مشكلتي

[مشكلتي]

السلام عليكم
اخواني هدي اول مرة اكتب موضوع هنا لحاجتي الماسة لكم

اختكم والله على شافة الانهيار كل وش خططتلو نهار امام عيني وانا نخزر ونتفرج ومش قادرة نخدم اي حاجة

راجل لحبيتو وبنيت مستقبلي كلو معاه ماما رفضاتو قطعااااا وقلتلي نتحداك غير هو لمتديهش لانو مش من ولايتي

انا من ولاية وهو من ولاية اخرى
رايحة نهبل ومش مصدقة واش راهو يصرى حاسة روحي قادرة نخدم فروحي اي حاجة

ياربي مغفرتك عارفة رني غلطت ودرت حجات مش ملاح

لكن منستهلش انو ربي يفضحني والله منستهل

صوري معاه شافتهم اني عارفة ربما تقولو تستاهلي لكن والله تبت
وربي عالم استغفر الله

دعولي بالفرج :(

[انتي بلون الورد]

ربي يفرج همك اختي ادعي في هذه الليالي المباركة

[نصر الدين 17]

ربي يفرج همك وهمومنا وهموم جميع المسلمين ياااااااااااااااااااااااااااارب

[أحلام87]

أختي نقولك كلمة وحدة
وعسى أن تحب شيئا وهو شر لكم
وعسى أن تكره شيئا ويجعل الله فيه خيرا كثيرا

[مريم الصابرة]

السلام عليكم اختي
اولا ما فهمتش يماك رفضاتو عل جال شافت تصاورك معاه او لانو من واي اخرى
المهم في كلتا الحالتين إنت لازم العلاقة هذي تحبس وحاولي مع امك يعني الام حنينة شوفي اختك او أي كان يحكي معاها ويحاول يقنعها وهذي نتاع من ولاية وهو من ولاية ماكانش منها خلاص لو يصلو يعرفو ربي طلب الزواج من اللي على خلق ودين ماشي على جنسيتو
المهم اختي هذي امك مهما قاتلك هو يروح يجوك عشرة منو لكن امك وحدة ومن بعد تندمي عليها بزاف حاولي معاها وندعو ربي يهديها توبي لربي وإدعيلو الليلة مليحة ليلة لقدر وصحا عيدك موفقة

[منهاج]

السلام عليكم ....................مبارك عليكم الشهر

ربي يفرج بالخير

[الهام علي]

ربي يفرج همك اختي ويسترك ولا يفضحك

[amran6688]

اختي الكريمة

الزواج من خارج الولاية فيه بعض السلبيات التي ربما فكرت فيها امك

انت الان تفكرين بعاطفتك وامك تفكر حسب الواقع بالعقل

امك تفكر في مصلحتك وانت تفكرين في احلامك التي قد تتحقق او لا تتحقق

انت من تتحمل المسؤولية لانك انت التي اخترت وليس والديك لو وجدت عكس ماكنت

تنتضرين



امك تريدك ان تكوني قريبة منها وتحت مراقبتها وانت لا يهمك الامر وكأن الزوج اهم من والديك


لو حدث لك مشكلة او مرض وانت بعيدة عن والديك انت من وحدك من يواجه ذلك

اولادك سيحرمون من نصف العائلة فلايجدون جد اي ابيك ولاجدة اي امك ولاخال ولاخالة فالكل يعيش في ولاية اخرى

ستصبحين تعيشين مع طباع وتقاليد وعقليلت اخرى ربما لا تنسجمين معها وهنا الكارثة

وقد يوجد ايجابيات ولكن هذه السلبيات التي راها اخوك والتي ربما فكرت فيها امك الفاضة

الله اعلم

[« أبْجَدِيَّاتْ »]

وَ عَليكِ السَّلاَم و الرَّحمة..

