مشكلتي و المسابقة

[مشكلتي]

السلام عيكم و رمضان كريم
منذ الاعلان عن المسابقة الخاصة بالأساتذة و أنا حزينة وخائفة من عدم النجاح ، و والديا راهم امقلقين اكتر عليا خاصة ابي ، أنا انقلكم اصح اصحباتي كنت نقرا خير نمهم ونجحوا و على هذا راهي غايضتني عمري بزاااااااااااااف و من جهة أخرى راني خايفة مننجحش و نبقى انا البونيشا انتاع دارنا للعلم خياتي كامل خدامين مرسمين غير انا مرة نخدم مرة لالا و نبقى وحدي في الدار لازم نخدم كل حاجة تقول ما قريت ماشفت ، المهم اليوم كي رحت انجوز اتلاقيت مع صحابتي ولا وحدا فيهم خايفة باسكو كامل اتزوجوا، وحدا اتقولك عادي اذا منجحتش نقعد انربي و لادي و الأخرى اتقولك عادي راني في دار راجلي و انا واش انقول؟؟؟؟؟؟؟؟ المهم النتيجة تظهر هذا الأسبوع و الله ربي لي عالم بيا مراني حابا نتكلم حتى مع واحد ، الهاتف انتاعي هذي مدة ملي غلقتوا ، عايلتي مرانيش حابة نتكلم معاهم راني حابا انروح نسكن وحدي في قمة الجبل وين منشوف حتى واحد ، راه غايضني بابا بزاف لي راه متقلق من جهتي مي انا اعلاش رحت للمسابقة سقساني واش من سنة اتخرجتي برك معندي علاه الوم روحي مي الله غالب
يارب فرج عليا ، يارب انك تعلم الجهر و ما يخفى يارب اجعلني من الناجحين سبحانك لا اله الا انت اني كنت من الضالمين

[aissam .3820]

ربي يوفقك ويرزقك زوج صالح اختي....




...

[حسن 91]

وعليكم السلام ورحمة الله وبركاته
نسأل الله لك التوزفيق والسداد في الدنيا والآخرة وان يرزقك الله الزوج الصالح
فقط اختاه كتذكير لي ولك ولجميع الاخوة والاخوات
يقول الله عزوجل في كتابه الكريم: {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
لذا مهما كانت النتائج والمجريات فلا تيئسي اختاه فالله تعالى لا يضيع اجر المومنين
فالحل هو الصبر فقط ومهما طال الامد فلا بد ان يأتي الفرج من الله عزوجل وحينها نندم كلنا على الاوقات التي لم نصبر فيها
وفقكم الله

[sunny8]

ربي ينجحك اختي إن شاء الله و يرزقك الزوج الصالح

[مبروكة الصحراء]

ربي ينجحك إن شاء الله و يزوجك بسيد الرجال
و ما تقلقي روحك ما والو كلش بالمكتوب مانقدروش حنا نعرفو خير من ربي سبحانو عليم قادر و لي فيها الخير يجيبهالك ربي

[j.p.sarter]

ان شاء الله ربي انجحك .

[نيل المنى]

ان مع العسر يسرا،ان مع العسر يسرا
تصوري أختي العزيزة ،لقد بقيت سبع سنوات بدون عمل و أخواتي كامل يعملن و طبعا كما تقولين وليت البونيشة تاع دارنا ...بالصح ماشي خسارة فيهم فقد تعلمت أمورا كثيرة.
و اليوم -و بفضل من ربي- أشغل منصبا لم تكن أحدى أخواتي أو حتى صديقاتي "المتزوجات" يحلمن به و لله الحمد .
يا أختي الصبر مفتاح الفرج ليس من قبيل التخفيف عنك و لكن عن تجربة شخصية.
ان شاء الله ما تطوليش و يجيك رزقك الذي كتبه الله لك.
و ربي يفرحك.
صح فطورك و ما تتقلقيش بزاف بزاف....تقلقي بالصح غير شوية.

