حائر بين السمراء ام الشقراء

[مشكلتي]

انا شاب المفروض حان وقت زواجي او على الاقل الخطبة وراني حاير في اختيار شريكة حياتي , فانا مغرم بالشقراوات وبالسمراوات , مرة اقول اتزوج مع شقراء ومرة اقول مع سمراء , وانا اشقر ,حتى تعبت من التفكير ,,لا اريد زوجتين بل اريد واحدة فقط وحاير في لون البشرة فكلاهما اجمل

انصحوني مادا افعل ,, صليت استخارة والمشكل نفسو مابان لي والو

[faten19]

يا خويا عيشك واش يهم ادا كانت حمرا ولا صفرا المهم كتهنيك والله غير يقولو الزين والفعل الشين عينك فزواج انوي وربي يسهلك انا منعندي مايهمش الشكل ونشاء الله خويا ربي يفرحك

[سارة البوسعادية]

تصلي صلاة استخارة باش ربي ينور بصيرتك ويختارلك من فيها صلاحك هل هي السمراء ام الشقراء

فاضفر بذات الدين تربت يداك

[حضنية28]

ياخويا الزين عمرو ما بنا الديار السمراء ولا الشقراء كيف كيف المهم تكون بنت اصل انت صلي صلاة استخارة وما يكون غير الخير ان شاء الله

[رزان.]

لا داعي للحيرة أخي الأمر راه واضح جدااااااااااااااااا


اختر صاحبة الدين و الخلق


أتمى أن يرزقك الله زوجة صالحة و طيبة

[« أبْجَدِيَّاتْ »]

صليت استخارة والمشكل نفسو مابان لي والو


السَّلامُ عليكُم و رحمةُ الله ،

هَاه ! أكيد مَا يبان والو بعد صلاَة الاستِخَارة ! [ :1: ] كيمَا الشَّقراء فيهَا الخير و الشَّر، السَّمراء تَاني يا أخي !
ثُمَّ إنَّ النَّاسْ أوَّل حاجَة تشُوف ليهَا هيَ خُلُق الفتَاة ، إذا كَانت رزينَة و متربّية و متديّنة.. وش ينفع إذا تزوّجت وحدة شقراء
( ولاّ سمَراء ) ولقيتهَا بعد الزّواج "الزّين زيّ و الفِعل زيّ" ؟، يادْرَا تقدر تعيش معاها ؟ ثُمَّ تصوَّر أنَّ مُشكِلةً مَا واجهَتك
خِلاَل حياتِك الزَّوجيَّة ، لليِّ يشدّ علىَ يدّك يومَهَا جمَال زوجتك ولاّ خُلُقها و ودُّها لك ؟ .

ولليِّ زاد حيّرني معَاك قولُك :confused:


,لا اريد زوجتين بل اريد واحدة فقط وحاير في لون البشرة فكلاهما اجمل

يعني لو كَان ما عجباتكش لليِّ ادّيتها مع اللَّول تزيد تتزوّج عليهَا وحدة أخرى من لون بشرَة آخر و تجرّب ؟ :confused: ، المرأة مَاهيش سلعَة يا أخي . صَحيح الرَّجُل يحبّ الجمَال في المرأة وهذَا أمر فِطريّ بصَّح مَا تغفلش أنّ الجمال وحدَه لا يأتي بالسَّعادة و الهناءة . ولا تنسَ قولَ الرَّسُول صلىَ الله عليهِ و سلَّم :
[ تُنكح المرأة لأربع : لمالها ولحسبها ولجمالها ولدينها ، فاظفر بذات الدين تربت يداك ]


فَلاَ تجعَل الجمال نصبَ عينَيْك ، لأنَّ ذَات الجمَال - إنْ لم تَكُن مثلها في الجمال - ستفتَخرُ عليكَ ما لم تكُن مُتحلَّةً بالتّقوىَ ،
وليسَ معنىَ نصيحَتي أنْ تُعِرضَ عنْ ذاتِ الجمَال ، فإنْ توفَّر ذلّ مع الدِّين فهُو حَسَن .

