وتعاونوا على البر والتقوى ... ساعدوني

[alilho]

الحمد لله والصلاة والسلام على رسول الله محمد وآله وأصحابه ومن اهتدى بهداه أما بعد:

أتوجه اليكم أخوتي هنا في هدا الصرح العضيم بطلب مساعدة ذلك أنني أعرف أنكم لن تبخلوا على بالمساعدة ، وأنتم والحمد لله ممن يهتمون ويعملون لمساعدة الغير ، وقد أمر الله سبحانه وتعالى عباده بالتعاون على البر والتقوى ونهاهم عن التعاون على الإثم والعدوان حيث قال سبحانه وتعالى في سورة المائدة: {وَتَعَاوَنُوا عَلَى الْبِرِّ وَالتَّقْوَى وَلا تَعَاوَنُوا عَلَى الْإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ}[1].

انا شاب أبلغ من العمر 27 سنة شخص متواضع وملتزم بدين الله والحمد لله
مند مدة وأنا أعمل مجتهدا لتوفير رأس مال من أجل القيام بمشروع خاص والحمد لله وفقني الله ومن علي برزق يمكنني من خلاله انشاء مشروع خاص بي بعيدا عن غطرسة أصحاب الاعمال ( كرهت مالخدمة عند العربي ) :D

مشكلتي هي أنني أريد القيام بمشروع خاص بي ولكن الافكار مشوشة في ذهني ... ففي كل مرة أريد التوقف عن العمل والقيام بمشروع الا و أتردد

واليكم بعد المشاريع التي قررت القيام بها لكنني غيرت راي فيها

مقهى أنترنت ... cyber café

محل مؤكولات ... Pizzeria

محل ملابس ...

أتوجه اليكم أخوتي بمساعدتي من فضلكم ... أريد مشروع يكون غير متوفر في السوق او يحتاج اليه المجتمع

اريد مشروع خاص ... فلا تبخلوا على بافكاركم ونقاشاتكم فالموضوع مفيد وسيساعدني ان شاء الله ويساعد الكتير غيري

ادا لا تبخلوا على بافكاركم ونصائحكم

[مريم الصابرة]

السلام عليكم خويا إنت شوف منطقتك واشفيها حاجة قليلة هي العرب ما طلقو والو لكن معليش شوف حاجة الي تادرة يعني فيها محل او محلين تقدر إنت تحل مشروع مقهى النت مليح لكن لازم يكون في مكان اما ليسي او مركز تكين مهني او سويام راك فاهمني وين يكونو الغاشي
بالنسبة لمحل ملابس ما ننصحكش بيه لانو راك عارف فيه اتعب روح وأرواح وولي هي فيه دراهم لما يكون في مكان نتاع كوميرس
انا ندبر عليك حاجة ممكن ديرها كوسميتيك النسا يجوعو لكن الماكياج ما يفرطوش فيه ودير معاه الفليطسي واكيد في مكان مناسب تكون وحدك ثم موفق خويا ربي يعيتك

[alilho]

السلام عليكم خويا إنت شوف منطقتك واشفيها حاجة قليلة هي العرب ما طلقو والو لكن معليش شوف حاجة الي تادرة يعني فيها محل او محلين تقدر إنت تحل مشروع مقهى النت مليح لكن لازم يكون في مكان اما ليسي او مركز تكين مهني او سويام راك فاهمني وين يكونو الغاشي
بالنسبة لمحل ملابس ما ننصحكش بيه لانو راك عارف فيه اتعب روح وأرواح وولي هي فيه دراهم لما يكون في مكان نتاع كوميرس
انا ندبر عليك حاجة ممكن ديرها كوسميتيك النسا يجوعو لكن الماكياج ما يفرطوش فيه ودير معاه الفليطسي واكيد في مكان مناسب تكون وحدك ثم موفق خويا ربي يعيتك

