زوجي يخونني

[omamani]

اكتشفت البارحة و انا اتصفح صفحة رسائل فايسبوك زوجي انه على علاقة مع اكثر من فتاة وهناكنم فابلهن ومنهن من يتحدث معهن عبر الفايسبوك,صارحته نفى في الاوا ثم اقر , امر بازمة كبيرة حتى اني اعجزعن الكتابة ,عندنا اربع سنوات زواج ولدينا بنتين و انا احبه حد الجنون وكان يمتل دور المحب الوفي انا في صدمة وعاجزة عن التفكير و كل ما يجول بخاطري الكلاق و بنتي

[المحبُّ لأهل السُّنة]

السلام عليكم ورحمة الله وبركاته
سيّدتي الفاضلة الكريمة
أعذريني إذا قسوت في هذا الرّد
واعتبريني مثل ابنك الصّغير ....


أقول الله المستعان وعليه التّكلان..
بالله عليك بالله عليك
ما الذي جنيت من تجسّسك على رسائل زوجك الكريم..؟
أين أنت من قول الله تعالى :
[يا أيّها الذّين آمنوا اجتنبوا كثيرا من الظنّ إنّ بعض الظنّ إثم ولا تجسّسوا ]

فسوء ظنّك بزوجك جعلك تتجسسّين عليه



أين أنت من قول النّبيّ صلّى الله عليه وسلّم

[لا تجسّسوا ولا تحسّسوا]

وقال صلّى الله عليه وآله وسلّم :
[ يا معشر من آمن بلسانه ولم يدخل الإيمان قلبه
لا تغتابوا المسلمين ولا تتّبعوا عوراتهم..]

أرأيت عاقبة تجسّسك على رسائل زوجك

أنا لست مدافعا عنه فهو مخطئ وخاطئ..
يجب عليه أن يتوب ويؤوب إلى ربّه ومولاه
ويقلع ويندم ويخاف ربّه .
ويتّقي الله ي بيته وزوجته وبناته
ويخاف الله في بنات المسلمين ...


ما الذي تنوين فعله الآن ..؟؟

تريدين أن تهدمي بيتك بكلمة واحدة والعياذ بالله ...؟؟


نعم صحيح هو قد أخطأ
لكن قبل لومه يجب على المسلمة العاقلة
أن تفكّر ولو للحظات

مالذي دفع زوجها إلى هذا المنكرالعظيم..؟؟

لعلّها قصّرت في حقّ من حقوقه ..؟؟

لعلّها فرطّت في أمر جعله لا يقصر طرفه عليها..؟؟

لعلّ ولعلّ ولعلّ..

على الإنسان أن يفكّر قبل أن يحكم...


سيّدتي الكريمة :
عليك الآن أن تستعيني بالله وحده فهو
وحده المعين والمسدّد والموفّق :

راجعي نفسك وطريقة تعاملك مع زوجك الكريم.
إن رأيت تقصيرا فأسرعي بإصلاحه..

حاولي أن تفهمي الخلل الذي جعل الزوج يقوم بتلك الفعلة الشّنيعة.

لا تصاريحه بفعلته وحاولي أن تنصحيه باللين والموعظة الحسنة
وبأن تبيّني له أن مثل هاته الأمور
لا يحبّها الله تعالى ولا رسوله صلّى الله عليه وسلّم
وليس فقط تهدم بها بيوت النّاس
ولكن ينالون بها عقاب الله تعالى نسأل الله العفو والعافية
فالقضيّة قضيّة جنّة ونار


ثمّ عليك بالصّبر ثمّ الصّبر ثمّ الصّبر

فهذا ابتلاء من الله تعالى ليمتحنك ويرى أتصبرين أم تجزعين..


وفي الأخير أكثري من الدّعاء أن يصلحه الله تعالى
وأن يوفقه للتوبة النّصوح وأن يجنّبه الفتن والمعاصي والمنكرات

والله يوفقك ويسدّدك ويرزقك من خير الدّنيا والآخرة ...آمين آمين آمين..

[imyseb]

اكتشفت البارحة و انا اتصفح صفحة رسائل فايسبوك زوجي انه على علاقة مع اكثر من فتاة وهناكنم فابلهن ومنهن من يتحدث معهن عبر الفايسبوك,صارحته نفى في الاوا ثم اقر , امر بازمة كبيرة حتى اني اعجزعن الكتابة ,عندنا اربع سنوات زواج ولدينا بنتين و انا احبه حد الجنون وكان يمتل دور المحب الوفي انا في صدمة وعاجزة عن التفكير و كل ما يجول بخاطري الكلاق و بنتي


السلام عليكم ,,,,
نورمالموا متخليش روحك توصلي باش تواجهيه قبل ان تواجهيه كنتي تقوليلوا على الخيانة و تبينيلوا سيئاتها و وين رايحة توصل لكي يشك في نفسه ,,,, مي درك قدر الله و ما شاء فعل عادي الحمد لله انت راكي لاباس عليك و هو مزال موصلش لدرجة انو يقابلها شخصيا بلاك راهو كيما يقولوا غير يضيع في الوقت راكي عارفة الرجال ,,, و كاينة حاجة \انا عن نفسي كون جيت متزوجة و زوجي يقعد بزاف على النت ندير في بالي 100 بالمية راهو يخون فيا إلا أنو هذا النوع من الخيانة أرحم ......
الله معك معندك متديري غير انك تدعيلوا ربي و درك مبدئيا العبيها بلي صدقتي كلاموا هو أكيد على جال باش يبرهنلك راح يبطل لبعض الوقت و ربما اذا عرفتي كيفاش تتعاملي معاه يعتزل الفيس بوك .....
الله يوفق

