غباء حواء

[chvsbf]

السلام عليكم
كنت ناوي اليوم بعد التراويح , نروح نشوف وحد الطفلة و نتفاهمو على امور الزواج , و هدي الطفلة مازالها عام و تكمل الماجيستار , الحمد لله هي كانت فرحانة و اهلها فرحانين , خاصة لما سقساو عليا , و الحمد لله ,
لكن دقائق قبل موعد اللقاء , اعلمت بالغاء كل شئ لان البنت ارادت ان تتزوج بعد انهاء الدراسة , و اعلمت ان بعض صديقاتها قالوا لها ان السلفيين ميحبوش القراية و حذرتها منهم .
و انا البارحة كنت ندير في اتصالات مع جامعة خاصة باش نديرلهالها مفاجئة , و نقوللها اني اشترط لها اكمال الدراسة حتى الدكتوراه , و انا مستعد لدفع تكاليف الدكتوراه .
الحمد لله اني استخرت , و فيها خير , و يا حواء لا تضيعي ما اتاك الله , من اجل سراب الدراسة , و لا تاخذي الاقوال السخيفة منهجا لتحديد مسار حياتك .
لا اقصد الغباء المطلق , و انما اقصد حواء التي قصدتها بذاتها , و اقصد قلة فطتنها في هذه الحالة .
حواء عندنا امنا و بنتنا و اختا و خالتنا و عمتنا , و فضلها علينا كفضل الشمس على سائر النجوم .

[السي محمد]

شوف مكتوب ربي


سبحان الله


=========

[MIWAKE]

ان شاء الله ربي يرزقك الزوجة الصالحة و كيما تتمنى

[dotZero]

سبحان الله
و الله ربي ما فيه غير الخير
ربي يعوض عليك و يرزقك اللي تساهلك

[النجمة القطبية]

وما دخل غباء حواء فى الموضوع
هو مكتوب ولم يقدرها الله وانتهى وخاصة انك صليت استخارة
لعله خير للطرفين
بالتوفيق

[zineb.alg.ziani]

kolchi moktaaaaaab

[sarra 19]

تبقى الفتاة معذورة، فهي لم تعلم ما بنيتك .

و الدراسة للفتاة ليست بسراب.

[sarl02]

زعمة راك حاب اتقولنا ذرك الطفلة هذه عندها ما راطات وضيعت فرصة ما تتعوضش ولا كيفاش ؟....شوف يا اخي اذا كانت البنت هذه الله ابارك وتستهل وبنت ناس ..تستهل من عندك محاولة اخرى وفهمها الوضع يا اخي ما فيها والو لان الله وحده اعلم بالنوايا وربما حوار تاع 5 دقائق ارجع الامور الى نصابها وتمشي عادي ...لان الفتاة لم ترفضك لشخصك او حالتك بل ارادت ان تكمل دراستها وهذا من حقها يا اخي.

[آلاء النايلية]

؟....شوف يا اخي اذا كانت البنت هذه الله ابارك وتستهل وبنت ناس ..تستهل من عندك محاولة اخرى وفهمها الوضع يا اخي ما فيها والو لان الله وحده اعلم بالنوايا وربما حوار تاع 5 دقائق ارجع الامور الى نصابها وتمشي عادي ...لان الفتاة لم ترفضك لشخصك او حالتك بل ارادت ان تكمل دراستها وهذا من حقها يا اخي.
اذا كانت تستاهل ما فيها والو كي تعاود تحكي معاها
و كل خطوة بالاستخارة.....
....خطيبي قعد 3 سنين وهو يطلب مني يخطبني وانا نرفضو ........ و السبب الرئيسي لأني مكنتش فاهماتو مليح و نفس تفكير الاخت
كنت مترددة ياسر ساعات نقول نقبل و نبينلو بللي قابلة و ساعات نخاف ونجبد روحي ... خفت من عقليتو ودايرة القراية في راسي و زيد توسويس البنات مش ساهل
و ضرك رانا الحمدلله
و ربي يديرلك لي فيها الخير

[karimblida]

المرأة ملازمش تقرر وحدها و العايلة نتاعها باباها وين كان من هاد الالغاء
فعلا هو غباء مادام الأولياء كانو عمبالهم ياك يستقبلوك و ممبعد تشوفو كيفاش
بصفة عامة المرأة راهي اختي و أمي و جارتي و زميلتي ووو و بصفة عامة تقرر اليوم و تدور غدوا
من رأيي عاود اهدر معاها بعد الاستخارة طبعا

[chvsbf]

