قاطو العيد خممتوا يا البنات ولا مزال...ادخلوا نتشاوروا

[البوسعادية]

السلام عليكم....
صح رمضانكم وفي نفس الوقت صح فطوووووووووووووووركم (مبقى والو وياذن راني ميته بالعطش هههههههههههههههه)...
المهم كما تعرفوا راه بدا العد التنازلي انتع رمضان معناها بقالنا نصوموا 9 ايام او 10 فقط...:mad:
وراني قررت انا ان شاء الله هاذي المره نخدم قاطويا بكري ونتهنى منو باه الايامات الاخيره نلهى بحوايج اخرى غير القاطو....
المهم ان شاء الله انا قررت اندير ما يلي:
1- قاطو البوسعادية (الذي لا استغنى عنه في جل المناسبات )...
2- بقلاوة.
3- قاطو صابلي للاخت ام رامي (ربي يحفظها).
4 - قاطو النيسلي (لي نحطوه في كيسات تع الحديد تع الدزيريات).
5- قاطو الورقه...
وربي يسهل ان شاء الله .....انا هذا واش قررت...
راني نستنى في قراراتكم انتم....ارجوا التفاعل....

شكرا لكن :1: :mh31:

[nafla]

راني نخمم كل مة يجي في بالي نوع

[الحطاب سهام]

انا صراحة المقروط اولا مستحيل نستغنو عنه في الدار 2_البقلاوة 3بركات بالنيتيلا 4_حلوة الملفوف 5_حلوة الكريستال 6 _عجبتني حلوة الغربال راني نخمم اذا بقالي الوقت نعملها .....صراحة راني نتجنب عمل اي حلوا فيها قلاصاج لانو يجيني شويا يابس ويخصرلي الحلوى

[أم عبير]

مازالني حايرة يا ريت تعطيولنا افكار

[pharmajsk]

السلام عليكم صحا رمضانكم
في الحقيقة خواتاتي راني قررت انا تاني ندير السنة القاطو بكري كيما قالت الاخت باش في الايام الاخيرة نتلاهاو بحوايج اخرين المهم القرار كاتالي:
المقروط لي محال نستغناو عنو
البقلاوة
قاطو النيسلي
بوسولات مسو
الصابلي
قاطو حلوة الترك
مخبز
والبقية راني نشوف ونخمم المهم لي عطيتهملكم هادو اساسيات والباقي راح نشوف وعلى فكرة انا نبغي نكثر انواع القاطو مي نخدم ب 250 غ زبدة يعني ندير حاجة قليلة
صحا عيدكم ولي عندها روسات جدد تفيدنا رانا في الانتظار

[omar_moubarki]

والله انا غير مزلت حايرة لحد الان راني خممت غير في البقلاوة والمقروط مي لوكان غير تمديلنا قاطوالنيسلي

[رجاها 22]

سلام الاخوات صح فطوركم انا عضوة جديدة نتمنى ترحبو بيا
بالنسبة للقاطو نتع العيد احنا قررنا هد العام منكتروش فالانواع و بربي رايحين نديرو يعني انا و ماما التشاراك مغبر محال نسمحو فيه ونزيدو حلوى السيار و حلوة الورقة الخضراء و نزيدو حلوى الطابع و خبزة الباي انشاء الله

[سيرينا لبنينا]

انا راني درت هذا اليوم

http://im25.gulfup.com/2012-08-08/1344445925758.jpg (http://www.gulfup.com/show/X71mfumn0iw55)

ومقروط ام رامي الغالية

و 2مودلات درتهم قبل

هذا

http://im17.gulfup.com/2012-07-17/1342546387752.jpg (http://www.gulfup.com/show/X34g61jee6x6o80)


وهذا


http://im17.gulfup.com/2012-07-17/1342546388643.jpg (http://www.gulfup.com/show/Xs41icrzqypcoo)


ويرحمها ربي.

[صاحبة طموح]

سلام صح فطوركم
انا عولت ندير بقلاوة ومشوك هادو لازم والباقي حبيت احرين ساهلين برك
دبروا علي

[mordia]

انا صراحة المقروط اولا مستحيل نستغنو عنه في الدار 2_البقلاوة 3بركات بالنيتيلا 4_حلوة الملفوف 5_حلوة الكريستال 6 _عجبتني حلوة الغربال راني نخمم اذا بقالي الوقت نعملها .....صراحة راني نتجنب عمل اي حلوا فيها قلاصاج لانو يجيني شويا يابس ويخصرلي الحلوى

با اختي كيفاه داير لي باركات بالنوتيلا؟

[أم ياسين الزهراء]

انا ندير ان شاء الله المقروط طبعا والقطايف وراني نخخم في كيفية اخرى

[halimahalo]

انا تاني حابة ندير القاطو بكري ونتهنى بصح والله راني حايرة واش ندير لو كان تشيخو عليا

[hahou321]

حنا رايحين نديرو
بقلاوة
مقروض
بجاوية
قرن غزال
ونوع واحد اوخر
وخلاص

[geroise]

مازال ما قررت حتى استشير الهيئة العليى لكن كل عام نعمل صابلى اخى يحبه ونعمل العرايش ونفكر فى حاجة ساهلة

[البوسعادية]

راني نخمم كل مة يجي في بالي نوع

معليهش اختي خمي مزال الحال شوي...
وزيدي شوفا من عند البنات كشما تقاي ...

