ارجوكم حبيت مقروض يذوب في الفم

[روسيا55]

حبيت نعمل مقروض للعيد هذا ودائما كنت كنعملو يجيني يابس شوية ...هذا العام حبيت استشارتكم باش تنصحوني بمقروض باهي يحمر الوجه وبارك الله فيكم

[ميهانيدار]

نصيحة اديها من عندي المقروض باش يجي هشيش بيتيه ليلة كاملة قبل ما تخدميه
ديري السميد وازبدة والزيت وخليهم يباتو في الصباح اخدميه

[منال100]

أنا حابة ندير مقروط الكوشة الخاص بسكان الشرق الجزائري اديروه بالتمر اجي روعة كتشوفيه شاد روحو كتاكليه جي يتزربع في الفم هاداك أنا نموت عليه وعندي بزاف ماكليتوش كينديرو مايجنيش هكذاك أنا حابة وحدة من ناس زمان جاوبني عليه وتقولي عالسر لفيه وشكرا

[ام خدوجة]

مقروض الشرق الجزائري
3كيلات سميد متوسط
1 كيلة سمن ذايب وبارد
** بسسي.مليح وحكيه بيديك مليح وبيتيه ولا حطيه يرتاح حتى 6سا
رشة ملح + ماء + ماء زهر
ماتعجنيش ..بلي شوي شوي عينك يا ميزانك
الحشوة
اعجني غرس منقي مرحي +قرفة+قرنفل ملعقة زيت
شكلي المقروض بالطابع أو النقاش

[nour inasse]

حنونة ديري كيلة و أقل من النصف سمن ب 3 كيلات سميد وشوي ملح وخليه ليلة كاملة

[ام هالة شهرزاد]

اختي باش يجي يدوب فالفم لازمها ترويه مليح بالزبدة والزيت وتاع الكوشة يجي يدوب فالفم احسن من تاع المقلاه

[rahil rahil]

انا نخدمو بنفس طريقة الاخت ام خدوجة بصح باش يجيك لونه شباب ديري ملعقة زبدة في زيت القلي

[روسيا55]

شكرا لكل خواتاتي لعزاز لكن يقولوا باش يجي هشيش انتاع الكوشة زيدولو كيلة فرينة لكيلتين سميد مانعرف الاخوات ممكن هذا؟؟؟؟؟؟؟؟؟؟؟؟؟؟؟؟؟

[روسيا55]

شكر لكل الاخوات شكرا خالصا وربي يعطيكم مي تتمنو ا خدمت المقروض وجاني هايللللللللل روعة بارك الله فيكم

[lilou 2010]

شكر لكل الاخوات شكرا خالصا وربي يعطيكم مي تتمنو ا خدمت المقروض وجاني هايللللللللل روعة بارك الله فيكم


besahtek wach men recette ista3malti

[ام هالة شهرزاد]

شكر لكل الاخوات شكرا خالصا وربي يعطيكم مي تتمنو ا خدمت المقروض وجاني هايللللللللل روعة بارك الله فيكم

بصحتك اختى تاكلوه بالصحة والراحة

[حفيدة جدها]

شكرا لكل خواتاتي لعزاز لكن يقولوا باش يجي هشيش انتاع الكوشة زيدولو كيلة فرينة لكيلتين سميد مانعرف الاخوات ممكن هذا؟؟؟؟؟؟؟؟؟؟؟؟؟؟؟؟؟

لالا يجيك معجن بالفرينة انا درته وماعجبهمش قالولي معجن بسباب الفرينة

[zokhrofa]

اختي على حسب شحال درتي الفرينة

انا درت 3 سميد متوسط + 1 سميد رقيق بزاف + نص فرينة

[Halouma20]

السلام عليكم رحمة الله تعالى وبركاته
انا هدا المقروط يجيني مليح و ناجح بادن الله ليوم درته موالفة نديره وهدي الوصفة من عند ماما والله يجيك شباب و مليح بزاف
المقادير :
3كيلات سميد (مولة )تقابلها كيلة سمن دايبة( و ننصحك بالمرجان مليح) و ديري نصف كيلة فرينة و نصف كيلة زيت .
تخليه يبات ليلة وتبغي تخدميه صباح ولا اي وقت .
مقادير الحشو:
تمر (حميرة)تنقيه وتفوريه
كبابة مطحونة
قرفة مطحونة
و هادو على حساب الدوق
و ديري شوية سمن و شوية زيت
بالنسبة للعجين تلميه بالماء و ماء الزهر
و يطيب فلفور بصح يشد منك الوقت يعني من الاحسن تخليه يطيب على هواه:19: في خاطره:19: ياش ما يجيكش معجن
ان شاء الله ينجح معاك
ادعيلي ننجح فالباك

[لجين وفاء]

مفروض الشرق كيما قالت لك الأخت بصح احنا نديرو الفرينة يعني زوج كيلات ونصف سميد متوسط والنصف كيلة الاخرى فرينة تولي عندك 3كيلات وديري كيلة سمن مخلطة سمن وزبدة لبال وهاد الكيلة تجي سايحة شوية تحكي السمن في السميد مليح وهزي شوية واعملي كرة وارميها في القرعة لكان تحلت راهو مخصوص بسوس ولكان قعدت لامة روحها راهو مليح زيدي الملح وبلي بالماء دافئ وماء زهر
حضري الحشو غرس وقرفة قرنفل مرحين وجلجلانية محمصة تمد ريحة للغرس تهبل إعجابهم مليح وبلي بالماء زهر طري الغرس مليح زيديلو سمن دايب باه ماييبسش في الطياب
ملاحظة لما تدوبي السمن والزبدة خليهم يبردو ماتصبيهمش على السميد وهو ما سخونين السميد يجيك قاند يعني يلبس
والسلام