القريوش يتعرك او يتلم فقط

[بسملة توحيد]

:dj_17:السلام عليكم اخت ام رامي والاخوات في المنتدى أرجو ان تجيبوني على سؤالي عن القريوش وهو عن العجينة هل نعركها ونعجنها قليلا ام تلم فقط
اذا كانت تلم فقط فكيف تكون متماسكة ولا تتمزق عند التشكيل
شكرا مسبقا :confused:

[ام عصام]

بالنسبة ليا نا نعجنها مليح مليح بدون منقطعها ونتحصل على قريوش هيايل واسر الكل في اللعجين حتى تولي العجينة رطبة

[youdissa]

lala okhti mayta3janch jamis dirih ou tkhlih yartah felfrjidar bach zebda tched roha mlih wahd sa3a wala2 kedma khlitih mlih trayah la3jina basah mt3rkich tekhroj lakhmira meno ida tashki lwasfa golili nmadlek haja mbnina ki lapate elmwerka yandar

[بسملة توحيد]

ايه ماذا بيك تعطيني الوصفة شكرا لك أختي

[lidouch]

شوفي قريوش ام كوثر راني مجرباتو هايل

[بسملة توحيد]

أين انتن؟ حرت 2 أراء متناقضة

[شمس 15]

شوفي ختي دخلت نشوف وش راكم دايرين فيها مقدرتش نخرج بلاما نفيدك.
أنا لقريوش ديالي نلمو مليح غير بيديا بلاما ندلك لخطرش إذا دلكتيه تروحلو لبساسة و لهشاشة و الخفة ديالو و خليه يرتاح بعدما تلميه باش كي تفتحيح يسهل و ما يوليش يتكمش و خدميه و قليه.نتمنى راني أفدتك

[بسملة توحيد]

شوفي قريوش ام كوثر راني مجرباتو هايل
الله يحفظك اعطيني الرابط

[أم أسرار]

الله يحفظك اعطيني الرابط



الدرس السادس عشر

القريوش

http://www.djelfa.info/vb/showthread.php?t=844922

تفضلي اختي الرابط بلا ما تتحيري و ربي يعونك و بالتوفيق لا تنسينا من خير الدعاء

[تهاليل]

أختي كتبي في قوقل قريوش حورية المطبخ وبالصور هي توضحلك ويلا حيتي الوصفة اكتبي وصفة القريوش وتلقاي موقع فتافيت حاطهالك وأي شيء راني هنا

[بسملة توحيد]

شكرا لكم بارك الله فيكم

[أمينة لبؤة الجزائر]

مشكورة ............

[مليكة01]

السلام عليكم

القريوش ما يدلكش يتلم وكلما كان مبسس يكون مليح

الفرينة ما تكثريش باش ما تجيكش يابسة قد ما تتلم

و اذا كنت تخدمي بالرولو يعني باليد العجينة الي تفتحيها كلها شكليها ما ترجعيش البقايا تفسد العجينة
يعني اصنعي مربع كبير او مستطيل و قطعيه بالتساوي اللي يبقى من العجين ثاني شكليه

هذه نصيحة واحدة تخدم القريوشة روعة قد ما تاكلي ما تشبعي ما صبيش المقادير ضيعتهم

ادعولها بالشفاء لانها مريضة

[ام عصام]

شوفي ختى غير انا لقلت يتجن نعيطك المقادير والله متندمي جربي وشوفي وادا مخرجلكيش مليح نتحمل قولي واش تحبي

جيبي كيل نتاع 250مل يعني نتاع ربع لتر

وكيلي بيع 4 كيلات فرينة لازم تكون نوعية مليحة

ودري كيلة نتاع زبدة التوريق دايبة وباردة

رشة ملح مليحة

حبة بيض
كاس تاي نتاع الخل

مغرف ماكلة خمرة خبز
في ؤقصعة نحط الفرينة والزبدة الدابة والملح ونخمدم مليح مليح نمرحها مليح مليح منبعد نخلط حبة البيض مع الخل نحط مع الفرينة ونزيسد

لخميرة نتاع الخبز ونلم بماء الزهر ونعجنو مليح بى منقطع لعجينة

بالنسبة للخدة انا نخدمو بماشينة البقلاوة نحل في رقم اخشن من نتاع البقلاوة بنمرو منبعد نقص بالجرارة ونظفر

منقليش حتى نكمل العجينة لعندي منيعد نقلي في كمية زيت مليحة


جربي ورديلي لخير على فكرة راني نخدم فيه للمناسبا ت وللعراس

[mordia]

شوفي ختى غير انا لقلت يتجن نعيطك المقادير والله متندمي جربي وشوفي وادا مخرجلكيش مليح نتحمل قولي واش تحبي

جيبي كيل نتاع 250مل يعني نتاع ربع لتر

وكيلي بيع 4 كيلات فرينة لازم تكون نوعية مليحة

ودري كيلة نتاع زبدة التوريق دايبة وباردة

رشة ملح مليحة

حبة بيض
كاس تاي نتاع الخل

مغرف ماكلة خمرة خبز
في ؤقصعة نحط الفرينة والزبدة الدابة والملح ونخمدم مليح مليح نمرحها مليح مليح منبعد نخلط حبة البيض مع الخل نحط مع الفرينة ونزيسد

لخميرة نتاع الخبز ونلم بماء الزهر ونعجنو مليح بى منقطع لعجينة

بالنسبة للخدة انا نخدمو بماشينة البقلاوة نحل في رقم اخشن من نتاع البقلاوة بنمرو منبعد نقص بالجرارة ونظفر

منقليش حتى نكمل العجينة لعندي منيعد نقلي في كمية زيت مليحة


جربي ورديلي لخير على فكرة راني نخدم فيه للمناسبا ت وللعراس
تغطسيه في العسل مباشرة ولا حتى يبرد؟؟؟؟؟

[بسملة توحيد]

رجاء واش هو اسم زبدة التوريق

[hano10]

لالا ختي ننصحك ماتعجنيش القريوش لميها غير بيدك

[ام عصام]

كيما تحبي في عسل مباشرة ولا حتى تكملي وعسليه مع درك الحالة سخونة من الافضل حتى تكملي وعسلي خير

كون جى الشتى معليش

[rafik-12]

مايتعجنش غير يتلم وخليه مدة يرتاح