زعمة راك حاب اتقولنا ذرك الطفلة هذه عندها ما راطات وضيعت فرصة ما تتعوضش ولا كيفاش ؟....شوف يا اخي اذا كانت البنت هذه الله ابارك وتستهل وبنت ناس ..تستهل من عندك محاولة اخرى وفهمها الوضع يا اخي ما فيها والو لان الله وحده اعلم بالنوايا وربما حوار تاع 5 دقائق ارجع الامور الى نصابها وتمشي عادي ...لان الفتاة لم ترفضك لشخصك او حالتك بل ارادت ان تكمل دراستها وهذا من حقها يا اخي.
مارانيش زعما حاب نقول , و من فضلك اخي ما تفهمش حاجات لا اقصدها , و انا الموضوع درتو بين خاوتي باش نستفادو , ربي يهدينا اجمعين .

[chvsbf]

اخذت برايكم اخوتي , و دست على النيف هداك , و رجعت لاهلها و اعدت شرح موقفي , و انا انتظر الرد , و انتظر منكم الدعاء .

[عاشقة الهلال]

ربي يسهل رانا نستناو ...............

[آلاء النايلية]

ربي يقدملك لي فيها الخير

[meriem bogao]

hada li yasma3 klam elnas wach yasralou rabi ykamalek khouya

[النجمة القطبية]

اخذت برايكم اخوتي , و دست على النيف هداك , و رجعت لاهلها و اعدت شرح موقفي , و انا انتظر الرد , و انتظر منكم الدعاء .
بالعكس اخى هذا يرفع من قدرك ويؤكد مصداقيتك
اسال الله لك كل التوفيق

[chvsbf]

شكرا لكم اخوتي احبكم في الله .

[السي محمد]

غلطة عُمرك

حين رجعت ليها و دُست على النيف


النيف اعطاه لنا ربي باش يبقى في السماء

ماشي باش نعفسو عليه على جال مرا او مال او منصب او اي شيء


اعذرني اخي ولكن من يدوس على انفه من اجل امراة لا يستحق احترامي

[chvsbf]

غلطة عُمرك

حين رجعت ليها و دُست على النيف


النيف اعطاه لنا ربي باش يبقى في السماء

ماشي باش نعفسو عليه على جال مرا او مال او منصب او اي شيء


اعذرني اخي ولكن من يدوس على انفه من اجل امراة لا يستحق احترامي
اولا شكرا لك , انا لا اريد منك الاحترام , و المراة هذه لا اعرفها و لم ار شكلها , و انما رجعت لاني اعتقد فيها الصلاح و في اهلها الخير , و انما حدث سوء فهم فقط ,
و لو تعرفني حق المعرفة لعلمت ما يساوي انفي هذا , لكن الكلام من وراء الجدر , فقل ما بدى لك , و خض و العب ,

[karimblida]

اخذت برايكم اخوتي , و دست على النيف هداك , و رجعت لاهلها و اعدت شرح موقفي , و انا انتظر الرد , و انتظر منكم الدعاء .

ربي يجمع بيناتكم في الخير

[sarl02]

غلطة عُمرك

حين رجعت ليها و دُست على النيف


النيف اعطاه لنا ربي باش يبقى في السماء

ماشي باش نعفسو عليه على جال مرا او مال او منصب او اي شيء


اعذرني اخي ولكن من يدوس على انفه من اجل امراة لا يستحق احترامي

والله مرات تحكي كلام مليح وموزون الله ابارك ومرات غير رايح وتطلق سون كونترول ..مالك يا فتى ما فطروكش مليح اليوم ؟

[sarl02]

اخذت برايكم اخوتي , و دست على النيف هداك , و رجعت لاهلها و اعدت شرح موقفي , و انا انتظر الرد , و انتظر منكم الدعاء .

مالا مدام انك عاودت درت هذه الخطوة باين بلي البنت هذه تستاهل ....ان شاء الله بالتوفيق وربي ايسرلك هذا المشروح يا اخي.

[sarl02]

اذا كانت تستاهل ما فيها والو كي تعاود تحكي معاها
و كل خطوة بالاستخارة.....
....خطيبي قعد 3 سنين وهو يطلب مني يخطبني وانا نرفضو ........ و السبب الرئيسي لأني مكنتش فاهماتو مليح و نفس تفكير الاخت
كنت مترددة ياسر ساعات نقول نقبل و نبينلو بللي قابلة و ساعات نخاف ونجبد روحي ... خفت من عقليتو ودايرة القراية في راسي و زيد توسويس البنات مش ساهل
و ضرك رانا الحمدلله
و ربي يديرلك لي فيها الخير

شوفي يا النايلية ..انا نصحته لوجه الله باعادة الكرة من جديد لكن بشرط اذا كانت البنت اتقدر ذلك وتستهل هذا الشيء والسعي كله ..يعني بعد هذا الامر ازيد يكبر في عينيها وهذا السعي كامل ينحسب ليه لكن ما نهملوش جانب اخر انو هناك نوع من البنات اتعد هذا الشيء ضعف وانه اصبحت كالهواء الذي يتنفسه هذا الفرد ولا يستطيع العيش بدونها...وصرات وين تمشي وتتباهى واتقول انا السيد هذا حفا على جالي ووو........عموما الانسان لازم اكون لديه عقل وفراسة ويقدر اميز هاته الانواع منكن يا نساء ....وان شاء الله ربي اوفقك في حياتك.

