عاونوني كرهت حياتي

[مشكلتي]

السلام عليكم

خطيبي قريب خلاني علجال سوء فهم

بدأت المشكلة عندما درت لكود لبورطابلي و مبعد غلقتو في الليل ، درت الكود باش توصلني رسائل الي يكلموني ، المهم رحت رقدت و في الصباح شعلتوا و فاجئني خطيبي عندما قالي راكي البارح كنتي تحكي في البورطابل على 3 تع الصباح قالي راني لقيتو
occupi

حلفتلوا بربي راهو كان مقفول مصدقنيش و مبعد راح سقسى في جازي و قالي راني تأكدت بلي كنتي تحكي جابلي معلومات غالطة شحال عندي لكريدي و غيرها و جابلي ارقام صحباتي و قالي هاهو النيمرو الي كنتي تحكي معاه

قوتلوهذا نيمرو صحبتي مصدقنيش و مبعد كلمها و تأكد راهي طفلة

طلب مني السماح و قالي راني بهدلتك مع صحبتك سامحيني بصح قالي اعترفي راكي كنت تهدري
و لحد الان راهو مكذبني ، حاولت نقنعوا بكل الطرق ما نجحتش
قالي انساي الموضوع و ما تزيديش تفكريني فيه

بصح انا ماقدرتش ننساه نحوس نثبتلوا راني ما كنتش نهدر ماعرفتش كيفاش وكل ما نجبدلو السيرة يقولي راني ماصدقتكش بصح ماتجبديش الموضوع

مع العلم انو جامي دارلي كيما هك و زيد يموت علي قالي كون ما جيتيش عزيزة علي راني خليتك على الكذب نتاعك

عونوني كيفاش نثبتلوا باش ما تبقاش نقطة كحلة بيني و بينو

[آلاء النايلية]

انت مغلطتيش وعلاه حتان تثبتيلو
قوليلو اذا مش متأكد مني علاه خطبتني
نصيحه متولفيهش بهاذ العقلية من ضرك
بينيلو بللي راكي زعفانة ياسر من الشك تاعوو اللقطة لي دارها تاع كي راح لجيزي و جاب النيمرو و... راكي عارفة كيفاه تهدري معاه
المهم ..... تبدا منو صغير هاك و بشوش تكبر و توللي في مشاكل اخرى و توللي تضلي تبريلو في كل تصرف
مقلتلكش كبريها بيناتكم ... بالصح اعفي كيفاه تحسسيه بللي غلط معاك بهاذ الشك و يندم عليه

[شوق الجنة]

يا اختى لا داعى لترهنى له ذلك ما دام انك نيتك صافة وواثقة من نفسك لا داعى لذلك والايام وحدها ستثبت له ذلك ان الله معك

[لؤي02]

أختي كيفاه جاب الرقم من عند جازي مع أنه صعب الحصول على مثل هذه البيانات ؟؟؟؟

إن أحببت ردي بعضوية مشكلتي لأن لي صديق يعمل في الشركة نفسها و ممكن نستخرج من اعطاه تلك المعلومات المغلوطة على حسب قولك...

[nasser26]

أسمحيلي مي هذا راه يا اما موسوس يا اما كشما راه يدور في بالو

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[YARMORACEN]

1- ما بغاش يعترف بلي غلط ، و ما بغاش يطلب السماح منك ، دجيه كلي طيح بروحه ( عادة دكورية ) ، لهدا ما سقاش تحاولي تثبتي أي حاجة

2- هدا الإنسان ما يحبكش .

[Floona]

هذه العقلية لي نكرها أنا تاني تصرالي كيم نقفلو وندير الكود هداك يقولولي راكي أوكبي
متسكتيلوش وش معناتها راح شاف مع من كنت تهدري أنا نفهمها مكانش ثقة خلاص
نورمالمو قلتيلو مهدرتش ودرت الكود تخلاص الحكاية
لازم تبينيلو بلي راكي زعفانة
مالا نهار تروحي لدارو يولي ميصدقش كون تقوليلو حاجة

كيم قتلك متسكتيش ماتقوليش حاجة تافهة

بصح ربي معاك باين موسوس

[محمد جديدي التبسي]

ما توسوسيش روحك أنت أدرى بنفسك وأخلاقك فلا تتأثري بمن يتهمك بالباطل ما دمت لم تعمليه
وعل كل تحملي نتيجة اختيارك وهذا عيب في زوجك فعليك السعي إلى إصلاحه وكسب ثقته الكاملة في شخصك
وربي يوفقكم لكل خير

[lilou f lilou a]

تحيا الكوووووود

[جلناار]

الزواج اساسه الثقة اذا ماكانتش ثقة راح كلش ....................

