أروع تخصص قد يدرس ...مغامرة الهندسة المعمارية

[ايناس لجين]

السلام عليكم ..

لكل المتحصلين على شهادة البكالوريا ...ألف مبروك والعاقبة لنجاحات أخرى ..

وللذين وجهوا هندسة معمارية أقول لهم ... نعم التخصص هو ...فافرحوا ...

هو رائع بلياليه البيضاء .. رائع بتعبه ...رائع بنتائجه

تتعلم التحكم في رغباتك ... تتعلم التحكم في مشاعرك ... كونك كل أسبوع تتعرض لتقييم قاس من الأساتذة على عملك ...أتذكر أنه في الحصص الأولى كنا نتأثر كثيرا بما يقول الاساتذة والكثيرون او بالأحرى الكثيرات كن يبكين .. نظرا للجهد المبذول لأيام وخاصة اللواتي كن في الاقامة الجامعية بعيدا عن الأهل ...ذلك لاننا لم نكن نفهم جيدا ولم نكن معتادين على طريقة التدريس ...في نفس الوقت كنا نحس بالسعادة القصوى وباننا مستعدون لعمل اي شيء قد يطلب منا ..عندما نسمع كلمة واحدة ''tres bien''

في الهندسة المعمارية تصبح تنظر للدنيا بعين اخرى ... انت ماشي ونتا تشوف للبنايات .. تشوف للدروج ...تشوف للبيبان ..تشوف لكل شي ..وتولي تتوله لحوايج ماكنتش تتوله ليهم بكري ...


في الحصص الأولى تبان لك صعيبة وبللي تحبس ومستحيل تكمل .. وكم فعلها الكثيرون ..ولكنهم ندموا في الأخير ...لانه احساس عادي لاياتي فقط للدارسين هندسة معمارية ..بل للكل نظرا لتغير طريقة التدريس من االثانوية الى الجامعة ..

نقولكم حاجة اصبروا على السيماستر اللول وكل شي يولي ساهل كيتفهموا السيسثام تاع القراية كيفاه. ..رايحين تحبو هذا التخصص صدقوني ..


رائــــــــــــــــــــــع وخــــــــــــــــــــــــــارج عن المألــــــــــــــــــــــــــــوف..

لــــــــــــــــــــــن تنــــــــــــــــــــدمــــــــــــــــــــــــــ ـــــــــــــــــــــــــوا...

[Womeur]

الله يوفق طلبة الهندسة المعمارية

[badid5]

شكرا على موضوعك الرائع حفزني كثيرا

[reinoo]

شكراااا جزيلا على الموضوع....
لقد حفزتني جميع المواضيع في المنتدى على هذا الاختصاص و اخترته عن قناعة و الحمد لله
حتى ولو سأمضي ليال بيضاء ... لا يهم

[ammar le fort]

مشكووورة أختي والله شجعتيني وحفزتيني لدراسة هذا التخصص مع أنه حلمي منذ الصغر أن أصبح يوما ما مهندس .. بالنسبة لي هو أفضل بكثييير من


تخصصات أخرى مثل الطب .. لأنه يفتح له مجالا للإبداع وترك بصمتك الخاصة ...



ربي يوفقنـــــــــــــا:19:

[مسيردى]

اختي حبيت نسولك واش قاع الليالي بيضاء و لا كاين و كاين
وواش كاين وقت للراحة و الترويح عن النفس و لا كي العسكر

[ايناس لجين]

اختي حبيت نسولك واش قاع الليالي بيضاء و لا كاين و كاين
وواش كاين وقت للراحة و الترويح عن النفس و لا كي العسكر


أكــــــــــــــــــــيد كاين وكاين ...بالصح على الأقل تفوت مرة والا زوج والا ثلاتة ليالي بيضاء فالعام ...

وقادر حتى ماتفوتش خلاص ...كاين أساتذة يمدو الخدمة بزاف وكاين نورمال ...

اذا بالك ماتديرش دينوي بلونش ..قسم وقتك ... وماتأجل حتى خدمة لغدوة ...

أكيد كاين وقت راحة ...

[فوستر بيزيه]

وعليكم السلام


فعلا ما وصفته


يتغير عالمك ونظرك للأشياء وخاصة في مجال البناء والمعمار

هل انت دارسة ماستر؟

[B.Badis]

و الله صح عندك حق أختي ...أصبحت أحسن الكلمات عندي هي
bien
ça marche
ça va y aller
continuez avec cette idée
on peu l'accepter
.....
و أسوأ الكلمات
ça me dérange
il'y a quelque chose qui ne marche pas
il y a un effet de masse
votre projet ne fonctionne plus
à refaire
.....
بسبب هذه الشعبة تعلمت الصبر و إحترام الأساتذة ...حتى و إن كان ذلك الإحترام نابع من الخوف و الرهبة
ياما أمضيت ليالي بيضاء و أنا مع الطابلة أو الكمبيوتر ...حتى يطلع النهار و ينوضو تاع الدار يتشوكاو فيا ..أي قوة و صبر جعلاني أبقى في مكاني و أتحمل مدة 24 إلى 30 ساعة متتالية بالطبع بإستثناء وقت الصلاة و الأكل ...
أحيانا في عمق الليل و الناس نيام ينتابني شعور رهيب من الإحباط الشديد حتى أفكر وقتها بتمزيق كل الأوراق و تكسير الكمبيوتر ...و أتجاهل العواقب ...و ليحدث ما يحدث ...المهم أنام ساعتين من الزمن بسلام
تعلمت كيف أبدأ فكرة من الصفر حتى تنمو مع الوقت مع الصبر و المثابرة لتتكون نتيجة مرضية
و الله أحسن أيام حياتي

[مسيردى]

و الله اصبحت اخاف من ان تمضي كل الليالي بيضاء و ان لاانعم بدقيقة راحة
هل مااقوله صحيح ام انه يمكن ان ارتاح كاي شعبة اخرى بالمناسبة لم اجد رفاقا في الغرفة من نفس الشعبة لكن اعرف زملاء و رفاقي من شعبة تكنولوجيا فهل انمدج معهم في الغرفة عادي ام ع زميل من الهندسة افضل ؟

[مسيردى]

واش رايكم و انت خويا باديس ؟

[B.Badis]

و الله اصبحت اخاف من ان تمضي كل الليالي بيضاء و ان لاانعم بدقيقة راحة
هل مااقوله صحيح ام انه يمكن ان ارتاح كاي شعبة اخرى بالمناسبة لم اجد رفاقا في الغرفة من نفس الشعبة لكن اعرف زملاء و رفاقي من شعبة تكنولوجيا فهل انمدج معهم في الغرفة عادي ام ع زميل من الهندسة افضل ؟