[البوسعادية]

انا صراحة المقروط اولا مستحيل نستغنو عنه في الدار 2_البقلاوة 3بركات بالنيتيلا 4_حلوة الملفوف 5_حلوة الكريستال 6 _عجبتني حلوة الغربال راني نخمم اذا بقالي الوقت نعملها .....صراحة راني نتجنب عمل اي حلوا فيها قلاصاج لانو يجيني شويا يابس ويخصرلي الحلوى

اختي ..
شكرا لمرورك..
انواع هايلين يعطيك الصحه..
ههههههههه صارلك كما انا ...نتجنب دائما الحلوى الي بالشكولا ..بيا منعرفش قلاصاج شكولا مليح هههههه
اذا حبيتي نعطيك قلاصاج هايل خدمت بيه وشحال من مره وميبسش كامل...
:19:

[البوسعادية]

مازالني حايرة يا ريت تعطيولنا افكار

مرحبا اختي...
اهلا بك..
ان شاء الله تستفيدي من اراء الاخوات...
صح صحوووووورك

[البوسعادية]

السلام عليكم صحا رمضانكم
في الحقيقة خواتاتي راني قررت انا تاني ندير السنة القاطو بكري كيما قالت الاخت باش في الايام الاخيرة نتلاهاو بحوايج اخرين المهم القرار كاتالي:
المقروط لي محال نستغناو عنو
البقلاوة
قاطو النيسلي
بوسولات مسو
الصابلي
قاطو حلوة الترك
مخبز
والبقية راني نشوف ونخمم المهم لي عطيتهملكم هادو اساسيات والباقي راح نشوف وعلى فكرة انا نبغي نكثر انواع القاطو مي نخدم ب 250 غ زبدة يعني ندير حاجة قليلة
صحا عيدكم ولي عندها روسات جدد تفيدنا رانا في الانتظار

وعليكم السلام...
الله يسلمك...
لي نسقسيها تقلي رايحه نبدا بكري...والله عندنا الحق هكذا نتفرغوا شوي...
ماشاء الله ربي يسهلك انواع 4444
المهم قوليلي واش تقصدي بقاطو النيسلي (لي يجي في الباركات ) ولا نوع اخر...
وثاني كيفاش داير قاطو بوسلات مسو...
وربي يسهلك..

[dmx2]

سلام والله اناتلني حايرة واش اندير عندي شك في الصابلي ومقروض و غريبة النشاء وقاطو الثلاجة بانيستلي وكاش 2 انواع اخرى والى ثلاثة وخلاص*

[البوسعادية]

والله انا غير مزلت حايرة لحد الان راني خممت غير في البقلاوة والمقروط مي لوكان غير تمديلنا قاطوالنيسلي

مرحبا اختي...
انا والله غيرتوني هههههههههه وبدلت رايي وقيل نزيد ندير معمول وخلاص (خاطر المقروط ميجينيش مليح)..ان شاء الله يكفيني الحال برك
ان شاء الله كشما يعجبوك انواع نتاوع البنات..

[شيراز222]

انا راني قررت الآن وربي يسهل

راح نخدم

الصابلي لأم رامي اجباري وليدي يحبو
حلوة النسيلي
وراح اجرب وصفة لقيتها في المنتدى
بوسو ولا تمسوا http://www.djelfa.info/vb/showthread.php?t=974870
وعجبتني حلوة اخرى كمان اكيد راح اعملها
http://www.djelfa.info/vb/showthread.php?t=866828
والصلاة على النبي
عليه الصلاة والسلام

[hanin.sf]

السلام عليكم صحا فطوركم
انا حبيت ندير بقلاوة و مشوك هدو مفروغين منهم و تاني حبيت ندير حلوة الحلقوم + تشراك + و فيريرو ........و طبعا المقروط ما نستغناوش عليه

[nada nadouche]

اهلا وصح رمضانكم

حنا رايحين ان شاء الله نديروا

مقروض

قريوش

وبقلاوة هدوا من الاساسيات


و رايحين نديروا

العرايش
مشوك
بوسو ولا تمسو

و قاطو نتاع ال****اج

يبقى قاطو بارد حتى ليلة العيد نديروه بصح راني عاد ما خممتش فيه

[عائشة نريمان]

