دبرو عليا والله حرت ؟؟؟؟؟

[Floona]

بحكم أني عاملة جمعت بعض المال وأنا أريد أن أذهب إما للعمرة أو الحج

سجلت العام الماضي فالحج مع بابا لكن مخرجتش فالقرعة وهذا بعد جهد لأنه قالولي مازلت صغيرة

ودرك حابة عمرة بصح المشكلة في أمي وخالتي وأختي كامل قالولي ديري ذهب

وأحنا عندنا في عنابة لازم نديرو محزمة تاع ذهب وراهي لي رخيصة فيهم تسوا خمسين مليون

والله غاضوني الصوارد نحطهم في حاجة هكا

ولازم نزيد نشري خواتم و حوايج أخرين تاع ذهب

و أنا مشريت والو

درك واش ندير خدمت عامين باش لميت الصوارد كون نشري الذهب راحت العمرة وكون

نروح عمرة لازم نخدم عامين ولا أكثر وندير الذهب


والمشكلة كامل في المحرم أنا كون جيت نقدر نروح وحدي كون

رحت بصح رايحة نخلص عمرة ليا ولبابا وكان كفاو الصوارد ندي معايا ماما

علابيها جاتني غالية ومخساراش فيهم هوما قراوني وصرفو عليا


واش ندير والله حرت

للعلم لست من هواة الذهب وكان شريتو نشريه باه نحط فيه صواردي برك

ماعندي حاجة فيه أنا تكفيني حاجة قليلة

[محمد جديدي التبسي]

إذا مازال باه تتزوجي عامين على الأقل روحي للعمرة الآن ومن بعد كي ترجعي ربي يفتح عليك وزيدي شاوري والديك هما المعنيان بالأمر بما انهم راح يروحو معاك للعمرة وربي يوفقكم وادعولي معاكم

[مريم الصابرة]

السلام عليكم اختي والله لو انا في مكانك ما نبدل العمرة بمال الدنيا اختي الدهب مقدور عليه وإنت كيما قال الأخ إذا ماظال باه تتزوجي ربييرزق ودير اللي باغياتو والله العمرة مكان تتمن كل الناس تروحو كاين مشتاق يشوفها وإنت قادرة تروحي وراكي تختاري من رأي روحي للعمرة خير وإنت أدرى موفقة صحا فطورك

[سفير الأيام]

اول حاجة العمرة أحسن وربي يسهلك في نيتك


ثاني حاجة

الدهب حتى لوكان كنت في تلمسان ماشي مشروط عليك تاع
50 مليون

واش الحاجة المهمة انتي يليق تفهمي بلي اللي حاب يدير الدار لوكان بالقليل ربي يجعله فيها بركة

بصح حنا عقليتنا اللي وصلتنا

نفكروووا في حوايج بديهيات نجموااا نستغنوااا عليهم بصح نخافووووا من هدرة الناس

يا واش دارت يا راجلها واش يخدم


ربي يهديهم

انـــــــــــــا راجل غدوة نتزوج ونحب نديره بالطعام واللبن وحاجة بسيطة كاين اللي يسالني

خافوووا ربي فكروووا بعقولكم

ربي يسهلك

[بنت الباهية]

أنا من رأيي روحي للعمرة انت و الوالد الكريم هذه فرصة
انا في 2006 كتب ربي عمرة لزوجي و مكانتش لا على البال و على الخاطر و كنا في ضائقة مالية اقترحت عليه باش نبيع شوية ذهب باش يمشي هو في الأول ما حبش لاكن انا اصريت عليه و اقنعته و الحمد لله راح زار بيت الله ومين جا فتح علينا ربي و شرالي أضعاف هذا الذهب و الآن رانا متمنيين باش نمشو مع بعض اذا كتب ربي
روحي ختي و دعيلنا معاك
ربي يسهل

[amokrane_malik]

ربي يفتح عليك

[شروق الاسلام12]

الله يبارك ربي يسهلك العمرة تروحي نشوفيها وتدعي ربي وتشربي ما زمزم انا ديجا قاعدة نقلك هك وندعي في ربي ندير عمرة ولا حجة تخيري بين ركن من اركان الاسلام وحاجة فانية الذهب ممكن ديريه اذا حياك ربي بصح شكون يضمنلك بلي راح تعيشي عامين اخرين باه تروحي للعمرة ربي يحفظك ويكبرك في طااعتو وادعيلنا معاك

[djeriou]

لا أنصحك لا بالعمرة و لا بالذهب

استخيري الله و توكلي على الله فما فعلتيه بعد ذلك هو خير لك، فأنت و الحمد لله مخيرة بين خيرين و لو أنه عندما يستدعيك الله تبارك و تعالى للعمرة تذهبين و لو لم يكن معك دينار واحد.

