ما هو المبدأ الذي تعملين به في المطبخ

[zinna2]

مرحبا خياتي واش راكم مع رمضان

حبيت نعرف مبدأ كل وحدة فيكم كي تروح تعمل كاش طبخة أو حلوى، هل تلجئين دوما إلى الوصفات المكتوبة عندك أو كل ما تفعلينه موجود برأسك
أما بالنسبة إلي فانا أجد نفسي دوما أبحث عن الوصفة بدقة و المشكلة أني أجد العديد من الوصفات لطبخة معينة فأحتار أي منها أعمل عليها.

من فضلكم أحكولي كيفاش تخدم كل واحدة فيكم وما هي الطريقة التي تعتمد عليها و شكراااااااااااااااااااااااا

[sadouda]

والله بالنسبة لي لا ازال مبتدئة نوعا ما ولذا ألتزم بالوصفات المجربة والتي قدمتها لي أمي وقمت بكتابتها وبعد تكرارها اجد نفسي تلقائيا أعدل في بعض العناصر يعني حسب الخبرة، لكن في معظم الاحيان ألتزم بوصفاتي المكتوبة

[zinna2]

نعم يا أختي انا أيضا لاحظت أن بعد تكرار الوصفات عدة مرات و بعد التجربة ستتعرفين على أخطائك و تدخلي عليها التحسينات و هكذا ستنجحين في النهاية إنشاء الله.
شكرا لكي على الرد

[ام احمد الغالي]

انا تزوجت وانا مانعرف اي شي يعني قليلة الطبخات اللي نعرفها ومع السفر وطبعا الزواج يجبرك تتعلمي فيه ازواج ما يحملوش المرا ما تعرفش تطيب وليت نجرب ونجرب مرات تخرب مرات تصلح حتى تعلمت بالصح الوصفات الجديدة التزم بالمقادير والطريقة ونعاود كل مرة ونعرف الاخطاء

[pomaria_aindefla]

الطياب تع الأم و الجدة تع كليوم أكتبي وا ش قولولك و طبقي أما عن الوصفات فخودي سواء الكمية المكتوبة في الكتاب أو تعلمي في نص الكمية و الوصفات تع الصديقات أطلبيهم عن الوصفات المجربة و هنا في النمنتدى تبارك الله تعلمنا منو بزاف صوالح مثلا طبخ أم رامي ماشاء الله

[hicham1986]

أنا أحب الطياب تاع الوالدة الله يحفظها و نتمنى زوجتي تولي طيب كيفها

[yildiz]

السلام عليكم
اختي نصحية من خبيرة قديييمة في المطبخ
ادا كنتي مبتدئة ابداي بالوصفات المجربة تاع الوالدة و الي تعرفيهم وبالعقل تولي عندك خبرة في حالة الطوارئ
مثلا كي تجيك الماكلة مالحة ولا العجينة تاع القاطو تجيك يابسة ولا.. تعرفي كيفاش تسgميها وادا راكي قديمة فالدومان نظن الوصفات تاع الكتابات تجيك ساهلة و تقدري تديريها وتنجحي فيها ^^
عن نفسي شعاري في المطبخ "عينك هي ميزانك" وربي يوفقك

[biti]

السلام عليكم
اختي نصحية من خبيرة قديييمة في المطبخ
ادا كنتي مبتدئة ابداي بالوصفات المجربة تاع الوالدة و الي تعرفيهم وبالعقل تولي عندك خبرة في حالة الطوارئ
مثلا كي تجيك الماكلة مالحة ولا العجينة تاع القاطو تجيك يابسة ولا.. تعرفي كيفاش تسgميها وادا راكي قديمة فالدومان نظن الوصفات تاع الكتابات تجيك ساهلة و تقدري تديريها وتنجحي فيها ^^
عن نفسي شعاري في المطبخ "عينك هي ميزانك" وربي يوفقك
اختي العجينة اليابسة واش الحل معاها

[zinna2]

شكرا أخواتي على المرور
أنا لا أستعمل طريقة عينك هي ميزانك، فأنا أتقيد دائما بأخذ المقاييس بالضبط (بإستعمال المعيار يجي على شكل كوب) فأنا لا أستغني عنه أبدا،لأنه هكذا بدأت تعلم الطبخ، ربما مع الوقت و التجربة سوف أتفاداه

[jackin]