[بنت الحجاج]

أنا اليوم فوت هذي المسابقة

و السؤال كانْ

واشي هي المواصفاتْ اللي تاهل شخص يكون أستاذْ

و كانتْ على لساني كلمة و حدة ((( المعريفة يا عمي المعريفة ))

لعنت الشيطان و حكمت فمي ،،،


على كل كنت حابة نقولكْ

التوفيق من عند ربيٍ

[ندرومة49]

أنا سجلت ومارحتش نفوت في الشفاهي

ومانيش معمر راسي

والخدمة مش هي الكل

المهم تكوني نعم المرأة في البيت

ومكتوبك جاي

ربي يفتح عليك

[دكتورة بإذن الله]

السلام عليكم و رحمة الله و بركاته
اختي الكريمة ...ماتعمريش راسك بهدرت لبنات نصها غير زوخ في زوخ
أنت كذلك راكي خير منهم ..فانظري للكاس المملوء في حياتك
و احمدي ربي انه لك شهادة و لك عائلة وتتمتعين بالصحة و العافية .....الخ
و بخصوص المسابقات المهم هو السعي و توكلي على الله و لاتيأسي..
و بخصوص الزواج راه مكتوب فلا تتحيري
و كل شيئ بقدر ..و مرحبا بلي جابها ربي
وربي يفرج عليك و علينا و يفتح عليك و علينا

[أم البشائر]

يا اختي لعزيزه

ةوالله حاسه بيك ولكن

ما عجبتنيش طريقه سردك لشكواك
نحن في شهر رمضان

وتشكين الرحيم الى الذي لا يرحم

حبيت نسقسيك برك

واش دارو اللي خدمو؟

واش دارو اللي تزوجو؟

هل ضمنو الجنة ؟

كل رانا عايشين والسعيد فينا من يرضى باختيار الله له

ساحكي لك قصه حدثت البارحه فقط لعلك تعتبري

في سنة 98 درسني استاذ ماشاء الله


ثم كتب الله ان ادرس معه بنفس الثانويه

لا تتصورين مدى الحب والاحترام الذي اكنه له بل والجميع

البارحه فقط


هل تعلمين ما حدث؟

البارحه فقط حاب يخرج السياره يدي باباه للتراويح

السياره هاذي واضعها في بيتهم

خلفها يجلسو يقصرو العائله

رجع بالسياره الى الخلف وهو لا يدري من يجلس هناك

ضرب امه وابنته وابن اخيه

شاءت الاقدار ان تصاب امه بنزيف وتموت

تصوري

الرجل يفوق سنه الاربعين لم ينشغل بابنته التي اصيبت

وانما بامه التي ماتت

حملوه مغمى عليه من المقبره

افطروه لانه اصيب بانخفاض شديد في نسبه السكري

برايك ماذا يقول؟

لو فكر بالعقل البشري

يندم على شراء السياره ووو


حبيت نوصلك الفكره

لا تطلبي من الله الوظيفه

وانما قولي ان كان فيها خير لي

فكم تغيس بوظيفته

وكم تعيسه بزواجها

وكم تعيس باولاده


كل نعمة ان لم يكن معها توفيق الله صارت نقمة

وكل منحه صارت محنه

واضيف لك اخيه

ليس عطاء الله اكراما ولا منعه حرمانا وانما عطاؤه ابتلاؤ ومنعه دواء

ابقي متصله بالخالق وارفعي راسك لانه لن يقدر لك سوى الخير

وان ابتلاك فاصبري ولا تتضمري

وتاكدي ان السعاده ليست حمع مال او وظائف وانما هي الانس بالله

هي جنة الدنيا من لم يدخلها لن يدخل جنه الاخره
وهي الانس بالله

الدرجه الثالثه والثمانين من مدارج السالكين

رزقنا الله واياك هاته المنزله وهوني عليك ما بك

ورزقك لن تموتي حتى تستوفيه كاملا فلا تستعجلي

تحيتي

[حبيبة عادل]

