صديقتي مجنونة بحب رجل متزوج ولم اعرف كيف اخفف عنها

[رجاها 22]

السلام عليكم لي صديقة مقربة جدا مني وكانت تربطها علاقة برجل متزوج واب ل 3 اطفال وكان دوما يهاتفها و يخبرها ان له مشاكل مع زوجته وانه لايطيقها وكل ما يربطه معها هو من اجل اولاده
لكن مند فترة و قبل شهرين قطعت هي اتصالها به و هو نفس الشيئ بدون سبب ودون ان يقررا دلك
الان هي مازالت تحبه و متعلقة به كتيرا و كما قالت لي راهي تحكم في روحها بسيف باه متعيطلوش
الصراحة صديقتي قريبة جدا مني و لم اتحمل رايتها في هده الحالة و انا خائفة عليها ان تنحرف لانها تعرفت بشاب اخر حتى تنسى ااول
وهدا ليس من طباعها فلقد تغيرت مند ان عرفته كيف اساعدها كيف اقنعها ان تتراجع فيما هي مقدمة عليه

[soha1987]

واله ماعندي مانقولك صديقتك ر احي تجرحت مسكينة ماعندك ماديرلها ادعيلها ربي يفرج عيلها وباش تقنعبها صعيب لانو لي حاطاتو في بالها والله ماتقدري تبدليه لانتي ولا واحد اخر ربي يهدي لبنات تاع هاد الوقت على الزواج هبلو وزيد هي كي عرفت بلي مزوج علاه كملت معاه كان عليها تبعد ولا خلات حتى رماها دارتها بروحها وزادت كملتكي دبرت واحد باش تملا الفراغ لي عندها قوليلها كان عليك تولي ربي وتدعيه انتي وليتي ديري فالعلاقات العاطفية المحرمة قوليلها توبي ربي

[سفير الأيام]

شابة هادي حابين نواسوهاااا

قوليلها لوكان انتي راكي في بلاصة زوجته تقبلي على نفسك البيت ديالك يتفركت


قوليلها هاد الباب غير باب الشيطان اللي يفرق بين الزوج وزوجته


ربي يهديهااا

[staifia]

مشكلتك نفس مشكلتي والله ... عندي صحبتي تاني على علاقة برجل متزوج واب لطفلين ,, راني محتارة بزاف كيفاش ندير معاها
نصحتها خوفتها كلمتها ,,, ما حبتش تستاجب مزالها معاه ومنيش عارفة ندير .
تبدلت خلاص و انحرفت كثيرا ,,,,, بالي ديما مشغول عليها ,,,,,
ربي هديهم الى الطريق الصواب

[رجاها 22]

اللهم امين اختي ربي يهديهم

[aissam .3820]

صديقة مقربة جدا مني وكانت تربطها علاقة برجل متزوج واب ل 3 اطفال ......تعرفت بشاب اخر حتى تنسى ااول .


تنسى الحرام بالحرام.....

..


العلاقات هذي راهي حرام...اللي يسحقها يطلبها من والديها...

..

ربي يهدي ما خلق..

..

[amiramira2012]

صديقتك هذه ربي يبعد كل رجل متزوج عنها

ما ذنب الزوجة و الاولاد الا تعلم انها ممكن ان تفكك اسرة و تيتم اطفال

ربي يهديها و يرزقها بالزوج الصالح

[مريم الصابرة]

السلام عليكم اختيصحا فطورك شوفي انا مغروف عليا الصراحة
قصة صديقتك جرات مع زوجة اخي وجات وحدةو خربتلها دارها وسبحان الله الصدفة هو ثاني عندو 3 اولاد تعرفي واش صرا الاولى طلقها وراحت والثانية هذي اللي خربتلو دارو جاب معاها ولد والأولاد ولما يجو يزوروه طردتهم وما قبلتهمش وضاعو بمعنى الكلمة يماهم ما قدرتش تعيشهم وحدها وصغار ولما تشوفيهم تحسبيهم يتامى ما عندهم لا اب ولا ام فالشتا يقرا وفي ليكول بعيد ووليد والصغير راه مريض من راسو والطبيب نتاع ليكول قلهم المرض نفسي وهذا كلو من واش من اللي خربتلهم دارهم
انا نقول لصديقتك هذي خافي ربي وخلي الزوجة والأولاد خليهم وما تكونيش سبب تفكك اسرة
كاين العزاب وبلاما دير علاقات محرمة تبقى في دراهم وتستنى مكتوبها من راي ما تواسيهاش على العكس أنبيها لأانو تخيلو روحكم ماكن الزوجة واش راح يصرالكم
ربي يهديها شكرا

[Floona]

عجب أنا تاني تخدم معايا وحدة تعرف واحد مزوج وعندو بلاك ثلاث أطفال
علابالك متقدريش تخرجيه من راسها أنا لي تخدم معايا قاتلي مستحيل
ربي يكون فالعون

[السي محمد]

الرجُل على حساب خبرتي 90 % من الرجال

ممكن

يخون زوجته يمشي مع بنت صغيرة


ولكنه لن يخرب بيته و يطلق الاولى بسبب الثانية

خصوصا إذا عندهم اولاد

[Floona]

