من يبدأ أولا .....؟

[morad81]

السلام عليكم :

موضوع اليوم أردت أن أناقشه معكم و أكيد يكون قد طرح من قبل لكن اليوم هو من زاوية أخرى.


غلاء المهر و تكاليف الزواج !!!!!!!!!!!!


الكل يشتكي و الكل يرى الخلل و يحس بالمشكل .....لكن من يبدأ أولا؟


1 - هل تستطيع أن تخفف من مصاريف الزواج على من يقصد أحد بناتك أو أخواتك للزواج ؟

2 - وبالنسبة للفتاة هل تقدمين يد المساعدة لو تقدم لخطبتك شاب و تيسري له في المهر و الشروط ؟ وكيف ؟




وهل يمكن أن نقضي على ما يتداوله الكثير(نديروا كيما راهم يديروا كل الناس) ؟

[soso sirin]

2 - وبالنسبة للفتاة هل تقدمين يد المساعدة لو تقدم لخطبتك شاب و تيسري له في المهر و الشروط ؟ وكيف ؟

والله خويا مراد موضوع والله صح دايمن نهدرو عليه مي مكانش تغيير نفس المشاكل و نفس النتائج.هي اذا كان الراجل يستاهل و انسان مليح و عارفة روحي بلي هو الشخص الي متمنياتو و يكون عاجبني مكانش مشكل والله رايحة نسهلو و بلاك رايحة نتنازل على شي حوايج علاجالو المهم يتم العرس.مي باغياتك تجاوبني على وحد السؤال واش هي الشروط التعجيزية الي راكم تهدرو عليها و ماراهيش مخلية جل الرجال ماجلين فكرة الزواج من غير الخدمة

[حفيدة عائشة]

هذا هو المشكل لي راه معطل كل الشباب على الزواج للأسف الشديد
انا واحد من الناش شرطت كتاب القرآن فقط و لما خطيبي أعطاني المهر أعطاني عشرة ملايين رفضت و لما أللح أخدت النصف خمس ملايين فقط و الله الزواج سه لو كل الناس يطبقوا واش يهدرو ماشي يهدروا فقط
و عندي كذلك وحدة من العائلة كان مهرها مئة ألف فقط ربي يهدينا أجمعين

[faty05]

اذا انسان ذو أخلاق و يستهل و كيما متمنياتو نساعدو قدر المستطاع *

[jackin]

الواقع أن هذه مشكلة وعقدة،
عقدها الناس على أنفسهم،
وشددوا فيما يسره الله تعالى عليهم،
لقد قال النبي صلى الله عليه وسلم
في الزوجات
" أيسرهن مهرًا أكثرهن بركة "

[soha1987]

شكرا اخي على الموضوع
انا مانقدرش نمديد المساعدة يعني لي حاب يخطب حتى يوجد روحوويجي يخطب ولاتنازل من جهتي ومن حقي ان يكون مهري مثل اخواتي وصديقاتي

[سفيان01]

حقيقة غلاء المهور مشكل عويص وبات حاجزا في طريق زواج الشباب متوسطي الدخل فكيف بالله عليكم لشاب دخله لا يتجاوز 2 مليون سنتيم أن يتزوج ويدفع مهرا يتجاوز 30 مليون سنتيم ناهيكم عن تكاليف الزواج كبش العروس الذي ثمنه حوالي 5 مليون سنتيم ووتكاليف وليمة الزواج وو....يعني الزواج أصبح يكلف حوالي 100 مليون سنتيم هذا بالنسبة لمنطقتنا
اخوتي و أخواتي حاولو التيسير فلا يوجد رجل يبخل المراة التي أرداها زوجته وأم أولاده ان شاء الله تعالى...
كلامي موجه خاصة للأولياء يسروا لا تعسروا...وربي يهنينا جميعا...
أخوكم سفيان:)

[morad81]

2 - وبالنسبة للفتاة هل تقدمين يد المساعدة لو تقدم لخطبتك شاب و تيسري له في المهر و الشروط ؟ وكيف ؟