يا رب يفرج عليك ان شاء الله
ما تقلقيش هدا رزق و ربي هو الرزاق
ما تخميش صحباتك واش داروا و كيفاش راهم بالاك كاين اللي مغبونة بزااااااف و اكثرمنك
ادعي ربي وان شاء الله ما يكون غير الخير

[أم البشائر]

أنا اليوم فوت هذي المسابقة

و السؤال كانْ

واشي هي المواصفاتْ اللي تاهل شخص يكون أستاذْ

و كانتْ على لساني كلمة و حدة ((( المعريفة يا عمي المعريفة ))

لعنت الشيطان و حكمت فمي ،،،


على كل كنت حابة نقولكْ

التوفيق من عند ربيٍ

بالنسبه للامتحان الشفهي او المقابله

هناك بعض المعلومات التي يجب ان يعرفها الممتحن


وقد طالعتها قبل اجتيازي للمسابقه فيها على الاكثر عشر اوراق

وهي تبين الكثير من النقاط التي نغفل عنها

وقد وجدت في هذا الرابط جزءا

[اريج06]

ربي يفرج عليك اختي وتنجحي وتفرحي باباك.الرزق بيد ربي واللي كاتبة راهي تلحق

[يوسف الحق]

الحمد لله على النعم التي أنتي فيها ...هناك من الناس من هو مقعد في كرسي لا يتحرك حتى يحملوه و يقضي حاجته أكرمكم الله فيما حتما تطلبين ربك الايضعك في دلك الموضع...هناك من الناس من لا يستطيع حتى أن يأكل يرى كل مالد و طاب امام عينه و لا يستطيع ان يأكل حتى أمور بسيطة ...هناك من هو في المستشفيات من سرير لأخر ماعرف له الحكيم من دواء و هناك الكثير مما فضلك الله به عن سواك فأحمدي الله صبحا و عشيا فكل ما دون دلك هين هين هين ....
الحمد لله على نعم الله ---- كتبها أخي الصغير عبد الرزاق الدي مات بمرض لم نعرف له دواء في سن 15رحمه الله كتبها في البروفايل الخاص به في احد المنتديالت فأقولها بدوري و أتمنى أن تردديها و تؤمني بأن ربي محيط بكل امر ....تحياتي أختي

[rozy911]

حتى أنا صرا فيا العجب اليوم ...

لكن الشكوى لغير الله مدلة

واللي كاتبها ربي تصرا ..اصبري واكثري من الدعاء

[soumia24]

ربي يفتح عليك اختي ربي كبير ميضيعش ادعي برك قسمك او مايديهولك حد

[سفير الأيام]

أظن انني معتاد على نبرة هاته الكلمات

لكن اللي نجم نقوووووولهم لك صبري هادي غير خدمة ما تحصيش ربي يكتبلك الزوج الصالح ويهنيك منها تولي تهتمي بوليداتك
وتربيهم تربية صالحة

وعرفي مادااام نيتك زينة ربي يفتح عليك البيبان كامل تعدبنا بصح الحمد لله غير هاداك الدوورووو ولا نحكموووا الحيطان

ربي جعلنا فيهم البركة

تنجحي بصح عرضينا

[Floona]

إن شاء الله يرزق الزوج الصالح لي ميخليكش تحتاجي للخدمة
ولا تنسي أن كل شيء بقدر
أحفظي القرأن وإبداي بالسور الصغار صدقيني سيملأ عليك حياتك وعقلك وقلبك
روحي للمسجد يوم الجمعة وإسألي عن حلقات التجويد والحفظ
ألا تعلمين أن الفراغ قــــــــــــــــــاتل

[soso sirin]

واش نقلك اختي ربي يرزقك براجل يكون صالح و هكا تتهناي كامل من تكسار الراس حتا من تكسار الراس تاع الخدمة

[zaki dk]

