للذين يقولون انه البنات يحوسوا على الغني

[كاميلا]

السلام عليكم ورحمة الله وبركاته

جئت لكم بقصة حدثت لقريبة لي وهي حقيقة
هذه القريبة في يوم من الايام تقدم لخطبتها شاب فقير لا يملك مسكنا ولا عملا ثابت قبلت به كونه ذو سيرة حسنة "خاطيه البنات" كان عمرها 24 سنة وهو 26 خطبها وقالها استنايني نلم روحي وندير الدار ونؤمن مستقبلي المهم اوعديني تستنايني دارو الخطبة وعقدوا عقد ديني ومدني يعني اصبحت زوجته في نظر الدين والقانون مازال غير العرس مرت الايا والشهور وحتى السنين الى 10 سنوات وهي تستنى لا لشيء لانها تعلقت به وتحبه ولا تتخيل نفسها مه آخر رغم محاولات الاهل في فسخ الزواج لانه طول بزاف وصلت الطفلة حتى سن 34 سنة وهي تنتظر لعل وعسى في يوم من الايام جا الخطيب وقالها اني وجدت الدار كلش واجد في خلال شهر نديرو العرس بعد شهر تتفاجىء بقراره بالغاء الزواج وقرار الطلاق اصيبت بصدمة وخيبة امل ومفهمتش لماذا هذا القرار حتى شافت بعينها طليقها مع اخرى قام بخطبتها وراح يتزوجها يعني بالمختصر المفيد ضيع عمرها و خانها ومسح بكرامتها الاراضي
المسكينة كي استفاقت لقات روحا في 34 سنة ومطلقة قبل البناء

لكن حكمة ربي كبيرة بعد المصيبة اللي صابتها عوضها ربي احسن تعويض ب شاب من عائلة جد محترمة يعمل في السلك الدبلوماسي ذو منصب كبير عندو الدار السيارة المركز العمل النسب الخ يعني عوضها ربي باحسن منه وزاد احترامه لها عندما عرف سبب طلاقها والسنين اللي قضاتها في انتظار ذلك الرجل والاخلاص له

العبر كبيرة في هاد القصة عسى ان تكرهو شيئا وهو خير لكم وعسى ان تحبوا شيئا وهو شر لكم

[lola-lola]

بارك الله فيك اختي كاميلا على هاذ الموضوع الواعي والراااااائع شكراا على المجهود
الله ينورك + تقيييييممممم بممتاز

[آلاء النايلية]

سبحان الله
قصة جميلة

[رجاها 22]

كاين رجال ميستاهلوش حتى الاحترام
ربي يهدي ماخلق و ربي يهني قريبتك وهو كيما خدعها ربي يخدعو
يا ختي نكره الخيانة قلبي راه يغلي من هد الشخص
انشاء الله يبعد علينا البلاء و المصائب
و يقربنا من ولاد و بنات الحلال
اللهم امين

[كاميلا]

بارك الله فيك اختي كاميلا على هاذ الموضوع الواعي والراااااائع شكراا على المجهود
الله ينورك + تقيييييممممم بممتاز

شكرا جزيلا لولا بوركت في الشهر المبارك :mh92:

[كاميلا]

الاخت آلاء ورجاها شكرا جزيلا للردود

الاخت رجاها 22 ربي يسمع منك ان شاء الله وربي يبعد علينا ولاد لحرام وبنات الحرام ويقربنا ديما من الناس الحلال

[aissam .3820]

سبحان الله ربي امتحنها وهي كانت عندها نية حسنة...
..

ومن بعد بدلها بأحسن من مصيبتها وجزاها....

..