و الله يا خويا ...كاين ليالي بيضاء ...صح في ساعتهم تكرههم ..لكن لما تفوت تافيشي البروجي و تخلص ...يوليو يعجوك هاذوك الليالي البيضاء و تتوحشهم ...
خويا أنصحك ألف مرة عليك أن تختار صديقا لك في الغفة يدرس معك هندسة معمارية ...و الله بعيد الشر راك تندم ...على خاطر باش تعاونو بعضاكم ...هو قبل لافيشاج تاع البروجي تاعو أنت تعاونو ...و هو بدوره يعاونك كيما يوصل لافيشاج تاعك ...و تستفاذو أيضا من بعضكم من حيث الأفكار و الجهد ...أنا نقرى في مدينتي مش مقيم ...عمبالك و الله أصدقائي من المدن الأخرى دايما تقريبا يجيبو الخدمة كاملة بسسب أنهم في الإقامة يعاونو بعضاهم...و يونسو رواحيهم في الليالي البيضاء ....و زيد كيفاه تنام مع واحد من إختصاص آخر في نفس الغرفة حاب تهبلو بسسبك ما يشوفك الرقاد عام كامل :sdf:
أيا بالتوفيق ...و دير كيما قلتلك شوف واحد يقرةى أرشي خير يشاركك في الغرفة

[مسيردى]

بصح خو يتسمى في العام كومبلي شحال نلقاو من ليلة بيضاء غير تقريبيا ؟

[B.Badis]

بصح خو يتسمى في العام كومبلي شحال نلقاو من ليلة بيضاء غير تقريبيا ؟

و الله ça dépond للأستاذ تاعك ......كيما أنا العام اللي فات مع الأستاذة تاعي كنت تقريبا ليلة كل إثنين خميس أنا على الساعة الرابعة و الخامسة صباحا و أنهض على السادسة .....مش دائما لكن في أغلب الأحيان ...و الليالي البيضاء ما نقدرش نعدها لأنها بزاااف ....خاصة قبل ما نافيشي المشاريع تاعي ... و لكن و الله التعب يهون

[mzd&archi]

واحسن شعووور يمكن انك تحس به ومستحيل يحسوا طالب اختصاص اخر عد ماتكمل البروجي بعد ماتكون داير ليلة بيضاء او ليلتان ثم تستلقي لتنهض بعد 15 ساعة نوم وقد تغير العالم من حولك
واحسن راحة ترتاحها بعد ما يخلاص البروجي فينال و تنتهي حلقة من مسلسل المعانااااااة

[la star31]

يعني راح نقولوا درك

راح نفتحوا باب المسؤوليةة

نعم ممكن نوي بلونش ما تهم قد ما تهمك العمل و النقطة من بعد..

بالتوفيق للجميع...

[m.oussama]

mrc pour tous wlh laa 7afztoooni w ki tchoof lamssa ta3k 9odamek mayhmch eltaa3b bel3akss

[(( ريتاج مكة ))]

حفتوني كثيرااا بالرغم من ان الجميع نصحني بالابتعاد عن هذه الشعبة لان كلها تعب وسهر

وقالولي تاني الخدمة فيها منعدممممممممممممة وماهيش مناسبة للبنات و .....و .......و ........

لكن كل هذه الحجج لم تقنعني لكن كلام الناس احيانا يؤثر على معنوياتي ,, لكن الحمد لله على كل حال فهي مكتوبي

لطالما ابحث عن طلاب الهندسة لنشجع بعضنا لكنني لا اجد الا القليل والكل متشائم لذلك بقيت مترددة لكنني فعلا احببت

هذا الاختصاص بالرغم من انهم قالوا لي ستصطدمين بالواقع بعد تخرجك :rolleyes: لكن انا اقول الحمد لله فهي ما اختاره الله لي

[badid5]

حتى أنا قالوا لي نفس الكلام لكن انشاء الله نجد إلا الخير

[مسيردى]

رانا هنا اختي ريتاج مكة و نحفزوا بعضانا الله غالب الناس رجعت الطب مش مليح الهندسة ماشي مليحة الحقوق ماشي مليحة كلش ماهوش مليح
ههه عشنا و شفنا

[(( ريتاج مكة ))]

رانا هنا اختي ريتاج مكة و نحفزوا بعضانا الله غالب الناس رجعت الطب مش مليح الهندسة ماشي مليحة الحقوق ماشي مليحة كلش ماهوش مليح
ههه عشنا و شفنا


والله معك الحق اخي ,, لكن الهجوووم على الهندسة شرس جداااا

[badid5]

لم أفهم لماذا يهاجمون جميع التخصصات ، ؟؟؟؟؟؟؟؟

[المهندس الجزائري]

ان شاء الله نحن متواجدون لاي اقتراحات او استفسارات و ان شاء الله ستجدون كل الخير في هذا التخصص الممتع
و الله اصبح الفاشلون من الناس يحبون ان يرو كل من ورائهم فاشلين مثلهم فتجدهم يعيبون كل التخصصات لاقناع انفسهم بأنهم ليسو فاشلين و لكن هذي هي الحقيقة
بالتوفيق

[badid5]

لا بأس بالنسبة لي فأنا لا أوليهم أية أهمية ، و صحا صحوركم

[safou safaa]

nn architecture haja mlihhaaa
ana dertha 3ane kana3a wahed mayhamniii
pr moi architecte haja 44 bzeeef
brefff dert archi kima ntoumaaa
3andi mon pére éé mn fréére darouha tani ou hmd

[(( ريتاج مكة ))]

nn architecture haja mlihhaaa
ana dertha 3ane kana3a wahed mayhamniii
pr moi architecte haja 44 bzeeef
brefff dert archi kima ntoumaaa
3andi mon pére éé mn fréére darouha tani ou hmd

ايه صح تخصص جميل جداا والعيب في بلادنا وليس فيه ابدا

ربي يقدرنا على تعبه انا مخوفيني بزاف لانني ضعيفة البنية قليلا :1:

[safou safaa]

hhh ana tane kliwlla tkoulii yema lazem tkoun 4 fi 3aklek ou el corp bach takadrilha
méé allah ghaeb ya hadrou walla yesktou yama sma3t matakdrilhach en+ b3ida la fac koul youm trouhi w twali men wilaya l wilaya
mééé rouht 3lajal la branche habithaaa ou rah nenjah fiha nchallah ou nbayenlhoum kamelll kima dert fel bac
nn khti wllh takadrilha makach haja s3iba berk nwassik akhtik m dssara te3 enass oko3di b rassek diri wahda takray m3aha haba takra hia tani wllh c acille nchallah ou ki lyoum nchallah la setenance dyalna architecte allah allah
loooooooool khalini nahlemmm

[(( ريتاج مكة ))]

hhh ana tane kliwlla tkoulii yema lazem tkoun 4 fi 3aklek ou el corp bach takadrilha
méé allah ghaeb ya hadrou walla yesktou yama sma3t matakdrilhach en+ b3ida la fac koul youm trouhi w twali men wilaya l wilaya
mééé rouht 3lajal la branche habithaaa ou rah nenjah fiha nchallah ou nbayenlhoum kamelll kima dert fel bac
nn khti wllh takadrilha makach haja s3iba berk nwassik akhtik m dssara te3 enass oko3di b rassek diri wahda takray m3aha haba takra hia tani wllh c acille nchallah ou ki lyoum nchallah la setenance dyalna architecte allah allah
loooooooool khalini nahlemmm

ان شــــــــــــــــــــــــــــــــــاء الله آميــــــــــــــــــــــــــــن يا رب

بارك الله فيك اختي على روحك القوية والمرحة وانا ثاني حابة هكاك ماندصرش بزاف

اصلا انا هكاك من ايام الثانوي وليس حتى الجامعة

اظن خوفك قليل لان لديك من عائلتك من هم مهندسين معماريين اما انا فالاولى ان شاء الله

لذلك خااايفة بزاااف لدينا كل الهندسات في العائلة..اعلام الي , مدني , الكتروني , اتصالات الا معماري

يا لــــــــــــــــحظي :1:

[didou rakkaus]

b1 hta ana rah n9raha fi oran mais khayaf manha
basah 9oulouli chahouma les modules les nfawtou fihom examen
é mrc

[مغتربة عن الوطن]

شكراااا جزيلا على الموضوع.