[غروب الشجن]

السلام عليكم سأذكر هذة القصه لمواساتك ولكي اقول لكي لست وحدك من ابتلاها الله بمثل هذا الامر فانا اراه امر نتن
والله العظيم مشكل مشابه لما وقع لزميلتي في العمل وصديقتي المقربه ولكن هي اكتشفت خيانة زوجها فالهاتف وجدت شريحه ثانيه بين اغراضه فهوكان دركي باحدى مدن الشرق وهي في الغرب الجزائري كانت تحبه حبا لا مثيل له لدرجة انها تقريبا العام الاول والثاني كله عطل في سبيل الالتحاق به بمدينة عنابه تاركة عملها ومسؤولياتها والمشكلة انه لم يكن يظهر لها اي شئ انجبت منه بنت والله اية في الحسن ثم حملت منه بولد وقبل الحمل بالولد قرروا في العمل تحويله الى مدينه بالغرب الجزائري وهنا اراد الله ان يكشفه في اثناء تحويل اغراضه جاء بها الى البيت وهي ترتب الاغراض وجدت الشريحه فوضعته في هاتفها واذا بها تصعق وجدت رسائل وارقام بنات فاتصلت بهن الواحده تلو الاخرى ففجعت لما سمعت منهن وانه يواعدهن ...........اخواتي صحيح القارئ يستهين الامر ويستصغره ولكن الامر ليس بالسهل على الزوجه لو كان الرجل او الزوج مكانها وتعرض للخيانه حقيقة لربما ارتكب امرا اشنع وصل للقتل فكبف للمرأه ان تستحمل كل هذا الظلم بعد ان كانت له نعم الزوجه وصانته حاضرا وغائبا وحفظت ماله ......وتساعده على هموم الحياة ..والله العظيم كأن صاعقة نزلت بها فاناصديقتي مرضت نفسيا وبالرغم انها لم تنفصل عنه ولكنها فقدت الثقه تماما فيه واصبحت تعيش في صراع داخلي شكوك ....وانا اهون عليها وقد لجأت في مشكلتها الى الله وبقيام الليل والدعاء
ولكن تبعات الموضوع كانت اشد عليها


اختي والله العظيم احس بهمك وبكربتك فلن اقول لك مثل ماذهب اليه الاخوه حول تتبع عورات الناس و التجسس فهذا زوجها وليس كسائر الناس . فاذا رأت مايريب ويدعو للشك فكيف ستتأكد ؟اكيد بتتبع ما يثير الشك. ولو لم تكتشفيه لربما واصل خيانته لك الحمد لله ان الله كشفه لك فكيف للزوج اذا شك في زوجته ان ييتبع خطواتها ؟؟فالخيانه امر شنيع ودنئ سواءا بالنسبه للرجل او المرأه ولا يحس بها الا من جاورته او المت به وانصحك بمثل مانصحت صديقتي واختي التي لم تلدها امي عليك ان تعقلي الامور اعرف بان هذا الشئ فوق طاقتك واحتمالك فمررت بساعات صعبه مع صديقتي في الاخذ والرد معها والاصغاء اليها لتخفيف عنها فأقول لك لا تهدمي بيتك فانت الاساس فانت الزوجه وهن الدخيلات(كيما قلتلها انت الصح) فاحتفظي بزوجك اب اولادك وعليك بالدعاء والتضرع الى الله فهوالركن الشديد والله لن يخيبك فالجرح جديد ولكن بمجرد مرور الوقت ستتأكدين بأن الله سيرفع عليك هذا البلاء ويخف
قد اطلت ولكن ادعو الله ان يريك الحق حق ويرزقك اتباعه وان يهديك لما فيه صلاح لك ولأسرتك

[كاميلا]

السلام عليكم ورحمة الله تعالى وبركاته كتعقيب على راي الاخت عذغروب الشجن انا اتفق معها في نقاط

ومن الواضح انه زوجك نسي الفايسبوك تاعو مفتوح لهذا وعن طريق الصدفة وجدتي واطلعتي على الرسائل اصلا واش يدير بالفايسبوك وهو متزوج وثانيا علاش يضيف البنات هده نية ميش سليمة حاولي تقنعيه بملء فراغه بالرياضة او نشاط آخر لان الانترنت والله مصيبة في هاد الزمن ثالثا ميروحش بالك لبعيد وتتخيلي اشياء اخرى وتذكري الفاحشة لازملها شروط باش تثبت على الشخص الزنى والعياذ بالله بالرغم من ان العين تزني الخ بصح مدخليش روحك في شكوك تقتلك وتذكري اذا كان هاد الانسان راهو وصل لخيانتك صح راح يكشفوا ربي مهما يدير مي تذكري كوني ذكية وحاولي احتواء الموقف قوليلوا يحدف هاد لبنات او مثلا فيسبوك يكون مشترك بينكم عندكم نفس المودباس وخليوه الا للعائلة ومضيفوش كل من هب ودب مثلا