شكرا لكي اختي على التفاعل

للعلم فقط جدي يمتلك محلات في ارقى وأقدم أحياء وهران " قمبيطة" مكان كله تجارة وتعاملات وخدمات
وبحصوص مقهى الانترنت رفضت الفكرة لأنني لا أريد أن أفتح مشروع سلبياته أكتر من ايجابياته

ومقهى الانترنت له سلبيات كتيرة منها أن الشباب الله يهديه يستعمل الانترنت لاغراض دنيئة يعلمها الجميع ولا اريد أن يكون لي نصيب من الاتم ولا اريد أن يكون رزقي فيه ادنى شبهة



شكرا على النصيحة بارك الله فيك

[مريم الصابرة]

السلام عليكم اخي فالحقيقة والله كنت راحا نقولك ما ديرش مقهى النت لكن ما حبيتش نهبط من عزيمتك وقلت اكيد لو يجي الواثق يقولك لالا هو شاب ويحسن يتكلم معاك فالموضع هذا وثاني ملتزم
خويا واشنقولك ندعيلك ربي يوفقك وينور طريقك وماكانشقد بقمة الحلال ربي يذوقك منها إن شاء الله موفق وراني ندعيلك ربي ومتأكدة راح تلقى الحل هنا الخاوة نتاع خير ومجربين صحا فطورك

[مسلم سني]

السلام عليكم
أخي الكريم مادام المال موجودا
الحمد لله .أنا في رأيي
المشروع الثاني (بيتزيريا)
والله أعلم
موفق بإذن الله

[alilho]

السلام عليكم اخي فالحقيقة والله كنت راحا نقولك ما ديرش مقهى النت لكن ما حبيتش نهبط من عزيمتك وقلت اكيد لو يجي الواثق يقولك لالا هو شاب ويحسن يتكلم معاك فالموضع هذا وثاني ملتزم
خويا واشنقولك ندعيلك ربي يوفقك وينور طريقك وماكانشقد بقمة الحلال ربي يذوقك منها إن شاء الله موفق وراني ندعيلك ربي ومتأكدة راح تلقى الحل هنا الخاوة نتاع خير ومجربين صحا فطورك


كنت أعلم يقينا أنني سأجد اخوتي هنا من يمكنهم مساعدتي ... شكرا لك على الرد الجميل ولا تنسينا بالدعاء

[alilho]

السلام عليكم
أخي الكريم مادام المال موجودا
الحمد لله .أنا في رأيي
المشروع الثاني (بيتزيريا)
والله أعلم
موفق بإذن الله


نعم أخي ... أنا متردد بين هادين المشروعين

ولكن أريد خيارات أخرى لهدا فتحت الموضوع هنا

أحتاج الى مشاريع اخرى يمكنني أن أتناقش فيها معكم تم أقرر ان شاء الله

[سعاذ]

السلام عليكم
اخي لازم تدرس محيطك واش حجا لي راهي محتجينها ناس لي ساكنين تم
بالنسبة ليا
اخي اذا كان عندك مبلغ كافي
انا اقترح عليك تفتح مكتبة ضخمة
تضم جميع الكتب من الابتدائي الى الجامعي الى الكتب الخارجيى بالضافة الى سيديات
بالاضافة الى كل مايحتاجه الطالب من فوطو كوبي وكتابة البحوث الخ
خاصة اذا كنت تسكن قدام الجامعة ولا في منطقة تكثر فيها الحركة
خاطر انا واحدة من ناس لي يعاني بزاف باش نلقى كتاب و هذا حال الكثيرين
ربي يوفقك اخي ليما فيه الخير

[السي محمد]

مكتبة

روضة اطفال

[مسلمة انا]

دير حانوت دوزان الحلوة emballage

كل ما يتعلق بصناعة الحلويات لاننا في عز الموسم وفيها خدمة والله اعلم

لا تنسى الاستخارة

[sarl02]

ما هو مقدار راس المال ولو بالتقريب ....وانت ما هي مؤهلاتك ؟...لانه كل مشروع ومتطلباته وزيد كاين مشاريع مام اتكون بدراهمك وما تقدرش تخدمهم.