[Floona]

ياخي عقلية واش دخل النيف فالزواج


الراجل راح يخطب كيم الناس والطفلة حابة تقرا

ماتفاهموش هو رجع لدارها باش يوضح معناتها معندوش النيف عجب

إن شاء الله يسهلك فالزواج ويرزقك الزوجة الصالحة

بصح مفيها والو كي رفضتك هي حابة تقرا ماشي

معناتها غبية إنت صارحها وصدقني أنا كون جيت في مكانها نزيد نقدرك أكثر

وماتنساش إحنا الجزائريين متربيناش على المفاجئات

[amokrane_malik]

ربي يسهل خويا

[ام هالة شهرزاد]

الله يجيب ما فيه الخير وربي يسخر لكم اخي
زيد استخير وان شا الله يفتح عليكم

[Lydia istanboul]

أولا لي عتب لديك عن تسمية الموضوع ولاداعي لأن أخبرك ان التعميم لغة الحمقى و اعلم أنك أعقل من أن تجمع بنات حواء كلهن لأجل فتاة في خانة الغباء....فأم أنجبتك وربتك و أخت أطاعتك ليست بغبية يا أخي......ثانيا لا أدري لما الخاطب يعتبر نفسه جنة الفتاة فوق الأرض و انها الخاسر إن إنفصلا؟؟؟ بكل بساطة مثل ما قالت النجمة القطبيه مسألة مكتوب وكفى....ثالثا أقدر فيك و أحييك على عقلك الراجح فيما يخص توضيح مسألة الدراسة فمن حقها أن تصرح لك بشروطها حتى لا تمرر حياتك بعدها لا قدر الله و لك الحق أن توضح نواياك في مستقبلها الدراسي...على كل حال أرجو الله أن يجمعكما في الحلال و يرزقكما الذرية الصالحة...صحا فطوركم

[ام هالة شهرزاد]

واش من نيف ربي يهديكم ما داس على نيفه على حاجة نتاع شرف اوشرط له في والدته مثلا ربي يهديكم خلو الراجل يتسرت هو بغا نصيحة ماشي غسيل

[السي محمد]

والله مرات تحكي كلام مليح وموزون الله ابارك ومرات غير رايح وتطلق سون كونترول ..مالك يا فتى ما فطروكش مليح اليوم ؟


هذا هُو انا

مليح في جوانب

و قبيح في جوانب

و لو كنت مليح دائما اكون ملكًا او نبيًا



صحا فطورك

[chvsbf]

أولا لي عتب لديك عن تسمية الموضوع ولاداعي لأن أخبرك ان التعميم لغة الحمقى و اعلم أنك أعقل من أن تجمع بنات حواء كلهن لأجل فتاة في خانة الغباء....فأم أنجبتك وربتك و أخت أطاعتك ليست بغبية يا أخي......ثانيا لا أدري لما الخاطب يعتبر نفسه جنة الفتاة فوق الأرض و انها الخاسر إن إنفصلا؟؟؟ بكل بساطة مثل ما قالت النجمة القطبيه مسألة مكتوب وكفى....ثالثا أقدر فيك و أحييك على عقلك الراجح فيما يخص توضيح مسألة الدراسة فمن حقها أن تصرح لك بشروطها حتى لا تمرر حياتك بعدها لا قدر الله و لك الحق أن توضح نواياك في مستقبلها الدراسي...على كل حال أرجو الله أن يجمعكما في الحلال و يرزقكما الذرية الصالحة...صحا فطوركم
السلام عليكم , اذا انا غبي ؟ هههههه شكرا
انا درت الموضوع بالاستقراء و ليس التعميم , و من باب الطرافة فقط و ليس قدحا في حواء , كما قال الله تعالي ان كيدكن عظيم و اظن ان مريم عليها السلام ليس لها كيد عظيم و كذلك فاطمة ....... ارجو ان تكون وجهة نظري مفهومة .
المهم بان سبب الرفض و الله ان قلبي انفطر , هن 8 اخوات تزوجن الا 2 منهن الاكبر 34 سنة , و الام رفضت تزويج من قصدتها في اخر لحظة لان الاكبر تاثرت تاثرا شديدا , و مراعات لشعورها اعلنو الرفض.
ارجو منكم ان تدعو لها بالزواج و لكل شباب المسلمين .
شكرا لكم.