[وهيبة الجزائرية]

الثقة هي اساس العلاقات الزوجية......................................

[- بصمة خير -]

أختي

خطيبك عرف ان غالط في حقك و تاني عرف ان راه يشك فيك في الباطل

لهاذا راه يقولك ماتزيديش تجبدي الموضوع

و انت تجبدي فيه *_*

خلاص انساي

اغلبية الرجال هكذا

لا يتعذرون بطريقة مباشرة يعني مايقولوش اسف كما قال العضو -> yarmoracen

الاعتذار يكون بطريقة غير مباشرة و انت لازم تكوني ذكية و تفهمي

اني انساي خلاص

و ماتزيديش تجبدي الموضوع هذا و ماتحاولي تثبتي حتى شيء لانو علابالو انك ماهدرتيش في الليل

_____________

اما ان يوصل يروح لجازي باش يعرف اذا صح او لا ؟؟؟

الف علامة استعجاب

خمي مليح في علاقتك مع هذا الشخص

بالتوفيق

[amura8]

اه ختي ما نعر ف ادا دار الف طريقة وتحقق بالف وسيلة باين بلي شكاك بزاف وموسوس بزااااااااااااف وديري في بالك بلي مينساش منا لنوع لي يبقى يلملك في اخطائك وممبعد يفرغهم في وجهك
نتي قالك انسي انسي مي ادا صرا مشكل واحد لا قدر الله نوضي هدري على روحك قوليله غير كرامتي وشورفي االي منسمحلكش فيهم ادا قلت بلي مرانيش نحكي سي بون ؟ولا الثقة مكاينش دوكا؟؟؟؟؟في هدا الوقت يبقى كل واحد يساعف في لاخر ويمدله الوجه المليح ونتي مدارلكش هاكا ؟الور من تتزوجي بيه شتا يدير؟
اختي نعطيك نصيحة مدابيك تزيدي تحكي معاه كثر ماشي علىا لمشكل مي على حوايج وحدوخرين هكا تعرفي عقليته وكيفاش يليقلك تتعاملي معاه وااد تكملي معاه طريقك ولالا
اان كاين اللي نرعفهم ييلقاهم اوناتونت ماشي غير خطرة وماشي غير زوج شحال من خطرة وتالمو باغي يتزوج بيها يامن كدبة يكدب روحه وما يكدبهاش مالرغي فايق بيها

[moutassambba]

راكي غااااااااااااااااااااطلة مليار
من ضك هاو ماهوش مصدقك مالا كتزوجو كيفاه

[مبروكة الصحراء]

خمي في الزواج غدوة كيفاه ديري؟؟؟؟
ماتطمعيهش هاذ العقلية راني متأكدة بلي علابالو ما كنتي تحكي مع حتى واحد بصح كرانتو ماتخليهش يقولك راني غالط كي قالك سمحيلي ديجا دار حاجة
و تأكدي لوكان مازال راه شاك مايفوتهاش
ديري روحك زعفاااااااااااااااااااانة من شكو هذا لازم من ذرك ديري قيمة لروحك ما غلطتيش ما تخلصيش
ربي يطيب العشرة بيناتكم و يجمعكم في الحلال و السعادة

[صالح القسنطيني]

مدامك صادقة فتوكلي على ربك و خلي ذلك للأيام فهي كفيلة لبيان صلاحك

[aihemsara]

و الله غير ربي يهديكم
الاخت راهي تقولكم ساعدوني مش زيدو عليا
عيب نلقاو بعض الردود التحريضية لي تزيد في الطين بلة
الاخت راهي تقول اول مرة يديرلها هكا يعني اهيش حكاية عقلية و يوالف و و و و ,,,,
اختي 80% من الرجال يتوسوسو مرة على مرة وادا لقاو رواحهم غالطين ما يستعرفوش
لانو في الاخير الراجل يبقى راجل و تجيه بخصة يقولك عندك الحق راني امنتك
و انتي قلتيهي بفمك اول مرة يديرلك هكا و قال لوكان جيت نشك فيكي نخليك
يعني راهو متاكد انك ما درتي والو
انا لوكان في بلاستك ننسى الموضوع لانو اكيييييييييييد علابالو بروحو غلط
و ما تزعفي ما والو بالطريقة هادي راكي تفتحي في مجال للمشاكل في حاجة انا بصراحة نشوفها ماهيش كبيرة
بالعكس حاولي ماتدريش حاجة اخرى توسوسو يا لوكان صغيرة
المرة الجاية قبل ما تقفلي التيليفون قوليلو هكا احسن باش ما يصرا حتى سوء تفاهم
ربي يوفقكم اختي

