yacinelzine
2009-02-19, 22:54
قصيدة هذا الجيل
بسم الله رعيت بهذي الكليمات محوا هذا الجيل و نتبعوا الجيل اللي فات
جيلنا الجديد و شمن صفات كلمتي على الشباب و مننساوش البنات
شباب اليوم يوقف في الشعيرات من كثرة التفراج كثرتلوا الستيلات
البانتوا و الجال يديروا في كل الأوقات يهبط السروال و يعوج الكروعات
يبدا يتباه و يزيد في الصفات يطلع في الذنوب و هبط الحسنات
و البنات اليوم قاع داروا مونتوات شدوا في البيام و نساو الحجابات
واه حتى الآباء و الأمهات قالوا شعرك يا طفلة زين ما تجيه خمارات
من كثرة التكلام داروا بورطابلات فيه آلو و جيزي و خيار اللابسات
تبعوا الأفلام و المسلسلات و بستار أكاديمي كثروا السهرات
نساو التقاليد و تبعوا الفنانات البودي و الجيبوا و معاه خيار البوتيات
و في المشي يثقلوا الخطوات قاصدين المكايب و الفترينات
أفهموا يا جيل و خاصة البنات خالقكم ربي باه تعودوا زوجات
شوفوا هذا الجيل خرجنا في متاهات كثر الشراب و شرب و المخدرات
كثرت في ذي الأيام السريقات القليل المسكين مالقا وين يبات
بكري العزايج و الشويخات يأكلوا دهينا و من الشعير يديروا كسيرات
العزوج تبكر تحلب المعزات تدير الطعام و تكثر في الرفسات
نطلبوا من الله يكثر من الخيرات يهدي ذي الشباب و يزيد الشابات
و يبعدنا على فعل الشر و المنكرات و يجعلنا شادين في الصلوات
يهدينا و نطيعوا لميمات لأن الجنة تحت أقدام الأمهات
نحبولهم راسهم و نزيدوا الكريوعات باه تزهالك الدنيا يلزم لك شوي دعوات
يا ربي يا مجيب الدعوات تدير لهذا الشباب خديمات
لمترسمين طلع لهم الشهريات و التجار بارك لهم في الصنيعات
و دعوا لمحمد صدارة كاتب الأبيات يجيب الباك و يدير لكم زهوات
و يحفنا مسعد ملي راحت ولي جات و يجعل دمد عروس الليسيات
القصيدة لأحد أقربائي
ما رأيكم.
بسم الله رعيت بهذي الكليمات محوا هذا الجيل و نتبعوا الجيل اللي فات
جيلنا الجديد و شمن صفات كلمتي على الشباب و مننساوش البنات
شباب اليوم يوقف في الشعيرات من كثرة التفراج كثرتلوا الستيلات
البانتوا و الجال يديروا في كل الأوقات يهبط السروال و يعوج الكروعات
يبدا يتباه و يزيد في الصفات يطلع في الذنوب و هبط الحسنات
و البنات اليوم قاع داروا مونتوات شدوا في البيام و نساو الحجابات
واه حتى الآباء و الأمهات قالوا شعرك يا طفلة زين ما تجيه خمارات
من كثرة التكلام داروا بورطابلات فيه آلو و جيزي و خيار اللابسات
تبعوا الأفلام و المسلسلات و بستار أكاديمي كثروا السهرات
نساو التقاليد و تبعوا الفنانات البودي و الجيبوا و معاه خيار البوتيات
و في المشي يثقلوا الخطوات قاصدين المكايب و الفترينات
أفهموا يا جيل و خاصة البنات خالقكم ربي باه تعودوا زوجات
شوفوا هذا الجيل خرجنا في متاهات كثر الشراب و شرب و المخدرات
كثرت في ذي الأيام السريقات القليل المسكين مالقا وين يبات
بكري العزايج و الشويخات يأكلوا دهينا و من الشعير يديروا كسيرات
العزوج تبكر تحلب المعزات تدير الطعام و تكثر في الرفسات
نطلبوا من الله يكثر من الخيرات يهدي ذي الشباب و يزيد الشابات
و يبعدنا على فعل الشر و المنكرات و يجعلنا شادين في الصلوات
يهدينا و نطيعوا لميمات لأن الجنة تحت أقدام الأمهات
نحبولهم راسهم و نزيدوا الكريوعات باه تزهالك الدنيا يلزم لك شوي دعوات
يا ربي يا مجيب الدعوات تدير لهذا الشباب خديمات
لمترسمين طلع لهم الشهريات و التجار بارك لهم في الصنيعات
و دعوا لمحمد صدارة كاتب الأبيات يجيب الباك و يدير لكم زهوات
و يحفنا مسعد ملي راحت ولي جات و يجعل دمد عروس الليسيات
القصيدة لأحد أقربائي
ما رأيكم.