[الزبرجد]

السلام عليكم
كنت ناوي اليوم بعد التراويح , نروح نشوف وحد الطفلة و نتفاهمو على امور الزواج , و هدي الطفلة مازالها عام و تكمل الماجيستار , الحمد لله هي كانت فرحانة و اهلها فرحانين , خاصة لما سقساو عليا , و الحمد لله ,
لكن دقائق قبل موعد اللقاء , اعلمت بالغاء كل شئ لان البنت ارادت ان تتزوج بعد انهاء الدراسة , و اعلمت ان بعض صديقاتها قالوا لها ان السلفيين ميحبوش القراية و حذرتها منهم .
و انا البارحة كنت ندير في اتصالات مع جامعة خاصة باش نديرلهالها مفاجئة , و نقوللها اني اشترط لها اكمال الدراسة حتى الدكتوراه , و انا مستعد لدفع تكاليف الدكتوراه .
الحمد لله اني استخرت , و فيها خير , و يا حواء لا تضيعي ما اتاك الله , من اجل سراب الدراسة , و لا تاخذي الاقوال السخيفة منهجا لتحديد مسار حياتك .

المرة الجاية لما تنوي تتزوج أقصد البيت التي بها رجال

الرجال الذين يفهمون جيدا أنهم هم المخاطبون (فتحة فوق حرف الخاء ) بهذه العبارة : إذا أتاكم من ترضون دينه و خلقه فزوجوه

و من جهة أخرى : الرجال الذين يقدرون جيدا المكانة السامية لأخواتهم البنات و بناتهم

لا تقصد البيوت التي يتنصل الذكور فيها من هذه المسؤولية بحجة (و ما أقبحها من حجة ) أن الكلمة الأولى و الأخيرة للبنت

لا تقصد البيوت التي يكون الرجل فيها مغيب تماما عن الساحة و دليل ذلك أنه يأتيك و يجيبك بالفم المليان أن ابنته أو أخته ذات الخمسة و عشرين سنة( بعد 12 سنة بلوغ على الاقل ) لا تفكر في الزواج حاليا أو شيء من هذا القبيل

اختر البيوت التي بها رجال و أقسم لك أنك لن تندم ما حييت ..شرط أن تكون رجلا و في مستوى أصهارك :19:

و الله ولي التوفيق

[ليلى الأمل]

ربي يكملك اخي

مافيها لانيف لا زوج لاتسمع لكلام الناس

واستفتي قلبك مادام قلبك مطمئن للفتاة وترى فيها الصلاح فلا تضيعها من بين يديك

وفقك الله لما يحبه ويرضاه

[MIWAKE]

المرة الجاية لما تنوي تتزوج أقصد البيت التي بها رجال

الرجال الذين يفهمون جيدا أنهم هم المخاطبون (فتحة فوق حرف الخاء ) بهذه العبارة : إذا أتاكم من ترضون دينه و خلقه فزوجوه

و من جهة أخرى : الرجال الذين يقدرون جيدا المكانة السامية لأخواتهم البنات و بناتهم

لا تقصد البيوت التي يتنصل الذكور فيها من هذه المسؤولية بحجة (و ما أقبحها من حجة ) أن الكلمة الأولى و الأخيرة للبنت

لا تقصد البيوت التي يكون الرجل فيها مغيب تماما عن الساحة و دليل ذلك أنه يأتيك و يجيبك بالفم المليان أن ابنته أو أخته ذات الخمسة و عشرين سنة( بعد 12 سنة بلوغ على الاقل ) لا تفكر في الزواج حاليا أو شيء من هذا القبيل

اختر البيوت التي بها رجال و أقسم لك أنك لن تندم ما حييت ..شرط أن تكون رجلا و في مستوى أصهارك :19:

و الله ولي التوفيق
السلام عليكم راي ان كل شيئ بالسيف الا الزواج
كما انك اذا زوجت ابنتك او اختك و هي لاتريد فاذا ظهر ان الزوج رجل سيئ ستكون انت المسؤال عن ذللك فهل انت قابل لان ليس هناك ضمان ان يكون زوج ابنتك او اختك انسان صالح
شكرا تقبل كل احتراماتي

[chvsbf]

شكرا لردودكم , لا تنسوني من صالح دعائكم.