[سفير الأيام]

اللي يصبر ينــــــــــــــــــــــــــال

وربي اتلاها وجازاها

[اريج16]

ربي جامي ينسى عبادو الحمد لله على كل
بارك الله فيه على اخلاصها والحمد لله كي رزقها ربي الزوج الصالح

[الدر المكنون]

ما شاء الله والحمد لله اللي عوضها

ربي يكملها ويهنيها ويرزقها الذرية الصالحة

[mounia 85]

الحمد لله ربي عوضها والله العظيم كي قريت باللي طلقها بعد 10 سنين قلبي ولا يغلي وغاضتني بصح كي قريت باللي ربي فرج عليها وعوضها فرحتلها بزااااف ...ربي يهنيها ان شاء الله

[badr alg]

يعني والله هو طول وزاد طلفها ربي يقدر الخير في بلادي هدا وش نقول كلش ولا صعيب حتى حدمة ولات حلم ربي يفرج علا المومنين كامل

[faty05]

الحمد لله رب العالمين

[سلاف26]

فعلا هذه القصة درس لكل من يقول "أن البنات كامل يحبو غير الدراهم و الرجل الغني"
هذه الفتاة صبرت و الي يصبر ينال مهما طال زمن صبره ربي بعد عليها الزوج الأول لانه لا يستحقها و كتب لها زوج يسعدها ان شاء الله
قصة فعلا نتعلم منها الثقة في الله و التفاؤل دائما

[كاميلا]

شكرا جزيلااا

[mohameditdh]

ماشاء الله

[الواثق]

ليس دائما هذا ....................بل المعروف ان هناك رجال طردو من بعضهن ان صح التعبير من اجل مال او وسامة او حتى منطقة او عرش ....................والله المستعان

[ام مريومة]

الله يبارك عليها وربي عوضها على صبرها

[بلال الرومنسي]

الي خلق مايضيع يا اختي

وكون جات هدي خطيبتي عينية وروحي نعطيهملها ونقول معطيتها والو

[- بصمة خير -]

قصة روعة

و لكــــــــن كاين عبرة اخرى من هذه القصة حتى وحدة انتبهت لها

خصوصا البنات

ربي يوفق

[نجمة ساطعة]

تقدر تطلبوا في العدالة و السبب ضياع سنين عمرها في الانتظار لكن مع احترامي لها

أنتظر رجل عشر سنوات عجيب ....والله العظيم في زمننا الحالي اغلبهم لا يستحقون الامان

[dotZero]

يعني الفقير كلب و ما ياساهلش و يخون و حقير و و و
يا أختي حتى حنا مناش نحوسو
ويسنا
روحو لأصحاب السلك الديبلوماسي
بصحتهم

[كاميلا]

عيدكم مبروك
ام مريومة شكرا على الرد
بلال الرومنسي ان شاء الله يرزقك ربي باحسن منها ذات آمين يا رب شكرا

[كاميلا]

قصة روعة

و لكــــــــن كاين عبرة اخرى من هذه القصة حتى وحدة انتبهت لها

خصوصا البنات

ربي يوفق

وانت اروع قولينا العبرة الاخرى من فضلك اختي :d

[كاميلا]

تقدر تطلبوا في العدالة و السبب ضياع سنين عمرها في الانتظار لكن مع احترامي لها

أنتظر رجل عشر سنوات عجيب ....والله العظيم في زمننا الحالي اغلبهم لا يستحقون الامان

والله يا اختي الدنيا مازالت بخير ومازالو صدقيني اللي نيتهم صافية وحال الناس كامل خوباتة صح عندك حق العبد يكون حريص بصح امنيني النية الحسنة ديما تربح وهذاك اللي لاعبها قافز وفاطن وسيء النية يطيح في شر اعماله
شرا جزيلا

[كاميلا]

يعني الفقير كلب و ما ياساهلش و يخون و حقير و و و
يا أختي حتى حنا مناش نحوسو
ويسنا
روحو لأصحاب السلك الديبلوماسي
بصحتهم

حاشا ربي بصح موضوعي في واد وانت في واد آخر :confused:

[dotZero]

