ادخلوا وقولوا لنا كيف كانت المقابلة اليوم

[نسيمة الجزائر]

السلام عليكم
اليوم من اجرى المقابلة ارجو ان يدخل ويقول لنا كيف كانت وماذا قالوا له وماذا سألوه .......الخ
انا شخصيا غدا ان شاء الله اجري المقابلة اتمنى ان يوفقكم الله اليوم جميعا
ووافونا باخباركم ان شاء الله اخبار جيدة ومفرحة
في امان الله

[raoufnina]

اصبري شويا

[génie-civil]

مازال الحال ارجوا ان يوفقنا الله و عند انتهاء من المقابلة سنوافيك بالأخبار
الصبر جميــــــــــــــــــــل

[وردة21]

ان شاء الله بعد المقابلة نخبرك واش صرا معايا ادعولي ربي يوفقني

[islammedia]

الاسئلة التي وجهت الي شخصيا هي حول النظام المحاسبي الجديد وازمة اليونان او مايعرف بالازمة الاوروبية وهناك من سالوه حول الاحتباس الحراري والمنظمات الدولية كالفاو والاف امي ..... اما فيما يتعلق بالتدريس فقد سئلت حول كيفية التعامل مع الطفل المشاغب في القسم وليكن في علمكم ان الاستادة الدي سألتني هي دكتورة في علم النفس وقد اخبرتني بدلك بنفسسها ههه وكنت اتكلم بشكل اقتصادي بحت ولم اعلم دلك الا بعد اتمام الاجابة بالتوفيق للجميع

[أبو صهيب1]

المقابلة كانت كالآتي: ماهو تاريخ حصولك على الشهادة؟؟؟؟؟ وكفى الله المؤمنين القتال

[génie-civil]

انا شخصيا الأسئلة كانت كالاتي
متى تخرجت
و ماهوتخصصك

[& هالة &]

كانت الاسئلة الموجهة لي كالآتي
متى تخرجت
ولماذا اخترت مهنة التدريس
ما اهمية التدريس بالنسبة لك

[السي محمد]

الاسم

الشهادة

الجامعة


و سؤال في المنطق الرياضي حول الاستلزام

كل شيء تم في 20 ثانية

انتهى.

( ولاية الشلف)

[حزن بحر]

ان شاء الله تنجحو كيف كان ترتيب المقابلة بالرقم التسجيل او كيفاه؟؟

[السي محمد]

ان شاء الله تنجحو كيف كان ترتيب المقابلة بالرقم التسجيل او كيفاه؟؟


كاين لي برقم التسجيل

و كاين لي ادخل برك
:1::1::1::1:

( في شلف)

[نقــــاء]

لقد اجريت المقابلة مع اللجنة وكانت الاسئلة كالتالي :
الاسم اللقب
تاريخ الحصول على الشهادة
وهل عملت ام لا

[dana maram]

تهنيتو خاوتي بالتوفيق نشاله و انا غدوة دالتي

[حزن بحر]

انا دالتي غير غدوة ربي ينجحكم

[oussamou28]

الاسئلة الموجهة لي كالآتي
متى تخرجت
ولماذا اخترت مهنة التدريس
ما اهمية التدريس بالنسبة لك

[السي محمد]

إذا عددكم كبير تكون الاسئلة سريعة و بسيطة باش يروحو لديارهم
============
و إذا عددكم صغير ممكن تطول المقابلة


ربي يوفقكم اجمعين

[shahdanfal]

والله باين حنا في باتنة رايحين يليكيديونا بكري لانو العدد هائل بالتوفيق للجميع

[حسناء اليمامة]

ذهبت وفوت المسابقة سالني ما هو اختصاصك و هل درست من قبل فقط فقط

[hayat01]

والله الحمد لله جازت مليح ولاكن المناصب كانت لاصحاب الماستر عدد المناصب كان مساوي لعدد حاملي الماستر الله يوفقكم جميعا.