[الزبرجد]

السلام عليكم راي ان كل شيئ بالسيف الا الزواج
كما انك اذا زوجت ابنتك او اختك و هي لاتريد فاذا ظهر ان الزوج رجل سيئ ستكون انت المسؤال عن ذللك فهل انت قابل لان ليس هناك ضمان ان يكون زوج ابنتك او اختك انسان صالح
شكرا تقبل كل احتراماتي

السلام عليكم

عاود أقرا كلماتي مليح

أما الضمان فالضامن ربي ....و لكن هذا ليس عذر لأي ولي أن يتهرب من المسؤولية ....لأنه أيضا إن تركت الفتاة تتخبط في حيرتها ....و تسأل أناسا غير وليها و الله أعلم بسداد رأيهم ....و لو فشلت في زواجها فسترجع لك من جديد ...فما أنت فاعل حينها ؟

و لو أني أعرف مسبقا أن الأولياء غير المسؤولين هم سبب تعاسة حواء ...و هم سبب شقائها و سبب استرجالها و اقتحامها لميادين هي في غنى عنهم .

[chvsbf]

سبب الرفض في اخر لحظة , هو ان لها اختا كبرى لم تتزوج 34 سنة , تاثرا تاثرا شديدا , خاصة و ان لها اخوات كلهن متزوجات , فاسرت الام ان لا تزوج اخرى حتى ياتي نصيب الاخت الكبرى , هذا من رافت الام , و ان كانت مخطئة , ارجو الدعاء لها بالزواج .

[النجمة القطبية]

السلام عليكم

عاود أقرا كلماتي مليح

أما الضمان فالضامن ربي ....و لكن هذا ليس عذر لأي ولي أن يتهرب من المسؤولية ....لأنه أيضا إن تركت الفتاة تتخبط في حيرتها ....و تسأل أناسا غير وليها و الله أعلم بسداد رأيهم ....و لو فشلت في زواجها فسترجع لك من جديد ...فما أنت فاعل حينها ؟

و لو أني أعرف مسبقا أن الأولياء غير المسؤولين هم سبب تعاسة حواء ...و هم سبب شقائها و سبب استرجالها و اقتحامها لميادين هي في غنى عنهم .
اخى الكريم
لا تعتقد انو مزال من بنات حواء من تتزوج بالاجبار الاهل اصبحو واعين بهذا
حتى شرعا وقانونا المراة تستاذن وهذا حقها
ثم اين هو الرجل الذى يقبل على نفسه الزواج بامراة هى مجبره عليه

[lidouch]

كبر قلبك و حاول مره اخرى معاها

[chvsbf]

كبر قلبك و حاول مره اخرى معاها

ان شاااء الله , خاصة لما علمت ان سبب الرفض هو وجود اخت كبرى غير متزوجة , الام راعت مشاعرها , و طلبت تزويج الكبرى اولا 34 سنة .

[رجاها 22]

يا اخي انا نقولك انك راك جهلت بهد لكلام (غباء حواء )واش هد الهدرة انت جاوبت على نفسك بنفسك قلت انك استخرت و الدراسة ماهي الا سبة باه ربي ينورلك طريقك البنت ماهيش منصيبك و ربما هي فيها خير ليك لكن انت اللي مافيكش خير ليها الزواج مكتوب و الله يرزقك بنت الحلال اللي تتهنى معاها و تكون ليك نعم الزوجة الصالحة المحبة الوفية اللي تعاونك على الطاعة وتدخل معها الجنة اللهم امين

[النجمة القطبية]

نتمنى لك التوفيق اخى
وننتظر اخبار طيبة

[الزبرجد]

اخى الكريم
لا تعتقد انو مزال من بنات حواء من تتزوج بالاجبار الاهل اصبحو واعين بهذا
حتى شرعا وقانونا المراة تستاذن وهذا حقها
ثم اين هو الرجل الذى يقبل على نفسه الزواج بامراة هى مجبره عليه

أين ترين الإجبار في كلامي ؟

أم تتحدثون جزافا ؟....أم تهويلا

[amokrane_malik]

المرة الجاية لما تنوي تتزوج أقصد البيت التي بها رجال

الرجال الذين يفهمون جيدا أنهم هم المخاطبون (فتحة فوق حرف الخاء ) بهذه العبارة : إذا أتاكم من ترضون دينه و خلقه فزوجوه

و من جهة أخرى : الرجال الذين يقدرون جيدا المكانة السامية لأخواتهم البنات و بناتهم

لا تقصد البيوت التي يتنصل الذكور فيها من هذه المسؤولية بحجة (و ما أقبحها من حجة ) أن الكلمة الأولى و الأخيرة للبنت