الرجُل على حساب خبرتي 90 % من الرجال

ممكن

يخون زوجته يمشي مع بنت صغيرة


ولكنه لن يخرب بيته و يطلق الاولى بسبب الثانية

خصوصا إذا عندهم اولاد







هذه تاع90 % تــــــــخــــــــــــــــــــــــوف

[عبد العزيز الرستمي]

الموضوع سوف أعود إيه بعد حين
محجوز

[رجاها 22]

يا اخي 90% مضنيتش انا ديجا موسوسة مالرجال و كملتها عليا انت منتزوش خيرلي يمال علاه باه نقنط روحي
والحمد لله صديقتي تكلمت معها الاسبوع اللي فات و فاتلي انها تكاكات مع روحها و راهي تحاول تنساه خصوصا وانو جاء شخص متخلق يخطب فيها و راهي سعيدة انا راني معاها غير بسياسة ان شاء الله ربي يهديها ويوفقها و حتى الشخص 2 اللي عرفاتو راهي تركاتو ادعولها و ادعولي بالخير و لكل العضوات الكريمات صح سحوركم

[massoud0102]

اضن انا الله هدى البنت الى الطريق الصحيح مع الشاب التاني ولاتحطم اسرة الاطفال 3

[اسعى لرضى الله]

نقولك حاجة اختي ؟

بعض الناس ربي يهديهم يرضاو للناس واش ميرضاوهش لنفوسهم كون تسقسيها كون كنتي في بلاصة مرتو ترضايها ؟ تقولك ابدااااااااا بعيد الشر

مي هي رضاتها لامراة اخرى فاكيد تتعذب

وزيد الراجل اللي يخون مرتو واش يجيك منو او باين مش راجل ؟

يعني هي اللي ظلمت روحها

ربي يهديها ويهدينا على العموم ربي ينسيها فيه ويرزقها بولد الحلال

[المنتصر1]

يا بنات كل هدا للتهرب من التعدد وهو مباح

عششت في رؤوسكن افكار اليهود ؟؟؟؟؟

لم لا تساعدو في زواج حلال؟ ولم تعتبرن الفتاة مجرمة؟؟؟

ادا كان الجميع متفاهمين ويحبو بعضهم....لم تفرقون بينهم؟

اظن ان هكدا افضل من الانحراف والاجانب

اتركو المسكينة تتزوج.....وتنجب ولد او اثنين ينفعوها مستقبلا ما دامت شابة قبل ان يفوت القطار

[saadi-2008]

يا بنات كل هدا للتهرب من التعدد وهو مباح

عششت في رؤوسكن افكار اليهود ؟؟؟؟؟

لم لا تساعدو في زواج حلال؟ ولم تعتبرن الفتاة مجرمة؟؟؟

ادا كان الجميع متفاهمين ويحبو بعضهم....لم تفرقون بينهم؟

اظن ان هكدا افضل من الانحراف والاجانب

اتركو المسكينة تتزوج.....وتنجب ولد او اثنين ينفعوها مستقبلا ما دامت شابة قبل ان يفوت القطار


وماذا عشش في رأسك انت
هل ترضى لاختك أو إبنتك ان تقيم علاقة محرمة :mad:

مَا لَكُمْ كَيْفَ تَحْكُمُونَ

[Rose19]

احسن علاج مأكد و مجرب و دون اعراض جانبية لحب رجل متزوج و تستطيع المرأة العيش بعيد عنه و تصبر خاصة في البداية على فراقه هو الهروب اللى الله يعني:
1- اكثري من الصلاة و الدعاء خاصة في الليل.
2-اشغلي وقتك بالعمل, ابتكري اي شيئ كي لا تتركي وقت للتفكير فيه (في العمل, البيت,جمعية...).
3-في البيت في اوقات فراغك و خاصة في الوقت المعتادة مكالمته في الهاتف اجعليه لقراءة القرأن (اذا لم تستطيعي الحرص على1 فهذه سهلة) تأكدي انك انت الرابحة و ستتعودين على هذا.

هذه طريقة للتي تخاف الله و لكنها وقعت في غرام رجل متزوج رغما عنها فنحن لا نختار من نحب اما التي لا يهمها شيئ و كانت صديقتك فالطرق الاخرى هي:
1- ادعي لها قبل ان تدعي لنفسك ,في كلتا الحالتين انت الرابحة : قال رسول الله صلى الله عليه وسلم: "دعوة المرء المسلم لأخيه بظهرالغيب مستجابة عند رأسه ملك موكل كلما دعا لأخيه بخير قال الملك الموكل به: آمين ، ولك بمثل " مسلم
2- لا تتركيها لوحدها عوديها ان تحكي لك و تستشيرك كي تكوني بجنبها و تتجنبي الاخطاء و الكوارث قبل وقوعها.
3-ذكريها دائما بانه متزوج و خاصة اذا كان له اولاد لانه عندما تحبين تنسين او تتناسي هذه النقطة رغما عنك.

[lidouch]

قوليلها حابه تربح دعاوى الشررررررررررررررر و....................

[رجاها 22]

لكل من شارك بكتابته في الموضوع شكرا على الرد وجزاكم الله خيرا
قلت من قبل ان هناك شخص يريد خطبتها وهو انسان خلوق و طيب
وبربي ان شاء الله راهم حيتفاهمو يارب الله يهديها ويهدينا

[قَاسِمٌ.قَاسِم]

تصفح القرآن الكريم مباشرة
(http://www.quranflash.com/quranflash.html)