مُوفَّقْ .

[amniaalger]

ربي ينولك الي في بالك و يعطيك ماتبغي بصح في هذا الوقت الجمال ماعادش مهم المهم تكون بنت فاميليا وصالحة وتساعفك وتهنيك و تلقاها في السرا الضراء ء

[faty05]

ربي يهديك
هاذي و حرت فيها
الناس تحوس علي التربية و الأخلاق و نتا حرت في اللون!!
ابحث عن الصح
ما يدوم غير الصح لا حمر لا صفر

[اريج06]

ربي يرزقك بالزوجة الصالحة اللي تهنيك وترتاح معاها والله مايهم اللون سمراء ولا شقراء .كي تكون بنت فاميليا متربية وتخاف ربي وتقدرك وتقدر والديك هذا هو الصح

[vivaldi]

إمزج بين الشقراوات و السمرات
يعني
جيبها سمرا و شعرها أصفر و عينيها خضورا ولا زروقا و أنت درت لافار
2in 1
;)

[chou_int]

أخي العزيز مادامك تخمم كيما هاك مازالك صغير على الزواج
أصبر زيد عامين أو ثلاثة و تزوج
نصيحة !

[yesican]

المهم بنت الخضراااااااااااااااااااااا.........ولا نقولك حوص على واحد تكونmixte مارانيش نقولك قوس قوزح ولا نقولك بلي في كلتا الحالتين تنجح ساهلة الخطة لان البيضاء تقدر تزرقها و الكحلا تقبطلها بوصفار ...............وهكدا تضرب عصفورين بكف

[الواثق]

الحل بسيط .....................حوس على ذات الدين والخلق فان وجدتها صفراء فاللهم بارك وان وجدتها سمراء فاللهم بارك .......................وماتخممش مع لا لاك ولوندوي والصبيغة اي حيط رجعولك باي لون هههه

[عُضو مُحترم]

انت يلزملك تتصل لشمس الدين في النهار تيفي





هههههه





امزح فقط


والله يا اخي ليسة قضية سمراء او شقراء



القضية هي تخاف الله و تحبك او لا

[مبروكة الصحراء]

راك تقارع فينا حنا نقولولك اللون لي نحبوه حنا و لا واش؟؟؟؟؟؟؟؟ زعما دير علينا؟؟؟؟؟
و ولادك واش من كولور حابهم؟؟؟؟؟
ما أكبر مشكلتك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مشكلتك راهي غير في اللون لوكان تديى اللونين في زوج و الأخلاق فاسدين واش دير تلونهم؟؟؟؟؟؟
العجب ؟؟؟
الله يهديك و ربي يفتح عينيك على الاختيار الأصح

[سفير الأيام]

لا حول ولا قوة إلا باللـــــــــــــــه

واللــــــــــه يا خويا ما حكمت نفسي من الضحك اللي بعتهلي في نص الليالي

راك بين الشقراء ولا السمراااااااااء

باغي نفهم انت واش راك تشوف في المرأة

لون وسمنية

الحمد للــــــــــــه اللي مزال ما تتزوج

زيد قارع حتى تفهم الدنيا

إختار أفضل من اللي يديك فانيها

شوف الدين هادي الحاجة الأولة

والزاوجة العقلية

ولا حبيت الزين غادي تولي موراه تجري

محلحل في الطرقان ومكشوف

ربي يعاونك يــــــــا عرسان زواج 2012

[الشيخ آمود]

إمزج بين الشقراوات و السمرات
يعني
جيبها سمرا و شعرها أصفر و عينيها خضورا ولا زروقا و أنت درت لافار
2in 1
;)

هههههههههههههه.....أنت اللي لقيتها ليه....