انا اعلم انكي في غضب كبير ومهما تكلمتي تلقاي الناس راح تمدلو 100 مبرر وليس هذا فقط بل يردوك انت اللي فيك الغلط زمن عجيب اصبح للخيانة مبررات واسباب حسبنا الله ونعم الوكيل
المبرر الوحيد للخيانة انه الراجل بطبيعته ينظر الى اكثر من وحدة بدليل شرع ربي للزوج 4 زوجات الله غالب مهما تكون الزوجة فيها كل الصفات تلقايه يشوف لبرا وماادراكي في عصر الفتن وآخر الزمان هذا انتلانت هواتف تلفزيونات الخ
هذه المشاكل سببها بعدنا عن الدين والله العظيم لو كنا نطبقوا الدين كون جا اللي يخون مرتو مثلا او تخون راجلها ويرتكبو فاحشة الزنى يرجموهم قدام الناس الناس كامل تتربى الله غالب
في هاد الوقت العبد غير يزرب دير حسنات تنفعوا لاخرته لانه الساعة قريبة وفي اي لحظة تقوم يوم لا ينفع لا مال ولا زوج ولا ولد ولا اي شيء من تفاهات الدنيا
وصحا فطورك اختي رانا ف يالعشر الاواخر ثقي بالله واستعيني بالدعاء

[بلسم الجراح]

لماذا يقع اللوم دوما على المراة في خبانة زوجها وحتى وان قصرت فهذا لا يعطيه الحق في خينتها

[المحبُّ لأهل السُّنة]

لا حول ولا قوة إلا بالله تعالى
على الإنسان أن لا يحكّم عاطفته في مثل هذه الأمور
إنما يجب أن يحكم شرع الله تعالى سواء أكان له أو عليه.

أعلم أنّ هذا الأمر عظيم وعظيم وصعب الهضم والله المستعان
لكن ما الذي ستجنيه المرأة بعد هذا الأمر غير هذا :





وبالرغم انها لم تنفصل عنه ولكنها فقدت الثقه تماما فيه واصبحت تعيش في صراع داخلي شكوك ....وانا اهون عليها وقد لجأت في مشكلتها الى الله وبقيام الليل والدعاء
ولكن تبعات الموضوع كانت اشد عليها





وهذه هي الرسالة التي أردت إيصالها


لو كانت حياتنا مستنيرة بالقرآن الكريم والسيرة النّبويّة
فمحال ومحال أن نجد مثل هذه الأمور أو نسمع بها ...

في الأخير هذا كلام أخيكم في الله
لم أرد به إلا التخفيف عن السيدة الفاضلة
فإن خطأت فأستسمح الجميع وأعتذر منهم اعتذارا شديدا
فلم أقصد الإساءة ولا الدّفاع عن منكر وباطل وظلم
والسلام عليكم ورحمة الله وبركاته...

[عاشقة الوفاق]

ربي يفرج عليك اختي قبل ماتتسرعي خمي في بنتك قبل وادعي ربي وصلي بزاف باش ينحل هاد المشكل ,,,, ولا تنسي قادرا تلعبي دور كبير جدا في هداية زوجك وبدلك تربحي الاجر اجرين والله المستعان اختي

[imene12]

ربي يفرج عليك... هنا يأتي دورك في اصلاح الامر و الحفاظ على بيتك

[omamani]

السلام عليكم كما تلاحظون انا شبه جديدة على المنتدى ولا علاقة لي بالتكنولوجيا والنت رغم اني خريجة الجامعة لكني مكثت بالبيت اربي الاولاد وارعى زوجي و اظنني اكثر من جايحة وحتى انه كان يقولي شدي الاولاد خليني نخدم على النت لكن كان يركز في الكلام الحلو والبذيء اللي يتواصل بيه مع الفاسقات لم انوي ان افتح الفايسبوك او ان افتش وراءه لاننا عندنا 4 سنوات زواج ولا اشك فيه ابدا وثقتي به عمياء و هذا الثمن ادفعه مرت ليلة كالجحيم خاصة اني بعيدة عن اهلي واهله ولا اريد ازعاجهم بمشاكلي فهم اطيب من ان يتالمة لقذاراته جاءني يعتذر و يقول انه لا يستحق جوهرة مثلي لكن بعد ان تحولت الجوهرة لصخر لا يكفي الاعتذار و انكسر شيء ثمين اسمه الثقة وانفتحت العيون العمياء بالحب عن شيء اسمه الذات لاني نسيت اننا جسدين وروحين والان الحمد لله قدر وما شاء فعل عندي اجمل شيء في الوجود درتين الصغيرة تبكي ذات العامين تبكي لبكائي بصراخ لانها كانت تحت حشاشة القلب ةلامست نبضه تسع اشهر و الكبيرة عمرها 3 سنوات تحضنني بشدة و ان حاول لمسها تدفعه وكانها تدرك انه هو سبب بكائي لن انسى ماحييت 9اوت2012 لا يعرف غيركم ما حدث ادعو لي بصدق التثبيت و اشكركم

[staifia]

ربي يهونها عليك اختي وحاولي تتكلمي وبلين وتتفاهمي معاه ,,,,,,, صح معندوش الحق وحاجة كبيرة ,, مكاش لي ميغلطش
ربي يهنيك ويسعدك

[كاميلا]