والله خويا مراد موضوع والله صح دايمن نهدرو عليه مي مكانش تغيير نفس المشاكل و نفس النتائج.هي اذا كان الراجل يستاهل و انسان مليح و عارفة روحي بلي هو الشخص الي متمنياتو و يكون عاجبني مكانش مشكل والله رايحة نسهلو و بلاك رايحة نتنازل على شي حوايج علاجالو المهم يتم العرس.مي باغياتك تجاوبني على وحد السؤال واش هي الشروط التعجيزية الي راكم تهدرو عليها و ماراهيش مخلية جل الرجال ماجلين فكرة الزواج من غير الخدمة

شكرا أختي سوسو ...ويشرفني أن تكوني أول من يرد .


أما بخصوص أنه الشاب يكون عاجبك و يستاهل ....فهو الشرط الأول طبعا وإلا فلا يتم الزواج عن إكراه ..

ولكن بعض الشروط التي تعجز الكثير من الشباب منها :

1- المهر يفوق العشرين مليون كأدنى حد .....مع الذهب لا أدري كيف هي تفاصيله الأن.

2- مراسيم العرس ...كبش لأمها وكبش لخالتها .....وكبش لجارتهم هههههههه...الخ.

3- السكن المنفرد صعيب و صعيب بزاف.

[morad81]

هذا هو المشكل لي راه معطل كل الشباب على الزواج للأسف الشديد
انا واحد من الناش شرطت كتاب القرآن فقط و لما خطيبي أعطاني المهر أعطاني عشرة ملايين رفضت و لما أللح أخدت النصف خمس ملايين فقط و الله الزواج سه لو كل الناس يطبقوا واش يهدرو ماشي يهدروا فقط
و عندي كذلك وحدة من العائلة كان مهرها مئة ألف فقط ربي يهدينا أجمعين

و الله أختي نطلب من الله أن يبارك لك في زواجك .............وكفضول فقط ...هل هو عرف في منطقتكم أم أنك إنفردتي بهذا التصرف النبيل .

[morad81]

شكرا اخي على الموضوع
انا مانقدرش نمديد المساعدة يعني لي حاب يخطب حتى يوجد روحوويجي يخطب ولاتنازل من جهتي ومن حقي ان يكون مهري مثل اخواتي وصديقاتي

ما عليش ختي راهو عندك الوقت ......وربي عنو الخير و يجيبلك اللي موجد روحو.


لكن واش معنتها موجد روحو ؟ في واش...توضيح

[morad81]

اذا انسان ذو أخلاق و يستهل و كيما متمنياتو نساعدو قدر المستطاع *

إذا كان ما يستاهلش ما نضنش غادية تديه ...............بلاما تساعديه ..


لكن تقدري تقوليلنا كيفاش تساعديه ؟

[morad81]

الواقع أن هذه مشكلة وعقدة،
عقدها الناس على أنفسهم،
وشددوا فيما يسره الله تعالى عليهم،
لقد قال النبي صلى الله عليه وسلم
في الزوجات
" أيسرهن مهرًا أكثرهن بركة "


ولكن الناس كي تجي عنهم راهم ينسوها هذا المشكل؟

[morad81]

حقيقة غلاء المهور مشكل عويص وبات حاجزا في طريق زواج الشباب متوسطي الدخل فكيف بالله عليكم لشاب دخله لا يتجاوز 2 مليون سنتيم أن يتزوج ويدفع مهرا يتجاوز 30 مليون سنتيم ناهيكم عن تكاليف الزواج كبش العروس الذي ثمنه حوالي 5 مليون سنتيم ووتكاليف وليمة الزواج وو....يعني الزواج أصبح يكلف حوالي 100 مليون سنتيم هذا بالنسبة لمنطقتنا
اخوتي و أخواتي حاولو التيسير فلا يوجد رجل يبخل المراة التي أرداها زوجته وأم أولاده ان شاء الله تعالى...
كلامي موجه خاصة للأولياء يسروا لا تعسروا...وربي يهنينا جميعا...
أخوكم سفيان:)

