موضوع رفع معنويات كل الطلبة في تخصصاتهم 2012

[محب الرياضيات]

بسم الله الرحمن الرحيم



صراحة انا عطاوني طب وباغيها من قلبي لكن للاسف بعض الاعضاء كرهوهالي قبل دخولها وبعدم وجود ادلة ما زال شوي طمع بان الطب ا

افضل لي وممتاز ......................................لذلك اصبحت اكتب مواضيع تجمع طلاب الطب لكي نرفع لبعضنا المعنويات لكن تلك البعضية من


الاعضاء ايضاااا تدخلت و...وو...وو....ووو...



لذا اطلب من الاعضاء من لديه شيء اجابي عن اي تخصص يدخل ويكتبه .....ومن ليس لديه ....لا داعي للكتابة


وشكرااااااااااااااااا

[asma mosta]

السلام عليكم اخي
انا تخصي بعيييييييييييييد على الطب
مي حبيت نشاركك برك
انا جبت الباك تاعي ب 14.56 لغات اجنبية ومدولي تاريخ وجغرافيا مدرسة عليا للاساتدة بوزريعة
مانكدبش عليك كنت حابة اونجلي بالمدرسة العليل بوزريعة مي مين مدولي تاريخ فرحت بزاف باسكو كانت رغبتي
واللغة الانجليزية امنية امي الحمد لله رايحة نقرى 5 سنوات في بوزريعة وبعدها نتخرج استادة تانوي ونحكم ل بلاصتي ديركت يعني الحاجة المليحة في هاد المدرسة انو تتخرج ببلاصتك وربي يوفقنا وصحا فطورك

[محب الرياضيات]

صح راها استاذة عدنا تاع ادب تخرجت من ديك المدرسة شهر حكمت العمل

[shadow159]

ان شاء الله اخــي الكريم

[remili]

انا حياتي كامل وانا نحلم باش نقرى ميدسين ...وللاسف صراتلي ظروف ماخلتنيش ندخل هدا العام ..........وانشاء الله العام الجاي راني ثم وما نستنا حتى واحد يعطيلي رايو عليها على خاطر الحلم نتاعي..........

[SàRunette]

يــاخويا ...انت ولد..يعني التخصص هادا راهو مليح ليك ..سيرتو كون تكمل التخصص

و الطب تخصص مليح و رائع شكون قال ممليحش ؟؟؟؟

وإدا كان كاين أعضاء تدخلو و طيحولك المورال راهو على جال الموضوع هاداك تاعك لي كتبتو تستهزئ فيه بالتخصصات لخرين (......)

مي رأي شخصي اقرا الطب ..تخصص مليح ماعندو مايخصو

[محب الرياضيات]

شكرا لكم والله لافرحتموني جدا واعدتموا فيا الثقة

[سطايفية بكل فخر]

اخي نصيحة ليك متسنا من حتى واحد يطلعلك المورال مدجامك واثق من اختيارك
نحيي فيك حبك لمجالك ونشاء الله تبدع فيه

ونصيحة لمليح ليك مهوش مليح للاخرين والعكس صحيح ولي كان يقلك الطب ماش مليح هادي وجهة نظرو هو
تقبلها ومر عليها
لا داعي لفقد ثقتك بنفسك

خلي ايمانك بربي كبير وهو لي يمدلك الثقة
ونشاء الله نشوفوك طبيب كبير بتخصص مليح
بالتوفيق
مي لما تصبح كذلك متنساش اصدقائك فالجلفة وطل علينا بفحص مجاني
ههههه

[iris2032]

mrc mé lmoral hebtoholna te7t zero wch t7eb
kont 7ab médecine dork rani kareh nro7 ne9raha

[shadow159]

vivve la medcine w li mayhebnach yemouuuuuuuuuut

[بنت الفلاح]

السلام عليكم
ما تسمع لحتى واحد يا خويا دير واش راك حاب
لانو الحاجة اللي تكون دايرها عن رغبة و حب راح تبدع فيها
انا مثلا راني خيرت هندسة كهربائية و الكترونيك و كرهوني فيها بزااااااااااااااف
و راني حابة نغير للطب
راني في حالة و لكن المشكل هو اني سمعت للناس
و شكرا

[سطايفية بكل فخر]

vivve la medcine w li mayhebnach yemouuuuuuuuuut

هذي وشا معناها اخي تقليل من الشعب الاخرى ولا واش
ليس هذا برد من طالب مقبل على الطب
التواضع اساس مهنتكم
من تواضع لله رفعه
لي ميحبهاش قولو مرسي ونهار نخلص فيزيتا باطل من عندي

[mr.berns]