[حمزة 7]

السلام عليم
والله ياجماعة بهدي الهدرة تاعكم فكرتوني بليامات الشابين و الليالي البيضاء لي درناهم العام لي فات ( سنة اولى)
صحيح انه عندما يعطيك البروف خدمة و تبانلك صعيبة و بزاااف تكره تكره تاع بصح وتبدا الليالي البيضاء بكره شديد
بصح كي تكمل خدمتك و تىفيشيها و يرضى عليك البروف والله لحظة رائعة
ماتخافوش من الليالي البيضاء ماراهمش بزاف نتا والبروف تاعك كي داير
انا العام لي فات كامل درت 3 ليالي بيضاء متتالية قبل آفيشلج فينال تاع بروميار سوماستر
بصح وحد النشاط فالليالي البيضاء جميل جدا
وزيد فالاول يصل بك التفكير حتى وين تخمم باه تحبس
بصح مين يكمل العام تحس روك كنت مهبول وتبدا تضحك على روحك
اصبروا على السداسي الاول ثم كل شيء يصبح سهل
و زيدوا حاجة صحاب التخصصات الاخرى مثل الطب والاعلام الآلي مايديروش ليالي بيضاء ؟
ونجاوب هداك لي طرح سؤال حول الاقامة نصيحة مجرب من الافضل تدي غرفة معا واحد هندسة معمارية
و فالاخير نقوللكم بالاكو نتوما تخموا باه تحبسوا خاطر غادي تندموا
السلام

[المهندس الجزائري]

ههههههه و الله ايام رائعة انا هذا العام سنة ثانية بقيت 12 يوم متتالية فوق طاولة الرسم بدون راحة و فيها 3 ليالي مارقدتش حتى اني بدأت ارى الجنون ههههههههههه و اليوم الاخير كملت بعد الفجر و الحمد لله افيشيت الخدمة و انا مرتاح و نسيت التعب كامل و خاصة ان مشروعي اعجب الاساتذة و الحمد لله ^^ و الله ذكريات جميلة و حلاوتها كامل في التعب و السهر و هذي معروفة في كل جامعات العالم الهندسة المعمارية فيها تعب و سهر بصح بزاف هايلة

[B.Badis]

ههههههه و الله ايام رائعة انا هذا العام سنة ثانية بقيت 12 يوم متتالية فوق طاولة الرسم بدون راحة و فيها 3 ليالي مارقدتش حتى اني بدأت ارى الجنون ههههههههههه و اليوم الاخير كملت بعد الفجر و الحمد لله افيشيت الخدمة و انا مرتاح و نسيت التعب كامل و خاصة ان مشروعي اعجب الاساتذة و الحمد لله ^^ و الله ذكريات جميلة و حلاوتها كامل في التعب و السهر و هذي معروفة في كل جامعات العالم الهندسة المعمارية فيها تعب و سهر بصح بزاف هايلة

ههههههههه ..... أنا ثاني العام اللي فات درت مستشفى ...جاني شعور تاع الهبال ...خفت على روحي ... :d:sdf:

[zozo4]

[QUOTE=(( ريتاج مكة ));11232345]ان شــــــــــــــــــــــــــــــــــاء الله آميــــــــــــــــــــــــــــن يا رب

بارك الله فيك اختي على روحك القوية والمرحة وانا ثاني حابة هكاك ماندصرش بزاف

اصلا انا هكاك من ايام الثانوي وليس حتى الجامعة

اظن خوفك قليل لان لديك من عائلتك من هم مهندسين معماريين اما انا فالاولى ان شاء الله

لذلك خااايفة بزاااف لدينا كل الهندسات في العائلة..اعلام الي , مدني , الكتروني , اتصالات الا معماري

يا لــــــــــــــــحظي:1:
[هوما قراو كل انواع الهندسة وخلاو هذا التخصص ليك باش تكوني انت السباقة :19::19::mh31:

[safou safaa]

[QUOTE=(( ريتاج مكة ));11232345]ان شــــــــــــــــــــــــــــــــــاء الله آميــــــــــــــــــــــــــــن يا رب


بارك الله فيك اختي على روحك القوية والمرحة وانا ثاني حابة هكاك ماندصرش بزاف

اصلا انا هكاك من ايام الثانوي وليس حتى الجامعة

اظن خوفك قليل لان لديك من عائلتك من هم مهندسين معماريين اما انا فالاولى ان شاء الله

لذلك خااايفة بزاااف لدينا كل الهندسات في العائلة..اعلام الي , مدني , الكتروني , اتصالات الا معماري

يا لــــــــــــــــحظي:1:
[هوما قراو كل انواع الهندسة وخلاو هذا التخصص ليك باش تكوني انت السباقة :19::19::mh31:
voila enti lazem tekhourjilhoum architecte besslamtekkk
wllh haja mliha matanadmich 3liha
khtii kechma shakiti rani hna makach mouchkil
okkkk

[safou safaa]

ههههههه و الله ايام رائعة انا هذا العام سنة ثانية بقيت 12 يوم متتالية فوق طاولة الرسم بدون راحة و فيها 3 ليالي مارقدتش حتى اني بدأت ارى الجنون ههههههههههه و اليوم الاخير كملت بعد الفجر و الحمد لله افيشيت الخدمة و انا مرتاح و نسيت التعب كامل و خاصة ان مشروعي اعجب الاساتذة و الحمد لله ^^ و الله ذكريات جميلة و حلاوتها كامل في التعب و السهر و هذي معروفة في كل جامعات العالم الهندسة المعمارية فيها تعب و سهر بصح بزاف هايلة
wawwww wach rahou yestana fiya loooool m3a ana fanyana chwia
allah yej3al khir
mééé kouli ghir 12 jrs hada makane fel 3am
ana kalouli f la semaine wahd 2 nuit blanche esque c vr