و عليك السلام


و المشكل ماكانش اللي حاب يبادر وحلو ........وراه يزيد يا خويا........شكرا

[Floona]

صديقتي تزوجت وتكفل بجميع تكاليف العرس وشرالها بلاك مليار تاع ذهب

قالها أنا لاباس بيا وإنت يتيمة نديرلك كلش ومبعد كيم تزوجت وجابت طفل طلقها

وقالها جبتك عريانة وماعندك والو وهي ماشرطت والو هو لي دارلها كلش

ووحدة شرطت كيم الناس بهدلوها وقالولها ماليك باعوك كيم البقرة

يرحم باباكم فهمونا نشرطو يقولو باعوكم منشرطوش يقولو عرايا وش نديرو نموتو ؟

[YARMORACEN]

صديقتي تزوجت وتكفل بجميع تكاليف العرس وشرالها بلاك مليار تاع ذهب

قالها أنا لاباس بيا وإنت يتيمة نديرلك كلش ومبعد كيم تزوجت وجابت طفل طلقها

وقالها جبتك عريانة وماعندك والو وهي ماشرطت والو هو لي دارلها كلش

ووحدة شرطت كيم الناس بهدلوها وقالولها ماليك باعوك كيم البقرة

يرحم باباكم فهمونا نشرطو يقولو باعوكم منشرطوش يقولو عرايا وش نديرو نموتو ؟

راكي عاد ديري على كلام الناس أنسة ؟

أشرطي من حقك ، شوا ما تكثريش

[soha1987]

قصدي بكلامي يكون موجد روحو يعني نهار يجي يخطب يكون موجد حق الشرط وماكلاه يمد لكلمة ومنبعد يقول استناو نلم دراهم الشرط لالا هادي مانقبلوهاش لازم يخطب منا يدفع منا وكان ناس بزاف يمد الكلمة يعني يخطب ومن بعد عام باش يدفع والله هادي انا مانقبلهاش وثاني ينقصولو في الشرط حنا مانقصوش عندنا سيرة نطبقوها بالحرف الواحد ووان شاء الله نكون وضحتلك اخي

[morad81]

قصدي بكلامي يكون موجد روحو يعني نهار يجي يخطب يكون موجد حق الشرط وماكلاه يمد لكلمة ومنبعد يقول استناو نلم دراهم الشرط لالا هادي مانقبلوهاش لازم يخطب منا يدفع منا وكان ناس بزاف يمد الكلمة يعني يخطب ومن بعد عام باش يدفع والله هادي انا مانقبلهاش وثاني ينقصولو في الشرط حنا مانقصوش عندنا سيرة نطبقوها بالحرف الواحد ووان شاء الله نكون وضحتلك اخي

لالالا ما تخشنيش راسك هههههههههههه وعلاه مسكين إذا مازالوا ما فيرالوش الرابال......


تحياتي الله يجيبلك ما تتمناي.

[soso sirin]

شكرا أختي سوسو ...ويشرفني أن تكوني أول من يرد .

و الله الشرف ليا باه نكون اول من يرد في موضوعك
أما بخصوص أنه الشاب يكون عاجبك و يستاهل ....فهو الشرط الأول طبعا وإلا فلا يتم الزواج عن إكراه ..

ولكن بعض الشروط التي تعجز الكثير من الشباب منها :

1- المهر يفوق العشرين مليون كأدنى حد .....مع الذهب لا أدري كيف هي تفاصيله الأن.

2- مراسيم العرس ...كبش لأمها وكبش لخالتها .....وكبش لجارتهم هههههههه...الخ.