يسَّرَ اللهُ أمرَكِ ، وَ فرَّجَ هَمَّكِ ، وَ أزاحَ كَربكِ ، وَ أذهبَ غَمَّكِ ، وَ ربَطَ علىَ قلبِكِ اِن شَاءَ . أختي في الله ، نَصيحَتي إليكِ ألاَّ تُحدِّثي أُمَّكِ مُجدَّدًا عَن هذَا الرَّجُل حَتىَّ يأتي إلىَ خِطبَتِكِ و يتكلَّمَ معَ والِدَتِكِ ، ويُحَاوِل إقناعَهَا ، فهذَا دورُهُ لاَ دورُكِ ، ومَا علىَ الفتَاة سِوَى القُبُول أو الرَّفض . فلاَ تُغضِبيهَا ثانيةً بل كُوني ليِّنَةً معهَا . أمُّكِ رفَضتهُ لأنَّها تخَافُ عليكِ مِنه ، وتخشىَ أن يَكُون كمَا كثيرٍ منَ الرّجَال يتلاَعَبُ بكِ.. و رُبَّمَا كَان ظنُّهَا صَائِبًا . و رُبَّمَا أرادَ اللهُ لِوالِدَتِكِ أن تَعلم ما كانَ بينَكُما حتىَّ تُحذِّرَكِ منه . صَليِّ و استَخيري يَا أختي مرَّاتٍ عِدَّة ..
فَمَا خابَ مَن استَخَار..

[Floona]

متغلطيش وتتحدايهم وتقوليلهم هو ولا مكانش

أختي تزوجت قوة على دارنا كيم حكايتك كون تهدر كلمة ولا تشكي من زوجها

ولا أمه يقلولها شح فيك قلنالك متزوجيش بيه وإنت لي درتيها بيدك راهي مسكينة

كلش في قلبها وأنا تعلمت حاجة ماشي على جال راجل نخسر فاميلتي المشاكل فيها فيها

على الأقل نلقا مالية يوقفو معايا

وإنت دبري راسك

[أَحمــد]

السلام عليكم

لكن منستهلش انو ربي يفضحني والله منستهل




وعليكم السلام ورحمة الله

عبارتك هذه فيها اعتراض وتسخط على قدر الله عز وجل

ما يظنه الإنسان القاصر في فهمه وإدراكه أن الخير له هو في كذا أو كذا خطأ ، وقصور ، يتناسب مع طبيعة الإنسان القاصرة ، فقد يكون

الخير في نزع تلك الأشياء منه ، كما قد يكون بعض الشر خيراً له ، فيكون بذلك يعترض على قدر الله وحكمته ، ويسعى لما فيه وهلاكه .

والله أعلى وأعلم

[سجل أنا جزائري]

سمعت بزاف من القصص هذي لكن للأسف كثير لا يعتبرن و لا يفقن الا لما يوصولو طريق لمسدود

ربي يفرج علييك اختي

[YARMORACEN]

1- يماك علاش ما راهش حابتك تتزوجي بيه ؟
2- تحبي هدا الإنسان ؟ يحبك هو تاني ؟ تأكدي أولا ، الحب ما راهش مجرد كلام ، راها تضحية ، لزمك تختابري .
3- إدا كان يحبك و متأكدة أنو راح يتزوجك ، أتزوجيه ، و يماك مارهش تفوتك مهما يكون .
4- لو كان ما تتزوجيهش ، ممكن تتزوجي غيره ، و ممكن تبقي طول حياتك تفكري في الأول ، و هدي خيانة ، و هدا لكلام قوليه ليماك .

[مبروكة الصحراء]

توسلي لها و سلميلها على رجليها الأم حنينة نورمالمو
ربي يفرج همك و يجمعكم في الحلال

[صالح القسنطيني]

ما علمت أحدا تزوج من خارج ولايته و لم يجد صعوبة و مشكلات بعد ذلك

و خاصة عند الصف الذي يعتبر الزواج لة فمجرد الانقضاض عليها يطرق القلب المشكلات

[محفوظ البسكري]

ربي يفرج همك ويصلح والدتك ويغفر لكما