[المهندس الجزائري]

wawwww wach rahou yestana fiya loooool m3a ana fanyana chwia
allah yej3al khir
mééé kouli ghir 12 jrs hada makane fel 3am
ana kalouli f la semaine wahd 2 nuit blanche esque c vr
:mh92:
:1:hhhhhhhhhhhhh nn c que le projet final de 2eme semestre et le 1er semestre aussi j'ai passé 3 nuit blanches

[المهندس الجزائري]

صح كل اسبوع كاين خدمة مع الورشة و ممكن تتعبي باش تكمليها و تسهري بصح اذا كنتي مواظبة و تخخدمي كل يوم ماتسهريش كامل و تكملي خدمتك في الوقت بصح اذا خليتيها للنهار الاخر راح تسهري و تدي خدمتك ناقصة و لي بروف ماراحش يفرحو بيك بزاف ورح يطيحولك شوية المورال

[safou safaa]

mercc khouya
saha 3idekkkk

[المهندس الجزائري]

allah yselmek
bon courage

[(( ريتاج مكة ))]

[QUOTE=(( ]:1:[هوما قراو كل انواع الهندسة وخلاو هذا التخصص ليك باش تكوني انت السباقة :19::19::mh31:

ان شاء الله اختي ,, نسأل الله التوفيق

بارك الله فيك

[(( ريتاج مكة ))]

[QUOTE=zozo4;11238131]
voila enti lazem tekhourjilhoum architecte besslamtekkk
wllh haja mliha matanadmich 3liha
khtii kechma shakiti rani hna makach mouchkil
okkkk

ان شاء الله اختي ,, والله كايطلعلي المورال معاكم هنا

بقات حاجة وحدة خايفة من التعب وانا صحتي شوية 5 / 10

وزيد الباك اكي علابالك وش دار فينا :1:

[(( ريتاج مكة ))]

صح كل اسبوع كاين خدمة مع الورشة و ممكن تتعبي باش تكمليها و تسهري بصح اذا كنتي مواظبة و تخخدمي كل يوم ماتسهريش كامل و تكملي خدمتك في الوقت بصح اذا خليتيها للنهار الاخر راح تسهري و تدي خدمتك ناقصة و لي بروف ماراحش يفرحو بيك بزاف ورح يطيحولك شوية المورال

يعني اخي فارسي لو كان لواحد يكون مايقدرش يبذل الجهد لمدة ساعتين

متتاليتين مايقدرش يقرا ويتفوق :1: ,, ماتخوفنيش بلييز :confused:

[badid5]

لا تخافي أختي رغم أنني جديد مثلك إلا أنه بمشيئة الله ستتفوقين و نتفوق جميعا

[المهندس الجزائري]

يعني اخي فارسي لو كان لواحد يكون مايقدرش يبذل الجهد لمدة ساعتين

متتاليتين مايقدرش يقرا ويتفوق :1: ,, ماتخوفنيش بلييز :confused:


لالا انا راني نحكي على السنة الثانية
السنة الاولى مافيهاش تعب بزاف يعني قل من التعب تاع الباك
تتعلمو صوالح صغار يعني الرسم و صناعة بعض الاشكال و المجسمات البسيطة هذا مكان
تبانلك برك ماتقدريش تبذلي مجهود بصح كي تدخلي للميدان تولي تقعدي 6 ساعات مع الرسم بلا ما تحسي خلاص
بالتوفيق

[la star31]

لالا انا راني نحكي على السنة الثانية
السنة الاولى مافيهاش تعب بزاف يعني قل من التعب تاع الباك
تتعلمو صوالح صغار يعني الرسم و صناعة بعض الاشكال و المجسمات البسيطة هذا مكان
تبانلك برك ماتقدريش تبذلي مجهود بصح كي تدخلي للميدان تولي تقعدي 6 ساعات مع الرسم بلا ما تحسي خلاص
بالتوفيق

و الي ما يعرفش يرسم

لازم يكون رسم متقن؟؟

:confused::confused::confused:

[إيمان 3]

ماتخافيش كاين لي دخلو ما يعرفوش يشدو قلم الرصاص و تعلمو و عادو من المخيرين

[(( ريتاج مكة ))]

بارك الله فيكم جميعااا على ردودكم

شكراا لك اخ فارسي شجعتني مع اني لا ارسم ابدا

ولا اشكل اي مجسمات في حياتي الا انني متفائلة وراضية بما اختاره الله لي

بارك الله فيكم

.
.
.
اخ فارسي + اخت ايمان 3 ممكن نعرفوا من في اي جامعة انتم :19:

[soumia1604]

ريي يوفقنا في دراستهاااا

[مسيردى]

حبيت نسول الورشة تنخدم باليد و لا تقدر بالميكرو

[المهندس الجزائري]

بارك الله فيكم جميعااا على ردودكم

شكراا لك اخ فارسي شجعتني مع اني لا ارسم ابدا

ولا اشكل اي مجسمات في حياتي الا انني متفائلة وراضية بما اختاره الله لي

بارك الله فيكم

.
.
.
اخ فارسي + اخت ايمان 3 ممكن نعرفوا من في اي جامعة انتم :19:


هههههههه حتى انا لم اكن احب الرسما ابدا و لكن الرسم الهندسي مختلف عن الرسم الفني العادي فهو يعتمد على الادوات الهندسية فقط و لا يحتاج الى ابداع مع اننا نحتاجهما كليهما في الهندسة المعمارية ففي بداية اي مشروع يجب ان تكون لديك فكرة و تجسدينها في الورقة برسم بسيط يدعى croquis حتى تتوظح لديك الفكرة و احيانا نستطيع ان نظع رسومات باليد لتوضيح بعظ التفاصيل الداخلية او الخارجية للمشروع مثل croquis d'ambiance و مع الوقت ستحبين هذه الرسومات جدا
اما المجسمات فلا تقلقي ابدا
انا في البداية كنت خائفا جدا من هذه الناحية و كنت اظن انني لن استطيع صنع مجسمات ابدا و في بداية السنة طلب منا صنع مكعبات و اهرام و اسطوانات كالتي نصنعها في الابتدائي فبدأت اتعذب معهم و كان كل من يمر علي في المنزل يظحك و لكن المشكل انني لم اكن اعرف الطريقة
و بالتدريج بدأت اتعلم فالامر بسيط جدا و على العموم سوف تدرسون مادة خاصة بصناعة المجسمات في السنة الثانية
انا الآن انتقلت الى السنة الثالثة بجامعة الشلف
بالتوفيق

[المهندس الجزائري]

حبيت نسول الورشة تنخدم باليد و لا تقدر بالميكرو

المهندس المعماري هو فنان قبل كل شيئ لهذا سوف تتعلمون الرسم باليد ثم بالادوات الهندسية ( المسطرة و الكوس ,,,,,)
اما البرامج هذا يتعلق بالاستاذ فيمكن ان تستخدموها في السنة الثالثة كالاوتوكاد و الارشيكاد ..............

