أبي والطبيب

[مشكلتي]

والدي يقارب السبعين من عمره ولم يسبق له ان زار الطبيب في حياته ولا اخذ واحدا من افراد اسرته الى الطبيب كما انه مقتنع تماما ان الطب خرافة لا اساس له من الصحة ولا يتردد في نصح غيره بعدم الذهاب الى الطبيب وهو لا يدري ما اذا كان يعاني من ضغط دموي او السكري او اي مرض اخر واذا مرض فانه يمرض ثم يقوم دون ان يتناول دواء او يخضع لعلاج , هو يعاني من سعال مزمن ومن مرض جلدي منذ سنوات ولا ندري اذا كانت هناك امراض اخرى فما هو مصير والدي وكيف يمكن ان اتصرف معه في حالة ما اذا تدهورت حالته الصحية يوما وهو يتقدم في السن علما ان الحوار معه في هذا الشأن لا ينفع ,
اذا تدهورت صحته يوما لا يمكن ان يقبل بالذهاب الى الطبيب وسوف يقال ان ابناءه لم يقوموا بواجبهم نحوه ولم يعالجوه فما هو الحل؟

[aissam .3820]

هذا مشكل كل الشعب الجزائري يا اخي...

..

رانا كامل لا طبيب لا والو حتى نهار تطيح ويدوك دراع...

..

ربي يشفيه..

..

[آلاء النايلية]

جيبلو الطبيب للدار بلا ما تقولو
ربي يجيبلو الشفا

[سينو91]

جيبلو الطبيب للدار بلا ما تقولو
ربي يجيبلو الشفا

هذي الفكرة اللي خممت فيها
جربوها
ربي يشفيه وكل المرضا

[Floona]

أنتم في موقف صعب جدا
ربي معاكم

[imene12]

الحل كيما قالولك الاخوة جيبلو الطبيب للدار... احنا عندنا مشكلة عكسية جدتي تمووووووووووووت على الطبيب و الأدوية تشربهم بلا غير حساب صدقني راهي تقتل في روحها بالدواوات...و كي تقولها راكي مرضتي روحك بالدواء تزعف منك......... رب يهديهم

[~~نهال~~]

شوفو واحد يعرفو مليح و يسمعلو هدرتو باش يهدر معاه

[Floona]

الحل كيما قالولك الاخوة جيبلو الطبيب للدار... احنا عندنا مشكلة عكسية جدتي تمووووووووووووت على الطبيب و الأدوية تشربهم بلا غير حساب صدقني راهي تقتل في روحها بالدواوات...و كي تقولها راكي مرضتي روحك بالدواء تزعف منك......... رب يهديهم


والله ردك ضحكني بزاف خاطر أنا تاني جداتي تموت على الدواء
حتى ماشي مريضة تقول راني مريضة ولازم يشوفني طبيب
ربي يكون فالعون

[محمد ...]

ربي يشفيه إن شاء الله

[BAROUD]

و الله غير صح حتئ انا جدي الله يرحمه و الله ما كان يروح للطبيب يا لوكان يصرا و اش يصرا
تخيلوا مرة لسعته عقرب كبيرة ف يده و مشئ حوالي '4 كلم علئ رجليه و جا للدار تغدئ و ممبعد قالهم ضربتني عقرب ف يدي ما عرفوش حتئ واش يديروا قالواوا ناخدوك للطبيب قالهم لالا حتئ مرض جدي مرض الوفاة جاه الطبيب للدار و دارلوا سيروم غير خرج الطبيب من الدار نحئ السيروم قالو والله ما تصرا لانو جدي كان عنيف جدا حتئ بلوغه سن 86 سنة و توفئ ف اول نهار رمضان
بالنسبة ليا انا جامي نروح للطبيب الله لا يبلي حد لاتك توالف الطبيب و الادوية تصبح غير تمرض للطبيب لالا
خلي مناعتك طبيعية
و بالنسبة للسؤال تاعك هذيك هي عقلية كل الاباء و الاجداد غير ما تتعب روحك معاهم وشنهي ساعفوا الحالة اك تعرف

[mouna lmd]

جيبلو الطبيب للدار بلا ما تقولو
ربي يجيبلو الشفا
اي وه.
جيبلو الطبيب بصح ما تقلوش هذا طبيب...
وقبل هذا أعطوه العسل على جال السعال........
ربي يجيبلو الشفاء......

