل ان شاء الله
انا انشوف لوكان تقدروا تغيروا مكان الاقامة خيييييييييييير و هكذا درجة درجة ينسى اصحابوا و اددا قدر بابك ايشوفلوا خدمة يقدر يقتل بيها الوقت هذا بعد مترحلوا خير
أخاك مدلع زيادة و يعاني من الفراغ الذي تسبب له فيه والدك , فلا يعقل أن يقول الأب لإبنه لا تعمل "كول ورقد" هذه هي المشكلة . يجب على أخاك أن يشغل نفسه بالعمل أو الدراسة إن كان يدرس أو أي شيء المهم أن يقضي على عقلية "كول و رقد" حتى ولو كان اباك مرتاح ماديا إلا أن هذا لا يعني أن يضيع ابنه بهذه العقلية التي أفسدت العديد من الشباب , كذلك أمر آخر و هو السيارة و ما أدراك ما السيارة التي تسهل له القيام بكل شيء سيء فعلى والدك أن يراقب تحركاته بها و يحد من ذلك .
نبيلة المهبولة
2012-08-16, 17:23
شكرا لكم اخواتي ادعولو ربي يهديه ويبعد عليه اولاد لحرامإن شاء الله صح فطوركم
نبيلة المهبولة
2012-08-16, 19:28
وينكم اريد الرددددددددددددددددددددددددددد اخواتي وينكم
محمد...عبد النور
2012-08-17, 00:02
السلام عليكم أختي الكريمة
المشكل راه في الخلطة من جهة و معاملة ابيك له من جهة ثانية
بحيث اخوك مين لاقي كل شيئ قدامه و هو لا خدمة لا زدمة كيما يقولوا و هو في عز الشباب -ربي يحفظوا و يهديه للخير- يجد فراغا كبيرا في حياته و الامر الوحيد الذي يملأ فراغه ممكن مجالسة هؤلاء الصحبة الفاسدة الذين يزينون له اتيان المعاصي و شرب المخدرات التي هي باب يوصل لكل الموبقات
نسأل الله له الهداية و لكل شباب المسلمين
و حسب علمي الأمر منوط بوالده أولا ، لابد يحرص على مستقبل ولده فالمال قد لايدوم و لكن يحرس ان يعلمه حرفة او تجارة معينة و يبعده عن الصحبة السيئة و يربطه بصحبة طيبة قبل ان يصبح مدمن او يقع في امور من الصعب الخروج منها
لذا تكلموا مع والدك و ليحرص على تلقينه حرفة او عمل و يربطه بشريك ذو سمعة طيبة من أجل فصله نهائيا عن أصحاب السوء و الا فهو معرض لأسوء مما هو عليه
ربي يبارك فيك و يرزقك أخيك صحبة طيبة و حلم و رشد يرجع به الى جادة الصواب
جزاك الله كل خير و صح سحورك
ســــــــــــــــــــــــــــــــلام
اختي هادي الحالة نعرفها مليح وصايرة في دارنا لكن ما وصلتش لحد المخدرات الحمد لله
لكن هادي تاع الدراهم و الماكلة والرقاد هي لي تدي للتهلكة ,,, يعني ماتعب ع الدراهم ما حس وما تمرمد بالميزيرية ,,, كل شي يلقاه واجد طوموبيل دلال دراهم ,,, كلشي كيما يقولو " الدلال يولد لهبال "
حتى الخدمة تتوفرو بكل سهولة وما يخدمش يعني ماشي حار و فحل .
لازم باباك هو لي لازم يتحرك اما بالعقلية ولا بالعنف ,,,,,
ربي يفرج همكم و يكون معاكم
ربي يجب الفرج يا اختي ملقيت منقول الا ربي يهديه ويشفيه ويبعد عليه رفقاء السوء ويعافي اولادنا
سعيب هدا البلاء ربي يكون فالعون
يا أختي
20 سنة و يملك سيارة و "ما يخصو ولو"
واش تحبيه يدير؟
الحل:
الرياضة
الخدمة الوطنية (إيه العسكر يربيه)
و حبسولو المصروف
vBulletin® v3.8.10 Release Candidate 2, Copyright ©2000-2025, TranZ by Almuhajir