السلام عيكم و رمضان كريم
منذ الاعلان عن المسابقة الخاصة بالأساتذة و أنا حزينة وخائفة من عدم النجاح ، و والديا راهم امقلقين اكتر عليا خاصة ابي ، أنا انقلكم اصح اصحباتي كنت نقرا خير نمهم ونجحوا و على هذا راهي غايضتني عمري بزاااااااااااااف و من جهة أخرى راني خايفة مننجحش و نبقى انا البونيشا انتاع دارنا للعلم خياتي كامل خدامين مرسمين غير انا مرة نخدم مرة لالا و نبقى وحدي في الدار لازم نخدم كل حاجة تقول ما قريت ماشفت ، المهم اليوم كي رحت انجوز اتلاقيت مع صحابتي ولا وحدا فيهم خايفة باسكو كامل اتزوجوا، وحدا اتقولك عادي اذا منجحتش نقعد انربي و لادي و الأخرى اتقولك عادي راني في دار راجلي و انا واش انقول؟؟؟؟؟؟؟؟ المهم النتيجة تظهر هذا الأسبوع و الله ربي لي عالم بيا مراني حابا نتكلم حتى مع واحد ، الهاتف انتاعي هذي مدة ملي غلقتوا ، عايلتي مرانيش حابة نتكلم معاهم راني حابا انروح نسكن وحدي في قمة الجبل وين منشوف حتى واحد ، راه غايضني بابا بزاف لي راه متقلق من جهتي مي انا اعلاش رحت للمسابقة سقساني واش من سنة اتخرجتي برك معندي علاه الوم روحي مي الله غالب
يارب فرج عليا ، يارب انك تعلم الجهر و ما يخفى يارب اجعلني من الناجحين سبحانك لا اله الا انت اني كنت من الضالمين
ربي ينجحك إن شاء الله و يزوجك بسيد الرجال ما تقلقيش روحك يا ختي فأنا ايضا لدي عامين بدون عمل حتى لانام وما صحتليش مع اني رجل يعني لازم نكون روحي دار وزواج وطوموبيل ....الخ كما لي اخت تخرجت منذ 14 سنة وبدون عمل لكنها لم تفقد الأمل وأعادت البكلوريا وراهي تقرا من دورا وجديد ومعولة عل الماجور المهم هو الارادة فما اكتملت الحياة لاحد فكلنا محروم من شيء ما فالفطن من يسر عليه المفقود واهتم بالموجود واخيرا اسال اللله العلي العزيز القدير ان يرزقك عملا قارا وزوجا بارا وان يجعلك لمحمد ص في الجنة جارا(هذا قدري فعلي التسليم به وكفى بري شهيدا) .صح فطورك ختي .سلام

[نصر الدين 17]

ديري ربي سبحانو في باك وادعيه واصبري واداشاف فيها ربي خير راهو يرزفك بخدمة تكون حلالا وبالزوج الصالح ان شاء الله اما ادا شاف فيها شر نطلبوا ربي سبحانو يبعدها عليك وربي يوفقك ويوفق جميع المتسابقين على حد سواء ان شاء الله

[مريم الصابرة]

السلام عليكم اختي
اولا إسمحيلي نقولك كاين نقاط راكي غالطو فيهم إن شاء الله تنجحي ويقبلوك وتخدمي
لكن اختي إذا ما خدمتيه ما راهيش نهاية الدنيا يعني ما راكيشبونيشة في داركم على العكس تخدمي في اهل وهذا واجب عليك صح الفراغ وخاصة ما راكيش متزوجة لكن اختي شوفي اللي اقل منك تحمدي ربي انا وحدة منهم لا مستقبل لا خدمة وما كنلتش قرايتي وراني فالدار والاكثر امي تخدم وراهي مصابة بالسكر وتعبت ومازالت تحوس على خدمة والاكثر انا مريضة ما نقردش نخدم لكن الحمد لله الف مرة كاي نناس أسوأ مني وجامي خممت نروح للجبل او نهرب من الناس صح يغيضك باباك وباباك إنت اللي راكي غايضاتو راه يخمم عليك تكوني خدامة وتتزوجي هذو هوما الوالدين
اختي إنت راكي ديري فاللي عليك والباقي على ربي وما تقنطيش وممكن تتزوجي وترتاحي وتكون اميرة وسلطانة في دارك ماكانش حاجة بعيدة على ربي موفقة