[حياة الإسلام]

ميهمش شقراء ولا سمراء المهم دينها و أخلاقها حيرني الأمر لي موخر على جالو حياتك كامل لا ربما هدا يكون في طوموبيل لأن هدا الأمر محسوم = فضفر بداتي الدين تربت يداك

[الدكتور سام]

ابحث في كتب السنة ان وجدت حديثا يوصينا بالزواج من السمراء او الشقراء او السوداء او البيضاء او...........
يا اخي روح تحوس على بنت الحلال و اخطيك من اللون.المهم تكون جميلة و مقبولة

[محمد جديدي التبسي]

أنت أشقر خيّرها شقراء إذا لقيت :)
أضحك الله سنك أخي

[بنت الحجاج]

انا شاب المفروض حان وقت زواجي او على الاقل الخطبة وراني حاير في اختيار شريكة حياتي , فانا مغرم بالشقراوات وبالسمراوات , مرة اقول اتزوج مع شقراء ومرة اقول مع سمراء , وانا اشقر ,حتى تعبت من التفكير ,,لا اريد زوجتين بل اريد واحدة فقط وحاير في لون البشرة فكلاهما اجمل

انصحوني مادا افعل ,, صليت استخارة والمشكل نفسو مابان لي والو


جابْلي ربي مزال الحال شوية على الزواجْ !!!

[yeb66]

ابحث عن الصحححححححححح

[~ أســـرآر ~]

مش المهم في اللون أخي المهم الدين والتربية
اظفر بذات الدين تربت يداك

[arc en ciel]

اديها شقراء و فالصيف روحو للبحر تبرونزي تولي سمراء
كين الصبيغة للشعر و لي لونتي




مادامك تشوف الزواج من هاد الناحية غير هني روحك مازلت صغير

[gali]

هني روحك مازلت صغير

[saadi-2008]

دومندي وحدة معدلة وراثيا http://www.djelfa.info/vb/images/smilies/biggrin.gif

http://www.youtube.com/watch?v=DbKv9NbJELg

:)

[arc en ciel]

دومندي وحدة معدلة وراثيا http://www.djelfa.info/vb/images/smilies/biggrin.gif

http://www.youtube.com/watch?v=dbkv9nbjelg

:)



:19::19::19:

[ام احمد الغالي]

اعتقد كون تزيد سنة ولا سنتين تتبدل فيها نظرتك للزواج وبناء بيت يكون افضل لك لان قرارك الزواج على اساس لون البشرة اكيد يعطينا انطباعا انك تحكم على كل الامور من مظاهرها وهذا يضع كل حياتك وكل امورك على المحك فقد تحكم على امر من ظاهره الجميل ويكون باطنه سيء وهذا في كل شيء وليس في حكمك على الاشخاص فقط
والله ييسر لك اللي فيه الخير

[karim.dz]

ايه ياحصرى ...

لوكان جا المشكل فالسمراء ولا فالشقراء برك كنا تزوجنا ورانا بولادنا ...

[wafa kabylie]

في هاد الوقت الزين ماديرش عليه لانو بنات الفاميليا نقصو بزززززاف حوس على وحدة فيها صفات الاخلاق الحميدة والتربية والدين الزين عمرو مايبني الديار ولا القصور

[rayan mimi]

اتزوجها خمرية ماهي بيضة ماهي سمرة لون الخوخ
انا انحب البيض فالرجال على خاطر بيضة فالبشرة

[البرعم الندي]

يا خويا جيب وحدة سمراء وصورها حداك وزيد وحدة شقراء وصورها حداك

وشوف الي تكون اسورتي وخارجة عليك هديك هي

لانو الي يشوف العنوان تاعك يعتقد انك راح تشاورنا على كانش لبسة ولا لون الجديد لشعرك

الزين عمرو مايبني الديار يا اخي الكريم

[hayet04]

ديها خضراء

[djeriou]

لا تعليــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــق

الله يهديــــــــــــــــــــــــــــــــــــــــــــــ ــــــــــــــــــــــــــــــــــــــــــــــنا يار ربي

[Crazy lazy Girl]

ههههه و الله غير ضحكتني لوكان غير يكونو المشاكل كامل كيما نتاعك