3- السكن المنفرد صعيب و صعيب بزاف.
حنا عندنا في الشلف الاعراف و كاين زوج عندنا مي نقلك حاجة انا هاذو مانامنش كامل بيهم .انا دايرا حاجة في بالي و ان شاء الله نطبقها اذا كان الراجل مليح من الناحية المادية نقولو انت كريم و انا نستاهل و اذا كان قدو قد حالو و ماشي قادر نقلو انت ماتفرطتش و انا مانشرطتش.و الله حنا رانا في رحمة ربي من من جهة الشروط معنتها المهر ماشي يخلع بزاف و الذهب مايشرطوش المهم يديرلها واش قدر لانو عارفين نهار تولي في دارو رايح يديلها و ماراحش يسمح فيها اما الكبش الي راك تقول عليه حنا ماعندناش يروح يشريه باه يفوت عرسو لانو عرسها هي تتكفل بيه و السكنة ماشي شرط اساسي و الصح الوحدا راهي تقول عليه لانو المشاكل قووا بزاف مي اذا مكانش ماشي مشكل المهم يجي نهار و ين يخرجو بدارهم.هو صح كل واحد و عاداتو مي كاين شي عادات والله الراجل عندو الصح يبطل و مايتزوج يروح يدير بروجي بهذوك الدراهم و منبعد يخمم في الزواج

[morad81]

حنا عندنا في الشلف الاعراف و كاين زوج عندنا مي نقلك حاجة انا هاذو مانامنش كامل بيهم .انا دايرا حاجة في بالي و ان شاء الله نطبقها اذا كان الراجل مليح من الناحية المادية نقولو انت كريم و انا نستاهل و اذا كان قدو قد حالو و ماشي قادر نقلو انت ماتفرطتش و انا مانشرطتش.و الله حنا رانا في رحمة ربي من من جهة الشروط معنتها المهر ماشي يخلع بزاف و الذهب مايشرطوش المهم يديرلها واش قدر لانو عارفين نهار تولي في دارو رايح يديلها و ماراحش يسمح فيها اما الكبش الي راك تقول عليه حنا ماعندناش يروح يشريه باه يفوت عرسو لانو عرسها هي تتكفل بيه و السكنة ماشي شرط اساسي و الصح الوحدا راهي تقول عليه لانو المشاكل قووا بزاف مي اذا مكانش ماشي مشكل المهم يجي نهار و ين يخرجو بدارهم.هو صح كل واحد و عاداتو مي كاين شي عادات والله الراجل عندو الصح يبطل و مايتزوج يروح يدير بروجي بهذوك الدراهم و منبعد يخمم في الزواج

أظن أن كل فتاة لو أعطي لها الأمر لما إشترطت في زواجها سوى المعاشرة بالمعروف....لن تدخل في زمام الأمور تقاليد ومعتقدات و ...خوف من الناس و خجل و ...و..و... و مناظرة بمن سبقوها ومن جاورتها ...الخ ...
معناه حتى و إن قبلت البنت ...فسوف يكون رفضا قاطعا من طرف الأم و المقربين ...لماذا لكي لا يضح عليهم الناس؟

[soso sirin]

أظن أن كل فتاة لو أعطي لها الأمر لما إشترطت في زواجها سوى المعاشرة بالمعروف....لن تدخل في زمام الأمور تقاليد ومعتقدات و ...خوف من الناس و خجل و ...و..و... و مناظرة بمن سبقوها ومن جاورتها ...الخ ...
معناه حتى و إن قبلت البنت ...فسوف يكون رفضا قاطعا من طرف الأم و المقربين ...لماذا لكي لا يضح عليهم الناس؟
والله و كون نقلك شي بنات هوما الي يتشرطو و تقلك صاحبتي و بنات عمي و بنات خالي ماشي خيرمني .و هي الصح كي يكون الراجل راجل تاع صح اما كون يديرلي عرس تاع الف ليلة و ليلة و منبعد نعيش معاه تحسب جارية شراها بدراهمو واش فايدة العرس . مايقلي دفعت فيك بزاف تحسب ماليك باعوك مايقولي جبتك باطل تحسب ماليك ريحو منك و هو كل واحد و مكتوبو ربي يجيب لكل واحد على حساب نيتو