لا تقصد البيوت التي يكون الرجل فيها مغيب تماما عن الساحة و دليل ذلك أنه يأتيك و يجيبك بالفم المليان أن ابنته أو أخته ذات الخمسة و عشرين سنة( بعد 12 سنة بلوغ على الاقل ) لا تفكر في الزواج حاليا أو شيء من هذا القبيل

اختر البيوت التي بها رجال و أقسم لك أنك لن تندم ما حييت ..شرط أن تكون رجلا و في مستوى أصهارك :19:

و الله ولي التوفيق


والله لم أقرأ أحسن وأصدق مما كتبته يا أيها الزبرجد
سدد الله فهمك وزادك من حكمته

[chvsbf]

يا اخي انا نقولك انك راك جهلت بهد لكلام (غباء حواء )واش هد الهدرة انت جاوبت على نفسك بنفسك قلت انك استخرت و الدراسة ماهي الا سبة باه ربي ينورلك طريقك البنت ماهيش منصيبك و ربما هي فيها خير ليك لكن انت اللي مافيكش خير ليها الزواج مكتوب و الله يرزقك بنت الحلال اللي تتهنى معاها و تكون ليك نعم الزوجة الصالحة المحبة الوفية اللي تعاونك على الطاعة وتدخل معها الجنة اللهم امين

اختي ماشي كل واحد نشرحلوا قصدي من العنوان , الشرح راهو موجود في الردود , تعرفي واش نقصد بغباء حواء ,
شكرا لك .

[رجاها 22]

ربي يسهلك و يكتبلك اللي فيه الخير

[chvsbf]

ربي يسهلك و يكتبلك اللي فيه الخير
ربي يجازيك خير , و يتقبل منك صيامك و يرزقك الجنة و السعادة في الدنيا و الاخرى , و لكل المسلمين .

[عاليـ الهمم ـة]

هذا الأمر لا دخل له بغباء حواء كل واحد ربي واش كاتبلوا
ونصيحة اخوية صادقة لكل ادم وحواء مهما بلغت درجة المشاكل ونوعها حلو مشاكلكم بيناتكم بالاضافة الى الاستخارة مرة ثانية ثالثة....فما خاب من استخار وان يكن استشر الأقرب الأقرب اليكم من اصحاب الرجاحة في العقل والتفكير ومن الأفضل يكون من اقرب الأقارب اليكم فما ندم من استشار وربي يعوضك بأحسن منها والله اعلم بالصواب

[imene12]

راهي دير في السبايب برك..... ربي يوفقك

[عاليـ الهمم ـة]

راهي دير في السبايب برك..... ربي يوفقك
هي ليست معنا ونحن لا نشق على العقول والقلوب لنحكم عليها بكذا وكذا... الله اعلم وصاحب الموضوع اعلم منا بها

[karimkarimkarim]

غلطة عُمرك

حين رجعت ليها و دُست على النيف


النيف اعطاه لنا ربي باش يبقى في السماء

ماشي باش نعفسو عليه على جال مرا او مال او منصب او اي شيء


اعذرني اخي ولكن من يدوس على انفه من اجل امراة لا يستحق احترامي

قال تعالى ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة ) هذا من جهة و من جهة اخرى
((فَيَتَعَلَّمُون َمِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚوَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ ۚوَيَتَعَلَّمُونَ مَا يَضُرُّهُمْ وَلَا يَنْفَعُهُمْ ۚ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ ۚ وَلَبِئْسَ مَا شَرَوْا بِهِ أَنْفُسَهُمْ ۚ لَوْ كَانُوا يَعْلَمُونَ)) [البقرة:102]

اتقي الله اتقي الله الحاجات هاذي ما فيهاش نيف قال رسول الله صلى الله عليه وسلم: (تناكحوا تكاثروا فأني مباه بكم الأمم يوم القيامة) راهي اخت نعم اختك ماكش تشوف العنوسة في بناتنا و انهن اصبحن على حافة الانحراف انت اخي الكريم ممكن تقول كلمة لكنك بحسن نية ولكن تذكر عن رسول الله -صلى الله عليه وسلم- أنه قال:

((إِنَّ العبد ليتكلّم بالكلمة -مِنْ رضوان الله- لا يُلْقِي لها بالاً، يرفعه الله بها في الجنة, وإن العبد ليتكلم بالكلمة -من سَخَط الله- لا يُلْقِي لها بالاً، يهوي بها في جهنم))
و الاخ الاخر لا تكن متعنتا ارجع و اشرح سوء التفاهم .... هذا ان كنت جادا لان بنات الناس ماهش سلعة
و في الاخير ادعولي انا الشوفة انتاعي يوم العيد في الليل
ربي يستر كل شباب و بنات اللامة الاسلامية

[Nesrine-nina]

الله ايعوضك باحسن منها ان شاء الله

[chvsbf]

الله ايعوضك باحسن منها ان شاء الله

امين يا ربي , و لك و لكل المسلمين .