حاشا ربي بصح موضوعي في واد وانت في واد آخر :confused:
أصبر نفهمك واش فهمت
العنوان:
للذين يقولون انه البنات يحوسوا على الغني (http://www.djelfa.info/vb/showthread.php?p=11246308#post11246308)
يعني "لمن يلومنا لأننا نبحث عن الغني"
محتوى القصة: الفقير خائن و الغني ناس ملاح
العبرة:
واحد ما يزيد يلومنا، إحنا نحوسو على الغني لأنه ناس ملاح
أما الفقير فلا أمان له

[بلال الرومنسي]

عيدكم مبروك
ام مريومة شكرا على الرد
بلال الرومنسي ان شاء الله يرزقك ربي باحسن منها ذات آمين يا رب شكرا


اواااه مشكيتش ..... معنديش الزهر يطيحني ربي غير في الثعالب:rolleyes:

[كاميلا]

أصبر نفهمك واش فهمت
العنوان:
للذين يقولون انه البنات يحوسوا على الغني (http://www.djelfa.info/vb/showthread.php?p=11246308#post11246308)
يعني "لمن يلومنا لأننا نبحث عن الغني"
محتوى القصة: الفقير خائن و الغني ناس ملاح
العبرة:
واحد ما يزيد يلومنا، إحنا نحوسو على الغني لأنه ناس ملاح
أما الفقير فلا أمان له

العبرة من هاد القصة يعني اغلبية الذكور حاطين لبنات يحوسو ويجريو غير على الغني هذه القصة تثبت انه الناس مازالت بخير والعبرة منها ليس واحد ميلومنا احنا نحوسوا على الغني لانه ناس ملاح العبرة منها هي دارت النية وقبلت بيه بل وبقات تسنا فيه كي هو فلح ونجح بدلها باخرى رغم انها من عائلة ميسورة الحال ومكبرتش عينها على قد نيتها الصافية كافئها ربي بواحد ناس ملاح ميسور الحال ولد ناس ماشي salopare كيما هاداك
وانت راك تكبر في االحكاية وضخم فيها هادي قصة باش نطلعو بيها المورال ونقولو الدنيا بخير وانت رديتها مأساة :eek::eek:

والقصة هادي عندها ما يقابلها في جهة الرجال

العبرة هنا ماشي في الفقر والغني العبرة في نفس البشرية الغدارة والنية الصافية :19:

[بلال الرومنسي]

أصبر نفهمك واش فهمت
العنوان:
للذين يقولون انه البنات يحوسوا على الغني (http://www.djelfa.info/vb/showthread.php?p=11246308#post11246308)
يعني "لمن يلومنا لأننا نبحث عن الغني"
محتوى القصة: الفقير خائن و الغني ناس ملاح
العبرة:
واحد ما يزيد يلومنا، إحنا نحوسو على الغني لأنه ناس ملاح
أما الفقير فلا أمان له


معليش يا خويا نصبرو بالاك نرجعو اغنياء حنايا تاني ... ولكان مرجعناش اغنياء لا نتزوج وما المشكلة لما لا نتزوج ؟؟؟ لا مشكلة ولاشئ .

بصح طبعا لو هدي البنت جاها مول السلك الدبلوماسي ربما كانت تخلي خطيبها من اجل السلك الدبلوماسي .
البنات لما يشوفو واحد غني وقاري راهم يتبدلو ويدورو عليك تم تم ... سقسيني انا الغومنسي
واش تحب دير يا خويا نصبرو برك ... او يفتحها ربي المهم عيش سعيد ومتعمرش راسك

[كاميلا]

معليش يا خويا نصبرو بالاك نرجعو اغنياء حنايا تاني ... ولكان مرجعناش اغنياء لا نتزوج وما المشكلة لما لا نتزوج ؟؟؟ لا مشكلة ولاشئ .

