ربي يهديني لاني

[مشكلتي]

مساء الخير
انا قصتي بلاما نطول وحدة عمري 24 سنة زينونة بزاف من عائلة كبيرة ومعروفة مخطوبة لواحد ثاني من عائلة كبيرة وابوه حاكم منصب مليح وهو وسيم جدااااا عندو المال ويحبني هبال المهم المشكل عندي انا وحدة حقيرة على خاطر راني مخطوبة وعرسي باقيلو 16 نيوم وانا مزالني نخمم في علاقاتي السابقة ولي توحشتهم راني متؤكدة بلي راكم تقولو عليا منحشمش بصح انا هكذا والله ما قدرت نبعد تفكري على الشبان الي عرفتهم من قبل مع انو خطيبي انسان مكانش ما خير عليه من كلش ماديا ومعنويا بصح المشكل فيا انا ربي يهديني وينقصلي شوية من غروري

[aihemsara]

الله يهدي من خلق
روحي استغفري ربي
و اتوضاي و صلي ندبر عليكي و ادعي ربي ينحيلك التخمام هادا
و هادا ما هوش مشكل ,, هادا راهو انتي و تخمامك
المفروض المشرفين ما يقبلوش يخلو هاد الموضوع هنا
بصح ربي يهديهم

[faty05]

ادعي الله ان يربط قلبك بحب زوجك
و ان يسخرك له

[بنت الحجاج]

سبحان الله

علاقاتكْ ماشي علاقة وحدة

اللي راكي تخمي فيهمْ

لا حول و لا قوة الا باللهْ

[rania nou]

ربي يهديك حاولي تحبي زوجك و حطيه غير هو في بالك تنساي الاخرين مش حتى واحد يا اختي! انتي تحبي زوجك يخمم في اخريات ؟اكيد ما تقبليش لانو نوع من الخيانة وزيد تقولي متوحشتهم:confused: لا يا أختي لازم توجهي كل انظارك و حبك للانسان لي اختارك و ربي يهنيك معاه و يهديك و يهدينا يا رب

[samsoon city16]

لا حول ولا قوة الا بالله ...
اتقي الله في نفسك خصوصا ادا كان الخطيب عاقد عليك .انت في عصمة رجل يا ستّ مشكلتي......واش هاد الموضوع

[مسلمة انا]

احذري فقد يعابقك الله بالمثل


اي ان زوجك يخمم في علاقاتو

[sarl02]

والله يا الهراوة الي راهي خاصاتك .

[سارة البوسعادية]

وش راح نقلك هذا شيطان؟؟
الشطان حاشاه راه مصفد هذي نفسك الامارة بسوء غيري من نفسك يا اختي

وتوحشتيهم؟؟؟ لا اله الا الله

[rinna sousou]

ربي يهديك يا حبيبتي كلنا نخطيء يجب ان تندمي على تلك العلاقات التي ليس لها فائدة انا كنت مثلك و ندمت و الان راني مخطوبة و ساكفر عن تلك الذنوب بخدمة زوجي ان شاء الله

[amina04000]

ربي يهديك يا أختي راكي تقولي انت زينة وعائلتك كبيرة وزوجك راجل مليح ،يعني كيما ماكانش حتى مشكل في حياتك خلقتي لروحك هذا المشكل، روحي يا أختي شوفي الدنيا شوفي مشاكل الناس يشيب راسك واش نقولك ربي يصلح لحوال

[أكوام الورد]

واسم نقولك كيما قلت ربي يهديك
الهداية أريح ليك
أختي نتي غلطت وربي يغفرلك
بصح بلاصت ما تستغلي الفرصة اللي راه عاطيهالك ربي
يعني تصلحي غلطتك وتبداي من جديد
راكي تفكري فالماضي
بصح حضي راسك
الفرص مايجيوش دايما
يجي النهار اللي أخطاأك يوليو عليك
وتندمي على هاد التخمام اللي راكي فيه
إن شاء ماتتهوريش و تحاولي تجدي علاقاتك
و ربي يزوجك و يسترك وإن شاء الله تكون وصلاتك الرسالة

[سفير الأيام]

مخطوبة لواحد ثاني من عائلة كبيرة وابوه حاكم منصب مليح وهو وسيم جدااااا عندو المال ويحبني هبال
.............................................
.............................................
اختي الكريمة الزواج ما تقولي لا مال ولا زين




الزواج عشرة والطيب والهنى
كاين اللي بالمال دياله يبدلك في رمشة عين على هادي خمي في العقل
واللي يخاف من ربي ويحافظ عليك
زيادة عن هدااا لا زلت تفكرين في علاقتك العاطفية



ربما قبل الزواج لديك الفرصة للتوبة


فتوبي إلى ربك قبل ان تتفاقم


الأمور وتصبحين زوجة وقد تراودك



نفس الأفكار و بولوج الشيطان إلى


قلبك من الممكن ان تصبحي في



موضع الخائنات


فحداااري عليك بالصلاة والخشوع والدعاء يوميا إبعاد إبليس عن تفكيرك


تحيــــــ أختي ــــــــــاتي

[vivaldi]

لا حول و لا قوة إلا بالله
ربي يهديك

[‏ღمجنون غزةღ]

ربي يهديك ويعفو عليك

انا نسقسيك حاجة لي راكي تخممي فيهم جربوا يتقدموا ويخطبوك ولا راهم يخمموا فيك
ولا دايرينلك حساب شبيبة تاع الوقت هدا ما فيهمش الخير الا من رحم ربك

وانت ربي يهديك الالي ربي عطاك راجل وراكي تقولي عليه الله يبارك وش خصك باش متحبيهش ولا متخمميش فيه

انا واحد من الناس وصايتي ليك ادا عينك في الخير ليك ولخطيبك طيشي عليك واللي فات مات

والا عينك في دعاوي الشر خلي السيد يروح في حالوا ويشوف المرة لي تحبوا وتحافظ عليه

وربي يوفقنا ويوفقك اللي فيه الصلاح
ويهديك ويهدي الامه

[nourbeg03]

ربي يرجعلك عقلك ويهديك

[ولد حمد الباتني]

القلب ادا مايحن يكندر ....