والله الموفق

[mimi jiji]

علبالك امنيتي نزور بيت ربي يااختي وانت ماعلابالكش وكتاه تجي ساعتك
روحي للعمرة
وربي يعوضك اضعاف مضاعفة
يعني لوكان انا وبدون تفكير او نقاش نروح لبيت ربي سبحانو والذهب ساهل لحال
حنونة اذا اتخدتي قرار وتروحي للعمرة ادعيلي ندي الباك بالمعدل اللي نبغاه انا
امين يارب

[توكل]

السلام عليكم ورحمة الله وبركاته
اختى من رايى ادهبى للعمرة انا مثلك فى العشرينيات من عمرى لست متزوجة ولا املك الدهب دهبت فى فصل الربيع ظليت خمسة عشر يوما والله كانى ظليت خمس دقائق لم اشبع منها ابدا ولو انهم الان طلبو منى الدهاب لدهبت دهبت برفقة اخى وامى وان شاء الله اسجل للحج العام القادم بحول الله
وفقك الله

[مريم الصابرة]

السلام عليكم اختي إن شاء الله وصلت لقرار والله من راي ما تستنايشالعمر كلو لحظة وكاين اللي متمنى يشوفها ولو من بعيد ودراهمك حلالين يا اختي خليك من الذهب قادرة ديري اكثر لكن العمرة لا تعوض والقرار لك موفقة

[سلاف26]

تخيلي لو تموتي؟واش راح ينفعك الذهب الي شريتيه؟يدوه غير الورثة نصيحتي روحي للعمرة بما أن الفرصة سمحت لك الله أعلم إلى متى ستعيشين إذن إغتنمي الفرصة و الذهب ملحوق عليه كي ترجعي ان شاء الله زيدي لمي الدراهم و أشري الذهب
لي تصحلو الفرصة باه يروح لبيت ربي و قولي خليها من بعد غبي الاعمار بيد الله نصيحتي توكلي على ربي و أدي باباك و روحي

[amiramira2012]

السلام عليكم

يا اختي روحي للعمرة ودي معاك الاب تاعك لي تعب عليك و الله الدراهم يجوا و يروحوا

إذا رحتي هذا الشهر غادي تتمني باش تولي الشهر لي مراه

لي زارها مشي كيما لي مازارهاش والله دنيا أخرى الكل متساويين

ما تفرقي بين الي عنده الملايير و لي عنده الدنانير

غير دراهمها لي متندميش عليهم

اتمنى لكم زيارتها جميعا

[Floona]

إذا مازال باه تتزوجي عامين على الأقل روحي للعمرة الآن ومن بعد كي ترجعي ربي يفتح عليك وزيدي شاوري والديك هما المعنيان بالأمر بما انهم راح يروحو معاك للعمرة وربي يوفقكم وادعولي معاكم

شكرا وبارك الله فيك
الزواج مازال عليه وراح ندير كيم هدرت

[Floona]

السلام عليكم اختي والله لو انا في مكانك ما نبدل العمرة بمال الدنيا اختي الدهب مقدور عليه وإنت كيما قال الأخ إذا ماظال باه تتزوجي ربييرزق ودير اللي باغياتو والله العمرة مكان تتمن كل الناس تروحو كاين مشتاق يشوفها وإنت قادرة تروحي وراكي تختاري من رأي روحي للعمرة خير وإنت أدرى موفقة صحا فطورك

شكرا وبارك الله فيك
كلامك جميل وإن شاء الله نروحو كامل ربي يحفظك أختي

[Floona]

اول حاجة العمرة أحسن وربي يسهلك في نيتك



ثاني حاجة

الدهب حتى لوكان كنت في تلمسان ماشي مشروط عليك تاع
50 مليون

واش الحاجة المهمة انتي يليق تفهمي بلي اللي حاب يدير الدار لوكان بالقليل ربي يجعله فيها بركة

بصح حنا عقليتنا اللي وصلتنا

نفكروووا في حوايج بديهيات نجموااا نستغنوااا عليهم بصح نخافووووا من هدرة الناس

يا واش دارت يا راجلها واش يخدم


ربي يهديهم

انـــــــــــــا راجل غدوة نتزوج ونحب نديره بالطعام واللبن وحاجة بسيطة كاين اللي يسالني

خافوووا ربي فكروووا بعقولكم

ربي يسهلك




قرأت كلامك أكثر من مرة وزادني قناعة بلي العبد لازم يدير وش كاين في راسو عندك الحق
شكرااااا

[~~ أغيلاس ~~]

لا تُضيعي الفرصة من بين يديك .

لما تتزوجي تندمي و تقولي : يا ليتني رحت للعمرة كنت قادرة و ما رُحتش .

[mouloudbida]

انصحك بتلبية نداء ابانا ابراهيم

[قاتلة الصهاينة]

انا لوكان جيت بلاصتك نروح للعمرة
انا كيفك المحزمة هاذي لازم بصح مدرتهاش الله غالب كل واحد وظروفه ووالله ماهمني كلام الناس
قلنالهم احنا نمشيو قد ما عطانا ربي وش دانا للسلف والتكلف
لوكان جاعندي هاذ المبلغ مانتردد نروح لبيت ربي
ماتدري رح تعيشي بعدها ولا لا

[it's me]

كان جيت في بلاصتك نروح عمرة طبعا
هاذي دنيا و الواحد ماهوش ضامن حياتو.الذهب فاني بصج الاجر باقي و زيدي تدي اجر باباك معاك
الذهب يجي وقتو و اصلا واحد ماهو عارف المكتوب بالاك مايكتبلكش ربي الزواج هاذي دنيا
ربي يسهلك اختي و اذا رحتي ادعيلنا معاك

[المنصور3]

يا أخت أرى أن تسألي أهل العلم في ذلك وخاصة أنك مقبلة على الزواج ولا شك أنك ستجدين الجواب الشافي إن شاء الله .

[soumià-sàmi]

ro7i lil3omra fala3ala rabaki yarza9oki elkhayrat wel ad3aaff
el3omra touma el3omra douna tafkirr

mowafaka incha allah