بصح طبعا لو هدي البنت جاها مول السلك الدبلوماسي ربما كانت تخلي خطيبها من اجل السلك الدبلوماسي .
البنات لما يشوفو واحد غني وقاري راهم يتبدلو ويدورو عليك تم تم ... سقسيني انا الغومنسي
واش تحب دير يا خويا نصبرو برك ... او يفتحها ربي المهم عيش سعيد ومتعمرش راسك

ايواه ولينا في لوكان :mad::mad:
متعقدوش روحكم في الباطل اصفاو تديو الصافي ومتنساوش ربي يحب العبد الطيب ويجازيه كل طيب اما اللي يلعب بدفارو ويحوس النظيف و يدير الزبالي بنت الناس تاع الصح مهيش من نصيبه ميقدرش يشوفها والا طاح فيها رح يضيعها :1:

[- بصمة خير -]

وانت اروع قولينا العبرة الاخرى من فضلك اختي :d

نرجع أختي و نحكيها باذن الله

و العبرة لا علاقة بالرجل الغني و الفقير

و لكن بطبيعة الرجل

[بحجابي أنا نجمة في السماء]

قصة جميلة بارك الله فيك

وصح عيدكم

[بحجابي أنا نجمة في السماء]

http://dd-sunnah.net/forum/attachment.php?attachmentid=9983&stc=1&d=1253287249

[بلال الرومنسي]

ايواه ولينا في لوكان :mad::mad:
متعقدوش روحكم في الباطل اصفاو تديو الصافي ومتنساوش ربي يحب العبد الطيب ويجازيه كل طيب اما اللي يلعب بدفارو ويحوس النظيف و يدير الزبالي بنت الناس تاع الصح مهيش من نصيبه ميقدرش يشوفها والا طاح فيها رح يضيعها :1:


ال يلعب بضفارو ال ههههههههههههههههههههه !!! علاش خلوتو فينا ظفار يابنات الجزائر

[بلال الرومنسي]

وعيدك مبارك يا سالي نتيا تاني ......... بارك الله فيك وربي يعطيك ما تتمناي

[كاميلا]

ال يلعب بضفارو ال ههههههههههههههههههههه !!! علاش خلوتو فينا ظفار يابنات الجزائر

ربي معاك الله يكون في عونك :confused::confused:

[الباجيرو]

كل عام وانتم بالف خير

[شخصية نرجسية]

السلام عليكم ورحمة الله وبركاته

جئت لكم بقصة حدثت لقريبة لي وهي حقيقة
هذه القريبة في يوم من الايام تقدم لخطبتها شاب فقير لا يملك مسكنا ولا عملا ثابت قبلت به كونه ذو سيرة حسنة "خاطيه البنات" كان عمرها 24 سنة وهو 26 خطبها وقالها استنايني نلم روحي وندير الدار ونؤمن مستقبلي المهم اوعديني تستنايني دارو الخطبة وعقدوا عقد ديني ومدني يعني اصبحت زوجته في نظر الدين والقانون مازال غير العرس مرت الايا والشهور وحتى السنين الى 10 سنوات وهي تستنى لا لشيء لانها تعلقت به وتحبه ولا تتخيل نفسها مه آخر رغم محاولات الاهل في فسخ الزواج لانه طول بزاف وصلت الطفلة حتى سن 34 سنة وهي تنتظر لعل وعسى في يوم من الايام جا الخطيب وقالها اني وجدت الدار كلش واجد في خلال شهر نديرو العرس بعد شهر تتفاجىء بقراره بالغاء الزواج وقرار الطلاق اصيبت بصدمة وخيبة امل ومفهمتش لماذا هذا القرار حتى شافت بعينها طليقها مع اخرى قام بخطبتها وراح يتزوجها يعني بالمختصر المفيد ضيع عمرها و خانها ومسح بكرامتها الاراضي
المسكينة كي استفاقت لقات روحا في 34 سنة ومطلقة قبل البناء

لكن حكمة ربي كبيرة بعد المصيبة اللي صابتها عوضها ربي احسن تعويض ب شاب من عائلة جد محترمة يعمل في السلك الدبلوماسي ذو منصب كبير عندو الدار السيارة المركز العمل النسب الخ يعني عوضها ربي باحسن منه وزاد احترامه لها عندما عرف سبب طلاقها والسنين اللي قضاتها في انتظار ذلك الرجل والاخلاص له