[نبض قلبك]

قال تعالى ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة ) هذا من جهة و من جهة اخرى
((فَيَتَعَلَّمُون َمِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚوَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ ۚوَيَتَعَلَّمُونَ مَا يَضُرُّهُمْ وَلَا يَنْفَعُهُمْ ۚ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ ۚ وَلَبِئْسَ مَا شَرَوْا بِهِ أَنْفُسَهُمْ ۚ لَوْ كَانُوا يَعْلَمُونَ)) [البقرة:102]

اتقي الله اتقي الله الحاجات هاذي ما فيهاش نيف قال رسول الله صلى الله عليه وسلم: (تناكحوا تكاثروا فأني مباه بكم الأمم يوم القيامة) راهي اخت نعم اختك ماكش تشوف العنوسة في بناتنا و انهن اصبحن على حافة الانحراف انت اخي الكريم ممكن تقول كلمة لكنك بحسن نية ولكن تذكر عن رسول الله -صلى الله عليه وسلم- أنه قال:

((إِنَّ العبد ليتكلّم بالكلمة -مِنْ رضوان الله- لا يُلْقِي لها بالاً، يرفعه الله بها في الجنة, وإن العبد ليتكلم بالكلمة -من سَخَط الله- لا يُلْقِي لها بالاً، يهوي بها في جهنم))
و الاخ الاخر لا تكن متعنتا ارجع و اشرح سوء التفاهم .... هذا ان كنت جادا لان بنات الناس ماهش سلعة
و في الاخير ادعولي انا الشوفة انتاعي يوم العيد في الليل
ربي يستر كل شباب و بنات اللامة الاسلامية
alah ayahdik sans commentaire :)

[انفال_28]

شوف اخي دام انو مازال ماصرا والو واراد ربي انو كل شيئ يحبس يعني راى لك الله خيرا تاكد من ذلك .
عسى ان تكرهوا شيئا وهو خير لكم وعسى ان تحبوا شيئا وهو شر لكم خويا الله يعوضك خير منها ان شاء الله ويبعثلك وحدة تستاهلك وعلى قد نيتك ياااااااااااااااااااارب

[ندى الصبح]

السلام عليكم
اعذرها اخي انا شخصيا الكثير من السلفيين تقدمولي و كلهم طلبوا التوقف عن الدراسة و المكوث بالبيت
ربما لو كلمتها وشرحت لها وجهة نظرك في الموضوع كان افضل

الله يوفقك واعرف اخوات سلفيات اذا راك ناوي بصح يعملو (مرشدات مسجد

تقبل مروري

ربي يرزقك من تسعدك

[faty05]

شوووف
سبحان الله
تبالي تقدر تعاود تبعثلهم
راح يزيدو يفرحو اكثر و اكثر

[chvsbf]

السلام عليكم
اعذرها اخي انا شخصيا الكثير من السلفيين تقدمولي و كلهم طلبوا التوقف عن الدراسة و المكوث بالبيت
ربما لو كلمتها وشرحت لها وجهة نظرك في الموضوع كان افضل

الله يوفقك واعرف اخوات سلفيات اذا راك ناوي بصح يعملو (مرشدات مسجد

تقبل مروري

ربي يرزقك من تسعدك

شكرا لمرورك , نعم ان كان فيهم خير دلينا على احداهن جزاك الله خيرا ,

[ايزاوة]

ربي يقدملك لي فيها الخير

[amura8]

السلام اولا اخي مشكورة لانك طرحت الموضوع وطلبت المشورة
بون مدام البنت راهي حابة تكمل قرايتها والام تقول بلي عندها ختها كبيرة مراعية لمشاعرها وظروفها وووو
ادا رالبنت راهي عاجباتك وباقيلها عام علىا لماحيستر وراك مضمم عليها صبر عليها عام مورا الماجيستر
وادا مراهيش عاجباتك يعني نورمال هي ولاماشي هي كيفيكف شوف من جهة وحدورخى
اما الخطبة مافيها النيف هدا حكم ربي الرجل روح يخطب لمرا الرجل يجري علىا لمرة الرجل كي يعول على حاجة ويصمم عليها يديرها مكان مادخل النيف هنا اوزيدالنيف ماشي مع المرة جامي الرجال والرجال عليهن درجة يعنو نتوما تجرو علينا والنيف مع الرجال والاسياد
ربي يسهلك واخبرنا بكل جديد