[إيمان 3]

انا سنة ثالثة جامعة الأغواط

[(( ريتاج مكة ))]

هههههههه حتى انا لم اكن احب الرسما ابدا و لكن الرسم الهندسي مختلف عن الرسم الفني العادي فهو يعتمد على الادوات الهندسية فقط و لا يحتاج الى ابداع مع اننا نحتاجهما كليهما في الهندسة المعمارية ففي بداية اي مشروع يجب ان تكون لديك فكرة و تجسدينها في الورقة برسم بسيط يدعى croquis حتى تتوظح لديك الفكرة و احيانا نستطيع ان نظع رسومات باليد لتوضيح بعظ التفاصيل الداخلية او الخارجية للمشروع مثل croquis d'ambiance و مع الوقت ستحبين هذه الرسومات جدا
اما المجسمات فلا تقلقي ابدا
انا في البداية كنت خائفا جدا من هذه الناحية و كنت اظن انني لن استطيع صنع مجسمات ابدا و في بداية السنة طلب منا صنع مكعبات و اهرام و اسطوانات كالتي نصنعها في الابتدائي فبدأت اتعذب معهم و كان كل من يمر علي في المنزل يظحك و لكن المشكل انني لم اكن اعرف الطريقة
و بالتدريج بدأت اتعلم فالامر بسيط جدا و على العموم سوف تدرسون مادة خاصة بصناعة المجسمات في السنة الثانية
انا الآن انتقلت الى السنة الثالثة بجامعة الشلف
بالتوفيق

بارك الله فيك اخي والله شجعتني مشكووور

الشلف مليحة وهل لديك معلومات عن كلية قسنطينة للهندسة

هل مستواها جيد + اخي عدراا على كثرة اسئلتي اريد فقط ان تصف لي شعورك

في اول اسبوع لك في الاختصاص :d

[(( ريتاج مكة ))]

ريي يوفقنا في دراستهاااا

ان شاء الله ,, كيف الحال سمية ظننتك ستغيرين التخصص

او ستعيدين البكالوريا اظنك وجهت مثلي الى قسنطينة ؟؟ :19:

[مسيردى]

بانتظار النصائح

[(( ريتاج مكة ))]

انا سنة ثالثة جامعة الأغواط

الله يبارك لعقوبة للحصول على الماستر

سمعت ان الاغواط جيدة ايضاا بالتوفيق لنا ولكم ان شاء الله

[(( ريتاج مكة ))]

بانتظار النصائح

نعم نحن في انتظار النصائح

:19:

[المهندس الجزائري]

بالطبع قسنطينة هي من بين الافضل في الجزائر و فيها مستوى جيد و اساتذة كبار
فالاول اكيد رح تكوني متخوفة و يجيك التأقلم صعب لأن الجامعة مش كيما الثانوية يلزم وقت باش تتعودي و خاصة اذا كنتي تسكني بعيد و تان تتعودي على العمل في الورشة فحصة الورشة عندنا 6 ساعات على الاقل متواصلة فالاول تبانلك طويلة و ممبعد توالفي و ماتحسيش بالوقت حتى تخلاص

[safou safaa]

كل ما كنت قريب للدار راح تساعدك أكثر و خاصة فالمشاريع ولا البحوث و كي تبدا القراية راح تحس
البليدة فيها الاكتظاظ بزاف و بالرغم من المستوى العالي كاين السابوطاج لهذا راح تكون صعيبة عليك باش تحكم روحك معاهم .
و نزيدلك العام لي فات واحد صاحبي راح من شلف للبليدة في بداية العام و قالنا غير ماتجوش صعيبة بزاف و قريب ماجابش العام و العام هذا راهو مولي لشلف
.......................
الاخ فارسي قريت هادا كتبتوا نتا وااااااااااو خوفتني
انا بعتوني لتما
احكيلي بليز وش تعرف عليها كلشش
مشكووور مسبقااا

[zozo08]

bqpmerçi pour tous les informatiques wllah raya7touuuuuuuuuni bqp knt khayfa sourtou eni mal9it 7ata wa7d m3aya na3rfou fi da lbrancha
ana wajhouni lel'école polytichniqur d'architecture
(epau)
makach eli hna rahou tama diya9ra???
et merçi pasqu raya7touna.............

[B.Badis]

حبيت نسول الورشة تنخدم باليد و لا تقدر بالميكرو

أخي في الورشة كاين 3 طرق للرسم
الأولى : .بقلم الرصاص
الثانية: بالحبر بقلم روترينغ
الثالثة: بالكمبيوتر
تقدر تخدم بالطرق الثلاثة على حساب الأستاذ ...
مثلا أنا :
في السنة الأولى خدمت بقلم الرصاص و في السوماستر الثاني بالروترينغ
في السنة الثانية ...خدمت بالميكرو و الروترينغ
السنة الثالثة بالروترينغ و الميكرو
السنة الرابعة بالروترينغ و الميكرو و قلم الرصاص

[B.Badis]

المهندس المعماري هو فنان قبل كل شيئ لهذا سوف تتعلمون الرسم باليد ثم بالادوات الهندسية ( المسطرة و الكوس ,,,,,)
اما البرامج هذا يتعلق بالاستاذ فيمكن ان تستخدموها في السنة الثالثة كالاوتوكاد و الارشيكاد ..............

مممم ...أنا بديت بلارشيكاد و نموت عليه... هذا أول عمل تاعي بلارشيكاد .....مستشفى ...صح هو ناقص ماكملتوش خلااااص...لكن أنا عجبني لأنه أول عمل ليا بيه ...إذا حبيتو أي استفسارات بشأن لارشيكاد راني هنا....

http://www11.0zz0.com/2012/08/22/15/862052103.png
http://www13.0zz0.com/2012/08/22/16/647741217.png

[المهندس الجزائري]

ممتااااااااااااز خويا باديس خرجتها تحفة ماشاء الله
تمنيت نتعلم ارشيكاد بصح ماسمحتليش الفرصة يعني مذابيا نعرف اذا نتا تعلمتو وحدك ولا درت formation
انا نخدم اوتوكاد و نستعمل بزاف sketch up و الصورة لي راني دايرها في توقيعي هي من تصميمي و انجازي

[المهندس الجزائري]

حسب رايك وينو الاسهل في العمل ارشيكاد ولا اوتوكاد و قداش تقعد من وقت مع مشروع كيما هذا في ارشيكاد

[المهندس الجزائري]

كل ما كنت قريب للدار راح تساعدك أكثر و خاصة فالمشاريع ولا البحوث و كي تبدا القراية راح تحس
البليدة فيها الاكتظاظ بزاف و بالرغم من المستوى العالي كاين السابوطاج لهذا راح تكون صعيبة عليك باش تحكم روحك معاهم .
و نزيدلك العام لي فات واحد صاحبي راح من شلف للبليدة في بداية العام و قالنا غير ماتجوش صعيبة بزاف و قريب ماجابش العام و العام هذا راهو مولي لشلف
.......................
الاخ فارسي قريت هادا كتبتوا نتا وااااااااااو خوفتني
انا بعتوني لتما
احكيلي بليز وش تعرف عليها كلشش
مشكووور مسبقااا