[badrolastar]

الحل هو البحث عن فتاة وحيدة لا توجد لها ابنة خالتها او ابنة عمتها ولا صديقاتها لكي لا يوسوسو لها في اذنها نحن في تلمسان من اصعب الامور هو الزواج فيشترطون الذهب بكثرة فمن له فقط (parrure) فهذا لن يقبل اما بالنسبة للبنت فتشترط في زفافها كل انواع الطقوس "عرس على الطريقة المغربية ممزوج بفرقة اندلسية و كورتاج بفوق 50 سيارة من النوع الراقي و مؤدبة عشاء تفوق 20 مليون سنتيم وكراء قاعة الحفلات ب 15الى 20 مليون سنتيم كل هذا من اجل اسكات افواه المعروضين ولكن هيهات الشعب يهدر يهدر لن يسلمو من الالسنة
اذن الحل بالنسبة لي هو محاولة الزواج على الطريقة الفرنسية فهم يشترطون لانفسهم (الزوج والزوجة) اولا الحب ثانيا عدم الخيانة الزوجية اما نحن فتجدها في الثلاثين من عمرها و ابوها و امها وخالها وخالتها والكل يشترط اما هي تبقى تتفرج رغم انها حياتها وكانها غير ناضجة
اتمنى التوفيق لي بالزواج لكن قررت بعدم الزواج في تلمسان ولا بتلمسانية (جلهم ماديون ).

[amura8]

[QUOTE=morad81;11116526] السلام عليكم :

موضوع اليوم أردت أن أناقشه معكم و أكيد يكون قد طرح من قبل لكن اليوم هو من زاوية أخرى.


[color="red"][size=

2 - وبالنسبة للفتاة هل تقدمين يد المساعدة لو تقدم لخطبتك شاب و تيسري له في المهر و الشروط ؟ وكيف ؟



انا صراحة نورمالمو الي يجي يخطب يكون واجد من ناحية كل شيئ ماشي يروح يسيي زهره والا معندهش ولا دخله قليل يروح يشوف بنت فاميلتها ميكثروش وناس الخير باينين بزاف والي يحوسوا غير يزووا بناتهم باينين
كيفاش هو ماشي واجد يروح يخطب وحدة باباها باين بلي عند روحه وهي متخرجة من لجامعة ولا منعرف ممبعد يقولك لبنات راهم يغلوا
يليق كل واحد يدي على حساب قدروه ويلازم الرجل يكون هو لفور على لمرة اوموا عنده شهرية مليحة
حنا عندنا المهر ب 9 ملايين ولا 10 وكاين الي يمد 6 كاي الي يستاهل مي الخروف من عنده اوموا زوج خرفان الدهب من عنده لابارير يجيبلها حقها
وكل وحدين كيفاش يتفاهموا مي الي عديتهم هداوك الاساسيات

[amura8]

البنت هداك نهارها وفرحتها وكيما يقولوا الرجل عيبه جيبه مي باش كل واحد يتهنى كل واحد يخطب وحدة على حساب مستواه هكا قاع يتهنوا واحد ما يتشرط على لاخر
الومهر نتاع وحدة خدامة ماشي كيما نتاع وحدة قاعدة في الدار وحدة شابة ماشي كيما نتاع وحدة مقبولة هدي ماشي هدرتي هدا حال المجتمع
انا بعدا ولد عمتي جاب وحدة من تلمسان ب4 ملايين مهر فقط و القبائل يقولك مهرها على حساب غرام نتاع الدهب في دا العام والدهب عمره لا طلع مليون للغرام وناش مستغانم يرخصوا كل ولاية وعاداتها

[عربية الهوية]

السلام عليكم
صح اخي لازم ينقصو شويا

عمبالهم العريس اللي جاي يخطب مسابقة حقق حلمك :confused:
مي اغلب هاذ المشكل عند الاهل
وكاين تاني بنات تقولك علاه صحبتي خير مني هيا دير وانا منديرش وتقول كلام الناس
لازم تكون قوية الشخصية ومديرش على كلام الناس
رمضان كريم