انا تزوجت وانا مانعرف اي شي يعني قليلة الطبخات اللي نعرفها ومع السفر وطبعا الزواج يجبرك تتعلمي فيه ازواج ما يحملوش المرا ما تعرفش تطيب وليت نجرب ونجرب مرات تخرب مرات تصلح حتى تعلمت بالصح الوصفات الجديدة التزم بالمقادير والطريقة ونعاود كل مرة ونعرف الاخطاء
http://elsmt.com/upup/uploads/79953b8650.gif

[yildiz]

اختي العجينة اليابسة واش الحل معاها



اهلا اختي
على حسب عجينة واش ؟
ادا كانت عجين تاع خبز تزيدي الما غير بالعقل وتجريها
وادا كانت تاع قاطو تزيدي الما والما زهر مع بعض

:)

[yildiz]

شكرا أخواتي على المرور
أنا لا أستعمل طريقة عينك هي ميزانك، فأنا أتقيد دائما بأخذ المقاييس بالضبط (بإستعمال المعيار يجي على شكل كوب) فأنا لا أستغني عنه أبدا،لأنه هكذا بدأت تعلم الطبخ، ربما مع الوقت و التجربة سوف أتفاداه



معك حق اختي ماشي دايما عينك توزن مليح هههههههه
مثلا فالقاطوات كاين بعض الانواع يحتاجو كميات محددة و مضبوطة والا تنقلب الوصفة ولن تنجح
اما المواكل وبعض الانواع الاخرى تخضع للاذواق لا للمعايير المحددة
وتاني نسيت نقولك حاجة فالحلوى لازم تشفاي اما نوع الي درتي بيه هديك الحلوة وجاتك مليحة كيما :الفرينة والسميد والزبدة على خاطر كاين فرينة من فرينة يعني كاين الي تشرب الما تديري اقل من الكيلة خلاص تولي مليحة العجينة وكاين الي ما تشربش ديري العبر تاع الوصفة وتزيدي عليه والسميد تانيت كيف كيف
اتمنى لك وقتا ممتعا و تجارب نافعة مسلية في المطبخ :)
وفقك الله

[Baya Aloe Vera]

شوفي اختي الطياب يحتاج الى الدوزين يعني هناك اكلات تعتمد على نوع من التوابل دون غيره هذه مع الاكلات التقليدية اما بخصوص الوصفات العصرية فا عتمد الى المكتوبة خاصة مع الحلويات و الباتيسري فهي ميزان و لوكان منخلطوش منتعلموش و مع الوقت تولي تعرفي الخلل يبقى الطبخ فن لازملو التجربة مرارا

[zinna2]

صح لي ما يجربش ما يعرف و لي ما يغلط ما يتعلم
أتمنى التوفيق للجميع، نشاء الله تكونوا جوزتوا كامل رمضان بخير و عيد مبارك لعقوبة للعام لجاي يا رب

[zinna2]

صح لي ما يجربش ما يعرف و لي ما يغلط ما يتعلم :19:
أتمنى التوفيق للجميع، نشاء الله تكونوا جوزتوا كامل رمضان بخير و عيد مبارك لعقوبة للعام لجاي يا رب :mh31:

[ام مريومة]

انا قبل الزواج كنت منطيبش بزاف لكن بعد الزواج وليت نموت على الطياب في الاول كنت نطيب وصفات تع أمي ربي يرحمها و خياتي ولكن حبيت نوع و نجيب جديد. عليها وليت كل يوم نجرب حاجة جديدة من الانترنيت و بالأيام اصبحو المقادير في راسي وانا من النوع اللي يستعمل عينك ميزانك

[ام رحوقة]

بالنسبة لي في الطياب من راسي مانلتزمش بالوصفة نهائي لان فيه نوع من البهارات خاصة بينا مانقدرش نطيب بلا بيها والطياب مايخسرش اذا زدتي ولا نقصتي
اما المعجنات فألتزم بالوصفة في كل مرة
والحلويات عمري مانقدر نحفظ الوصفة مانعرف علاه لازم كل مرة نرجع للكتاب ولا لكراسي ونتبع بالخطوة

[zinna2]

والله انا ثاني يا أم رحوقة كيما قولتي الطياب تقدري ديري عينك ميزانك تزيدي بالحاجة حتى يخرج بصح الحلويات لازم كل مرة نعاود نتأكد من الوصفة حتى لوكان نكون درتها من قبل :d