[مريم الصابرة]

السلام عليكم اختي والله مشكل صعيب كان والدي الله يرحمو هكذا ما يعرفش الطبيب ولا عمرو دخل ليه يمرض ويخالج بأعشاب فالدار وينوض عادي حتى نهار طاح ولما إديناه كان الوقت فات
نصيحتي شوفو طبيب احكولو الحالة يجيه للدار او إذا ماكانش علجوه فالدار ونهار بعيد الشر يمرض حاجة كبيرة إدوه وحكو للطبيب اماموعل عقليتو وهو يتصرف معاه لأانو هذو المسنين عقليتهم صعيبة وماكانش اللي يبدلهالهم السعلى ديرولو السكر غبرة سكر قلاسي مع الزيت زيتون بولي هايل فالليل وما يشربش الما من موراه وشوفي يتحسن بالشفا عليه مشكورة على إهتمامك بالوالد صحا فطورك

[ناشدة السؤدد]

كي جيبلو طبيب للدار يفيق بلي طبيب لأنو لازم يقوم بعمله

بالصح ممكن يحشم منو و يرضخ للأمر الواقع بالصح الدواء ؟؟؟؟؟؟؟؟؟

ربي يشفيه

لا تتوانى عن علاجه بكل الوسائل حاول معه ـ أصدقاؤه ربما يعاونوك بزاف

[maiar]

ربي يشفي اباك
باباك كيما انا مانروحش للطبيب غير كي نطيح ضربة صحيحة

ما نحبش نشرب الدواء نحب الجسم تاعي يدافع على روحو وحدو و اذا ماقدرش نروح للطبيب

ربي يشفيه ويشفي جميع المومنين

[سفير الأيام]

جيبيله الطبيب في الدار كاش واحد وليد ناس

ونطلبوله ربي يشافيه

[سلاف26]

رأيي من رأي من سبقوني جيبولو الطبيب للدار صحته اهم من موقفه عليكم و ربي يشفيه و يطول في عمرو و يحفظهولكم

[ibta]

السلام عليكم بارك الله فيك على الاهتمام بالوالد وربي يجازيك ويهديك للطريق الصح
حاولو انكم تتقربو من طبيب العائلة او اي طبيب ذو ثقة وحكوله على الحالة تاعكم وجيبوه لدار على اساس ضيف وخليه هو يدبر راسو ادا تطلب الامر تحاليل طبية قولو رنا نوجدو في الدوسي تاع الحج وربي يسهلكم ان شاء الله المهم انكم تساعفوه حاولو انكم تقربوه من امام المسجد ويفهمه بطريقة غير مباشرة انو الصحة هبة من عند الله ويجب المحافظة عليها وربي معاكم

[lidia5]

ربي يشافيهولكم

[lidia5]

اغلب الجزائريين هكذا

[islam girl]

و الله كاين بزاااف ناس يديرو هكذا وكاين خرين يروحو للطبيب غير باه يشخصو والدواء مايدخلش فامهم يعني بلا فايدة


لازم تقنعوه

[amura8]

السلام نقولكم غير جيبوله طبيب ولا زيدو معاه خير من يجي نهار وتندموا وتقولوا كون غير زيرناه
مي كاين شي حوايج اواه يلازملهم طبيب واهدروا معاه قولوه بويا على جالي انا على جال قاهع الدار ادا جيت تبغينا وحنا نخافوا عليك بزاف نرقدوا مقلقين عليك ونخافوا عليك بزاف حنوا عليهم وابتزوه عاطفيا هههه قوللوه اوموا غير هدي لخطرة وحدة برك وشوفوا النتيجة

وقولولوه بابا مدابينا تعيش معانا كثر وربي يطولك في عمرك وكيما قالوا ناس بكري لا لقوا بايديكم للتهلكة
وزيريوه يليقله الزيار ولا فوتوله العجوز تتكلم معاه