ههههههههههههه ماقصدتش نخوف حتى واحد و الله اهل مكة ادرى بشعابها انا قلت وش نعرف بصح مانقولك والو عليها و احسن تسقسي واحد يقرا فيها ولا متخرج منها و هو يعطيلك الخبر الصحيح هي مهما كان فيها مستوى ممتاز و اساتذة هايلين و مهما كان لي يقرا ماراحش تكون صعيبة عليه نأكدلك
بالتوفيق

[B.Badis]

ممتااااااااااااز خويا باديس خرجتها تحفة ماشاء الله
تمنيت نتعلم ارشيكاد بصح ماسمحتليش الفرصة يعني مذابيا نعرف اذا نتا تعلمتو وحدك ولا درت formation
انا نخدم اوتوكاد و نستعمل بزاف sketch up و الصورة لي راني دايرها في توقيعي هي من تصميمي و انجازي

مييرسي خويا ...الله يبارك فيك
نعم أنا تعلمت لارشيكاد وحدي ...مادرت حتا فورماسيون ...جبت دي فيديو من الأنترنت ...و بالممارسة تعلمتو
أنا مانخدش خلاص بلوتوكاد ....و جامي خدمت بيه ...مام المخططات قاعد نعمل بيهم بلارشيكاد ...و أنا الوحيد فالكلاسا لي نخدم بلارشيكاد ... الحاجة المليحة أنو تخدم كلش في نفس الوقت ..المخططات و الواجهات و لي كوب و ال 3d ...أنا نكونسولتي مع الأساتذة بال 3d و كانو دايما يشكروني :rolleyes: لأني كنت الوحيد اللي نعرف نخدم بيه ....على العموم هو سهل ...تقدر تتعلمو وحدك نورمال ...السكاتش أب تاني مليح مي ناقص على لارشيكاد ...بلارشيكاد تقدر تدير بروجي كااامل من les plans de fondations حتي les 3d ...و مام ثاني le cahier de charge و le metré بلاما تستعين بأي برنامج آخر ...
الله يبارك ال3d تاعك ثاني مليحة ...كاملة و متقونة ...مش كيفي أنا جامي كملت حاجة:o ...و باينة راك تعرف للي فاساد:19: ...

[B.Badis]

حسب رايك وينو الاسهل في العمل ارشيكاد ولا اوتوكاد و قداش تقعد من وقت مع مشروع كيما هذا في ارشيكاد

ممممم ...بالنسبة ليا الأسهل هو الأرشيكاد ...لأني جامي جربت لوتوكاد ...نعرف للوتوكاد شويا مي جامي خدمت بيه بروجي كامل ...شوف هو لارشيكاد نقدرو نختصرو تعريفو أنه برنامج تبني بيه مش مجرد رسم فقط ...حيث ...مثلا مش زعما ترسم 2خطين و تقول هادو عبارة عن حائط ...و كيما تكليلي عليهم الميكرو يعرفهم على أنهم des lignes ....مش كيما لارشيكاد ...تحب ترسم حيط ...أكليكي على icon إسمها mur و خير الخصاص تاع الحائط مثلا : الطول ...الإرتفاع ...السمك ....المادة المصنوع منها ... إذا فيه lam d'aire أو لا ...les couches ta3 les materiaux de construction ...الميل تاع الحائط ...النوع و لون الصبغة الداخلية و الخارجية تاع الحيط ......إلخ
يعني في البلون كيما تكليكي على الحيط ...الميكرو يعرفو على أساس حيط ...لهاذا تخرج ال 3d تاعو و الفاساد و الكوب نورمال ...
بالنسبة للمدة ...إذا خدمت لي بلون صحاح ...لي كوب و لي فاساد و ال3d و الباقي يخرجلك نورمال ...لكن لازم تقعد مع البلون خطوة خطوة و تهتم بكل التفاصيل ....أنا هذا قعدت معاه أسبوع ...لكن هو مش كامل ...و زيد الخدمة خممت فيها من قبل مع لي كونسولتاسيون و الحسابات و المخططات درتهم من قبل بقلم الرصاص ...إذا ...تحب نعاونك في تعلمو راني هنا ...لارشيكاد راح يفيدك بزااف

[المهندس الجزائري]

مذابيا نتعلمو في مادام راني في عطلة شفت بلي يفيدني بزاف اذا عاد هكا نحاول معاه و نشوف لي فيديو مالغري مشكلتي نكره بلخف هههههههه بارك الله فيك خويا باديس

[المهندس الجزائري]

بارك الله فيك خويا باديس و الله تعاونني بزاف هكا ان شاء الله نقدر نتعلمو
مكاش مشكل في الاوتوكاد نعلمك ههههههه الفرق بيناتهم هو الاوتوكاد يرسم برك بلا ما يفهم اما الارشيكاد يبني المبنى

[B.Badis]

بارك الله فيك خويا باديس و الله تعاونني بزاف هكا ان شاء الله نقدر نتعلمو
مكاش مشكل في الاوتوكاد نعلمك ههههههه الفرق بيناتهم هو الاوتوكاد يرسم برك بلا ما يفهم اما الارشيكاد يبني المبنى

هههه ...مييرسي بزززااف ...و أنا ماكانش مشكل ...نعاونك حتا تتعلمو ....
أيا b1 صحيت فهم ليه ليه الفرق بينهما :19:

[(( ريتاج مكة ))]

بارك الله فيكما اخواي فارسي و باديس والله شوقتونا بهاد البرامج

انا في سنة اولى ثانوي عملنا قليلا بالوتوكاد كنا نديرول لحيوط ةنديرو ربع كاريات صغار

تفصل بين الحيوط لي هي الاعمدة و نرسمو قوس الباب :d

وانا نشفا بلي درنا فرض شفهي قالي الاستاد اذكريلي خطوات رسم قوس الباب

بالاوتوكاد قلتلو ماعلاباليش نعرف برك نديرو فالميكرو تطبيقيا

مانيش حافظة الخطوات :1:

والله ذكريات

[(( ريتاج مكة ))]

bqpmerçi pour tous les informatiques wllah raya7touuuuuuuuuni bqp knt khayfa sourtou eni mal9it 7ata wa7d m3aya na3rfou fi da lbrancha
ana wajhouni lel'école polytichniqur d'architecture
(epau)
makach eli hna rahou tama diya9ra???
et merçi pasqu raya7touna.............