المهم الان اختي احنا نحاولو شوية نمتصو غضبك ونحاولوا نديروا صلح ماشي مليح نزيدو نشعلوها المسلم ماشي هكدا واجهي المشكلة وحددي موقفك طبعا بالاستعانة بالله وشوفي الا راكي رح تتقبلي هاد الشيء وتسامحيه شريطة انه يتربى ويبين هاد الشيء
المهم الان تريحي اغصابك تصلي وتدعي ربي ومتتسرعيش في اتخاد القرار كي تريحي وتركزي وتخلي عقلك يخمم قرري ماذا تفعلين نحن هنا لمساعدتك وحاسين بيك وماناش حابين نقولولك رانا نشفقوا عليك لانو رانا نحوسوا نساعدوك ونقويوك
وشكرا

[كاميلا]

لا حول ولا قوة الا بالله

[moh_abdo]

كما تدين تدان

[djeriou]

السلام عليكم كما تلاحظون انا شبه جديدة على المنتدى ولا علاقة لي بالتكنولوجيا والنت رغم اني خريجة الجامعة لكني مكثت بالبيت اربي الاولاد وارعى زوجي و اظنني اكثر من جايحة وحتى انه كان يقولي شدي الاولاد خليني نخدم على النت لكن كان يركز في الكلام الحلو والبذيء اللي يتواصل بيه مع الفاسقات لم انوي ان افتح الفايسبوك او ان افتش وراءه لاننا عندنا 4 سنوات زواج ولا اشك فيه ابدا وثقتي به عمياء و هذا الثمن ادفعه مرت ليلة كالجحيم خاصة اني بعيدة عن اهلي واهله ولا اريد ازعاجهم بمشاكلي فهم اطيب من ان يتالمة لقذاراته جاءني يعتذر و يقول انه لا يستحق جوهرة مثلي لكن بعد ان تحولت الجوهرة لصخر لا يكفي الاعتذار و انكسر شيء ثمين اسمه الثقة وانفتحت العيون العمياء بالحب عن شيء اسمه الذات لاني نسيت اننا جسدين وروحين والان الحمد لله قدر وما شاء فعل عندي اجمل شيء في الوجود درتين الصغيرة تبكي ذات العامين تبكي لبكائي بصراخ لانها كانت تحت حشاشة القلب ةلامست نبضه تسع اشهر و الكبيرة عمرها 3 سنوات تحضنني بشدة و ان حاول لمسها تدفعه وكانها تدرك انه هو سبب بكائي لن انسى ماحييت 9اوت2012 لا يعرف غيركم ما حدث ادعو لي بصدق التثبيت و اشكركم

أختي لا تهدمي حياتك مع زوجك الله يبارك فيك و لا تقولي أنك بخدمتك لزوجك بصدق كنت جايحة لا أختي كتي أنت بنت أصل و إذا اعتذر زوجك أختي قلا تهدمي بيتك، لعله قد ندم أو أنه كان على غشاوة و قد زالت، استعيذي بالله و إبدئي صفحة جديدة بعد أن تتأكدي أنه لن يعيدها ثانية.

و الله المستعان

[بلال الرومنسي]

هههههههههههههههه مسكين زوجك مكلح ترك اسمو وكلمته السرية ههههههههههههههههه

ربي يكون في عونك ........... رايحة تسرقهولك وحدة جميلة

ربي يعطيك الصبر لكن ننصحك انتبهي ان تخونيه كما يخونك ......... رايحة تجيبيها غير في راسك

وبالاك صديقاتو فقط انتيا برك موسوسة

[maiar]

ربي يفرج عليك اختي و الله قطعتيلي قلبي

[lola-lola]

الله يهديك الفايسبوك خيانة؟؟؟؟؟صح شوية بصح كونك فاهمة وما تجهليش راهو يفوت فالوقت كون عينو يخونك والله ما يخليك تفيقي وتحسي ديريها في بالك.....وتاني راهو بوليداتو...خمي مليح بركاي متخمام العيان وشكراااااااااا كبري عقلك

[Lydia istanboul]

أخت أعرف أن الأمر عسير و لكن أحس أنك أرزن و أعقل من أن تهدمي بيتك و تطلبي الطلاق لأنه كلم فتيات....بل عليك لملمة جراحك و الصبر و أخذ قرار أنك ستعيدين حساباتك مع هذا الزوج فممكن هو من النوع الذي يفضل شي ما تجاهلته ...ثم كوني فحلة،كيفاش تيتمي بناتك على جال بنات شارع لايستحين...نحبك تكوني شاطرة و تلتمسي الثواب في بقاءك مع زوجك من اجل مصلحة بناتك..لا ضير في جعله يطلب السماح و يتودد اليك لكن حذاري تكثري عليه ثم لا تقدري على قرار الابتعاد فيستهون الامر في عينه و يصير يفعلها بدون خوف...جل الازواج تزيع اعينهم فترة ما و نسا الفحلات يردوهم لعقولهم و يولو يحلفو بريسانهم مالا يا الغالية نحبك تبعدي عن مخيلتك انها كارثة عطمى و الحل طلاق و خراب بيوت و تولي بين هذا و ذاك ،ماكي قادرة تطلقيه على جال بناتك ماكي حاملاتو...قنعي روحك. بلي بزاف رجال يغلطو و نتي مرتو و سكنو و لازم تحسني اليه و تسامحيه و يا رب تكون هذه بداية معاملة اروع و احسن منه...كلماتي مبعثرة لكن نيتي صادقة في ان اراك قوية صامدة و نعم الزوجة الودودة و التي تغفر. لزوجها حبيبها و ابو بناتها....