العبر كبيرة في هاد القصة عسى ان تكرهو شيئا وهو خير لكم وعسى ان تحبوا شيئا وهو شر لكم
صح كاين منها سحقا

[nouredino]

قصة جميلة ,,,لكن هناك خطأ لا يجب على الرجل ولا حتى المرأة خوض مغامرة مشابهة أنا شخصيا ضد أني نطلب من وحدة تستاني وأنا مشي عارف واش رايح يصرالي فالمستقبل ,,,مثلا لو وحدة عجبتني أخلاقها وتمنيتها كزوجة ,,,نصارحها باعجابي ونقولها إدا ربي سهلي وكونت نفسي نجي لوالديك مي منطمعهاش بحاجة في علم الغيب

[كاميلا]

نرجع أختي و نحكيها باذن الله

و العبرة لا علاقة بالرجل الغني و الفقير

و لكن بطبيعة الرجل

في لنتظارك :mh92:

[كاميلا]

شكرا جزيلا

[nouredino]

أحيانا الظروف تكون اقوى من الرجل لدلك علينا الا نزرع أسباب الضعف ,,لو لم تقتنع بالرجل لما انتظرته كل تلك المدة ، وفي نفس الوقت لو لم يكن مقتنع بها لما ارتبط بها قبل سفره لإيجاد سبل الرزق ,,,وأعود وأقول الكل مخطأ لم يكن يتوجب الإرتباط ,,,
وكيما يقولو كلش بالمكتوب هي ربي عطاها على حساب نيتها إدا كان بصح القصة واقعية رغم أني أشك

[كاميلا]

أحيانا الظروف تكون اقوى من الرجل لدلك علينا الا نزرع أسباب الضعف ,,لو لم تقتنع بالرجل لما انتظرته كل تلك المدة ، وفي نفس الوقت لو لم يكن مقتنع بها لما ارتبط بها قبل سفره لإيجاد سبل الرزق ,,,وأعود وأقول الكل مخطأ لم يكن يتوجب الإرتباط ,,,
وكيما يقولو كلش بالمكتوب هي ربي عطاها على حساب نيتها إدا كان بصح القصة واقعية رغم أني أشك

هاذي مشكلتك كي تشك في القصة
شكرا جزيلا على الرد لك كل الاحترام

[Golden Princess]

صبرت و نالت

قصة جميلة ربي يهنيها

[aldorrah]

سبحانو كبير

[الفقيرة الى الله]

جزاك الله خيرا أختي والله قصةرائعة فيها من العبر الكثير لمن يعتبر

[abdou27300]

غاضتني مسكينة، لكن في الأخير ربي فرج عليها وعوضها بأحسن منو ألف مرة

امثال هؤلاء الرجال هوما اللي خسروا علينا

[لينا الجنة]

السلام عليكم قصة من الواقع و تصرا ياسر لحوايج كيما هكا ربي يهنيها ان شاء الله و ربي يجازي اللي ربطو بنات الناس هكا و الله حرام عليهم

[basmitmalek]

تقريبا نفس القصة صرات لبنت خالتي 10سنين هو خاطبها تسنى فيه يكمل يبني و يوجد في روحو مبعد خلاها وراح تزوج واحدة صغيرة بالصح ربي عوضها وتزوجت ورزقها ربي ببنت و ولد ....

[كاميلا]

شكرا جزيلاااا

[- بصمة خير -]

http://www.youtube.com/watch?v=cLECYguw558&feature=g-all-u

[meriem hanin]

ايه هاذو هوما الفحلات
الحمد لله الي فرج عليها ربي و عوضها ما خير منو

[دموع ورده]

العبر كبيرة في هاد القصة عسى ان تكرهو شيئا وهو خير لكم وعسى ان تحبوا شيئا وهو شر لكم
و الله ماتعرفي شتاديري فهاد الزمان

[samir40]

قصة مؤثرة جدا

[imi soulef]

يرزق الله من حيث لا نحتسب

[كاميلا]

شكرا للمشاركات بارك الله فيكم