اهلا اختي انا نعرف وحدة دارتها العام الماضي لكن اعادت البكالوريا

ولم تدرسها لكن للاسف حصلت على معدل اسوأ من السابق ولم يوصلها الى رغبتها

فقررت ان تدرس بالـ epeau هذه السنة ان شاء الله

اما هنا بالمنتدى فهناك عضوة رأيت مواضيعها هي العضوة " ابجديات "

[مسيردى]

وش خو باديس تنصحني بالارشيكاد و لا 3dmax

[المهندس الجزائري]

بارك الله فيكما اخواي فارسي و باديس والله شوقتونا بهاد البرامج

انا في سنة اولى ثانوي عملنا قليلا بالوتوكاد كنا نديرول لحيوط ةنديرو ربع كاريات صغار

تفصل بين الحيوط لي هي الاعمدة و نرسمو قوس الباب :d

وانا نشفا بلي درنا فرض شفهي قالي الاستاد اذكريلي خطوات رسم قوس الباب

بالاوتوكاد قلتلو ماعلاباليش نعرف برك نديرو فالميكرو تطبيقيا

مانيش حافظة الخطوات :1:

والله ذكريات


مليييييييح اكي عندك فكرة على الاوتوكاد و المخططات
حتى انا كانت عندي هواية و كنت نرسم ديار و مباني في sketch up في الثانوية بدون اي دراية في الهندسة يعني نرسم برك هههههه بالرغم اني ماكنتش نخمم خلاص نقرا هذا التخصص و كنت حات تخصص وحداخر بصح الحمد لله
بالتوفيق

[safou safaa]

nn lepau école bzeef sérieux lakraya fiha

[B.Badis]

بارك الله فيكما اخواي فارسي و باديس والله شوقتونا بهاد البرامج

انا في سنة اولى ثانوي عملنا قليلا بالوتوكاد كنا نديرول لحيوط ةنديرو ربع كاريات صغار

تفصل بين الحيوط لي هي الاعمدة و نرسمو قوس الباب :d

وانا نشفا بلي درنا فرض شفهي قالي الاستاد اذكريلي خطوات رسم قوس الباب

بالاوتوكاد قلتلو ماعلاباليش نعرف برك نديرو فالميكرو تطبيقيا

مانيش حافظة الخطوات :1:

والله ذكريات


العفو أختي...و فيكي بارك الله
ملييح ...معناتها عندك فكرة على لوتوكاد ...دبرتوها تاع النظام الجديد في الثانوية قريتو إعلام آلي :rolleyes:
بإذن الله في الجامعة تزيد تطور قدراتك بزاااف بزاااف خاصة في مجال الكمبيوتر ...أي حاجة فيما تخص البرامج أو الدراسة ..راني هنا:mh31:

[B.Badis]

وش خو باديس تنصحني بالارشيكاد و لا 3dmax

شوف خويا ....هو ال 3dsmax أصعب من لارشيكاد ...و هو متخصص فقط في ال 3d ....و لارشيكاد متخصص في كلش ....لكن ال 3d تاع ال 3dsmax تجي أحسن من تاع لارشيكاد ...لأنه برنامج متخصص و متطور ...الميزة المليحة تاع لارشيكاد أنك تقدر تدير بوجي كامل متكامل بيه هو فقط ..سواءا مخططات أو 3d أو كلش ....أنا ننصحك أتعلمهم في زوج ... أبدا بلارشيكاد

[مسيردى]

وش خو باديس تنصحني بالارشيكاد و لا 3dmax

[مسيردى]

واش خويا تنصحني ندير formation فيهم و لا كيفاه
+
نبدا من دوكا و لا كيفاه و شحال نقعد فيهم

[B.Badis]

واش خويا تنصحني ندير formation فيهم و لا كيفاه
+
نبدا من دوكا و لا كيفاه و شحال نقعد فيهم

لاكان واجدين الدراهم ...دير formation خير ;)
ال 3dsmax في الجامعة ب 8000 دج و ما يعلموكش كلش
و لارشيكاد ب 5000 دج
لكن 70 % تتعلمو وحدك مع الممارسة ..ال formation الحاجة اللي فيها مليحة هي أنك تدي شهادة تعمرلك الcv تاعك كيما تحب تخدم و يقبلوك les bureaux d'études ....
أنا قاعد نتعلم وحدي و مع الدخلة إن شاء الله ندخل ندير formation على جالت الشهادة برك

[safou safaa]

alors ki nedkhoul la fac ndir hadi formation ya3touni deplom 3liha c ça
en+ tkhalasshoum

[(( ريتاج مكة ))]

العفو أختي...و فيكي بارك الله
ملييح ...معناتها عندك فكرة على لوتوكاد ...دبرتوها تاع النظام الجديد في الثانوية قريتو إعلام آلي :rolleyes:
بإذن الله في الجامعة تزيد تطور قدراتك بزاااف بزاااف خاصة في مجال الكمبيوتر ...أي حاجة فيما تخص البرامج أو الدراسة ..راني هنا:mh31:

شكرااا جزييلا اخي ايه حاجة مليحة فالنظام لجديد

ان شاء الله اخي نزيد نتطور واتمنى ان اجد الجو المناسب للدراسة

في هذا التخصص ,, بما انك طالب فب قسنطينة ممكن تقولي على الاجواء

لثما يعني الاساتذة والامكانيات + لما سألت مأخراا قيل لي هذا العام بإذن الله

على خلاف السنوات الاخرى الدراسة ستكون في جامعة النوفال

وليست في زرزارة هل هذا صحيح وللعلم فالمعلومة قالها لي احد

عمال الادارة في زرزارة

[B.Badis]

alors ki nedkhoul la fac ndir hadi formation ya3touni deplom 3liha c ça
en+ tkhalasshoum

oui.....w b1 suuur tkhalasihom

[B.Badis]

شكرااا جزييلا اخي ايه حاجة مليحة فالنظام لجديد

ان شاء الله اخي نزيد نتطور واتمنى ان اجد الجو المناسب للدراسة

في هذا التخصص ,, بما انك طالب فب قسنطينة ممكن تقولي على الاجواء

لثما يعني الاساتذة والامكانيات + لما سألت مأخراا قيل لي هذا العام بإذن الله

على خلاف السنوات الاخرى الدراسة ستكون في جامعة النوفال

وليست في زرزارة هل هذا صحيح وللعلم فالمعلومة قالها لي احد

عمال الادارة في زرزارة


العفو أختي الكريمة:)
آآآ ...أنت أيضا بعثوك لقسنطينة ....مرحبا بيك :mh31:
الأجواء لثم مليحة و تشجع على الدراسة و الأساتذة عندهم مستوى مليح ...حيث أكبر عدد للدكاترة تع الهندسة المعمارية في الجزائر يوجد في قسنطينة .... وفي كيما يحطو les groupes و الأساتذة سع نقولك لاكان الأستاذ اللي طحتي عندو مليح ولا لا ...على خاطر كاينين لي صعاب بزاف و يعاودو العام :o
أنا ثاني قالتنا الأستاذة العام اللي فات بلي رايحين يردونا للنوفال ...ربما على ما أظن الخبر صحيح ...