[Floona]

ربي معاك وماشي ساهلة لكن كبري عقلك وخممي في ولادك وتاني وين رايحة تروحي كان طلبت الطلاق
لازم تصبري ومتفكريش في حاجة إسمها طلاق تقربي من ربي بالصلاة والدعاء وإن شاء الله يفرج ربي همك

[omamani]

السلام عليكم ورحمة الله وبركاته ,شكرا جزيلا وجدت عندكم صدرا حنونا لملم الكثير من اندفاعي , الحمد لله ابتلاء والصبر من عند الله,رغم انها جات في صحتي لكن ما عليهش لكن حابة نجاوب على اللي يقول كما تدين تدان او انها ممكن تخرج في بناتو او اخواتاتو , الله لا يقدر انا مستحيل و مهماكان الظرف في الخيانة لان الزواج وسيلة لارضاء الله وليس لاغضابه وخواتاتو خواتاتي و عفتهم شرف ليهم ولي و بناتي بعيد الشر عليهم نشالله يكونو نبراس , وكل حاجة اكيد دارها ربي سبة وهذا ولا اكثر ممكن لو ما شفتش الفايسبوك في الوقت المناسب كان العلاقة تطور لادمان و من ثم خطيئة او زواج و الحمد لله قدر وما شاء فعل لن انسى موقفكم و الشكر موصول لكل واحد جزاكم الله عتقا من النار و جنة الريان و صحححح شربتكم

[hassina2]

راسليني على الخاص لاعلمك كيف تؤدبينه وتنتقمين منه في ان واحد فانا احب هذا النوع من الرجال ولا يقهرني لانني اعرف كيف اردعه لا تتعجبي من كلامي اليس كيدهن عظيم ستفرحين كثيرا بعد ان بكيت كثيرا

[لحن الفرح]

السلام عليكم اختي الكريمة
اختي لماذا اخبرتيه انك رأيت تلك الرسائل لو تحكمت قليلا باعصابك ولم تخبريه ابداااا لا تتركي العلاقة ما بينكما تزول ابداااا
انصحك لا تخسري زوجك ابداااا ربما يمر بفراغ عاطفي اي ربما حاس بغيابك اختي كإمرأة .
فأذا برر غلطه بأي شىء انا لاادري ...انت اعتبريها غلطة بسيطة وغيمة سوداء وجوزيها عادي وحاولي ترجعي الثقة ولا تفسدي العلاقة مابينكما وحاولي بعقليتك تعرفي لماذا زوجك يخاطب النساء .
وحاولي تجبديه ليك بأي طريقة بالكلام الحلو+ الاكلات التي يحبها + السهر خارج البيت مع الاولاد + كوني متألقة وجميلة لباسك وشعرك كل شىء فيك جميل في البيت ودري دايما في بالك انك زوجتة انت الصح .
المهم كوني رزينة وذكية ليس غلطة تأثر فيك جوزيها اختي . وان شاء الله لاتتكرر ابداااا.
وفي صلاتك ادعي الله كثيراااا .
تحياتي اختي الكريمة .

[faty05]

اذا اعتذر و نوي نية صادقة عدم الرجوع لما فعله
اسمحيلوا
فالمسامح كريم

[sarl02]

راسليني على الخاص لاعلمك كيف تؤدبينه وتنتقمين منه في ان واحد فانا احب هذا النوع من الرجال ولا يقهرني لانني اعرف كيف اردعه لا تتعجبي من كلامي اليس كيدهن عظيم ستفرحين كثيرا بعد ان بكيت كثيرا

بحال كيفاش انت شطورة زعمة ؟ايا قولينا واش درتي بالكيد العظيم تاعك هذا ؟...قولي كلمة اطيبي بها خاطر البنت هذه والا فاصمتي افضل لك ولها.

[ام نسمة]

مرحبا اختي تصفحت هاته المشكلة مرات عديدة واليوم قررت ان اشاركك في احزانك شوفي اختي الزمان اللي رانا فيه واعر بزاف واللي راها شادة راجلها في الدار راها تطير على بالي كلام المواساة لا يثلج القلب ويدمل الجرح بسرعة لكن مع الوقت الانسان خلق الله تعالى له نعمة عظيمة اسمها النسيان نحمد الله عليها كثيرا شعور المرءة عندما تكشف اول خيانة لزوجها يشبه شعور فقد انسان عزيز لكن مع الوقت تنسي اه لوكان نحكيلك واش فات عليا ملي تزوجت وانا عندي 18 سنة لليوم يشيب شعر راسك وانا تاني حكمت عليه خيانة عبر النت لكن الفاجعة هي انو ماكانش يتكلم غير مع الفتيات فقط بل كان يمارس الرديلة والعياد بالله حتى مع الدكور عبر النت حسب ما قرءت الرسائل المتبادلة مع هؤلاء الحثالة وكان يتكلم مع الاجنبيات واش من فديوهات لقيتهم واش من صور فاضحة يصورو رواحهم عرايا ويرسلو هم له ومن الممكن جدا انه كان متبادلين ارقام الهواتف واو استعملو لاكام الفايدة انا قريب عام ونص وانا مريضة ومدهولة ومستاء وحتى اليوم كي نتفكر نقرف من عيشتي معاه بصح واش دنب ولادي يتحرمو من اسرة ......على جالهم ارفدي الفحم فوق كتافك ماشي المشاكل خاصة انو عندك بنيات راهم وليات كي تبعديهم على باباهم واش تستفيدي صدقيني ادا طلبتي الطلاق انت الخاسرة واياك تعملي غلطتي وتولفيه هاد الكلمة انا كي طلبت منو لراه طلقني عدة مرات وحتى يومنا هدا راني لاصقة فيه بسيف عليه على جال ولادي وزيد محرومة حتى من حقي الشرعي كزوجة ديري عقلك في راسك يحكي معاهم في الفايس بوك خير ما يحكي معاهم في كاش شقة بعيد الشر عليك حنونتي ربي يهدي سرك اختي والله راني حاسة بيك بزاف