[ندرومة49]

أنا مستر1 ولم أذهب هل أنا محق أم كاين لي فوتو ماستر1

[salem1985]

انا دخلت سقساوني على ماذا يمكنك ان تضيف لتدريس بعد ان عرف ان تخصصي علم النفس التربوي فاجبت حول المناهج والتعليم بالكفاءة والفروق الفردية
وبعدها طلب مني قراءة بيت من الورقت وهو
يخاطبني السفيه بكل قبح فاكره ان اكون له مجيبا
يزيد قبحا فازيد حلما كعود زادة الاحراق طيبا

[salem1985]

انا دخلت سقساوني على ماذا يمكنك ان تضيف لتدريس بعد ان عرف ان تخصصي علم النفس التربوي فاجبت حول المناهج والتعليم بالكفاءة والفروق الفردية
وبعدها طلب مني قراءة بيت من الورقت وهو
يخاطبني السفيه بكل قبح فاكره ان اكون له مجيبا
يزيد قبحا فازيد حلما كعود زادة الاحراق طيبا
التوفيق للجميع وري ينصر الحق في بلاد الظلم
واذا اراد شيا ان يقول له كن فيكون

[nourkhouloud]

أنا مستر1 ولم أذهب هل أنا محق أم كاين لي فوتو ماستر1

سمعت بن بوزيد عندها واحد 3 أيام في قناة النهار قالهم حنا نقبلو في المسابقات اللي عندهم الشهادة الصادرة من وزارة التعليم العالي فقط يعني شهادة الماستر قال ما كانش ماستر 1 و لا ماستر 2 قال حنا نخدمو بالشهادات يعني ماتقدرش تفوت المسابقة بماستر1
بالتوفيق

[saber1980dz]

ما الفرق بين الهدف من الدرس و الأهداف التعليمية
بالتوفيق للجميع

[fazouza]

بالتوفيق للجميع انا اجتاز غدا

[RAMIA]

انا قال لي ما هي الصعوبات التي تواجه المعلم في التدريس

[mina18]

انا جريت المقابلة وكان السؤال متى تخرجت وكم ترتيبي فالدغعة الي قريت فيها و ماهو الفرق بين المحاسبة والتسيير

[anise20]

ذهبت وفوت المسابقة سالني ما هو اختصاصك و هل درست من قبل فقط فقط



وانا نفس السؤال وأكدلي درست من فبل ولالا

[jasminflawer]

انا كنت من الاوائل لي فوتو الكونكور
والاسئلة هي
متى تخرجت ماهوتخصصك هل عملت من قبل ام لا وفي اي مجال ليس بشرط التعليم لماذا اخترت مهنة التعليم

:1::1:

[rate12400]

انا سقساوني :
ما هو الفرق بين التعلم والتعليم
اذا تعارك زوج في لكلاصة واش دير؟
ما هو الفرق بين نظام الال ام دي والنظام الكلاسيكي
كيف تتعامل مع التلميذ النجيب والتلميذ الغير نجيب

[رحيق القلوب]

الأسئلة كانت كالاتي
متى تخرجت
ماذا درست
هل عملت من قبل
اهداف التعليم
كل شئ تم في رمشة من العين انا حرت كي خلصت بسرعة

[milia87]

السلام عليكم
اما الاسئلة التي وجهت الى فهي
لمدا اخترت ان تدرس اقتصاد
وهل انت مستعدة لتدريس
وماهو الشي الدي يجدب الطالب في المدرس
اتمنى التوفيق للجميع

[نسيمة الجزائر]

شكرا اخواني اخواتي على تفاعلكم وبارك الله فيكم وان شاء الله تنجحوا كاااااااااااامل
انا غدوى عندي المقابلة ربي يجيب الخير
ادعيولنا معااااااااااااكم

[hhgg]

سطيف
نخصص اقتصاد وتسيير
الأسئلة كانت في قصاصات تختار منها واحدة وكانت الأسئلة التي تدور كالتالي :
الكتاب الدرسي ؟
المناهج التعليمية؟
المسالك التعليمية؟
التقويم المدرسي؟

[salimo's]

السلام عليكم

أسئلة المقابلة الشفهية -تعليم متوسط فيزياء

ما هي شهادة تخصصك
في أي سنة تخرجت
هل درست من قبل
مما تتكون الذرة
ما الفرق بين الالكترونات و البروتونات
لماذا لا يحدث تنافر بين البروتونات داخل النواة وتبقى النواة متماسكة
لماذا اخترت التعليم

وفق الله الجميع لما يحب و يرضى

[نسيمة الجزائر]

hhgg
ربي يوفق اخي

اذا ممكن كاش واحد اجرى مقابلة تخصص ادب عربي في الثانوي يقولي واش قالولو في المقابلة وبارك الله فيكم

[lofi]

احنا الادب في الثانوي
تكلم عن تاريخ دراستك بالعربية الفصحي

[نسيمة الجزائر]

احنا الادب في الثانوي
تكلم عن تاريخ دراستك بالعربية الفصحي


شكرا لكي اختي ربي يسرلنا

[soha1987]