[arbodar]

انا نظن اكبر مشكل هو مناصب العمل
لانه لو تتوفر مناصب العمل للشباب المهر ماش راح يكون مشكل مهما كان
لانه كي يلقى الشاب عمل بشهرية راح في مدة عام يكون قادر يوفره

[السي محمد]

حنا عندنا في الشلف الاعراف و كاين زوج عندنا مي نقلك حاجة انا هاذو مانامنش كامل بيهم .انا دايرا حاجة في بالي و ان شاء الله نطبقها اذا كان الراجل مليح من الناحية المادية نقولو انت كريم و انا نستاهل و اذا كان قدو قد حالو و ماشي قادر نقلو انت ماتفرطتش و انا مانشرطتش.و الله حنا رانا في رحمة ربي من من جهة الشروط معنتها المهر ماشي يخلع بزاف و الذهب مايشرطوش المهم يديرلها واش قدر لانو عارفين نهار تولي في دارو رايح يديلها و ماراحش يسمح فيها اما الكبش الي راك تقول عليه حنا ماعندناش يروح يشريه باه يفوت عرسو لانو عرسها هي تتكفل بيه و السكنة ماشي شرط اساسي و الصح الوحدا راهي تقول عليه لانو المشاكل قووا بزاف مي اذا مكانش ماشي مشكل المهم يجي نهار و ين يخرجو بدارهم.هو صح كل واحد و عاداتو مي كاين شي عادات والله الراجل عندو الصح يبطل و مايتزوج يروح يدير بروجي بهذوك الدراهم و منبعد يخمم في الزواج


احنا في مران راهي بين 15 و 30 المهر


شحال انتوما ؟؟؟؟؟:1::1::1::1:

[soso sirin]

احنا في مران راهي بين 15 و 30 المهر


شحال انتوما ؟؟؟؟؟:1::1::1::1:
من جهتكم المهر شحال زايدين فيه نعرف ناس من تم يشتكيو بزاف من هذا الشي.حنا من جهتنا والله كل واحد و كيفاه مي الاكثرية ما بين 7 و بلاك يوصلوها حتا 12

[السي محمد]

اختي زوجنها العام الماضي ب 8 مليون و خاتم طبعا

ولكن نحن كاخوتها كنا نريد 6 ملايين

ولكن خالي ( وليها) طلب 8 اثناء الفاتحة

مد 4 في الفاتحة و 4 يوم العقد في البلدية

و فيما بعد زاد الذهب من عنده نحن لم نطلب و لم نشرط ( عاداتهم هكذا احنا خاطينا)
==========

والحمد لله زوجها لم يكن عامل نهار خطبها و لكننا بحثنا عن الرجُل ابن العائلة الكريمة


و الحمد لله ربي ما خيّبناش و ربي فتح عليه و هو الآن موظف و مؤمن اجتماعيا وبخير عليه

[soso sirin]

و هاذي والله القصة صرات لصاحب خويا راح خطب وحدا ماليها كاينلهم مي ناس هايلين لانو حتى مالين الطفلة و نعرفوهم و هو ماشي خدام نيشان باباها قبل مي واش قالو المهر الي نقلك عليه قول ايه و جيبهولي غير على جال عمام الطفلة و خوالها من بعد والله رجعلو اكثر من النص تاع المهر. و تاني حنا اختي نهار تزوجت في 2008 والله دفع فيها 6 ملايين و الذهب هو دارولها ماشي بابا الي شرط عليه.و الله كي خطبها بعدها بشهر دخل بوليسيي والله راهم عايشين الله يبارك و خرج ناس ملاح بزاف . مي والله الوقت راه صعيب بزاف و وليد العايلة ماراهش ينصاب .مي الزواج مكتوب و كل واحد واش راه كاتبلو ربي و كيما قلت هي مكانش كيما الاصل و الخير الواحد مايعرفش وين راه.