[hassina2]

بحال كيفاش انت شطورة زعمة ؟ايا قولينا واش درتي بالكيد العظيم تاعك هذا ؟...قولي كلمة اطيبي بها خاطر البنت هذه والا فاصمتي افضل لك ولها.
شطورة ونص ولكن كيدي في الخير ان شاء الله ودرت بزاف حوايج وعاونت بزاف نساء خانوهم رجالهم وربحت فيهم اجر كبييييير توبتهم على خاطر الخائن لازم يتربى ويلزم حدودو مع ربي قبل العبد واذا خانك ذكاءك وما فهمتينيش مليح ماشي ذنبي واذا راح تفكيرك لحاجة فيها الشر فكل واحد يفهم على مقاسو واذا كاين واحد لازم يسكت هو انتي كي يتكلمو الكبار تسمعي فقط وتتعلمي حاجة ممكن لاقدر الله وخانك زوجك تنفعك على خاطر النساء فاشلين وما يعرفوش اربيو الراجل ويخلوه يلعب كيما يحب يبقاو غير يبكيو ولا يدوروها شعوذة ولا شجارات وطلاق اما الذكية فهي التي تسكت تخطط وتنفذ لان الرجل مجرد طفل صغير علينا تربيته لان الزوجة مسؤولة بنسبة معينة اذا ارتكب زوجها الحرام ولولا خوفي ان يكتشف الرجال هذه الخطة لنشرتها على الملا ولهذا السبب عرضت عليها ان تراسلني على الخاص alors اختي واش انقولك سوسم وانتوما يا لبنات لازم تفحالو وتوربو اشباه الرجال راهم كثرو وكثرو ضحاياهم لازم نحطولهم نقطة في اخر السطر
ايا صحا فطوركم واذا حكمتوني نزيد ندخل في مشاكلكم اجرو مورايا دخلنا نديرو الخير عشينا في السب والشتم

[ام نسمة]

شطورة ونص ولكن كيدي في الخير ان شاء الله ودرت بزاف حوايج وعاونت بزاف نساء خانوهم رجالهم وربحت فيهم اجر كبييييير توبتهم على خاطر الخائن لازم يتربى ويلزم حدودو مع ربي قبل العبد واذا خانك ذكاءك وما فهمتينيش مليح ماشي ذنبي واذا راح تفكيرك لحاجة فيها الشر فكل واحد يفهم على مقاسو واذا كاين واحد لازم يسكت هو انتي كي يتكلمو الكبار تسمعي فقط وتتعلمي حاجة ممكن لاقدر الله وخانك زوجك تنفعك على خاطر النساء فاشلين وما يعرفوش اربيو الراجل ويخلوه يلعب كيما يحب يبقاو غير يبكيو ولا يدوروها شعوذة ولا شجارات وطلاق اما الذكية فهي التي تسكت تخطط وتنفذ لان الرجل مجرد طفل صغير علينا تربيته لان الزوجة مسؤولة بنسبة معينة اذا ارتكب زوجها الحرام ولولا خوفي ان يكتشف الرجال هذه الخطة لنشرتها على الملا ولهذا السبب عرضت عليها ان تراسلني على الخاص alors اختي واش انقولك سوسم وانتوما يا لبنات لازم تفحالو وتوربو اشباه الرجال راهم كثرو وكثرو ضحاياهم لازم نحطولهم نقطة في اخر السطر
ايا صحا فطوركم واذا حكمتوني نزيد ندخل في مشاكلكم اجرو مورايا دخلنا نديرو الخير عشينا في السب والشتم

صباح الخير شوفي اختي انا ايضا اظن اني بحاجة لكاش نصائح فعالة واظن انكي قرءتي ردي وعرفتي اني اعاني نفس المشكلة لكن بحجم كبير انا زوجي بدء في خيانةي من اول شهر زواج حاولت ان اراسلك على الخاص لكن قالو لي لازم يكون عندك الف رد باش تقدري تراسلي الاعضاء لدا كيف يمكن ان اتواصل معك وندردش بحرية بعيدا عن المنتدى او جربي انت انك تبعثي لي رسالة خاصة وشوفي انا بنتظار ردك وانا مهتمة للموضوع

[hassina2]

