ْ~ْ~ْ~استفسارات بخصوص المنحة الجامعية ْ ~ْ~ْ~

[.صفاء.]

السلام عليكم و رحمة الله تعالى و بركاته



لدي تساؤلات بخصوص المنحة الجامعية لابورس

س 1 : بصفتي منتقلة للسنة الثانية جامعي ( ليسانس ) هل يجب ان اعيد تحضير ملف المنحة من جديد ؟ .

س 2 : اذا اكان يجب تحضير ملف المنحة فما هي الوثائق التي الزم بإيداعها في الملف ؟

س 3 : اريد الجدول الدوري للمنحة الجامعية اي في اي الاشهر يعطونها لنا ؟

[hichame1992]

انا مازلت جديد ممكن نصائح على الجامعة

[omaross]

.................................................. ...........................

[.صفاء.]

شكرا على المساعدة .......... هل من مجيب اخر على الاسئلة لكن كلها

[سطايفية بكل فخر]

س 1 : بصفتي منتقلة للسنة الثانية جامعي ( ليسانس ) هل يجب ان اعيد تحضير ملف المنحة من جديد ؟ .

نعم يتم تجديده كل سنة في شهر سبتمبر

س 2 : اذا اكان يجب تحضير ملف المنحة فما هي الوثائق التي الزم بإيداعها في الملف ؟
والله انا اسهو كثيرا مي نحاول نتفكر وشا طلبو منا تاع جامعتنا
شوفي لما تسجلي العام الثاني فلفاكيلتي تاعك رايحين يمدولك شهادة تسجيل جديدة راهي مطلوبة فالمنحة
وطلبونا ثاني اضرفة بريدية واقيلا 2 ومعاهم الطوابع وعنوانك مكتوب عليهم
وديري فوطوكوبي على كشف النقاط تاعك للعام الاول رايحين يمدوهولك فالفاكيلتي وقاليزيه فالبلدية
ومعاهم كشف راتب الاب والام واذا كانو بطالين معاهم شهادة عدم العمل ولا كانو متقاعدين المهم الحالة لي راهم فيها جيبي شهادة عليها
واذا مكذبتش ولا نسيت واقيلا طلبولنا شهادة عدم الخضوع لضريبة
هذي نسيت عليها
واكيد لما تمدي هذا الدوسي تدي معاك بطاقة الخدمات تاعك وصك مشطوب يعني شاك فرغان وديري فيه بالستيلو خط
واقيلا هذو هوما والله اعلم كي نروح نسجل نزيد نتاكد

س 3 : اريد الجدول الدوري للمنحة الجامعية اي في اي الاشهر يعطونها لنا ؟
كاينين ربعة
الاولى في اواخر ديسمبر بداية جانفي
الثانية اواخر مارس بداية افريل
الثالثة اواخر جوان بداية جويلية
والاخيرة في نهاية سبتمبر

[.صفاء.]

س 1 :


والاخيرة في نهاية سبتمبر
[/color]

بارك الله فيك اختي ...... الان فقط فهمت الموضوع بشكل واضح .... لكن عندي سؤال بسيط جدا و صغيييير.............. في نهاية سبتمبر هذا هل سيعطونني المنحة الرابعة ؟ لانني لم اتحصل على المنحة الاولى لجانفي بسبب كوني طالبة سنة اولى ...... :o

[سطايفية بكل فخر]

بارك الله فيك اختي ...... الان فقط فهمت الموضوع بشكل واضح .... لكن عندي سؤال بسيط جدا و صغيييير.............. في نهاية سبتمبر هذا هل سيعطونني المنحة الرابعة ؟ لانني لم اتحصل على المنحة الاولى لجانفي بسبب كوني طالبة سنة اولى ...... :o

كيفشا معطالوكش المنحة تاع جانفي
قوليلي هزيتي المنحة ولا مهزيتيهاش خلاص
+
اذا هزيتي وشحال من وحدة هزيتي
راهو من حقك تدي ربعة فالعام

[.صفاء.]

كيفشا معطالوكش المنحة تاع جانفي
قوليلي هزيتي المنحة ولا مهزيتيهاش خلاص
+
اذا هزيتي وشحال من وحدة هزيتي
راهو من حقك تدي ربعة فالعام

عندي حساب بريدي و ديما ندخل ليه من الانترنت من الموقع الرسمي لبريد الجزائر ......... دخلت المنحة الاولى لي في افريل و الثانية في جويلية اما في جانفي ما دخلتليش و مش غير انا وحدي كل طلبة السنة اولى في جامعة بسكرة لم يتحصلوا على منحة جانفي ....راني ماهزيتهاش لحد الان عندي تقريبا 8000 دج في حسابي البريدي.............

[سطايفية بكل فخر]

لا اختي لازم تهزوها اكيد تاخرت فقط اذا ممدوهالكش قدمي شكوى فمصلحة الخدمات قسم المنح
حنا طلبتنا تاع سطيف داوها عادي
بالتوفيق ليك
واي سوال عندك تفضلي بيه راني هنا للاجابة

[.صفاء.]

لا اختي لازم تهزوها اكيد تاخرت فقط اذا ممدوهالكش قدمي شكوى فمصلحة الخدمات قسم المنح
حنا طلبتنا تاع سطيف داوها عادي
بالتوفيق ليك
واي سوال عندك تفضلي بيه راني هنا للاجابة

يعني عندي الحق في منحة جانفي ............ ما نظنش نقدم شكوى .......... اصلا خةيا في عامو الاول و اقاربي في عامهم الاول مامدولهومش منحة جانفي ممكن داوها ليهم .......... نقولك كيفاش نسقسي نائب رئيس الجامعة في الانترنت هو يرجعلي لخبر اذا كان تأخير دفع منحة جانفي متعمد و لا بدون قصد.....يعطيك الصحة اختي نبهتيني لحاجة مش علبالي بيها اصلا..صح فطورك .... و صح عيدك ( ان شاء الله نكون اول وحدة تقولك صحا عيدك لاني علبالي الكونكسيون اخر يوم في رمضان و اول ايام العيد تكون بطيييييييييييئة و لا مكانش اصلا )

[سطايفية بكل فخر]

لا نحن في سطيف ديناها كاملة ومكملة 16000دج للعام
وعندي صحبتي ممدوهالهاش دارت شكوى وجابتها
=
بالتوفيق ليك وصح عيدك غاليتي

[.صفاء.]

راني نكتب في الايميل درك للاستاذ نائب رئيس الجامعة ....... و ان شاء الله يكونكتي في جوجل بلس باش نسفسيه و يردلي بسرعة.......الحمد لله هو دايما يجاوب على اسئلتي و اسئلة الطلبة الاخرين ليس كبقية موظفي الجامعة عندهم ايميلات شكلا و مايردوش خلاص

[hip600]

شكرا لكم افدتمونا كثيرا

[جمعي البشاري]

سلام عليكم
اختي هل تدرسين تخصص علوما المادة ؟؟
واي سنة ؟؟