من يجيب...؟؟؟

[hassilakhdar]

السلام عليكم
عندي تساؤل يحيرني ولعلي اجد الاجابة عنه من مشاركاتكم
ان كل شاب مُقدم على الزواج اول خطوة له هي اختيار زوجة المستقبل.
فماهي المقاييس التي يجب توفرها في المرأة و في الرجل حسب مجتمعنا الحالي .
لأن توافق افكار الطرفين بالنسبة للزواج يساعد على بناء اسرة سعيدة ان شاء الله.
وكل شخص له رأيه طبعا .
افيدوني ؟؟؟
وبارك الله فيكم

[amura8]

السلام اولا تبانلي باش يتهنى كل واحد ادا عجباته اي وحدة شافها ولا في عرس يسقسي عليها ولا يقول لماه ادا تعرفها تسقسي عليها مليح تشوف كيفاش دايرة والبنت يلازم تكون متربية محترمة عندها شخصيتها مع االناس وعندها سمعة مليحة
اوما خدامة او لا كل واحد وشتا ينوي
اما المستوى الثقافي هداك ما يعرفهش حتى يخطب ويحكي معاها كاين الف وحدة قارية وما ترعفش تناقش ولاتححل وحدة قاعدة في الناس مي عندها شفافة في الاسلوب
مي عموما يدي وحدة تقاربه في المتوىالثقافي مليح باش تفهمه تمون خاصه مشاورة تعاونه ولا تفري ديك لحاجة روحها بلا متقوله فهميني ولا وريني
ويبقى مجرد راي

[sarl02]

واش من مقاييس ..والله غير تلفت يا اخي ...المهم الخيرة فيما اختاره الله وبالتوفيق للجميع.

[imyseb]

السلام عليكم .....
بالحديث عن الصفات التي يجب أن تتوفر في الفتاة للزواج و حبذا أن أجدها تتوفر في زوجة أخي هي :
أولها الدين و اليوم بالتطور الحاصل معظم البنات متدينات و الحمد لله معناها بكري كانوا وحدين ميعرفوش حتى يصلوا لكن اليوم الحمد لله راهو ماشي الحال , أما الأمر الأخر فهو أن تكون جميلة أي مقبولة فب الجمال صاحبة حسن فهذه عشرة عمر ان شاء الله , و عن الآخر فهو المستوى الثقافي فصعيب الحال واحد يتزوج وحدة سون نيفو يجب أن تكون الفتاة مثقفة فهي غذا مسؤولة عن تربية أولاد و تعليمهم و لا أظن الأمية قادرة على هذا و لا أقصد بالمستوى الثقافي أنها بالضرورة تكون متحصلة على شهادة جامعية و إنما أن تكون فاهمة كيما نقولوا عارفة الدنيا كيفاش راها تمشي .
الله يوفق جميع المقبلين على الزواج و يهنيهم .

[imyseb]

السلام عليكم .....
الأخت أميرة قالت الواحد يلزم يدي وحدة تقاربوا في المستوى الثقافي باش يتفاهموا .......
أنا لا ارى أن هذا صائب فمعظم المتزوجين من أناس يقاربونهم في المستوى و خاصة إذا كان عالي تجد عندهم مشاكل كبرى كيما نقولوا يصبح كل واحد شايف في روحوا و حاسب نفسوا الأفضل يلتقط في اخطاء الطرف الآخر و يعيبها .......
و الله أعلم

[قاتلة الصهاينة]

تنكح المرأة لأربع لدينها ومالها وحسبها وجمالها
فاظفر بذات الدين تربت يداك ولامانع من الجمال
اما الرجل بالنسبة لي يكون صاحب خلق ودين ومقبول شكلا

[djeriou]

الله المستعان

[OmarDz]

الله أعلم كل واحد و كيفاش
أنا أولا نثب على المستوى يكون عالي م المظهر يكون مقبول نوعا ما

[nounou2386]

المقاييس هي في راي خلق الحياء

[أم البشائر]

http://www.youtube.com/playlist?list=PL72770ADCB1A5CB4C

[amokrane_malik]