السلام عليكم شكون يقولي كيفاه سقساو االمترشحين تاع الثانوي تخصص فيزياء ربي يعيشكوم قولولي راني خلعانة بزاف ؟

[sourour2300]

عنابة الغاشي لي جاز معايا الكل اقتصاد نفس الاسئلة خدمتي قبل ولا لا وش من سنة تخرجتي في لامان ربي يسهل هادي هي

[jiji13981]

السلام عليكم انا تخصص علوم طبيعية ثانوي اللاسئلة كالاتي --
واش من عام تخرجت ؟
هل سبق لك ان درست ؟
علاش اختاريتي مهنة التعليم؟
التحدث عن حلقة كريبس وحلقة كالفن..
وبالتوفيق للجميع

[لؤلؤة الاسلام]

السلام عليكم

شاركت اليوم بمسابقة التعليم الخاصة باستاذ علوم في الطور الثانوي
و قد وجه إلي السؤال التالي . في أي سنة تخرجتي؟ فقط
و تكلم معي الاستاذ الذي سألني شخصيا وقال بأني أملي في النجاح ضئيل بالرغم من انه منحني 3/3 لأنني متخرجة في 2012 ههه يعني كيما قال هو مازالني كي الوردة المتفتحة حديثا ههه


كانت تجربة لا أكثر

بالتوفيق للجميع

[meriemestar]

salam 3alaykom
they asked me what is the deference between a and b and why did they classify a as a vowel and b as a consonant
what is motivation
what are the types of motivation

rabi ywafe9na w saha ftourkom

[crazy]

كان عن كيف هو حالي وعن الافطار ومن اي منطقة انا

وعن عدد افراد العائلة ثم سألني ماذا افعل لو غدا وجدت اسمي في قائمة الناجحين

وما هو اول شيء افعله عندما اكون استاذا في اول حصة لي

[ريمة07]

رحت اليوم و شاركت

كانت الأسئلة كالتالي :

تخدمي و لا لا ؟

و هل استخلفتي ؟؟

و قالي أعطيني جملة في الماضي طبعا انا تخصصي انجليزية

و مبعد قالي كيفاش تتنطق c o o k e d

يعني اسئلة بايخة و قالونا 3 نقاط على المسابقة الشفهية و 17 نقطة دراسة ملف

بالتوفيق للجميع

[هشام 12]

سألوني الكثير من الأسئلة
التخصص وسنة التخرج
ما رأيك في التاريخ الاسلامي ودوره
رأيك في موقعة صفين
العلماء الذين تقرأ لهم "سؤال مستفز"
هل يوجد مجاز في القرآن الكريم "سؤال مستفز"
شخص نسي الفاتحة في الركعة الأولى والتشهد الأولكيف يرقع صلاته؟
وغيرها هذا ما تذكرته

بالتوفيق للممتحنين
الغريب أن تخصصنا "علوم اسلامية" فيه 102 مشارك وكان رقمي 32 واجتزت عند منتصف النهار
وفي تخصصات أخرى 105 أكملوا في ذات الوقت

[SADSAM]

كيف تتعامل مع التلميذ المشاغب

[mouna lmd]

السلام عليكم ورحمة الله تعالى وبركاته.

انا شاركت في مسابقة استاذ التعليم الثانوي اقتصاد..............

الاسئلة التي وجهت لي كانت:
1/ مالفرق بين النظام القديم كلاسيك والنظام ل م د.
2/ من هو صاحب قرار الصرف في المؤسسة.
3/ هل انت متزوجة.
هههههههههههههههه
والله ولي التوفيق.

[إيمان40]

نحن في ولاية خنشلة المسابقة كانت جد منظمة فقط قسمنا إلى مجموعات ووزعنا على أقسام كتبت بجانبا قوائم أسماء المترشحين،بدأنا المقابلة في جو جد عادي حيث في كل قسم يوجد أستاذين يدخل مترشحين ويسأل كل على حدى.
أنا تخصصي أدب عربي سألي أولا عن سنة التخرج،وكل الأسئلة كانت في تخصص الأدب القديم كالتالي:
من هو صاحب كتاب البيان والتبيين
ماذا تحدث فيه
إلى أي علم ينتمي البيان
وأعطاني جملة من الأدباء وطلب مني أن أذكر عصر كل أديب

[sorico007]