ملا احكم عندك سيدي خويا
مهما قالو ومهما يقولو وما كان وما يكون
الطب رقم 1 بدون منازع
انا عاودت الباك العام الي افت برغم كنت معول على معدل كبير
وعاودت العام هذا ونجحت وديت 13.6 ومالحقتش حتى باه يمدولي طب في الاختيارات
غاظتني ياسر ولحد الان غايظتني اخترت علوم التمريض لانها في مجال الطب
ورح نعاود الباك مرة ثالة و رابعة وخامسة ولو يكون عمري 50 و يجني معدل طب نمحي كلش ونعاود من ال0
ونقرا طب
تحيا الطب والاطباء

[سطايفية بكل فخر]

السلام عليكم
ما تسمع لحتى واحد يا خويا دير واش راك حاب
لانو الحاجة اللي تكون دايرها عن رغبة و حب راح تبدع فيها
انا مثلا راني خيرت هندسة كهربائية و الكترونيك و كرهوني فيها بزااااااااااااااف
و راني حابة نغير للطب
راني في حالة و لكن المشكل هو اني سمعت للناس
و شكرا

راهي هايلة اختي مشكلها الوحيد الخدمةتكون غالبا فالصحرا
ولا تقدري تخدمي فالسونلغاز
ادا قادرة على هذا اشليء تفضلي ليها
وانت راكي نصحتيه ميسمعش للناس ونت مطبقيش المومن يبدا بروحو ختي
بالتوفيق
وبشا تفصلي في امرك صلي صلاة الاستخارة

[ملاك الامل]

انا الطب حلم حياتي ان شاء الله نديرها العام الجاي

[yousra lina]

alors loukan nmedlek rayi tbatal ga3 l 9raya psk ana manhebech ta3b fel 9raya malgré que makanch 9raya mafihach ta3b ana c pour ça madertch medecine w jusqua maintent rani 3ad nfakar ida ndir transfer ou non mais ida nta bghit l medecine ma dir 3la heta wahed les conseil tani mlah mais mechi daymen w ana rani nchouf fik tebghi l medecine bzf alors 9raha psk te9der tkemel w tweli un medecin nchalah bon courage

[محب الرياضيات]

qmvh شكرا لك على الردود النافعة

[crystale49]

مليح الطب خاصة كي ادير التخصص ربي يكون معاك و يوفقك اخي و كل واحد حب حاجة بالتاكيييييييييد راح يبدع فيها صح فطوركم

[نـ الأمل ــــــدى]

diiiiiiiiiiiiiiir medcine mais machi fi la wilaya 22

[side]

الطب هو اخر تخصص كنت سافكر فيه
لانه مجرد هراء
فانا كنت ساختار فنون العرض المسرحي لوخيرت بينهما
لانك ستجد نفسك تمضي جل عمرك في الدراسة ثم تمضي بقية حياتك في العمل ومذا بعد

[yousra lina]

الطب هو اخر تخصص كنت سافكر فيه
لانه مجرد هراء
فانا كنت ساختار فنون العرض المسرحي لوخيرت بينهما
لانك ستجد نفسك تمضي جل عمرك في الدراسة ثم تمضي بقية حياتك في العمل ومذا بعد

كل واحد و واش يحب أنت تحب المسرح و الآخريحب الطب أو التعليم ................. مشي كما تحب أنت يديرو لخرين كل واحد و رايو أنا نبقى مندهشة من نشوف ردودكم كل واحد و ميولو فالقراية فاللباس فالعمل ....... مشي مين أنت متحبش الطب معناه الطب مشي مايح
و تقدر تعطيني وعد اذا في حياتك ما تروحش لطبيب شكون لي يعاجك و يمدلك الدواء ربي يحب العمل مهما كان و اوصى به اذا كان شرعي و متقن بالطبع ما تحقر أي مهنة و أي تخصص كل واحد و بلاصتو
ربي يوفق الجميع

[ساسوكي حليم]

السلام عليكم

أنا جبت 14,95 شعبة علوم تجريبيــــة

وأعطاوني إنجليزيـــة مدرسة عليا ,,,,

راني حاب نعاود الباك علجال خالي برك قلي دير الطب واقراه ,,,,


الله يوفــــق

~|~|~|~|~|+=

[PHARM2011]

انا في رأيي الطب من افضل التخصصات
اخي طلع المورال لروحك مادمت حبيت الطب كون واثق منو وما تسمعش للهدرة الي بلا فايدة
انا حبيت الصيدلة وكنت نحلم بيها لكن ربي ماكتبليش
المعدل لم يسمح لي لدلك توجيهي مدرسة عليا للاساتدة بالقبة والحمد لله