صباح الخير شوفي اختي انا ايضا اظن اني بحاجة لكاش نصائح فعالة واظن انكي قرءتي ردي وعرفتي اني اعاني نفس المشكلة لكن بحجم كبير انا زوجي بدء في خيانةي من اول شهر زواج حاولت ان اراسلك على الخاص لكن قالو لي لازم يكون عندك الف رد باش تقدري تراسلي الاعضاء لدا كيف يمكن ان اتواصل معك وندردش بحرية بعيدا عن المنتدى او جربي انت انك تبعثي لي رسالة خاصة وشوفي انا بنتظار ردك وانا مهتمة للموضوع

انا في اخدمة اختي والله لن ابخل عليك لكنني ليس لدي الف رد يمكن ان نتواصل عبر مسنجر اضيفيني هذا حسابي

[mounia 85]

والله يا اختي قصتك اثرت فيا بزاااااااااف والله كارثة كبيرة ...راني حاسة بيك وحاطة روحي في بلاصتك والله كون تصرالي علابالي مانقدرش نتحمل على خاطر صعيييييييييييبة بزاف انك تنخدعي من اعز الناس عندك ربي يكون معاك وربي يهدي راجلك ولازم يتربى ماتفوتيهاش هاكا دوريهالو غربة وبينيلو باللي الشي هادا راهو حاجة كبيرة ومايتسكتش عليها لازم ماشي تفوتيهالو بالساهل هاكا راهو يزيد يعاود المهم ما تخليش دارك على وجه بناتك
واللي راهم يقولولك ما تخربيش في حوايجو وماتحوسيش ...نقولك من حقك تعسي راجلك وما تخليلوش متنفس باه يخونك على الاقل قدام عينك راه راجلك ولا كي تخدميه وتحبيه وتطيعيه مليحة وكي تعسيه خوفا عليه ماشي مليحة ...وانا وحدة من الناس نحوس ونخربش ونسقسيه ونحلفو وكي نكونو مع بعض فالشارع ديما نعسو ونشوف مع عينيه وين راهم هادا حقي ....واللي راهم رادين الذنب فيك نقولهم لوكان تصرالكم كيما صرالها ردو الذنب عليكم الا تقدروا .....هو لي غالط مرتو تخدم وتعدلوا وتطيبلوا وتغسلوا وهو في نفس الوقت قاعد يخون فيها و في الدار والله عيب ان شاء الله ربي يهديه ويعرف قيمتك ومايزيدش يعاود
ربي معاك نتي ان شاء الله ربي يصبرك

[omamani]

ربي يستركم فوق الارض وتحت الالرض و يرم العرض و يبعدكم على شرور هذا الزمان

[مريم الصابرة]

سلام عليكم اختي انا كنت حطيتلك رد لكن لا اعلم هو غير موجود
المهم اختي ماراحا نقولك إنتقميمنو هذا زوجك واب بناتك وهو غلط صح وغلطة كبيرة لكن خلينين نقولك اختي إنت لو رحت وطلقتي بعيد الر شكون خسر اكيد إنت وه راح يزيد اكثر والعلاقة تتطور وتجي مرا اخرى في مكانك وإنت كيفاه تربي بنتين لوحدك ويا ختي بنتين بلا اب خمي للامام لمستبقلهم لحيتهم ويوم ما يلوموك يقولولك علاه ما صبرتيش على جالنا اختي كبري قلبك عاقبيه وي راني معاك شربيه المر لكن وإنت في دارك معززة مكرمة ديريلو شروط عسيه منا وجاي واكيد نظن ضرك ما يعاودهاش ةيخاف يخسرك لكن إلا الطلاق ما تهمديش دارك وتخربي حياة بناتك خليه يجيك نادم ويحلل وما توصليش الخبر لأاهلك واهلو كونك الرزينة والعاقلة وهكذا راح ياكل روحو من الندامة موفقة يا رب كوني عاقلة وربي بناتك واحمي دارك وهو خليه ديما تحت ناظرك انا نظن خلاص ما يعاودهاش صحا عيدك اختي

[omamani]

شكرا اختي sabra على الاهتمام , الانتقام كالصبر من عند الله , صحيح هو جرحني جرح غائر يجعل ذاكرتي تعود لكل كلمى اشك في تقصير ة حب و تقابلها باخرى, قالها لكثيرات معي في الوقت نفسه, لكن لا باس مادام انها ابتلاء , هو اعتذر بشدة اعتبرت الان الحدث ماضي ابنتاي هما روحي امي عاشت خيانة والدي و عشنا معها معنى الزوجة الثانية و كان ما يجمع امي وابي الاولاد لا اكثر لذا انا اغفر الخيانة الاولى و حتى اشك في تقصيري او اي شيء لكن الخيانة الثانية سيقابلها الطلاق دون اعذار و لا مسببات و لاني لا اريد ان يتربى اولادي مع والد دون ان يكون زوج و اين الضرر في ان اعولهم واربيهم وحدي ان كان والدهم لا يستاهل ان يحفظ بيته لما تتحمل الام اي شيء من اجل الاولاد والطلاق ان كان محتم لا عيب فيه تعيش المراة بعفتها و تعول نفسها و تحفظ اولادها وتعيش حياتها و حتى ان اتيحت لها فرصة الزواج مرة اخرى تتزوج

[مريم الصابرة]