في قالمة سألوا إحدى الفتيات ماهو إسم أمك ههههههههههههههههههههههههههههههههههههه

[نسيمة الجزائر]

ربي ينجحكم كاااامل
شكرا ايمان ان شاء الله ربي يسهلها علينا غدوى ياااااااااااااااااارب

[dibelghaba]

السلام عليكم أنا من ولاية بشار تخصص رياضيات. السؤال كان ما اسمك؟ تخصصك؟ في أي سنة تخرجت؟لمادا اخترت ميدان التربية عن باقي الميادين؟ حدث شجار عنيف بين تلميدين داخل القسم مادا تفعل؟ هل يوجد أستاد فاشل؟هل تؤمن بوجود أستاد فاشل؟ مادا يلزم للأستاد حتى ينجح؟؟؟ بالتوفيق.

[**د لا ل**]

هل عملت ِمن قبل ؟
ماهي واجبات المعلم اتجاه تلاميذه ؟
ماهو الفرق بين التعليم الابتدائي والثانوي ؟

واللهم السلام

وربي يوفق الجميع

[بلقيس21]

سالوني لماذا احمل الحافظة واذا كان لدي اوراق كثيرة ماذا احمل؟هل درست من قبل؟ماهو اسم وزير التربيةواسم وزير الداخلية واسم وزير الشؤون الدينية؟
وبالتوفيق للجميع

[badrolastar]

في تلمسان سنة التخرج ؟ولمذا لم تتحصل على عمل الى حد الان؟

[djamal_17]

حنا عندنا الاسئلة كالتالي :
باباك شا يخدم
شا جيت دير هنا
عهلاه باغي تقري
مدة المقابلة أقل من دقيقة الا كان تجاوبو كيما انا قبل ما يسقسيك ...المير عمي و المدير تاع الليسي وليد عمي

[sartsorti]

في ولاية سطيف الأمور منظمة للغاية، أما الأسئلة فكانت تربوية عبارة عن ملصقات فيها مجموعة من المواضيع التربوية كالمنهاج والكتاب المدرسي وتغير المنظومة التربوية و تدخل الاعلام والاتصال في التعليم. ولا توجد أسئلة تخص مادة العلوم الطبيعيةّ يعني ما طرحو حتى سؤال يتعلق بالاختصاص:mh92:

[البوسعادية]

السلام عليكم..
لقد اجتزت المسابقة اليوم وياريتني لم اذهب...اليوم اتاكدت بلي بلادنا والتعليم في بلادنا 000 الى ما لا نهاية...
مهزلة بمعنى الكلمة...مهزلة من اعداد وسيناريو وتاليف واخراج بن بوزيد ..
الواحد صائم ويسافر من بلاد لبلاد وفي الاخير يسالوه على اسمه ولقبه واين يسكن وتاريخ تخرجه...
والله الواحد شقى باطل كون عيطولنا في التلفون برك وسالونا هاذي الاسئله وخلاص علاه يتعبوا فينا....
المقابلة الواحده مع الشخص لا تتجاوز 1د ...لا حول ولا قوة الا بالله..
وزيد الكارثه الناس لي غلطولهم في الملفات واحد قالولي وربطولو مسيروا بالتاجيل (تاجيل العسكرية) علما بان السورسي انتاعو اانتهت صلاحيته بعد تسليمهم الملف (يعني من حقوا يعقب....ولوكان جاء مش من حقو على الاقل يعطولوا ويقولولوا باش ميشقاش)...وكاين حتى لقالولهم مقدمتولناش شهادة ليسونس (وهوما قدموها وضيعوهالهم )
وكاينه واحده تقدمت للمسابقه بشهادة الماجستار قالولها معندكش الحق تعقبي نحوسوا على الليسونس قاتلهم نعطيكم شهادة الليسونس قالولها معدكش الحق اصلا تعقبي...راسك يحبس
وزيد حبيت نسقسيكم قالولي بلي كاين مؤسسات بعثوا الاستدعاءات هل هذا صحيح؟..
والله قلبي وراسي وجعوني ......ربي لا يتربحهم..

