إلى ناس شلف

[loulou02]

السلام عليكم ، من فضلكم إخوتي لا تبخلو علي بالإجابة و بالتفصيل إن أمكن ،أريد معرفة تقاليد العرس في بلدية تاوقريت بولاية الشلف ، و كم يعطي الرجل للمرأة من مال ، ذهب ، الطبق .........إلخ
و بارك الله فيكم

[هاجر78]

انا شلفية نعرف بلي عادي يجيب العريس الطالب ومعاه لافامي ديالو ويمد المهر لباباها بنت خالتي دفع فيها 11 مليون وجابلها خاتم وتفصيلات قفطان وصندالة وطبق حنة هدا مكان و مانعرف بلاك كاين حوايج وحدخرين درك ايزيدو يعاونوك الشلفاوة

[انانيس]

انا شلفية مي تاوقريت راهي بعيدة عليا ربي يهنيك ختي انا نقولك حاجة درك ماكان لا عادة لا والو ناس راهي تدير كيما تبغي
ربي يهنيك اختي

[خالدة02]

أنا شلفية ومن عين مران نسال في تاوقريت شوي الزواج عادي المهر يطلبوه كل عائلة و كيفاة وحتى الحوايج ما يطلبوش الغالي بزاف على حساب الظروف تع عائلة العريس....و الباقي كيف الناس

[السي محمد]

اولا من ناحية الذهب و الدراهم يديرو احيانا تلحق على 30 مليون مهر( قاطع مقطوع)

ولكن كاين حاجة ماشي مليحة فيهم

هي انهم لما يجو يخطبو يجيبو الغاشي بواف

تويوتا كاملة تاع رجال و نسا

لهذا سقسيهم قبل ما يجو حشال جايين باش تقدرو تضيّفوهم مليح

حتى كي يجو يشوفو يجو نسا بزاف شحال نت مرة

الله غالب التقاليد هكذا دايرة في جيهتنا

ربي يهنيك