شكرا اختي sabra على الاهتمام , الانتقام كالصبر من عند الله , صحيح هو جرحني جرح غائر يجعل ذاكرتي تعود لكل كلمى اشك في تقصير ة حب و تقابلها باخرى, قالها لكثيرات معي في الوقت نفسه, لكن لا باس مادام انها ابتلاء , هو اعتذر بشدة اعتبرت الان الحدث ماضي ابنتاي هما روحي امي عاشت خيانة والدي و عشنا معها معنى الزوجة الثانية و كان ما يجمع امي وابي الاولاد لا اكثر لذا انا اغفر الخيانة الاولى و حتى اشك في تقصيري او اي شيء لكن الخيانة الثانية سيقابلها الطلاق دون اعذار و لا مسببات و لاني لا اريد ان يتربى اولادي مع والد دون ان يكون زوج و اين الضرر في ان اعولهم واربيهم وحدي ان كان والدهم لا يستاهل ان يحفظ بيته لما تتحمل الام اي شيء من اجل الاولاد والطلاق ان كان محتم لا عيب فيه تعيش المراة بعفتها و تعول نفسها و تحفظ اولادها وتعيش حياتها و حتى ان اتيحت لها فرصة الزواج مرة اخرى تتزوج
السلام عليكم اختي
انا نوافقك اكيد ماشي على جالك بناتك ترفدي ذلو او تتحنلي حيانتو لكن لأانها المرة الأولى و‘إن شاء الله الاخيرة خليها من الماضي حتى لو تجحر حتى لو الثقة تهزت معليش اعطيه فرصة وكان عاودها اكيد بزاف مطلقات عايشين ومربين ولادهم احسن تربية انا فقط قلت ما تتهوريش لأانها المرة الاولى موفقة اختي وإن شاء الله راه تعلم الدرس وربي يبارك في تربيتك واخلاقك واكيد هو عارف الشي هذا ويخاف يخسرك على هذا كوني رزينة وشدي في دارك موفقة وصحا عديكم وعيد البنات ربي يخليهملك إن شاء الله

[سارة البوسعادية]

ربي يصبرك لعله ندم على فعلته

[omamani]

شكرا اختي صابرة و عيدك مبروك وكل عام وانتم بالف خير وكذا سارة البوسعادية و عيد مبارك ومغفرة للجميع

[عمي صالح]

اكتشفت البارحة و انا اتصفح صفحة رسائل فايسبوك زوجي انه على علاقة مع اكثر من فتاة وهناكنم فابلهن ومنهن من يتحدث معهن عبر الفايسبوك,صارحته نفى في الاوا ثم اقر , امر بازمة كبيرة حتى اني اعجزعن الكتابة ,عندنا اربع سنوات زواج ولدينا بنتين و انا احبه حد الجنون وكان يمتل دور المحب الوفي انا في صدمة وعاجزة عن التفكير و كل ما يجول بخاطري الكلاق و بنتي
بسم الله .الرحمن .الرحيم
الحمد لله. رب. العالمين والصلاة والسلام على أشرف. الأنبياء والمرسلين وبعد:
السلام. عليكم و رحمة. الله و بركاته
جزاك. الله. خيرا. على الصراحة القيمة . و بارك .الله. فيك
إستأت كثير الزوج لم يحترم زوجه بخيانتها والزوجة لم تستر على زوجها خيانته ولم تترك الأمر للمعالجة بينهما
صراحة ديننا لا يأب هذا كله الخيانة والتجسس بل ألزمنا الستر {... إِلَى نِسَائِكُمْ هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ ... (187) سورة البقرة (ada99:pg029.htm) } وعليه ما يسيؤه يسيؤك والعكس
رأفة بإبنتيكما والخيانة أيضا تتفرع أيها تعنين الدردشة أم...؟ حاولي معالجة الأمر في الستر لا العلن
و السلام. عليكم و رحمة. الله و بركاته

[عاليـ الهمم ـة]

ربي يكون في عونك اختي حلي مشاكلك برزانة وحكمة بينك وبين زوجك وحافظي على استقرار بيتك ولو من اجل الأبناء
حتى وان اكتشفتي صدفة لا تجسسا هذا الأمر فكلاكما مخطئ هو اخطأ في خيانتك وانتي بفضحه امام الملأ في موضوع
نصيحة انا متيقنة منها وبإذن الله سنعمل بها مهما بلغت نوع المشاكل وحجمها بينكما، حليها بينك وبين زوجك اي خطوة تخطينها عليك بالاستخارة ثم الاستخارة والاستخارة....وان حرتي فلا حرج من الاستشارة دوي الثقة واصحاب العقول الراجحة بينك وبينهم والله المستعان

[sarl02]

اظن ان زوجك هذا مزال فيه الخير ومزال احبك وناوي كل خير معاك ...لانه اعتذر بشدة على ما فعل وانزيدلك حاجة 90/00 من الرجال في مكانه كانت تكون ردة فعلهم عكسه تماما لانك قمت بالتجسس على جهازه ...مالا احمدي ربي راه عندك راجل مسالم وما اتصخميش الامر وتعطيه كثر من حقه وانا رافض لاتهامك له بالخيانة لمجرد كلامه مع بنات في النت ..لان هذا اللفظ كبير بزاف ويعكس افعال اكثر من هذا الفعل بكثير.......وان شاء الله ربي اوفقك لما فيه الخير والصلاح.

[*أم كوثر*]

السلام عليكم
ربي معاك اختي
وديري في بالك بلي ماكاش اللي مايغلطش
ربي يثبتك ويطوعلك زوجك ويهديه