[أنيس20]

السلام عليكم
أنا جوزت اليوم المسابقة في ولاية تيبازة علوم طبيعية في الثانوي
سألوني ما هو الفرق بين المريض بالسيدا و الحامل لفيروس السيدا
و كيف نقضي على هذا المرض
الدخول كان منظم و قسمونا في قاعات و الدخول حسب رقم الملف
بالتوفيق للي مازالو
المهم التوكل على الله و الثقة بالنفس

[hadjer bou]

ربي يوفقنا انا في ولاية سوق اهراس سألوني وش اسمي وين قريت وش من عام تخرجت برم

[daoud-82]

اسئلة تافهة اللعب باين

[asmaa103]

حنا في تلمسان كككككككككككككككككككارثة في التنضيم (ساعة غي في لشان)
اللجنة تتكون من شخص واحد
السؤال هل درست من قبل
فقط

[دموع24]

سألوني هل عملتي من قبل ؟؟؟ و سنة التخرج ؟؟

[إيمان40]

بالتوفيق للجميع

[SOUFIANE 10]

السلام عليكم

انا اجتزت المقابلة الشفاهية وتحصلت على 3 نقاط من 3 وكانت كالاتي

لعبتها فايق ودرتلهم نظام عند الباب كي جلست عندو قالي وش يجيك الشهيد ... قلتلو عم الشيباني قاالي عرف على نفسك ...

قالي خدت ادماج ولا لا قلتلو راني نخدم وخدمت قالي مليحة ليك باش يكون حظوظك اوفر هههه قالي اعرب كلمة اوفر نعطيك العلامة كاملة عربتها عطالي 3/3 وقالي بارك الله فيك وقالي هادا مقابلة شكلية والصح راه عند الاخرين اللي راهم يغربلو في الملفات

[سندريلا SF]

انا تخصص تاريخ سالوني ما مساحة مستطيل طوله 5 وعرضه 10
والله تمسخير اللعب باين
الواحد المهم فوت باه يبرد قلبو

[نسيمة الجزائر]

الحمد لله فوت المقابلة البارح وكانت مليحة وتحصلت على 3 نقاط
سالوني على علم السمياء وعرفيه واعراب اية والعصر الجاهلي وخصائصه واذا طلبت من تلميذ الخروج ورد عليا مانخرجش كيفاه نتعامل معاه وجاوبت الحمد لله
لكن قالولي بلي حنا المتخرجين الجدد فرصنا ضئيلة
المهم شاركنا وتجربة ديناها والباقي بالمكتوب وربي يجيب الي فيه الخير وينجحنا كااااااااااامل
ربي يوفقكم وصح رمضانكم

[حزن بحر]

كانت الاسئلة مليحة وفي الاختصاص
التنظيم جيد
كان هناك اسئلة تخص مجال التعليم والاساتذة و اسئلة تخص الاختصاص
وبالتاكيد يطلب منك التعريف بالنفس
ربي يوفقنا

[soha1987]

الحمد لله فوت المقابلة البارح وكانت مليحة وتحصلت على 3 نقاط
سالوني على علم السمياء وعرفيه واعراب اية والعصر الجاهلي وخصائصه واذا طلبت من تلميذ الخروج ورد عليا مانخرجش كيفاه نتعامل معاه وجاوبت الحمد لله
لكن قالولي بلي حنا المتخرجين الجدد فرصنا ضئيلة
المهم شاركنا وتجربة ديناها والباقي بالمكتوب وربي يجيب الي فيه الخير وينجحنا كااااااااااامل
ربي يوفقكم وصح رمضانكم
اختي قوليلي كيفاه حتى عرفتي بلي ديتي 3 نقاط هوما قالولك ؟

[soha1987]

كانت الاسئلة خارج مجال الاختصاص قالي عرفي نفسك انا كونت خلعانة قوتلو الاسم في بلاصت اللقب واللقب قوتهولو الاسم والله درت كارثة ربي يستر مافقتش حتى صححلي وقالي وين قريتي من الابتدائي حتى الجامعة واش من عام ديتي فيه الباك ومعدل الباك وشكون كان المدير كي كونتي تقراي فالليسي وكيفاه تعاملي التلاميذ وقالي صح فطورك
انا والله راني خلعانة بزاف ماكونتش متوقعة راه سقسيوني هاك باسك لي فاتو قدامي سقساوهم فالاختصاص وطولو معاهم مي انا لالا ربي يستر وخلاص صح رمضانكم

[سعاذ]

السلام عليكم
انا يوم عقبت في سطيف في -تسيير و الاقتصاد- كان تنظيم رائع
والاسئلة تمحورت حول المنظومة التربوبية و الكتاب المدلرسي و المناهج وكيفية استعمال وسائل التكنولوجية و الاتصال في التعليم و المقاربة يالاكفاءات
والاساتذة كانوا متعونين بزاف مع المترشحين
ربي يوفقنا جميعا ان شاء الله