[عذراء الجبل18]

سبحان الله
ربي يهديه
ربي يصبرك

[ريمة07]

ربي يهديه باين عليه يحبك و يغير عليك بزاف بصح موسوس

مادام طلب منك السماح يا اختي معناه راهو اعترف بغلطتوا خلاص سامحيه و انساي الموضوع

راهي الايام تثبتلوا بلي راهو غالط و هك يزيد يتمسك فيك اكثر و اكثر و ما يزيدش يشك فيك و لا يغلط في حقك

يا ختي ما تزيديش تديري الكود باش تتفداي المشاكل

و ربي يسعدكم ان شاء الله

[إيمان احمد]

مع كل احتراماتي مي هد الانسان معقد وموسوس و حياتك معاه راح تكون صعيبة وصل حتى راح جاب الارقام من جيزي خمي مليح قبل الارتباط الفعلي

[المشتاق لجنة النعيم]

السلام عليكم أختي الكريمة قرأت الردود الكثيرة لمشكلتك وأعتقد أن الكثير منهم مخطئ فهناك من يقول انه لا يحبك و هناك من يقول لا يثق بك عند الخطبة فما بالك بعد الزواج !!!!
أنا رأيي الصريح لا تأخذي بالردود على محمل الجد لأني حسب ما فهمت و كأنهم يقولون لكي افسخي خطبتك بهذا الشاب !!! أختي حاولي أن تفهمي شخصية خطيبك وكوني ذكية في تعاملك معه فيمكن أن ذلك يومه عصيبا و كان قلقا و أراد التحدث اليك فصادف أن هاتفك مغلق فأكيد سوف تزداد ثورة غضبه و يلعب الشيطان بعقله و أما بخصوص حصوله على أرقام ديقاتك من الوكالة فلا تضنيها شيء خارق للعادة فيمكن أن يكون له أصدقاء يعملون بتلك الوكالة فلا أسهل من الإستفسار لديهم و صحيح أنه أخطأ لكنه ربما لا يريد الإعتراف فقط كما قال لك أحد الإخوة مايحبش يطيح بروحو و أكرر هذا لا يعني أنه لا يريدك و لا يحبك
خلاصة قولي اجعلي التفاهم أساس علاقتكما وإياك أن تفعلي شيء تندمين عليه مستقبلا
و الله أعلم شكرااا

[بساوى]

الثيقة لازم بيناتكم ولا حياتكم تكون جحيم الزواج لازم يكون فيه الثيقة وانت في بداية حياتك يعني الثقة بح ولا شافها مصنايعو.

[‏ღمجنون غزةღ]

ربي يهديكم
انا راني نشوف راكم تزيدوا في الطين بله مش تعاونوا في المخلوقة

وحدة تقوللها موسوس وحدة ميحبكش وحدة ماشي هكدا ....... ربي يهديكم

هكدا امور تصرى ولازم الواحد يعرف كيفه يتصرف معاها

والمشكل الحمد الله تحل
وانت لازم تعرفي كيفاه تربحي راجلك مش كيما قالواا لي قبلي لالا ولازم تزيري وكذاوكذا
الراجل بطبعوا مشكاك منو من المراة

حطي روحك بلاصتوا وقوليلي وش راح ديري

وان شاء الله الامور كل تتحل
بالتوفيق اختي
ان شاء الله تزيد الثقة بيناتكم اختي وما يكون غير الخير

المرة الجاية قبل ما تقفلي التيليفون ولا ديري الكود كلميه وقوليلو

[amoros]

هذا يسموه لعب الذر وافكار مراهقين ماهيش تصرفات زوج رايحيين يتزوجو

[مومي23]

اختي انت نيتك صادقة اذا لم يصدقك في امر تافه كهذا فهل سيصدقك لو قال له شخص انه راك مع شاب
اكيد لا انصحك بالتفكير في هذه العلاقة فقد تجلب لك المتاعب مستقبلا

[hassan2011]

السفيه يحكي ما فيه
كون ماجاش هو يهدر مايشك فيك انت ويقول راهي تهدر

[nesma.sabah]

حاولي تاكديلو انك صادقة متخليهاش فيك