[الأستاذ*عبد الحميد*]

بالتوفيق لك

[أم محمد و آيه]

السلام عليكم

شكرا ليك اخي .....

شوف الحاجة اللي مكاش في منطقتكم وديرها ....سيبار مليحة بصح تخسر فيها دراهم من نهار اللي تفتح وانت في الخسارة باسكو

نعرف واحد هكا غير مع الصنعة و التبدار والفورمتاج ...

البتزيريا يا خويا فيها دراهم بزاااف ...المطعم و الماكلة الجزايريين غير تاع ماكلة وفيها مدخول تاع تهار كببير باسكو بابا عندو مطعم

و الحمد لله بخير عليه ......بصح يا خويا يحب توقف عليه وتوقف على صوالح

الى تقدر على روحك دير بيتزريا خير والله يسهلك ان شاء الله

[النجمة القطبية]

اخى الكريم لو كان عندك تكوين فى مجال من المجالات اللى ناوى تفتح فيها المشروع يكون افضل لانك بهذه الطريقة ستبدع ويكون عندك اسم
اولا شوف المنطقة اللى انت فيها ومحل بيتزيريا او صناعة حلويات كلاهما جيد
انت عارف شعب اكول :d:d
راح تنجح باذن الله
موفق

[بنت الباهية]

ربي يوفقك خويا
شوف انت واش هي ميولاتك و ان امكن كاش تخصص عندك
و لو انه في وهران اي حاجة تتمشى خاصة الماكلة غير الكرانتيكة دايرين بيها حالة و داروبيها ثروة ههههههههههههههههه
انت توكل على ربي و كل واحد مكتبله ربي رزقه يوصله

[alilho]

السلام عليكم

شكرا ليك اخي .....

شوف الحاجة اللي مكاش في منطقتكم وديرها ....سيبار مليحة بصح تخسر فيها دراهم من نهار اللي تفتح وانت في الخسارة باسكو

نعرف واحد هكا غير مع الصنعة و التبدار والفورمتاج ...

البتزيريا يا خويا فيها دراهم بزاااف ...المطعم و الماكلة الجزايريين غير تاع ماكلة وفيها مدخول تاع تهار كببير باسكو بابا عندو مطعم

و الحمد لله بخير عليه ......بصح يا خويا يحب توقف عليه وتوقف على صوالح

الى تقدر على روحك دير بيتزريا خير والله يسهلك ان شاء الله

جل الأصدقاء والاهل نصحوني بهدا المشروع ... الأكل ههههههه لان الجزائريين تبارك الله عليهم غي تاع ماكلة :)

شكراااا لك أخي والله ردك زاد في همتي

[alilho]

أنا فتحت الموضوع لكي أستطيع معكم وضع كل الاختيارات ... الخيار الوحيد الذي أراه جيد لحد الحين هو مشروع بيتزيريا

هههه وكما تقولون شعبنا شعب غي تاع ماكلة ... أعتقد بأن محل بيتزيريا خيار مفضل لدى الجميع ^_^

أنا الان أعمل كبائع أثاث منزلي عند أحد رجال الأعمال لي طلب من فضلكم هل يوجد شخص في المنتدى من القليعة

لان جل بائعي الاتات يأتون بسلعتهم من مدينة القليعة المعروفة بالنجارة والاتات المنزلي

ارجوا أن اجد شخص يقطن في القليعة لكي يعطيني فكرة عن هدا الامر وشكراا على تفاعلكم

[dotZero]

كل شيء متعلق بمعارفك (معلوماتك)
فتوجه نحو ما تتقنه أكثر
*
*
نصيحتي لك: زر المعارض و تعرف على المشارع
رأيت العديد من الأفكار الرائعة
في العديد من المعارض

بعض المشارع التي دعمتها منظمة Alinov على سبيل المثال لا الحصر

http://www.alinov.org/anims/cd.html