[chvsbf]

السلام اولا اخي مشكورة لانك طرحت الموضوع وطلبت المشورة
بون مدام البنت راهي حابة تكمل قرايتها والام تقول بلي عندها ختها كبيرة مراعية لمشاعرها وظروفها وووو
ادا رالبنت راهي عاجباتك وباقيلها عام علىا لماحيستر وراك مضمم عليها صبر عليها عام مورا الماجيستر
وادا مراهيش عاجباتك يعني نورمال هي ولاماشي هي كيفيكف شوف من جهة وحدورخى
اما الخطبة مافيها النيف هدا حكم ربي الرجل روح يخطب لمرا الرجل يجري علىا لمرة الرجل كي يعول على حاجة ويصمم عليها يديرها مكان مادخل النيف هنا اوزيدالنيف ماشي مع المرة جامي الرجال والرجال عليهن درجة يعنو نتوما تجرو علينا والنيف مع الرجال والاسياد
ربي يسهلك واخبرنا بكل جديد
بورك فيك , تفكير رائع .
ربي يوفقنا ان شاااء الله , هكذا راني ناوي و الله اعلم .

[انفال_28]

انا نظن انو اختها اكبر منها و............................................... كلها اسباب مفتعلة بداعي ابعادك لا اكثر لو كانوا حابين الخطوبة تتم يقولولك راهي ليك كونك متهني انما تكمل قرايتها ونهدرو لكن هوما ماعطاوكش كلمة وزدت رجعت ونفس الشيئ اذن اخي ننصحك انا وانت دبر راسك ابحث في جيهة اخرى احسن لانو اللي خلقها خلق منها الكثير

[انفال_28]

بنات الفاميليا بزاااااااااااااااااااااااااااااااااف وشنو هو كثر البحث برك واسال جيدا قبل الاقدام على اي خطوة ربي يوفقك لما يحبه ويرضاه

[chvsbf]

بوورك فيك انفال ربي يجازيك خير و الله نعم الراي .

[اللؤلؤة مريم]

ربي يكملك
لكن غباء حواء
حواء أي المرأة هي أمك وو أختك

[alilho]

سبحان الله سلفي ومستعد لدفع تكاليف دراسة الفتاة

الحمد لله أن الامر لم يتم لان هدا النوع من الفتيات لا يصلح لأمتالك من الاشخاص الملتزمين

أنصحك يأخي بأن تستن بسنة نبيك ... خدها فتاة متدينة ماكتة بالبيت

[chvsbf]

سبحان الله سلفي ومستعد لدفع تكاليف دراسة الفتاة

الحمد لله أن الامر لم يتم لان هدا النوع من الفتيات لا يصلح لأمتالك من الاشخاص الملتزمين

أنصحك يأخي بأن تستن بسنة نبيك ... خدها فتاة متدينة ماكتة بالبيت
شكرا اخي الكريم على ملاحظتك , لكني اقصد الجامعة الخاصة الموجودة في العاصمة , الدراسة عن طريق البحوث و الرسائل , و مناقشة الرسالة سواء مجيستر او دكتوراه في اخر السنة .
لاني ادرس ماجيستار في الجامعة نفسها ,

[chvsbf]

ربي يكملك
لكن غباء حواء
حواء أي المرأة هي أمك وو أختك
حدث التباس في فهم مرادي , جزاك الله خيرا .

[Massi-lac]

merciiiiiiiiiiiiiii

[ss_dz]

زعمة راك حاب اتقولنا ذرك الطفلة هذه عندها ما راطات وضيعت فرصة ما تتعوضش ولا كيفاش ؟....شوف يا اخي اذا كانت البنت هذه الله ابارك وتستهل وبنت ناس ..تستهل من عندك محاولة اخرى وفهمها الوضع يا اخي ما فيها والو لان الله وحده اعلم بالنوايا وربما حوار تاع 5 دقائق ارجع الامور الى نصابها وتمشي عادي ...لان الفتاة لم ترفضك لشخصك او حالتك بل ارادت ان تكمل دراستها وهذا من حقها يا اخي.

رأيك صواب أخي sarl02 يجب على الإنسان أن يلتمس لأخيه عذرا لأنه معرض للخطأ و سوء تقدير الأمور أو ربما كثرت عليها الأراء من المحيطين بها. ربما استخارت الله في الأمر و قررت ما قررت و لعله خير بل أكيد خير لأنه من عند الله. هذا الإنسان فما بال المسلم الذي يحثه دينه على التماس العذر ..... شكرا لكم و نسأل الله التوفيق للجميع.