إلحقيني بسرعة أخت أم راميييييي [الأرشيف] - منتديات الجلفة لكل الجزائريين و العرب

مشاهدة النسخة كاملة : إلحقيني بسرعة أخت أم راميييييي

noha23

2012-08-11, 23:48

أختي أم رامي راني درت الوصفة نتاعك لقاطو يهبل للعيد بالكاكاو و الكريمة البيضاء
المشكلة أختي راني حاصلة فالعجينة راني كترت الفرينة و جاتني يابسة بزاف
هل من حل أختي و كي دقتها بانتلي ماشي حلوة أسكو نقدر نحطلها شوية عسل باش تطرا و تيجيني حلوة
عزيزتي الله يسترك إلحقيني بالحل لعجينة راهي في ساشي و تستنا

جيجلية

2012-08-12, 00:29

اختي نقدر نجاوبك إذا مقلقة هي العجينة اجي ناشفة من الكاكاو والكاوكاو بصح انت حليها فوق صاشي وحطي فوقها صاشي هكذا ما تلصقلكش

noha23

2012-08-12, 09:12

مشكورة أختي على التفاعل مع الموضوع لكن المشكلة ماشي في أنو لعجينة تلصق راهي تتكسر من كثر ما هي يابسة أما الساشي حتى انا موالفة نطرحها بالساشي
و الله ما ني عارفة كيفاش حتى زربت يدي للفرينة و كترت خاطرش موالفة ندير السابلي بالميرانغ ويجيني هايل
حبيباتي الله يستركم ازربو عاونوني والا أخت أم رامي وييييييييييينك 100 مشاهدة و رد واحد فقط

هندة السوفية

2012-08-12, 09:20

اعسل ممكن ايقسيها بعد ما تطيب

سيرينا لبنينا

2012-08-12, 09:52

باه متخسريش عجينتك

جيبي حوالي 60غ مارغرين (250غ اقسميها على 4)وزيدي المقادير كامل على 4
يعني +صفارربع كاس سكر...وما تنشفيش بالفرينة بزاف وخلطي مع العجينة نتاعك الاولى بشرط بلاما تعجني لهوثي بصباعك برك

والله صراتلي ونجحت .

دئما حلي العجينة بين ورقتين من بلاستيك ماتقيسهاش خلاص بالحلالة باه متعبكش.

*ام رامي*

2012-08-12, 10:11

اختي زيدي صفار بيضة وشوية زيت او مرغرين
وملعقة سكر قلاسي حتى تولي طرية

noha23

2012-08-12, 12:40

شكرا لكن حبيباتي على الردود مي راني فدعت وحدي كي طولتو شوية علي
حوست في الحاج قوقل ولقيت وحدة في منتديات الشروق قالت إذا جاتك يابسة زيديها شوية حليب وهاذا واش درت
وراني طيبتهم سي بون و الحمد لله بقات على لحلاوة مانيش عارفة حتى مورا لفطور و نرجعلكم لخبر
إذا جاوني ماش حلويين مضطرة نبدل الوصفة ونديرلها تغطية بالشكلاطة
بصح و الله راني مصرة نديرها ان شاء الله حرفيا ولو مرة أخرى

noha23

2012-08-12, 12:43

أختي سرينا فعلا الحلان بين ورقتين بلاستيك فكرة هايلة وراني مجربتها راحي تنحي عليك غلبة كبيرة

mordia

2012-08-12, 12:56

يا اختي رابط الوصفة بلاك نديره ....

noha23

2012-08-12, 13:28

يا اختي رابط الوصفة بلاك نديره ....
أختي لا يمكنني وضع رابط مشاركاتي أقل من 10 لكن شوفي المشرفة أم رامي راهي ردت علي
راكي تلقاي في آخر مواضيعها الموضوع قاطو هايل للعيد **اتفضلوا ** هاذاك هو

سمية02

2012-08-12, 14:35

اختي انا ثاني راني معولة نديرو قوليلي خرجلك شباب وهذا لايعني اني اشك في خبرة اختنا ام رامي

منال100

2012-08-12, 15:22

أنا راني نستنى فى النتيجة بعد الفطور قلينا عليها بلاك كزدتيلو الحليب تولي وصفة جديدة تختلف على الاصلية وهكذا نقدرو نديروها هي تاني في العيد بالنسبة للحلاو تقدري تغبريها في السكر ولا تولي خاصة بأصحاب الريجيم وصح فطورك

منال100

2012-08-12, 15:24

انشاء الله تنجحلك رانا نستناو في النتيجة

noha23

2012-08-12, 17:16

راني جيت يا لبنات
راني خلصت الوصفة وزدت درتلها الديكوراسيو بطريقة مختلفة
في الحقيقة راني درت زوج أشكال علا خاطر القالب المربع اللي شراهولي زوجي بانلي صغير والله أعلم 2سم على 2 بالمقارنة مع الصورة اللي في وصفة أم رامي
إي مالا درت شكل آخر دائري و جاني أكبر من المربع
الحبات راني لصقتهم بالمعجون مخفف بالزهر كيما السابلي ونحيت كريمة الزبدة خاطر بانتلي ميدمة بزاف وزدت دهنت لحواشي تاني بالمعجون ومرغتهم فبالجلجلانية لمحمصة وذوبت الشيكولة تاع الميزان زدددتلها شوية زبدة وقهوة و درتها تقيلة شوية وهزيت بالمغرف صغيرة وصبيت كمية في الوسط هادي ديكوراسيون تاع الدوائر أما المربعات مرغتهم في الشيكولة الدائبة من بعد زدت حطيتهم في النوادكوكو محمر وراهم جاوني ملاح مي الشكل الدائري أحسن ومن الأفضل تمرغو الحواشي في االمعجون و يكون عاقد شوية باش تحكم الجلجلانية
صح فطوركم و السيدة أم رامي تسمحلي راني ديفورميتلها الوصفة كامل لكن النتيجة راهي تبان مليحة