[zozo4]

مممم ...أنا بديت بلارشيكاد و نموت عليه... هذا أول عمل تاعي بلارشيكاد .....مستشفى ...صح هو ناقص ماكملتوش خلااااص...لكن أنا عجبني لأنه أول عمل ليا بيه ...إذا حبيتو أي استفسارات بشأن لارشيكاد راني هنا....

http://www11.0zz0.com/2012/08/22/15/862052103.png
http://www13.0zz0.com/2012/08/22/16/647741217.png
:mh92:ما شاء الله باين بلي راااااااااااااااااااااااااائع انا هذا العام ان شاء الله سنة اولى هندسة معمارية عجبني بزاف صراحة ربي يوفقك لمشاريع اخرى ويعجبني بزاف لوكان يهتمو بيك شوية و يبنيوه
علابالي راني نحلم بصح والله تحفة ربي يحفظك ان شاء الله وكل من اراد لبلادنا الخير:)

[zozo4]

[QUOTE=(( ريتاج مكة ));11281337]بارك الله فيكما اخواي فارسي و باديس والله شوقتونا بهاد البرامج

انا في سنة اولى ثانوي عملنا قليلا بالوتوكاد كنا نديرول لحيوط ةنديرو ربع كاريات صغار

تفصل بين الحيوط لي هي الاعمدة و نرسمو قوس الباب :d

وانا نشفا بلي درنا فرض شفهي قالي الاستاد اذكريلي خطوات رسم قوس الباب

بالاوتوكاد قلتلو ماعلاباليش نعرف برك نديرو فالميكرو تطبيقيا

مانيش حافظة الخطوات :1:

والله ذكريات
[/Q:dj_17:مليح انهم وراولكم برامج مفيدة كيما هذي حنا الله غالب وااااااالو غير نقعدو نتفرجو في بعضانا للاسف الشديد ان شاء الله نعوضو لي فاتنا

[badid5]

حتى نحن في باتنة كنا ندرس الوورد و الويندوز و الإكسل فقط و لمحة بسيطة عن الإنترنت

[B.Badis]

:mh92:ما شاء الله باين بلي راااااااااااااااااااااااااائع انا هذا العام ان شاء الله سنة اولى هندسة معمارية عجبني بزاف صراحة ربي يوفقك لمشاريع اخرى ويعجبني بزاف لوكان يهتمو بيك شوية و يبنيوه
علابالي راني نحلم بصح والله تحفة ربي يحفظك ان شاء الله وكل من اراد لبلادنا الخير:)

هههه ...يبنيوه بعد !!! ماتخلينيش نغتر بروحي :sdf: ....كاينين دي بروجي بزااف تاع صحابي تاني ملاح ...و أنت إن شاء الله عن قريب نلقاك تديري دي بروجي أحسن بكثييرمن هذا ...شكرا جزيييلا أختي على مرورك المفرح و المحفز
بارك الله فيكي

[la star31]

نعم احنا تاني قرينا الاوتوكاد....و تعلمنا كيفاه نديروا الاساس .....الخ...و مازال عندي البرنامج لدك كنت مقرافياتوا في سيدي...

مي ما قريناها في حصة الاعلام الالي انما في حصة الهندسة المدنية
حيث في السنة الاولى نقراو فصل هندسة مدنية...و فصل هندسة طرائق...و فصل تسيير و اقتصاد...

بالتوفيق للجميع مي نظن سنة اولى هندسة معمارية نرسموا بأيدينا برك؟؟

[B.Badis]

نعم احنا تاني قرينا الاوتوكاد....و تعلمنا كيفاه نديروا الاساس .....الخ...و مازال عندي البرنامج لدك كنت مقرافياتوا في سيدي...

مي ما قريناها في حصة الاعلام الالي انما في حصة الهندسة المدنية
حيث في السنة الاولى نقراو فصل هندسة مدنية...و فصل هندسة طرائق...و فصل تسيير و اقتصاد...

بالتوفيق للجميع مي نظن سنة اولى هندسة معمارية نرسموا بأيدينا برك؟؟

مليح ...و الله دبرتوها ....خاصة كيما قريتي الهندسة المدنية فلليسي ....و الله ça dépond ...كاينين لي يخليكم تخدمو بالميكرو ...
ربي يوفقك أنتي أيضا أختي :19:

[لغز الحياة]

خاوتي حبيت نسقسيكم ععلى la formatoin وين نقددرو ن نديروه و شال نقعدو باه نكملو
بليزز اعطوني معلومات عليه

[مشتاقة للجنان]

السـلامــ عليكمــ
والله يا اخواني راكم بعثتولي امل كبير وشجااعه
حتى انو الدمعه جاتني وانا نتنقل في صفحاات الموضوع
ربي يوفقكم كامل
ويحققلي حلمي اللي كنتــ متمنياتو من الابتدائي
يعني واحد يقول معلم واحد طبيب واحد محامب وانا مهندسة معمارية حتى لوقتي هذا الثانية متوسط ربي يحققلي حلمي ويوفقني
ادعولي
وراني زدت تحمست باش نقرا ها
بالرغم من انو كامل يقولولي واعره ولازملها السهرات... وكذا مهنة رجال ومنا ومنا وماتلقايش الخدمه.مي انا توجور نقول نديرها اذا كتب ربي
..........
ربي يوفق الجميع

[ريماس أمة الله]

بارك الله فيك اختي طمنتيني
كنت خايفة و متوترة من هدا التخصص
و ربي يسهلنا و يوفقنا

[فوستر بيزيه]

خاوتي حبيت نسقسيكم ععلى la formatoin وين نقددرو ن نديروه و شال نقعدو باه نكملو
بليزز اعطوني معلومات عليه


نظن كل بلاصة وشحال يديروا

مثلا عندنا راني شايف واحد يقري بــ: 5000دج

لكل من البرامج التالية

ثري دي اس ماكس

وكاين اتوكاد

أما الأرشي كاد غير متواجد


وربما تجدين في مناطق اخرى :

بـــ:

7000دج

أو كما قال الأخ باديس :

8000

[حياة 17]

بارك الله فيكم الكل اللي طرح الموضوع و جميع اللي رد انا طالبة هندسة معمارية سنة اولى و تمنيت من صغري نكون مهندسة و سبحان الله معدل القبةل كان هو المعدل تاع الباك التاعي ريحتوني و حفزتوني بزاف ربي يعطيكم واش تتمناو ان شاء الله
بزاف اللي خوفوني من الليالي البيضاء و من الصعوبة بصح رديتولي الروح
شكراااااااااااا:19:

[بشـرى]

أنا متطفلة برك على هذا القسم اسمحووولي هههه
أنا كي عقبت الباك جبت معدل مليييييييح وكنت نتمنى ندير هندسة معمارية لكن شاءت الأقدار أني ندير طب ..........
حتى أني حطيت في ورقة الاختيار هندسة معارية تاع قسنطينة وتاع بومرداس لكن كان ربي مكتبلي ندير طب والحمد لله راني راضية وراني قريب نكمل مشواري الدراسي ...........

ربي يوفقكم ويوفقني ياااااااارب

[sidostar]

السلام عليكم
انا اريد التحويل الى الهندسة المعمارية
لكن الكل يخوفني منها
بحث يقولولي صعب جدا فوق المعقول
و انها اصعب تخصص في الجامعة
حتى اكثر من رياضيات و اعلام الي
+ لازم الدراهم
و السهر كثيرا

فهل هدا صحيح
انها صعبة ام ان من يدرس بجد ينجح