[لؤي02]

أختي لا تقولي عن نفسك حقيرة فإن أحقرتها فما نقول نحن عنك..؟؟؟ هذا راجع لطيشك و عدم مبالاتك لا بخوف الله و لا خوف من والديك وإن كان لهم مسؤولية فيما أنت عليه من خفة عقل إسمحي لي عن التعبير القاسي لأنه لا أحب أن أداهن في مثل هاته المواقف...
أما إن كنت رافضة الزواج أساسا أو لك علاقات تمنعك منه لتعلق قلبك بما لا يحب الله لماذا كلفتي نفسك بالزواج أصلا ..و دخلتي باب لست قادرة عليه....إن كنت كذلك فتحملي مسؤوليتك و أنتبهي هناك من يراك و أنت لا تشعرين فبادري بالتوبة قبل فوات الأوان التوبة التي تحسي بها من قلبك لا بلسانك....

[YARMORACEN]

مساء الخير
انا قصتي بلاما نطول وحدة عمري 24 سنة زينونة بزاف من عائلة كبيرة ومعروفة مخطوبة لواحد ثاني من عائلة كبيرة وابوه حاكم منصب مليح وهو وسيم جدااااا عندو المال ويحبني هبال المهم المشكل عندي انا وحدة حقيرة على خاطر راني مخطوبة وعرسي باقيلو 16 نيوم وانا مزالني نخمم في علاقاتي السابقة ولي توحشتهم راني متؤكدة بلي راكم تقولو عليا منحشمش بصح انا هكذا والله ما قدرت نبعد تفكري على الشبان الي عرفتهم من قبل مع انو خطيبي انسان مكانش ما خير عليه من كلش ماديا ومعنويا بصح المشكل فيا انا ربي يهديني وينقصلي شوية من غروري

1- الحب و المشاعر عموما ما نقدروش نتحكمو فيها ، لكن الأفعال نتحكمو فيها .

2- إدا كنتي متأكدة بأنك ما راحش تعيشي حياتك سعيدة مع زوجك المستقبلي و انتي مازالك تخمي في الأول ، غير فسخي الخطوبة ، لخطر راح تحقري روحك و يمكن مستقبلا تخوني زوجك .

3- شخصيا أنا يظهرلي تقدري تفوتي علاقتك السابقة ، لخطر لو كان جيتي متعلقة بيه و تحبيه ، لو كان أصلا ما قبلتيش بواحد غيره .
تأكدي من شعورك ، و كونك صريحة و صادقة مع روحك إدا كان حب حقيقي و لا غير لعب ، صح تقبلي تعيشي مع حبيبك السابق إدا رجع أعمى ، أو تكسرو رجليه أو وجهه تشوه ؟ نعم و لا لا ؟

في الأخير : شفتو الزواج التقليدي شحال شباب

[أم محمد و آيه]

حشا لله مكيش حقيرة ..هاد الصفة الكل نمر بيها في فترة الخطوبة ...لكن مالزمش تتمادى الى حتى الخروج مع الرجال السابقين ولا تكلم في

الهاتف .. باش تنساي ديري راجلك في قلبك وصلي لربي يهنيك معاه ....

تمشي نعاه بنيتك وربي يرزقكم بالذرية الصالحة ...وبعد الزواج كل هادا وكل الرجال السابقين كي تتفكري تولي تضحكي على روحك

باسكو تدي غير حاجة اللي مكتوبة ........

ربي يهنيك حبيبتي ....

[سجل أنا جزائري]

اسمحيلي أنتي من نوع الفتيات للواتي لا يصلحن للزواج بل للعلاقات العابرة بدليل عدد الشبان اللتي تعلقتي بهم !

ربي يصلحلك قلبك و ينورلك قلبك

[محمد جديدي التبسي]

تذكري الموت والغاية من خلقك واتق الله في نفسك
جعلنا الله وإياك من المتقين

[~ أســـرآر ~]

على حسب ما كتبتي فأنت لست بنادمة أو تائبة على ماضيك ومازلتي تشتاقين للحرام الذي كنت فيه

لا حول ولا قوة إلا بالله

ربي يهديك ويسخرلك زوجك وينسيك في ماضيييييييييك

[halimaa777]

انت خليتى الناس قاع يشوفوا بلى البنات كيف كيف
احمدى الله على ما اعطاك
اعطاك خطيب وسيكون زوج
كاين الى ما عطاها ربي والوا
ومع ذلك تحمده وتطلب منه الستر
استرى نفسك
وصلي وادعي الله يهديك ...انه الغرور

[مبروكة الصحراء]

ربي يهدينا خمي برك في هاذو لي راكي تتوحشيهم ؟؟؟؟؟؟ لوكان هوما يتزوجو و لا يخطبو و يكون عرسهم قريب يخمموا فيك؟؟؟؟؟؟؟؟؟؟؟؟ محاااااااااااااااااااااال
راجلك ديريه في عينيك إذا كنتي تحبيه ما تخمي حتى في واحد

[الواثق]

الله المستعان ..........