مساء الخير حبيباتي و صح فطوركم القاطو لي خممت فيه أنا هو : البقلاوة _ المخبز _ قاطو بيمو نتاع الاخت في المنتدى هنا هايل _ قاطو ناسلي _ المقروض القريوشات نموت فيها و هدا النوع هايل هاهي الوصفة نتاعو يقلولوا مربعات بحبات السمسم المقادير هي :
125غ مرغرين دايبة
حبة بيض + صفار بيضة
نصف كاس سكر ناعم
كاس كايزينة
نصف كيس خمير كيميائية
فانيلا
ملعة كبيرة كاكاو
ملعة كبيرة حليب
مربى + حبوب السمسم
فرينة
الطريقة : نبدأ بالزبدة الدائبة مع السكر و الخلط و بعدها حبة البيض + الخميرة + الفانيلا و بعد الخلط المايزينة ثم الفرينة حتى تتلم وبعدها نحلوها بالحلال طبقة رقيقة و نطبعوها مربعات حتى نكملوا العجينة ثم نخلطو صفار البيضة مع ملعقة الكاكاو و الحليب وندهنو المربعات من فوق و بالفرشات نتاع الاكل نضع خطوط و اشكال كيما الكروكي و بعدها الى الفرن راه فيسع يطيب و من بعد لسقيهم بالكونفيتير و رمدي الحواشي بحبوب السمسم و الله هايل هادي العبرة تقطع 35 حبة بالتجربة و منقولة من كتاب حلويات جافة بنينة و صح سحوركم

[jackin]

بارك الله فيك
و جعل الله عملك في ميزان حسناتك.

[llia]

moi je cherche dé nouvelles recettes , kachma kayane?

[الحطاب سهام]

با اختي كيفاه داير لي باركات بالنوتيلا؟



تلقيها هنا في هذي الصفحة تحت عنوان ....


حلوى محشية بالنوتيلا والبندق هي الوصفة رقم 2



http://moondz-mouni.blogspot.com/search/label/%D8%AD%D9%84%D9%88%D9%8A%D8%A7%D8%AA?updated-max=2012-02-11T18:06:00%2B01:00&max-results=20&start=7&by-date=false

[الحطاب سهام]

اختي ..
شكرا لمرورك..
انواع هايلين يعطيك الصحه..
ههههههههه صارلك كما انا ...نتجنب دائما الحلوى الي بالشكولا ..بيا منعرفش قلاصاج شكولا مليح هههههه
اذا حبيتي نعطيك قلاصاج هايل خدمت بيه وشحال من مره وميبسش كامل...
:19:

والله تعملي فيا مزيا لاني جديدة في المطبخ وجربت قبل رمضان حلوى نتاع القلاصاج ..جاني يابس كي لحجر ويبسلي معاه القاطو..... وحتى انا قلاصاج الشوكولا كان ما يجينيش شباب الا ان احدى الاخوات قالتلي باه يجيني قهوي فونسي ويلمع لازم نزيد شويا حليب وكاكاو والسكر قلاصي ومغرف صغيرة زبدة للشوكولا كي نكون ندوب فيها قالتلي رايح يرجعها غامقة وتلمع ...والله اعلم راني رايحا نجربها ونشوف

[ريم رنيا]

انا مازلت انخمم مقروض وبقلاوة منقدروش نستغنو عنهم ونزيد ادزيريات وقاطو النيسلى والدولارة ونشوف واش نزيد معهم ورمضان مبارك

[البوسعادية]

لكل من مرت من هنا...
شكرن لكن ..ان شاء الله نستفادوا من بعض في الوصفات..

http://sewar.panet.co.il/images/2012/07/14/60500008rv.gif

[manels]

اهلا خواتاتي انا راني نخمم ندير كاش قاطوات ساهلين يعني غير ندير كويرات ولوح في الشكولة ههههههههههههه

راني نخمم في قاطو مولا الشاش بصح هو يجي بالمبوط ويتحط حبة فوق ختها والجوانب بالكاوكاو وفوقو ديري خطوط شكولة
وراهو عجبني قاطو حطاتو اخت معانا قاطو الكبريس تحطي الكابريس في الوسط وكي يطيب ديريه في الكونفتور والالقفريط
ورايحة ندير قاطو لقيتو في كتاب سميرة للحلويات هو ساهل ديروه كلمسكوتة وكي يطيب يتقطع مربعات صغيرة ومن بعد تحطوه في الشكولة الي مضافة ليها الحليب والسكر غلاصي وو وتمرمدوه في النواتكوكو

شفتو قاطوات ساهلين هههههههههههه

[Basketteuse]

السلام عليكم انا حبيت ندير مقروض و تشاراك و مخبز وغريبية اللبلابي.... مانعرف هدا وجاني بزاااف

[hakim hamraoua]

السلام عليكم ورحمة الله وبركاته
وصحة فطوركم ككل يوم
مجموعة رائعة من شكل وذوق الله يخليكم كنا محتارين مع الحلويات في وقت ظيق ومع كم جميل من الحلويات
وصحة عيدكم مقدما
أم محمد