أولا لازم تعرف أنه لا وجود في الواقع للفتاة المثالية الموجودة في خيالك
ثانيا لن تأخذ الا اللي راهي كاتبهالك ربي
ثالثا البنات نوعين،، صالحة وطالحة,, الصح فيك انت اذا كنت تعرف كيف ترضي ربي في كليهما
رابعا لازم تكون واجد ماديا ومعنويا قبل ماتمد أي كلمة


الخطوات

شوف كاش رجل تعرفو مليح محترم عجباتك صفاته وأخلاقه عندو النيف وصلاته في المسجد وسمعة عائلته مليحة
سقسيه اذا عندو بنات للزواج اذا قالك نعم اتكل على الله وابعث داركم يشوفو بنتو والا اختو والا اللي يوريهالك
اذا عجبتهم روح اخطب وشوفها
اذا عجباتك و عجبتها وتفاهمتو على شروطكما خير البر عاجله

الوقت الازم مابين ما تهدر مع هذاك الرجل اللي تعرفو و الزواج يكون حسب ما تقتضيه الظروف

أي حاجة أخرى ما عدا ما سبق فهي وساوس من عمل الشيطان
لا بورتابل لا نت لا شفتها لاعجبتها لاضحكتلك لاغمزتلك لاتلاقيتو لاهبطتو لاطلعتو

هذا اذا كنت حاب ترضي مولاك تعيشو راجل ومرا
اذا حاجةأخرى ربي يسهل عليك واتحمل مسؤولية خيارك


واخيرا لازم تعرف أنو الطفلة أمانة واذا تعرف روحك ماشي تع أمانة وماتعرفش كيفاه تحافظ عليها غير اخطيك ,, غير ما في نفسك أو عش حصورا

[assia81]

كل واحد وكيفاش يشوف المراة لي تناسبو اما انا نحنو يكون مايسمعش ومايشوفش ومايهدرش هكى نكون اسعد وحدة في العالم

[سجل أنا جزائري]

تكوم ما حبت حتى واحد من قبلي هذا ما كان برك ....

علابالي شرط صعيب ذرك مي معليش خلينا نحلمو ,,,,

[امبراطورة الجزائر]

al3okliya............

[imyseb]

تكوم ما حبت حتى واحد من قبلي هذا ما كان برك ....

علابالي شرط صعيب ذرك مي معليش خلينا نحلمو ,,,,

السلام عليكم
ماهو لا شرط صعيب لا والو المشكل أنو لي محبت حتى واحد مزال و لا بعبارة اخى حنا لي محبيناش مزال مدابينا مهار لي نلهاو للموضوع و نكونوا قدوا نوجدوا واحد كيفنا مزال محبش .......
هل يوجد هذا ؟؟؟؟؟؟؟

[Onesta]

فاظفر بذات الدين

[سجل أنا جزائري]

السلام عليكم
ماهو لا شرط صعيب لا والو المشكل أنو لي محبت حتى واحد مزال و لا بعبارة اخى حنا لي محبيناش مزال مدابينا مهار لي نلهاو للموضوع و نكونوا قدوا نوجدوا واحد كيفنا مزال محبش .......
هل يوجد هذا ؟؟؟؟؟؟؟

بروبلام مش في راجل حب ولا لا بسكو هو كي يروح يخطب وحدة تسمى ما كاينة حتى وحدة في حياتو

مي الطفلة تقدر تكون حبت واحد او تكون مزال تحب واحد و تتزوج بوحدخر نورمال

[dotZero]

أولا تحترمني و تكون بنت ناس يعني كي نغيب ماتخونش
و ما تديرش 15 عشيق
و ثانيا تعتني بالوالدين الكريمين
ماشي "مانيش خدامة عندك" و الهدرة الزايدة

[redonne]

بعد الدين أفضل الحياء

[مومي23]

اول صفة هي الاخلاق ثم الاخلاق ثم الاخلاق

و التوافق الاجتماعي و الثقافي

[jirardo]

السلام عليكم
ماهو لا شرط صعيب لا والو المشكل أنو لي محبت حتى واحد مزال و لا بعبارة اخى حنا لي محبيناش مزال مدابينا مهار لي نلهاو للموضوع و نكونوا قدوا نوجدوا واحد كيفنا مزال محبش .......
هل يوجد هذا ؟؟؟؟؟؟؟
تلقاي أختي....؟